榮記粉麵

营业中

休息中

知道糖街總店常常排長龍﹐所以未試過尊登去嘗試。行經此地見到這裡開了分店而由不用等位﹐所以一行兩人進店內試試。因知道這裡湯底很濃很鹹﹐所以本人盡量叫一些比較唔吸湯既餸。墨魚頭﹐豬頸肉&牛肚米﹐ 老婆叫了墨魚頭﹐豬皮&冬菰幼麵。上枱時﹐見到兩碗車仔麵的湯底很深色﹐碗內側也被其深色湯底長時間地漂染而變得深色。味道雖濃但帶香﹐因他們落了冬菜以及蒜粒。墨魚頭 - 很爽口﹐可以算是首選。豬頸肉 – 薄切﹐肉質淋但味道沒有豬肉香﹐因味道以被其濃湯複蓋。牛度 - 軟硬適中﹐沒有半點牛’so‘味。豬皮 – 可算過得去﹐沒有油益味。冬菰 – 厚肉﹐炆得夠淋﹐香香的冬菰味。雖然有深深的顏色﹐但沒有被那濃湯複蓋其味道。因味道偏濃偏鹹﹐所以內不內來食無所為﹐但為了健康都不會常常來幫襯。

晚上sheep要打波, 所以近黃昏的時候我們先吃一個light dinner先~突然想吃雞翼尖…要吃當然要去榮記啦…我都差不多有一年沒去榮記了…因為不想行太遠, 所以去了新舖…蘿蔔是我的最愛~每次吃都很甜佷淋而且無渣…雖然sheep說應該是落了冰糖浸過…但至少沒有苦味…因為我最討厭就是苦味…另外還選了墨魚頭和豬大腸…墨魚頭第一次吃…幾彈牙…不錯…豬大腸沒有異味…質素依~然~當然少不了榮記招牌的鹵水雞翼尖和西洋菜啦…鹵水雞翼尖很好吃…很入味很淋…咬下去的時候可以看到連裡面少少的肉都已經染了鹵水的顏色…可想而知炆煮了很久呢…另外, 印象中好像沒有在其他麵店吃過西洋菜…因為很少會有西洋菜…通常都是生西, 菜心, 芥蘭, 通菜等等~所以每次去榮記都會叫西洋菜…這裡的西洋菜沒有西洋菜湯那樣淋…但很好味…而且配了濃濃的腩汁湯…唯一的缺點是價錢有點貴…份量有點少…不過沒辦法…這個時勢什麼都漲價…

女友要返工, 自己一個, 好鬼悶又唔想去"泡", 食少少o野回家了.上星期剛食完潮苑, 今日食榮記啦!牛筋腩麵啦.勁快有得食.落了少許辣油, 嘩, 超辣, 大家小心!筋爽, 腩也淋!好入味, 湯好濃, 喝了不少.麵一般.但有咁強勁湯底, 麵都係配角o咋~~~~鬼咩, turnover 勁快, 不停有人入.

同女友黎過去過糖街榮記食車仔面一次我覺得非常唔錯... 女友就話好唔掂... 好多菜又好多蔥... 佢唔鐘意(佢自己上次唔記得走青咋嘛........ =_-")之後就一路都無食過呢間野 >_<a直至前幾日女友同同事再去食今次... 女友食完即刻打黎report話超好食勁好食...於是... 第2日我同佢去完昂坪360又黎食過 嗯... 最鐘意食呢度既雞翼尖同埋墨魚頭 (差唔多個個黎食都會食雞翼尖既...)仲有就係佢個湯底比其他同類型既車仔面店好一點...最特別既係佢有陣花生味... 好香好濃..........我飲到一滴都無淨... 超正啊~~~不過其他 "食送" 黎講我覺得同一區既新記比佢優勝一點嗯~~ 兩間各有千秋啦~~~ 以後同女友出cwb食車仔面唔使食死新記啦yeah~~~

