棕櫚閣西餐廳

营业中

休息中

去年在這裡吃了兩次，給我的印象不錯。昨晚再去發現大不如前！晚餐時間是6:30，我只是遲了十五分鐘，凍海鲜枱只剩幾只蟹腳、幾只小元貝和兩只凍蟹身，但卻有一堆小龍蝦，聽說小龍蝦是在不清㓗地方生長，是蟲不是蝦！所以沒拿，只拿了三只人家拿剩的蟹腳，蟹件和元貝。一吃之下，味如嚼蠟，沒誇大，真的一點味道都沒，很不新鮮！魚生有很多，我沒吃，怕不衛生！主打是蒸鮑魚，鮑魚又細又硬，咬了一口便吐了出來，沒再吃！其他食物也很一般，去年欣賞的龍蝦湯現在雖仍叫龍蝦湯，但变成了蕃茄湯，一點點龍蝦湯的味道都嘗不出來！羊架又熟又沒羊肉味！我吃自助餐笫一次去拿咖哩飯吃！因為沒什麼好吃的！全晚最好吃的是一條新鮮的香蕉🍌！食物補潻慢，過了八點基本上就沒加添過，枱又細，收碟又慢，可以一吃的只有果汁，蛋撻，面包和西瓜！非常失望的一頓自助餐！價格現在是418，非常不值！不會再幫襯！

一大班人一齊去食buffet梗係要搵最抵最正最多嘢既選擇啦!由於本人呢就係一個鍾意食海鮮怪物 食buffet如果可以任食海鮮 就perfect喇今次拉埋朋友一行三個人就出去食九龍維景酒店食自助餐頭盤梗係最重要嘅就係長腳蟹啦, 每人分別都食咗5隻長腳蟹而我最鍾意都係食凍蝦同青口, 大大隻又夠新鮮, encore咗3 round...(利申成晚就快食完變蝦😂)buffet最緊要就係食凍盤 又點可以錯過壽司刺身? 不過位置就唔太方便一般人都係一次過夾曬, 佢就分開咗兩邊...壽司刺身方面其實都有齊曬 大路嘢 三文魚, 油甘魚, 吞拿魚都不可錯過, 油甘魚仲原條上添!性價比非常之高! 淨係油甘魚同埋三文魚嘅刺身都已經返曬本!!沙律方面都有唔少選擇, 沙律菜可以自由配搭醬料 另外仲有個青瓜木耳非常之light 同健康!唔可以錯過嘅就係蒸海鮮, 蟹, 蝦,扇貝, 魚都有! 唔執輸食咗兩次蒸蝦! 新鮮又甜😍望兩望仲有燒烤枱, 羊架, 多春魚, 虎蝦...鍾意食羊架既朋友岩曬你😍廚師煎到剛剛好, 配合薄荷醬, 有少少脂肪, 入口羊味唔算太羶! 講明係蝦癡, 唔少得都食多件老虎蝦🦐v主菜都有唔少選擇,

朋友同我慶祝生日，請我食自助餐慶祝早幾年前都有黎過呢度食Buffet今次黎度覺得佢地環境好似靚左D佢地今次個主題係蒸海鮮，現場即叫即蒸自己D海鮮夾落個籠度，有師父會幫你蒸蒸完仲會直接送去你張台度，真係唔錯有樣野真係唔可以錯過，就係鮑魚都係任食架！D鮑魚須然唔係好大隻，但係勝在都幾鮮味，而且係任食丫嘛我地蒸左幾籠鮑魚食，真係好過引，配埋D辣椒豉油無得彈其他既話我最鐘意就係蒸成條魚食，佢係細細條倉魚仔，都好鮮味除左蒸海鮮之外，仲有鐵板燒D羊架都好正，唔係好羶，仲有蝦不得不提下D刺身，D三文魚好厚切架，我朋友都夾左2,3轉仲有D熱盤賣相都幾好，我好鐘意食果個冬陰公青口，真係好有泰式風味仲有個龍蝦湯又係不得不試最後甜品其實都唔係好食得落，但係有芝士蛋糕我真係忍唔到手好好食呀~ 食埋杯雪糕真係要收工，飽到上心口。

