樂天冰室 (香港紗廠工業大廈)

营业中

休息中

一日之計在於晨，早餐吃得豐盛一些，人都倍感精神，冲勁十足，美好的一天就是如此啟動。早上去試了這間新開張不久位於工廠區的茶餐廳，相比同區內殘舊的食肆，這樣環境很實在是太好了，地方也寬敞舒適，亦由於是新開的關係，餐廳內部比較清潔。選擇的種類很多，第一次來真的想了好一陣子才能下決定。雪菜肉絲米粉很爽口，但湯頭就不算太濃，炒蛋轉了兩只太陽蛋，生熟度剛剛好，吹彈可破，整個餐最特別的就是那塊丹麥多士，有別於一般烘得硬嘣嘣的做法，這個牛油味很重、口感很軟熟，就連咖啡都沒讓人失望，好正啊！

今日又嚟到荔枝角搵嘢食，晚餐想試吓新餐廳，於是就去咗長廣對面新開嘅樂天。記得未易手前嘅餐廳係將軍堡，屬於舊式街坊茶記格局，有常餐以及粥粉麵飯小菜等供應。疫情期間裝修咗好耐，開張之後就煥然一新，變成而家望落好新派、好光猛嘅餐廳，已經再唔係舊式街坊茶記格局啦！我地搵咗個卡位坐低咗，店員隨即攞咗兩杯滾水俾我地浸餐具。喺我地等緊嘢食期間，店員都做到冇停手，不停走嚟走去！男友點咗個鮮魚湯海蝦球泡飯，我試咗啖湯，覺得好似飲緊忌廉湯，湯比較杰身，都幾好飲喎！但我就飲唔出有冇味精喇。粒蝦都幾爽口彈牙，冇乜雪味。我就點咗個是日晚餐，自家製餐包最後先送上，但係非常鬆軟，有驚喜！厚切豬鞍啲肉質好腍好味！華路夫忌廉湯冇乜特別，同平時飲到嘅一樣！薯菜係原隻焗薯，呢度有加分！總括而言，價錢比起冇乜裝修嘅茶記貴些少，但係坐得舒服，都已經值回票價啦！

今日去咗荔枝角打拳🥊打完同朋友都好肚餓，但見出面落好大雨🌧我地又得一把☔所以諗住都係唔食行返落地鐵站走人，點知行行下又细返雨，沿途行去地鐵站條路，經過原來有間好大茶餐廳,所以即入去醫肚先差不多5:00，食晚飯又好似早得制，所以朋友點了下午茶🌭樂天熱狗皇我最愛熱狗係配芥辣醬😋所以我食咗一啖👍腸好大條，包都烘得好脆🥤凍檸茶我就有d肚餓😋🥩黑椒牛肉炒意粉牛肉都大片同炒得香口😋但個意粉有d硬，口感食落麻麻👎🧋招牌紅豆冰呢個红豆冰有驚喜😍唔算太甜加上红豆大大粒😋食落粒粒好好咬口🥣中湯一般茶記中湯味道

之前路過 見到呢度出既麵包大大個又抵食 都會買個菠蘿包做下午茶今次第一次入去食～ 係驚喜呀～～睇茶餐廳水準 就靠個常餐個常餐唔係普通方包 而係丹麥牛油酥😱😱😱😱正呀 岩哂我牛油融入塊包 除左勁好味之外 都真係諗唔到其他形容詞成份餐 做得好有心我食茄牛通 第一次食咁濃既湯做湯底 加埋d通粉 絕配呀同枱有另一個常餐配搭 係豬扒烏冬塊豬好大講番個炒蛋 好似係日本蛋😬蛋香濃郁我家人都叫左個午餐 係牛扒餐 塊牛好大好抵食 唔係平日茶餐廳塊牛無味又淋果種而係一塊好味牛呀仲有一樣不得不講 係佢既野飲！！佢個凍奶茶好大杯😬仲有用鐵杯裝 令溫度keep得好好🥶🥶🥶總括黎講 係區內高質既茶餐廳～

樂天冰室📎菠蘿包菠蘿包啱啱出爐非常鬆軟🥰表皮亦都香脆，好濃蛋香📎雞尾包內餡調味啱啱好，唔會過甜😆📎沙嗲牛肉通粉跟餐有一個丹麥吐司🍞好香牛油味咬落酥脆🤤比白麵包好食好多炒蛋略嫌比較重口味，整體有少少鹹🙈沙嗲牛肉嘅表現反而正正常常，通粉分量充足👍🏻值得一讚嘅係食到最尾仍然有足夠嘅沙嗲🤔唔會淡而無味餐廳環境闊落，可能因為工廠區嘅關係😼同普通茶餐廳相比非常之大，裝修亦都好新淨，近地鐵站非常方便🥸

