樂天冰室 (香港紗廠工業大廈)

营业中

休息中

呢間樂天新裝修完環境好好，好多卡位，又有vip貴賓房圓枱，服務員態度非常和藹可親，仲成日同人講笑，唔洗開口都問我哋要唔要碗仔(share食）焗芝士咖喱🍛雞排飯 $67面頭好多芝士，咖喱非常之香濃同多汁，雞排係煎過，雞皮好脆，雞肉厚嫩多汁，唔會太咸，飯係炒底，用左雞蛋🥚去炒，用心去整既！所以好好食！濃香星洲炒米 $57好香濃咖喱味，炒到好香同埋乾爽，仲有好多蝦仁，同叉燒，唔會話成碟芽菜，底無油剩底。

嚟到荔枝角，過咗午飯時間呢間樂天冰室都人頭湧湧，我就去試吓啦，點知都幾失望。💰全日早餐連熱飲 $54🍳黑松露蛋其實味道幾好，但第一啖完全唔熱，第二啖微微暖，第三啖有啲唔熱又有點暖……總之一份炒蛋有兩個溫度，食嘅時候條脷完全無所適從。🌭法蘭克福腸好難食，未食過咁難食嘅腸，唔係肉味嘅，咬咗一啖之後無再食。🐟炸魚柳勁大塊，勁熱，脆口，幾好食。🥓煙肉口感有少少假，正常煙肉味。🥪丹麥酥目測好靚，無即時食。☕️熱奶茶味道其實無問題，但一上枱就已經處處奶茶漬，要自己抹乾淨先可以享用。👂偷聽對面食客話雞肉麵（？）裏面嘅蘿蔔係生嘅，食唔到🙈🤵🏻‍♂️服務伙記真係勁有效率，態度都ok，廚房出餐五分鐘都唔洗。🌟總括而言趕時間要塞飽個肚可以嚟，有番啲要求的話應有更好選擇。📍 樂天冰室 (荔枝角)荔枝角長沙灣道808號香港紗廠工業大廈1及2期地下C2B號舖

上一次喺呢間食過個 「銀芽肉絲脆麵」，芽菜仲多過個麵😂，肉絲就得幾條，味道就不過不失啦。今次食個幾講究廚師手勢嘅「瑤柱蛋白炒飯」。差到不得了！首先飯粒硬得誇張，係硬到似生米，咬極都唔爛。其次，啲蛋白炒到超級老，老到咬落去係霉的！！😵😵

如題份量少, 個炒蛋雪糕球都大過佢！Pat 蛋，我兩啖食完，如果係男人，應該一啖就好無左……唔知係唔係常餐先係甘…..態度差，店員係掉落嚟的！！其實我都幾想叫停佢問佢「咩料」….不過我啲嘢未齊，驚佢加料…..所以都係忍下口….唔知係咪老闆刻薄佢呢…個靚仔！荔枝角其實都好多餐廳選擇，下次寧願行遠少少或者過對面馬路😅唔明點解仲甘多人排隊……..$52，附近好多地方比佢好啦…..第一次食，試過就算！真係可一，不可再！

是日叫了個早餐A，轉炒蛋，目測份量不足一隻雞蛋，嘗試找職員查詢，一概不理。只是簡單回答，係呢個份量，便轉身離開。原本早餐A是煎雙蛋，但轉炒蛋後卻只有一小份量🤔職員態度欠佳，沒有為食客提供足夠的服務😨

平日早上9:00，荔枝角都有好幾間茶餐廳平民冰室 地方好大 目測有70幾張枱見到幾舒服就入去試下佢既早餐沙爹牛肉麵 炒蛋 丹麥酥 凍檸茶份量都夠大 速度快 落單3分鐘左右就有野食由於早上時間關係 訓醒就去食早餐胃口全開 一上菜就影完張相就全速進食好快就比我食晒 可能因為好肚餓😝當然都要好味先可以入到口喇沙爹牛醬好濃縮 牛肉都好淋 好易入口麵條相當唔錯 有咬口 炒滑蛋 好滑溜 岩岩好 入口即溶既口感丹麥酥 第一啖咬酥脆卜卜 仲帶有一點點甜味

時不時買哩間鋪嘅麵包，味道係好食嘅，不過態度係唔好嘅。一向店員都冇乜禮貌，面黑黑咁都算了。今早仲要執錯包，找錯錢，都唔緊要。不過做錯嘢仲惱羞成怒就好過份。我買两個9蚊包，俾20蚊，佢就響台面推两個5蚊一個1蚊俾我，我就話唔啱伸手指推個两蚊話：找两蚊先啱。根住個肥姐就話我唔可以自己拿佢地嘅錢。咁即係我應該拿果11蚊先啱？真係傷害不大，侮辱性極強。令人非常憤怒。

每次經過都見到麵包櫃內的麵包脹卜卜，貌似美味，今日再經過，見到有一條小人龍，於是就去湊湊熱鬧。雖然剛吃飽自助餐，但今日好想食雞尾包，不過排隊只買一個包又好像不太抵，所以就多加一個沙律煙肉包。雞尾包麵包大概出爐沒多久，所以經店員一夾，就有點變形，還好也不是太醜。麵包暖暖的，包皮外脆內軟，而且麵包外皮很薄，餡料澎湃，不是誇張，光是把麵包撕開的動作，已經不斷‘’跌餡‘’。餡料不是死實一團，反而帶點鬆散，很喜歡它沒有明顯的椰絲碎，吃起來口感比較軟滑。餡料帶淡淡奶香和椰絲香味，不會過濃，味道很平衡，而且甜度適中，不錯！還是第一次吃到這麽美味的雞尾包。$7一隻，值得encore。沙律煙肉包抱著食普通沙律醬包的心態，比想像中更有驚喜。本以為餡料只是薄薄一層，但撕開麵包後，發覺麵包中央是一個小洞，藏有不少煙肉片，並不是切得細細的煙肉碎，加上醬料很多，每塊都沾有滿滿的沙律醬，非常足料。沙律醬不會太酸，雖然沒經香煎，稍欠了一點焦香味道，但煙肉肉質軟而且不會很鹹，微微鹹味配上沙律醬也是絕佳配搭！服務方面，店員尚算有禮貌，不過就稍微欠細心，雖然每個麵包都有紙袋裝好，但袋沒手挽，拿起來不是太方便，最後要求才給我