前排見到維景酒店promo呢個海鮮主打既buffet，好似幾抵食所以就黎試下海鮮有長腳蟹，青口，蝦，龍蝦仔，個長腳蟹真係好鮮甜，又大隻，仲會不停refill，回本首選！另外仲有超多壽司同刺身選擇！食完凍既海鮮仲有得食熱既，呢度揀完想食既海鮮俾師傅就會用籠仔幫你蒸，蒸完會有人拎返俾你。龍蝦濃湯，真係啖啖龍蝦肉，而且龍蝦味道好濃，真心推介生果有蜜瓜，西瓜，菠蘿，選擇唔算好多但樣樣都好甜，另外仲有個蜜瓜沙律都好好食。燒牛肉都唔錯，肉質幾嫩唔會老。甜品方面有榴槤奶凍，藍莓芝士蛋糕，芒果芝士蛋糕，焦糖布甸等等。我覺得最好食就係芒果芝士蛋糕，芝士夠滑，芒果甜度岩岩好食buffet當然唔少得食雪糕，有士多啤梨，朱古力同云呢拿三隻味。 燕窩熱奶蛋撻，新鮮出爐熱辣辣，不過比較重奶味，可能就鍾意重奶味既朋友會岩口味啲。

呢餐飯係慶祝我同男朋友拍拖4周年的~本身是在某團購見到呢間, 諗住上openrice睇下佢d食評~點知原來openrice做緊個promo仲抵過團購~如是者, 我地就打去book位, 用openrice個discount去食了呢間野其實近何文田, 我地要從旺角嗰邊行過去~ 行大概15-20分鐘吧?地點位置係差左少少~ 但食物味道卻喜出望外呀坐低冇耐, 首先一人來一份海膽配蟹籽沙律~因為做緊海膽主題, 所以每位都有一份~海膽配蟹籽沙律海膽新鮮~ 佢有提供紫菜畀我地夾住食的~鮮甜~ 唔錯唔錯~然後出去拎野食喇~ 其實佢地方係細, 但都幾多野食wo!唔似有d酒店地方大, 但都係得好少野食~第一時間, 當然要狗衝去拎鵝肝食我地2個都係鵝肝怪!   因為岩岩開始冇耐,所以都多人想拎鵝肝~ 個師傅好努力咁煎~但一出就會畀人拎晒, haha, 因為佢冇限一人拎幾多~不過我都係等左一轉姐~ 順手就拎埋羊架同蒜蓉多士~鵝肝好多地方都係配多士的~ 但佢係配一舊林林地的包~ 食落有少少似泡芵個皮。and, 呢度鵝肝冇汁配的~ 但佢超大舊!! 一啖放入口.. 真係冇得頂!!!超滿足!羊架香口, 唔會太乾, 亦

同一班朋友諗住食自助餐，對於愛食生蠔嘅，本身唔打算食呢間㗎，因為無生蠔提供😂，但係朋友仔又覺得有籠仔蒸鮑魚海鮮係好吸引，所以就膽粗粗食九龍維景！ 去到未食，睇到場面已經覺得都幾好啵🥢海鮮區-擺得好靚有龍蝦仔、蝦、長腳蟹、扇貝、青口、蜆！ 以中價自助餐價錢居然比到咁多款海鮮！覺得好讚🥢刺身、壽司區-香港人太鍾意食三文魚啦，所以你見到佢個碟三文魚刺身係超大盤、又大嚿，每件都好肥美嘅-另外佢個章紅魚刺身、係原條上、擺得好靚呀！第一次見到成條魚咁樣上😍🥢沙律區-有別於其他餐廳的自助餐，佢嘅salad係已經mix & match好，無得比你自己揀配料，但咁樣都有好處：方便懶人，而我最鍾意就係佢個蜜瓜沙律啦！非常之fresh！🥢甜品區-好多款式岩哂女士的甜品胃🥢冷盤區-水果、芝士、冷盤小碟-我最鐘意食parma ham+ 蜜瓜🥢籠仔蒸區-呢個就係朋友仔好想試嘅籠仔蒸海鮮啦，咁每張枱都會有杯號碼木竹（下圖有21號），只要你拎埋木竹、跟住你鍾意食咩海鮮就自己夾入籠仔、再將你嘅餐枱號碼木足、將個蒸籠交比師傅就可以！整完之後就有專人送到去你面前㗎啦我試左蝦、蟹、魷魚仔，比較鮮，無落調味！🥢熱食區當然唔少得

九龍維景酒店最近主打自助餐每人一版海膽當然要同屋企人去試吓啦自助餐食物種類都算多除咗沙律吧 甜品區海鮮冷盤都有好多種海鮮例如海蝦小龍蝦青口等等至於肉類都好多選擇有牛肉都有羊架受歡迎所以要花少少時間排隊另外不能錯過嘅就係鵝肝多士新鮮熱辣即場炮製非常美味 刺身方面質素都幾高食得出非常新鮮特別係個海膽鮮甜度爆燈！整體食物質素都唔差雖然熱盤喺繁忙時段refill得有點慢但係好食最緊要水果選擇都非常之豐富西瓜菠蘿蜜瓜雜莓任君選擇而且坐得舒服 食得開心