呢間冰室開左一排都未有機會食,今日同同事試試佢.最近LCK太多餐廳開,食都食唔澈.原來呢個位置既餐廳係好殘好舊,又無乜人食.而家轉左樂天之後即刻唔同晒, 又靚又大.入面仲要勁多位. 大到不得了. 中午黎等左一陣已經有位$50 常餐 豬扒烏冬 豬扒係薄切,肉就真係麻麻地,用鬆肉粉"那"得太勁但味道唔錯 個餐真係好大份因為仲有火腿炒蛋W/丹麥多士呢款多士都唔係間間有,通常都係普通薄方包呢間仲要烘過,上面已經有牛油,熱辣辣. 又香又脆. 好好吃仲有仲有!!  加$3蚊就有勁大杯紅豆冰 真係勁大杯架!!!反而我另一個餐凍檸茶要加$6 變相就唔抵$50+$5泰式海南雞金邊粉 轉冬陰公湯+5蚊既湯係偏酸,唔辣既冬陰公. 同小XX作個碗既湯底差好遠呢.佢雞都幾多下,都有8舊左右. 滑既 多肉既 唔肥既 幾好

星期六本應係 #小秘書 一星期一次 #自然醒 嘅 #大日子，點知晨早流流比阿媽嗌咗出去幫手👉🏻👈🏻 時間唔嗲唔吊😅 唯有食個早餐先算… 嚟到 #荔枝角 #人生路不熟，對腳自自然然就行咗去「香工」方向，數數手指都有年幾兩年無嚟shopping，原來附近開咗間新嘅 #茶餐廳「樂天冰室」我都唔知🤔 見佢外表靚靚囝囝，一於去試吓佢嘅手勢🤤#工廠大廈 嘅舖位樓底比較高，加上 #新裝修，望落去都幾醒神。呢日我揀咗我至愛嘅 #火腿通粉 配 #太陽蛋、#熱奶茶。望落去份 #早餐 嘅外觀都唔差㗎，不過個通粉嘅 #湯底 就麻麻哋👉🏻👈🏻 唔夠熱之餘、味精都幾重，至於兩隻 #太陽蛋 會唔會係生咗啲呢？連面頭嘅蛋白都未凝固就拎出嚟😅 最終都係要撈落啲湯度浸熟佢先敢入口😮‍💨 好彩杯 #奶茶 都夠茶味… 算佢啦😃

因為晚上要喺荔枝角上🏹堂，所以睇下有咩食先！呢間之前係將軍堡？無食過，又見到門面乾淨企埋，而家興既餐室設計，所以試下先！一入去光猛。感覺唔錯。舒適！我叫左個芝士海鮮焗意粉🍝等左10分鐘甘。快過我老公個扒。非常之熱辣辣甘上枱。焗意面係有擺款分類甘。個兩隻青口加曬分，靚晒。唔係一炸甘pat上去架！ 白汁唔會好溜，芝士有拉絲效果。啲海鮮有青口，墨魚仔，蝦仁🍤，魚，帶子，都無咩雪味！好味！老公個扒。兩舊厚牛柳。切得開！非常之易切同淋。配菜啲翠玉瓜唔夠熱。驚喜係焗薯。好淋好有薯味。感覺成份無甘熱氣。好過出面一般嘅炸薯條配雜菜豆。個鐵板係會跟羅宋湯同餐包。個餐包係餐廳新鮮製造！好鬆軟好味。所以走時我哋去左隔離買左個雞尾包同酥皮蛋撻。諗住放學食！好好味😋

今日行過呢間樂天冰室見到佢地裝修幾光鮮但由於已經食左午餐正餐真係食唔落喇所以見到佢地有賣麵包就決定左買麵包試今次買左3款麵包海鹽豬仔包、雙重芝士條、脆皮菠蘿包海鹽豬仔包 HKD 6豬仔包就本身都帶少少醫咸味嘅用左海鹽，的確有令到個咸味提昇左少少加上有少少白芝麻，令到個包更加香雙重芝士條 HKD9芝士味好香，麵包都好鬆軟但係雙重係指用上兩隻芝士還是係點呢？就食唔係太到，因為都係同平日食個啲芝士條味道差不多脆皮菠蘿包 HKD7要記得菠蘿包係港產野黎！所以要試下一間茶室夠唔夠港式除左奶茶之後就係一定要試佢個菠蘿包（如果佢有自己出品）睇個皮就知道佢好脆食落口就知道，的確好脆！真係好食嘅菠蘿包就係咁皮一定要脆、包一定要鬆一啖咬落去就係雙重感覺如果要排次序的話菠蘿包一定第一，之後就係海醫鹽豬仔包、最後先到雙重芝士條

