樂天冰室 (香港紗廠工業大廈)

营业中

休息中

呢間啲下午茶都幾抵食，菠蘿油陪杯紅豆冰都係$26 ，而且空間幾大，冷氣又夠同朋友嚟食返個下午茶都幾開心🥳酥皮蛋撻食落有驚喜，蛋嫩皮酥脆$6/個食完都想買返打返屋企

食飯時間，一次有好多人客。 我地叫好餐之後就等食物上枱。 事情就發生喇: 個高瘦的男侍應求求期期放嘢食上枱問係唔係我地叫嘅？ 一來環境嘈，二來叫完就唔會記實大家叫左咩野。 佢不停七八次都係咁！ 仲大聲夾惡，係我側邊吼叫，覺得我地反應太慢或答錯左而阻住佢！我係黎食野，唔係玩反應遊戲！再者，邊個係侍應？ 侍應有責任正確送餐去正確餐枱，而唔係亂俾一通要個客反映正確與否！連作為稱職侍應嘅基本能力都做唔到，可憐！（一向openrice用作搵食mark舖，今次定要破例給食評！）原本有唔少食物都想試，但決不會再去貼錢買難受！blacklisted!!

我諗如果得我一個人嘅時候我係絕對唔會食🤭事完呢間餐廳我老公力推☹️咁去推介度又係屋企附近咁就過去試吓啦💃🏻呢間舖頭超級大我哋搵咗個卡位坐低😝但係座位下面有啲餐具跌咗落地下🙈我老公叫咗個侍應諗住叫佢執一執點知佢一夜踩落嗰啲餐具度踢番佢哋出嚟🙈🙈當然明白咁樣做係快啲啦但係今時今日見到咁樣我就會諗到底我用緊嘅餐具乾唔乾淨🤪🤪都係果句眼不見為乾淨你唔喺我面前做都好地地👉🏻👈🏻講返嘢食先叫咗個涼瓜排骨飯就排骨🤣火候十足味道都好食🤟🏻咁我就叫咗個是日晚餐首先嚟咗個餐湯其實冇乜要求嘅係唔難飲🤷🏻‍♀️跟住再嚟咗個餐包凍冰冰🤷🏻‍♀️主菜嚟啦咩都唔差夠飽肚茄汁意粉堅好食💃🏻最後兩杯嘢飲完

rude af don’t go. i told them i don’t want egg in a dish and they called me dumb bc that dish didn’t have egg. like tf do i know?? i’m allergic and just giving you a heads up. like i just went for lunch, not to get insulted. the ppl i went with says it’s NORMAL to get insulted in that restaurant. like what?? worst service i’ve ever had.

點了下午茶的乾炒牛河。我個位 (最入的卡位) 可望到出菜處。等了良久終於見到一次過出很多很多碟牛河，心裏已覺不炒。果然，碟牛河中間有好多部份都係不太熱的，有幾＂住（音）＂河粉甚至仍是痴實一舊和冰凍的！ 顯然由於太多碟一齊炒而未炒透。先後向兩位伙計反映，兩人皆是"哦＂了一聲就走左去，有點無奈。我平生最不喜歡浪費食物，但諗諗下都驚再食下去若腸胃炎就更不值，止蝕走人。埋單後我禮貎地跟櫃檯說一聲，著師傅不要"一口氣炒N咁多碟" ，櫃檯也沒甚反應，令我懵懵懂懂的......除非迫不得已，我應該不會再去了。

今天早上約了朋友去樂天冰室食早餐，我哋總共四人，我同另一位朋友先到，坐了一邊比較長嘅卡位，打算等埋另外兩位朋友到先至一齊點餐。當我同朋友傾偈嘅時候有一位比較年靑的四眼哥哥行過嚟，一手插入我地枱面嘅三隻水杯問：「你哋係咪三位？我幫你地轉去另外一邊比較細嘅卡位坐。」我同朋友都愕然，呢張都係四人卡位點解要我哋調去另外一張細枱，讓比其他四位嘅人坐呢？於是我哋就問個侍應生，佢就晦氣回答我哋未叫野所以要我哋轉去另一張枱。佢當時態度極冇禮貌，咁我回答佢依家馬上點餐，佢就即刻離開。呢位侍應生已經唔係第一次咁冇禮貌，我哋決定以後唔再幫襯。