o係銅鑼灣想食車仔麵, o係 openrice 睇左幾間, 最後同男朋友鎖定左呢間因為有我同佢最鍾意食既牛肚同牛筋單, 雙拼都係 $19三拼 $23四拼 $27但係以碗計唔係份量計, 所以四拼係多 d 選擇, 並不等於抵 d問過阿姐, 呢度既雜面係豬皮,蘿蔔,牛丸,同另一樣餸唔係太岩我地既口味, 所以最後我地 order 左墨魚頭, 牛肚, 牛筋米線蘿蔔, 豬紅, 牛筋米線呢度既車仔麵係 default 有腩汁, 唔想加既要出聲一黎到份量都唔少, 試一試個腩汁, 唔錯, 唔係得個咸字, 有 d 甜牛肚唔錯, 不過比較之下, 其他舖有更出色既牛筋幾淋下, 幾好墨魚頭幾有口勁, 不過唔係我地所好蘿蔔入味, 甜無榨, 但應該浸過糖水豬紅唔錯, 唔會好大浸味試一試呢度既辣汁, 阿姐話係自己製既自己唔係食得好辣, 不過一般辣都無咩問題試左一滴, 但估唔到一滴足以致命唔怪得之坐我地對面既叔叔臨走前都講左句"好辣好辣", 原來係警告緊我地! 總括黎講係幾好, 經過會再食, 不過唔會專登走過黎呢邊師傅都頗為厲害, 食飽後去左買野飲解渴下次黎應該會叫兩個雙拼, 加一個淨食

今晚好鬼餓, 叫左 3味 “金送”分別係蘿蔔, 牛根同魚腐加河粉 佢個腩汁底今日做得好咸好咸, o係呢個著重健康既時代, 都市人咁多係病痛, 係咪應該食清d, 唔雖要太過濃味呢 ? 但係三個“金送”都好入味, 好味同健康自己選擇啦 記得, 由舊年由 $19加到 $23, 不過都算比返足料, 都叫食得過既

又一間成年冇黎嘅食店, 難得今日師傅有癮, 於是千里迢迢黎到銅鑼灣, 身水身汗咁但目的只為食呢度嘅車仔麵!午飯時間入到去都幾多人, 行左上樓上, 於是伙計安排坐底後, 師傅即刻睇下有咩好食; 本想柯打豬紅, 可惜冇貨, 唯有要碗牛肋, 豬皮同豬腸米線, 睇下睇下又再柯打一碗牛肚同牛肺淨食!等左一陣米線先到, 講下個湯底先, 濃濃嘅腩汁又甜又好味, 師傅一見到已經即刻飲左三五七啖, 但依然未夠皮, 真係好正; 再試下牛筋, 牛筋好腍好入味, 唔會實的的, 掂呀; 而豬皮又係勁爽口, 加上都好入味, 好正; 豬腸就幾大舊, 咬口一流, 冇得頂; 至於米線份量都唔少, 煮得煙煙韌韌, 勁好咬口, 好味; 再過多一陣碗淨食嘅牛肚牛肺都到埋, 牛肚賣相幾靚, 加上好腍, 正呀; 而牛肺係新餸, 以前黎都冇得食, 牛肺都幾大件, 入口勁腍, 加上都幾乾淨, 冇異味, 得喎!總括黎講食物質素維持高水準, 服務同環境依舊一般, 價錢就係咁加, 如果人工係咁加就好喇, 三個餸而家要廿三蚊, 兩個餸就十九蚊, 加左價後好似冇咁抵食, 但其實都依然可以; 但四十二蚊一餐晏食車仔麵, 絕對係豪食; 加上師傅一

同女友食lunch女友提議食好耐無食的榮記, 也好, 平平地, 快月尾嘛, 無乜錢~講返正題女友要了豬頸肉+墨魚頭+米線我要了牛肚+豬大腸+米線兩個人仲要左個通菜豬頸肉, 沒有太大驚喜, 可能我不是我熱愛的墨魚頭, 好入味, 又夠"林", 點都好過出面打冷or中式小菜煮出黎果隻,最緊要係有啖啖肉的感覺嘛~ 牛肚, 好"林", 不過無乜味咁大腸, 一d 都唔肥, 非常好個菜, 除左好油之外, 無野好講......不過係個汁是很濃味的唔覺意空口食左面頭d 冬菜, 勁鹹, 睇黎都係配返落d 麵一齊食會好d不過唔知點解, 成日覺得佢個腩汁湯底好甜反而食唔出有肉味其實佢個腩汁底真係好濃味, 令到好多本來都無乜味的食物都可以有味d, 但係, 佢呢度可以揀ge 餸又唔係全部都要咁濃味, 所以有d 唔明點解要用個咁濃的湯底......(莫非要掩飾味精????)仲有, 食完記得買野飲, 會好口渴的想食清清地ge 粉麵,要去對面........