We were in the area to check out D2 Place weekend market and wanted to grab a bite beforehand. This is where we found a good number of people heading into this cha chan teng. So, we decided to just follow the crowd and went in. A rather nice looking place and it was very large.Menu is in Chinese only. There is no English and no 10% service charge. When we were here, afternoon tea session had just begun so the tea set menu was available.Sets include a drink but if you add $3, you can upgrade to a

侍應態度差 為了做更多生意強行把兩組人塞在同張枱 尤其在疫情嚴峻時候這樣做很不好即使在下午茶時段人亦很多 要等一陣才有位叫了瑞士雞翼撈麵餐 瑞士雞翼10分嫩滑入味 撈麵也很有彈性配的牛油多士和奶茶質素也很好 難怪這麼多人光顧如果服務態度改善會更好

呢間冰室每到打卡仔放飯時間就會大排長龍 嗰日都去左試佢地個lunch set 真係幾抵食 $60唔使就包一個餐嘢飲同湯上次食咗雞扒餐 最正係佢呢度可以揀原個焗薯仔 唔係配薯條或者薯角 夠健康又飽肚🥔個雞扒都超大塊應該係用咗雞髀肉好嫩滑！

荔枝角一向好多好嘢食，每次經過都見到樂天冰室門口大排長龍。一直想試試佢😍乘着疫情關係，大部份人都WFH ，今日終於可以一試.咖喱吉列厚切豬扒 $62 .豬扒炸得金黃鬆脆，火候上啱啱好外邊吉列皮唔會太厚身，豬扒入邊依然keep到鮮嫩唔會好乾身我本身細食都忍唔住清晒佢🤪.咖喱並唔係一般茶餐廳咖喱。佢比較偏向馬來西亞嘅方式烹調。 唔會好似香港黃色杰撻撻。 一般都會加好多椰奶去煮。佢椰奶比例唔高。入口香辣有層次。 攞嚟撈意粉簡直一絕。 .意粉就不過不失，正常茶記水準.熱飲叫咗杯熱可力.一餐雙重滿足，返到去睇來都要跑下步😆

一家三口等咗一陣位被安排去坐長枱, 三人用隔板隔開(但當時週邊都有幾張四人枱), 安排坐低落咗單之後, 後面張長枱有一家幾口坐低, 中間有放隔板, 等咗十分鐘左右後面張枱食物陸續到, 但我哋叫咗三個午餐就乜都未有, 同侍應問緊單嘅同時, 我就見到幫我哋落單嗰位侍應, 我話你可唔可以問返呢個同事有冇落單？ 佢就係咁同我講咗幾次得得得.....叫我而家再落返單, 剛好落完單，又另一位侍應走過嚟叫我哋起身過嚟, 我問咗幾次咩事起身佢都唔答, 淨係叫我哋起身, 然後帶我哋去另外一張枱叫我哋坐低(係一張三人枱), 咁都算...... 坐低咗之後, 另一個又叫我哋你哋要分開兩張枱坐, 我哋話中間唔係放隔板？ 佢就話比人捉到要罰三萬, 啲語氣重要極度差.......之後又有另個待應埋嚟加把口，裉住火都嚟埋索性走人唔食，話過以後都唔幫襯佢

今日突然想懷舊一下飲紅豆冰，但附近的大X樂和大X活的水準都麻麻，所以就試試同事大讚海南雞飯好味的樂天冰室。看了餐牌，紅豆冰單點$24一杯，感覺又好像不太划算，但以剛剛吃完自助餐的我來說，要吃一個全餐都頗勉強。最後，終於被我找到一個輕量級全日套餐：招牌菠蘿油配經典紅豆冰，$26，外賣的話加 $2 (其實麵包只是用紙袋入好，不是用外賣盒，$2有點....)菠蘿油比平常菠蘿包的體積大一倍，麵包內夾有一塊厚約5mm的牛油，大約覆蓋2/3個麵包。麵包不是新鮮出爐，已經完全冷卻，鬆軟程度自然不及熱辣辣出爐的麵包，但以冷卻的麵包來說，整體鬆軟度還可以，沒有很硬。表層甜酥皮同樣有驚喜，即使冷卻了也完全沒軟掉，口感仍然非常香脆，脆而不乾硬。另外，吃起來也不會散落一地，加上脆層無論厚薄和甜度都適中，整體不錯！可惜我沒設備翻熱麵包，不然麵包會更好食。另外因為沒得翻熱，麵包冷冷的情況下，牛油未能溶化，仍是硬硬一塊，口感上多少有點缺失吧！紅豆冰單看外觀，紅豆跟奶的比例比較平均，不錯！味道方面同樣不錯哦！紅豆份量多，煮得軟腍且不失粒粒口感，值得一讚的是，跟奶混合後，整杯紅豆冰的甜度剛剛好，紅豆的甜味和豆香沒被溝淡

普普通通的餐廳，雞髀即叫即炸，要香有香，應脆得脆，熱辣辣，大大件，好少地方有咁好食的雞髀，唯一唔好係薯條太少，少得可憐，一定唔夠喉，不過下午茶黎講都算不錯的，如果想食鮮炸雞髀可以考慮呢間