荔枝角工廈林立，當中有樓上鋪或者街鋪，坦白講質素參差，好多試完都冇下次。晌D2 place 睇完戲，想食地道d , 就去咗試，店舖位於地鐵站出口，好方便😁響星期六2:40pm 到達，竟然門口有一條大約5-6人的人龍，正擔心要等好耐之際，店員就安排一組組客人入坐，但原來餐廳面積好大，入面有大量位置，我就點咗個下午茶餐—至尊菠蘿包菠蘿包皮脆，入面夾咗生菜、芝士、火腿、蕃茄同太陽蛋，係一個港式漢堡，太陽蛋汁加埋一齊係有加分，令菠蘿包多一份蛋香。熱奶茶係茶味較濃，正式港式奶茶👍🏻$35蚊令我滿足，都值得一試

我食常餐連凍飲價格$53， 夥計俾錯另一枱張$63單我，我冇為意去到收銀先知佢俾錯單，收銀阿姐竟然答我「冇㗎喇」，張單係$63就係要收$63， 我叫常餐係$53，咩叫「冇㗎啦」，結果攪咗一輪等佢大佬出來對單，請着呢啲收銀真係趕客，下次不了。

食物質數是不錯。但我剛放下筷子，待應即刻收了我的碗及碟。感覺好像被人睇住一樣。當我老公食完又是這樣即收碗碟，今次還收左杯凍檸茶，後來發覺未飲完，又攞回給我們！這樣服務正常嗎？

呢間位於長沙灣道808號香港沙廠工業大廈1及2期地下C2B地舖，即荔枝角地鐵站B1及B2出口中間，店名樂天冰室，呢間茶餐廳裝修舒適，服務態度良好，食物方面幾乎樣樣都好食，由期麵包類食物，可能係自家出品，新鮮熱辣辣出爐，特別好味，每款麵包都好，我近期早餐、雖然買麵包或食午餐都大排長龍，但都值得等候的，因為好食及價錢合理，餐牌選擇種類很多，焗飯嘅飯是炒飯再焗，非常有誠意，午餐、晚餐有餐湯及飲品跟，特式飲品紅豆冰亦是唔錯的選擇。👍🏻

荔枝角工廠區新開業 茶餐廳，（前身是 將軍堡 舊址，長沙灣道），早餐，下午茶都試過，咖啡（個人口味）覺得非常可以，早餐炒蛋，配多士（不是普通白方包）是丹麥酥多士，質地非常美味，其他餐廳比較少提供，可能因為此餐廳設有麵包房，餐廳旁有自家麵包店舖，售賣麵包，早餐的沙爹牛肉麵亦不錯，咖哩牛筋腩飯，馬來咖啡，椰香味濃，食物沒有失望，內部裝修（比上手漂亮乾淨好多），感覺舒適，很多卡位，重新設計後，唔知點解室內會大咗好多。

之前幫襯過一次荔枝角嘅「Delifrance」食晏，就發現晌隔幾個鋪位開咗間新茶記「樂天冰室」，附設有麵包店，表示佢哋嘅包都喺現場新鮮做。見阿姐落力派單張，攞咗一張睇睇，有幾樣嘢好啱心水，所以，今日專登同老婆上完馬騮山行轉短山，回程取道到荔枝角，嚟「樂天」食個下午茶。 以附近嘅茶記計，「樂天」嘅環境算非常好坐，因為，地方大，裝修新簇，企理整潔，本身喺啲工業倉，所以，樓底亦稍高，以卡位為主，啲卡位也頗為闊落，舒服好坐，而好多防疫措施亦有做足。 基本現代茶記設定，就喺將所有餐具、調味料、紙巾，放晒晌枱邊嘅櫃桶。所有嘢都井然有序，排列整齊。唔好睇少呢樣嘢，從個櫃桶就睇到店家嘅管理及服務質素去到邊。 餐廳嘅所有食物都貼晒晌枱面嘅玻璃之下，一目了然，不過，亦有啲外賣單張攞，所以，就可以索性掃描出嚟俾大家參考，款式包羅萬有。招牌菠蘿油餐 $26因為見佢哋喺自己焗麵包，唔喺用來貨，自然「新鮮」好多，加上菠蘿油一向喺小弟心水，再者，配埋紅豆冰先賣$26，定價真喺非常平，點可以唔嗌呢個餐吖。個菠蘿包堅喺新鮮熱辣，怕件牛油嚟到已溶咗一截，所以，牛油另上，匙羹下面仲放咗啲冰粒鎮住件牛油。「菠蘿皮」勁脆口，而