酒店級數自助餐當然有別一般放題食物種類九龍維景酒店推岀嘅自助餐就有大量非常吸引嘅食材包括海膽刺身 燕窩龍蝦湯 燕窩雙皮奶等等優惠價錢只係$398/位 確實係幾抵海膽刺身沙律每人一板海膽 一坐低就即刻送到海膽新鮮鮮甜 配上紫菜食 非常方便另外加上沙律解膩海鮮吧冷盤海鮮種類多 有長腳蟹腳 青口 翡翠螺 鮮蝦非常搶手 但補充速度幾快企係度等等就有刺身吧刺身有三文魚 油甘魚 希靈魚 呑拿魚刺身肥美 非常滿足香煎鵝肝另一重點係任食鵝肝鵝肝表面煎封得香脆 入面爆油多士吸收鵝油 更是一絶鐵板燒虎蝦羊扒睇住師傅即場係面前烹調確保唔會煎過火 羊扒剛好保持嫩滑燕窩龍蝦湯好足料 龍蝦味濃燕窩雙皮奶好嫩滑 啖啖奶味燕窩滋補養顔甜品 Movenpick雪糕Movenpick雪糕成櫃任食仲有好多不同種類甜品 甜品控有福了

難得放假就同屋企人去食自助晚餐為咗方便大家我哋都揀選左旺角市中心嘅九龍維景酒店入面嘅棕櫚閣西餐廳有任飲任食嘅3.5小時「海膽、鵝肝、燕窩」自助晚餐每位送海膽刺身！知道自助晚餐嘅主題法式海鮮吧有亞拉斯加雪蟹爪紐西蘭青口加拿大翡翠螺法國香草龍蝦仔產地直送刺身即製鐵板燒老虎蝦鵝肝 羊架同埋多款Mövenpick雪糕非常豐富見到都流晒口水了門口擺放着不同嘅信用卡優惠牌除咗有八五折優惠之外仲可以用微信 支付寶付款添方便遊客又方便本地客店員仲安排我哋坐窗口位置可以飽覽彌敦道嘅夜景可以食足三個半鐘當然慢慢食啦首先就係食前菜 餐湯 沙律同埋凍食見到廚師即場煮龍蝦湯唔執輸排隊等龍蝦湯呈現鮮橙色入面真係食到一粒粒嘅龍蝦肉爽口彈彈牙之餘龍蝦湯味道好濃郁 還有Parma ham 配以蜜瓜不同款式嘅火腿仲有大蝦沙律食完非常開胃係食緊嘅期間店員仲送我哋每人一板海膽仲可以配以紫菜一齊食令客人食落去唔會太流頓時感覺物超所值 還有三層架中的青口 大蝦同埋長腳蟹而且職員不停添加食物真係唔使驚要同人搶食 另外在門口位置還有職員親自切牛肉同埋煙鴨胸肉服務態度果然招呼周到 熟食方面差不多有20多款食物選擇當初包括蔬菜 海鮮 肉

酒店餐廳的環境很舒適，環境乾淨、服務亦很好。最重要的是，自助午餐十分抵食！自助餐的甜品總時十分吸引的。雖然這裡熱食選擇不多，但甜品真的很不錯！它們的賣相討好，所以我當日主要吃甜點！我每款甜點都吃了一點點，基本上都十分美味，甜度適中！最吸引的甜點當然是甜筒。其實除了兩款口味的甜筒外，還有杯裝雪糕。但我覺得甜筒比雪糕更吸引，所以一共吃了兩支甜筒。其實當日我還吃了不少三文魚及喝了不少果汁，真的十分滿足！雖然這裡的熱食選擇比較普通，但加上信用卡優惠，每人收費少於二百元，真是十分的划算！

和男友週年慶，梗係食自助餐啦！九龍維景ge棕櫚閣！入到餐廳椰林樹影，有棕櫚的感覺！好了，睇下海鮮冷盤先！任食蟹腳，小龍蝦，青口，蝦，扇貝！全部都好鮮甜，好冰涼，好爽口！仲有刺身。。三文魚，吞拿魚，希靈魚！又新鮮又唔腥，夠晒正！仲有這個每位都有的海膽刺身！好甜好creamy!好豐富的口感！填左少少肚，又開始去進攻了！推介的都要食下！好多款式呢！十數款的甜品！一陣食飽正餐再慢慢食你地！Wow~這裡又即切牛仔肉！拎呀！再睇埋即燒攤檔。。有鵝肝多士！又有燒大蝦，燒羊架！都要拎晒呀~Mmm..即切牛仔肉又淋又有肉味，配上燒汁一流！鵝肝多士！夠香夠熱，一啖一口好滋味呀！另外必拎的。。燕窩龍蝦濃湯！每碗都即時由大廚滾起，收盡精華！真係啖啖都係燕窩同龍蝦！湯底又夠濃夠滑，好味！食雪糕了！Movenpick呀~仲有朱古力噴泉~我唔客氣喇！！最後最後，仲有果盤送上！排得好靚~完美的完成這餐呢！