樓下果位食三餸面係22蚊....今日我食已經係23蚊啦......呢排食...蘿蔔好似比以前多渣...個米粉又碎濕濕咁....分店係差d架咩???好回味當年o係後巷食面gei日子.....食多個腩汁通菜.....個腩汁....唉....都係唔講啦.....講得多.,...個人都灰呀...

今日同同事在銅鑼灣, 帶它來這裡吃車仔面. 同事點了必食的蘿蔔+大腸+墨魚頭+油面. 她讚湯底好濃, 見她不停咁飲.我點了蘿蔔+牛筋+墨魚丸+幼面. 牛筋依然入味, 墨魚丸都算彈牙, 蘿蔔好甜, 但我覺得那種甜味不是全部都是蘿蔔本身的甜味, 應該是煮的時候下了冰糖同煮. 幼面唔係好得, 煮得過淋, 夾的時候好容易斷, 散晒, 而且唔係好吸味. 反而見到同枱的人吃油面和米線都吃得津津有味. 咁又係, 吃車仔面幾時都係配油面, 河粉, 米粉or 米線最match.

好耐無食呢間車仔麵啦，因為坐得唔舒服同每次都好多人，今日經過見唔使排隊便走入去食，不過就加價喇，通常去吃車仔麵，都懶諗，一去就叫「大雜麵」，這裡的大雜麵，陣容都算ok，配料包括牛肚、豬紅、蘿蔔、牛丸同埋西洋菜，牛肚爽口，蘿蔔腍又入味，牛丸好彈牙，豬紅唔使多講超得，加支可樂完全係正呀，湯底味精就多左D，所以食完會有D口喝要飲多D水囉。

13/3/2008 星期四肥豬晌銅鑼灣見完工，自己行左一陣，跟住黎接我放工，第一次哦!!嘻嘻~~好開心~~佢話要食野，好啦，請你食榮記車仔麵啦，見你今日見左兩份工又黎接我放工!(其實...有咩關係呢?)佢叫左雞尖牛筋牛丸米，我就食魚肉春卷墨丸河。水準依然啦~~好味~~不過冬天食會更加滋味，熱辣辣呀嘛~~而家無左d冬菜晌面，得返d蔥，正....我唔食冬菜的!!

款式多, 味道不錯,是我喜曖三間車仔面檔的其中一檔.特別是"墨魚頭", 不是處處有的。嘩, 再加一支提子汽子,簡直是一流的享受.只嫌地方略"迫"了少少, 也是香港的一種特色吧!

係附近返學既我成日黎呢度食講開都食左幾年啦最鍾意叫墨魚頭豬紅/蘿蔔米線墨魚頭好有咬口正!豬紅冇怪味唔腥唔臭夾得起必叫!蘿蔔好甜冇渣平時唔食蘿蔔既我都好鍾意食米線軟硬適中不過有時多order會比較硬不得不提就係個辣椒油! 又香又辣落少少已經好正!腩汁底有d咸但係係成碗車仔麵既靈魂所在!唔鍾意既朋友可以叫走汁亦可以試下要雞尖汁由佢$15食到$18 一樣都咁好食不過堂食會有d迫可以叫外賣自取衰在唔送外賣本人亦推介佢個幼麵

12.25 (Tue) late lunch出到黎都三點幾，其實係tea。朋友想食車仔麵就車仔麵啦。呢間比糖街分店鬆動ｄ，所以黎呢度。三"送"粗：蘿蔔、豬紅、牛筋。驚敏感關係走腩汁但最後都係腩汁=.= 爽左朋友一片豬皮，好耐都冇食咁好味既豬皮總結：豬皮、蘿蔔係下次必叫！p.s.樓上近大冷氣機位好凍好凍…