夜咗收工係公司附近食埋先返屋企，行過見到9點幾仲係咁多人就入去試下。叫咗個鹹魚雞粒炒飯，啲雞肉好大粒，用嚟炒飯嘅話，好似唔係好啱比例，另外鹹魚係一嚿嚿硬骨骨，冇鹹魚香，之後有部分嘅飯係白色，好似炒得唔太夠冇乜鑊氣。

🌹放假聽電台飲食節目，話題是茶餐廳，起初沒有太大的興趣，一路聽他們介紹很吸引，抱住一試無妨心態，星期六早上去《樂天冰室》探店。🌹食店位於荔枝角地鐵站附近，十分方便，裝潢就是一般茶餐廳，不過是大型的茶餐廳，有潔癖的我，好少幫襯茶餐廳，同自己講去吃就不要求太高。🤣🌹餐牌貼在桌上，早餐有多款選擇，我和老公都選擇了招牌沙嗲牛肉麵套餐，等了數分鐘食物上枱，先來沙嗲牛肉麵，份量大份，配料足，味道好，好吃。跟住上丹麥酥多士及煎蛋，多士不是一般麵包，不過卡路里較高。沙嗲牛肉公仔麵⭐️⭐️⭐️⭐️丹麥酥多士加煎蛋⭐️⭐️⭐️港式奶茶⭐️⭐️⭐️個人評分食物味道⭐️⭐️⭐️飲品⭐️⭐️⭐️服務⭐️⭐️環境⭐️⭐️衛生⭐️⭐️抵食⭐️⭐️⭐️⭐️回頭率⭐️

新開幾個月嘅樂天冰室，眼見咁多人排隊幫襯。今日我終於提議同朋友一齊去食。本來係滿心歡喜想想試試新野，點知換來一肚火。首先，選擇非常少, 得ABC三個餐。其次，D服務員嘅態度好差，語氣差，呼呼喝喝，趕住落單，趕住逼人走。最唔鐘意就係搭枱，我唔介意其他客人都介意啦，人地新既客坐5分鐘都要求調位，點知佢地又搵新既客離坐。我唔介意叫多幾味餸。個個又冇，呢個有冇。呢個係香港普遍茶餐廳嘅問題，作為消費者我覺得必須有原則，有要求，我只希望食開心同快樂。

是日打算和朋友食lunch，但哩間冰室奇怪的是有部分台。可以兩個一台唔洗搭，其他台都味搭晒客，唔知點解堅持我同我個fd一定要搭客人，同埋服務員態度什為惡劣，還有明明見餐單有小菜，我們一再退讓打算叫兩個餐+小菜，服務員竟然迫我們再選一個餐，無視客人要求，什至以吵架主動向我朋友引起罵戰，以荔枝角食物選擇同服務態度黎講，可以有更好既選擇。

呢一間茶餐廳唔係開咗好耐，不過次次經過，包括早餐、午餐、下午茶時段都成日人出人海排長龍，今日經過竟然唔洗排隊，於是入去食咗個早餐，食完之後終於明白點解成日都排長龍，因為性價比直係超高。想知一間出色嘅茶餐廳嘅水準有幾高，最容易就係叫佢嘅沙嗲牛肉麵，先講佢嘅牛肉，一入口就知道唔係平價貨，食得出佢嘅牛肉係有質感嘅，唔似出面好多地方食到嘅「乸」到無晒質感無晒肉味，至於佢嘅沙嗲汁都似乎製作認真，因為竟然有花生粒，而個汁亦唔咸，掂。跟住講多士配炒滑蛋，多士好似叫做香酥丹麥多士，名唔重要，最重要係吸牛油力極強，成件多士都充滿牛油味，好正。炒蛋夠滑，非常滿足。凍奶茶就正正常常啦。最後值得一提係D伙記，無論係年紀大D或者係後生D嘅，都非常專業，真係有賓至如歸嘅感覺。食完呢個早餐，終於明白點解呢間野日日都咁多人幫襯。