我是海鮮迷，知道棕櫚閣西餐廳有海鮮自助餐，而且價錢合理，只是$398一位，二話不說就同朋友齊齊去訂位開餐。棕櫚閣西餐廳位於九龍維景酒店，自助餐由1830開始，我今日準時收工收時到達。餐廳位於酒店的一樓，餐廳環境開場，環境乾淨企理。 食物選擇有沙律、凍盤、刺身、海鮮、熱食、炸物、甜品、水果等；食物選擇多元化而且不停供應，令人食得好放心呢。刺身櫃提供既刺身都唔少架，有鮭魚刺身等。 至於前菜方面，有沙律菜、煙鮭魚、有各種麵包等等；我就先食沙律菜，打打底先；沙律菜新鮮並且翠綠，仲有唔同既Dressing，食完沙律就正式開餐。 餐廳提供左唔同種類嘅海鮮，包括青口、大蝦同埋阿拉斯加蟹腳。阿拉斯加蟹腳啖啖都系肉，肉質極為細嫩鮮美。 有驚喜，餐廳仲送每位客人每人一板海膽添，海膽味道鮮甜無比，食完海膽感覺真係值回票價，愛吃刺身、海膽既朋友不容錯過。 除了刺身和海鮮之外，當然仲有其他熟食，就連扇貝同埋蟹都有啊！女士們必定要食蒸魚，條魚好大條，背脊嘅肉好滑溜啊。 食到呢一刻其實已經好飽，不過甜品係第二個胃，所以點都要幫襯。甜品方面，都有好多選擇；有各式各樣的蛋糕、水果、Movenpick雪糕🍦，多不勝數。呢

今日到維景酒店食自助餐，餐廳佈置寬敞舒適格局試試正正，價錢不太貴，應該能吸引到酒店住客～事不宜遲，出發去覓食映入眼簾的是水果區，不過看似已經被夾了很多，後來發現會再補充的翻到嚟發現枱面上多咗份沙律、海膽問一問先知原來餐廳會為進食每位客人提供一份沙律區然後有凍食區，有魚生、刺身等提供三文魚肥美新鮮亦有較貴價凍食，例如生蠔、蟹鉗、蟹腳、蝦有蟹腳食啊！ 我地嗰晚不停追加，燕窩龍蝦濃湯 有專人為你即時製作鵝肝麵包燒虎蝦不過製作需時，想食既人都有好多印度pancake中式佳餚飲品區甜品燕窩燉蛋

友人從外國回港，特意找了一間位於旺角的酒店自助餐慶祝。海膽刺身和蟹籽沙律（每位一客）海膽份量充足，有一板海膽，非常有驚喜。海鮮冷盤海鮮選擇亦不少，有蟹腳、青口、帶子、海蝦、三文魚等等。海鮮新鮮，味道鮮甜。燕窩龍蝦濃湯濃湯非常足料，吃到龍蝦肉，而且濃湯裏面有燕窩，材料矜貴。熱食最為吸引的是香煎鵝肝，另外有燒帶子、蝦、青口等等。燕窩雙皮奶雙皮奶是現場即做的，牛奶味突出，口感軟滑，味道不錯。Movenpick雪糕向來喜歡吃Movenpick的雪糕，選擇了士多啤梨味。最後，以水果為今晚的自助餐畫上完美的句號。

今日嚟到九龍維景酒店食buffet，環境都算幾大，雖然維景酒店已經係比較舊嘅酒店，但係裝修都算好骨子，燈光又開明，我哋都坐得好舒服。入到去職員已經好有誠意，好熱烈咁歡迎我哋入座，我哋比安排左坐係窗口位，可以一覽九龍嘅街景，一邊睇一邊慢慢食。自助餐來講呢度都算係幾豐富，前菜方面，有刺身同埋沙律吧，仲有好多款唔同嘅生果添啊！海鮮方面，有北海道長腳蟹，青口同埋新鮮嘅蝦，最正嘅當然係海膽刺身啦～主菜方面，有大量嘅中式小菜，雞翼呀薯仔啊～ 意式焗海鮮闊條麵同焗扇貝。當然仲有既西式嘅鵝肝同羊架，呢個唔係好貴嘅價錢來講，有即叫即煎嘅西餐嘢食都算好抵呀！除咗嘢食之外，都仲有即叫即煲既湯飲，係「燕窩龍蝦濃湯」～野食方面都有好多選擇，包括有橙汁、蘋果汁、同埋西袖汁。甜品方面，就有大量嘅西式蛋糕。見到好多一家大細嚟到維景酒店食，適合平平哋想一家人食自助餐～