非一般的冰室位置在工廠區附近，所以舖頭十分之大，座位非常之舒適👍🏻👍🏻👍🏻雖然地方很大，可以坐好多人，全程所見座無虛席😱😱😱睇埋佢個餐牌，仲嚇死你添，啲嘢食選擇可以多到咁樣😁😁😁平時食嘅常餐公仔麵…有，你想鋸扒…有，你想食泰國嘢…有，中式炒飯麵…有，馬來咖喱…有，仲有好多….犀利到有自己嘅麵包舖喺隔離（係新鮮麵包呀）冇可能搵唔到有你啱食嘅嘢🥳🥳🥳今次食咗菠蘿油、芝士肉醬焗飯、炸雞髀薯條、冬陰功湯河和瑞士雞翼汁公仔麵常餐一個(以上配搭真係乜都有😆😆😆）廢話唔多講，全部嘢食都非常好食，呢間樂天一定會再嚟👏🏻👏🏻👏🏻

荔枝角真係太多好嘢食，但係我地今日又再戰樂天！因為地點方便，食物款式選擇多，坐得舒服，所以我地都不作他人想啦！今日我地點咗份全日早餐同埋精選晚餐互相分享！講吓個全日早餐，竟然有兩塊丹麥脆多士，咁我地可以一人一塊，脆得嚟唔會過硬，裡面仲係軟腍腍嘅，好食！黑松露炒滑蛋，好重黑松露味，滑蛋炒得非常嫰滑，口感好creamy。呢間店聲稱使用日本蛋，所以蛋味先咁香濃咋！另外，精選晚餐塊雞扒勁大塊，係雞脾嚟架！滿滿蒜蓉味，又令我好回味以前可以ＢＢＱ嘅日子呢！

-焗芝士黑椒一口牛飯($58)🐮可以自己揀配意粉定係飯🍝，我同朋友都係飯桶🍚，所以我哋兩個都好自然咁叫咗飯😂。嚟都望落去都唔錯而且好香👃🏼，而且都見到好足料有好多芝士🧀。一”筆”落去已經feel到勁多醬汁🤣，食落去果然同個湯一樣☠️，會唔會鹹咗少少😅。所以食食吓我都頂唔順😵， 首先”筆”d芝士俾我個friend👯‍♀️，再”筆”走少少汁，因為真係太鹹🥴。雖然味道唔錯而且一口牛都幾軟熟唔會好韌👍🏻，但係口味真係重咗少少🤢，朋友頂唔順直情飲晒杯凍檸茶之後要去再買多支茶黎飲🤣。-紅湯(套餐附送）🥫雖然望落去好似冇乜料🤥，但係一”筆”落去都就見到有好大嚿牛肉🤩。但係唔知係咪落鹽落重手左😅，真係好鹹🥴， 所以最後我不晒啲菜🥕，紅蘿蔔同埋牛肉嚟食之後就冇飲個湯啦😗。-凍奶茶(凍飲+$3)🍹平時非常之港女咁會叫少甜少冰👸，但嗰日真係好熱出晒汗🥵，所以諗住咩都唔減😌。點知呢間野真係好料😅，同以上兩樣一樣🙃，杯奶茶超甜🤥，大家要知道我本身都好鍾意食甜野都覺得好甜🥶，所以大家如果有機會食呢間嘢記住要少甜啊🤣。✨ 嗰日咁啱喺附近買完野好肚餓🤤，點知淨係發現到呢間餐廳🤥。原先諗住睇吓附近有冇其他餐廳選擇🤨，因為都

每日經過，門口都大排長龍搞到我都好想知點解？於是我就特登避開lunch 時間去，結果都係等咗一陣，試完之後就覺得呢間茶餐廳都幾好食，不過就唔需要為咗佢而排隊，因為佢未係超級好食，亦都唔係特別平，只係正常價，但係我諗如果冇咩人我都會成日食嘅芝士黑椒一口牛焗意粉 餐湯 凍檸茶 $58 （4.5/5）牛肉份量都幾多，一口牛好林，好好食！我好鍾意佢有芝士同埋好多汁，意粉一啲都唔乾，啱啱好，但就覺得佢黑椒汁有啲鹹，當啲汁好多而佢又鹹嘅時候，就覺得成碟野都好鹹，如果味道淡少少就更好乾炒牛河 熱檸水 $42 （3/5）不過不失，正常的乾炒牛河，溫度係足夠熱的，但味道偏淡少少，濃返少少會更好食