桂花小幸 (元朗廣場)

依日約左好友去元朗食台灣菜，餐廳除咗台式牛肉麵、鹽酥雞、台式特飲之外，仲有好多台灣小食選擇，感受下台式料理～餐廳裝修簡約帶文青風格，擺放綠色植物裝置設計，環境感覺置身於大自然當中，舒適悠閑。紅燒腱心牛肉麵           $72依碗牛肉麵湯底香濃，用咗多小時熬製而成，每一啖都係精華，牛肉鮮嫩，炆得軟硬適中，口感好滑，台灣麵條爽口彈牙，麵粉香散發出來，配合新鮮爽甜嘅紅蘿蔔，好味嘅牛肉麵必食首選。另加兩款小食，滷水蛋 $8 及 涼拌黑醋茄子 $12。滷水蛋帶淡淡嘅台式滷水香料，蛋味香濃軟滑。涼拌黑醋茄子嘅黑醋味夠突出，少少辣，幾惹味。台式蛋餅(火腿/肉鬆) + 蕃茄湯通粉/地瓜薯條              $43蛋餅煎至金黃，外脆內軟，夾著香濃嘅蛋餅，以及餡料揀咗肉鬆，肉鬆鹹香，配搭地瓜薯條，炸到好香脆，真的食到唔停呢。香酥排骨吐司             $34吐司麵包烘至香口，排骨外脆內嫩，口感酥脆，夾著椰菜絲和千島醬一齊食口感豐富，好滋味。花生醬奶油吐司         $24吐司烘過非常鬆脆，塗滿煉奶同花生醬，確係唔錯嘅茶點。桃夢雪影            $32              聽個名都覺得好夢幻，就點來試一試啦！呢杯果然無令我失望，味道清新，白桃烏龍嘅香氣散發出來，芝士奶蓋好creamy，仲有粒粒寒天，軟軟的有少少咬口，選擇微甜，口感清爽，飲完一啖接一啖。 超濃郁可可            $26依杯飲品味道真的很濃，少少甜，帶點甘味的可可，口感幼滑香甜。蜜香紅茶            (+$3)茶底甘香，唔會過濃，冰冰涼涼，解渴又解膩。…查看更多

與朋友到元朗廣場用餐，友人提議吃台灣菜，不用我選餐廳實在太好了~桂花小幸位於商場地下，店內以木系為主，配以柔和燈光，環境簡約舒適!鹽酥雞排麵 ($74)雞排外酥內嫩滑，絕不油膩，配以有嚼勁的台灣麵，個人相當滿意~椒鹽花姿丸 (跟餐轉配加$5)一客兩粒超巨型的花姿丸，略嫌稍欠彈性，不過同樣炸得剛好，沒有油膩感!涼拌貓耳朵 (跟餐加 $12)大大碟的貓耳朵只需$12，冰涼爽脆，酸中帶微辣，很適合夏天享用~紅燒半筋半腩牛肉米線 ($78)朋友選的半筋半腩牛肉米線，份量相當多; 牛筋& 牛腩都炆得夠火喉，牛肉軟淋，配以胡蘿蔔& 白蘿蔔等，感覺營養均衡!滷水豆腐 (跟餐加 $12)豆腐滷得幾入味，而且調味合宜，不會過鹹，個人覺得幾好味~芝士奶蓋桂花烏龍茶 ($32) (另加珍珠 $5)鹹香的芝士奶蓋，配以清新的桂花烏龍茶(無糖)，以及超級Q彈的珍珠，實在相當好喝~凍珍珠鮮奶烏龍 ($34)朋友選了凍珍珠鮮奶烏龍(無糖)，表示珍珠相當有嚼勁，味道不俗呢!原來元朗廣場也有高水準的台式餐廳，下次想吃台灣菜，也可以到來試試別的菜式~地址: 元朗青山公路 - 元朗段249-251號元朗廣場G樓003 & 005號舖電話: 21239497…查看更多

諗緊喺元朗食啲咩好搵搵下搵到呢間台灣嘢呢幾日食得多中式粉面 同埋飲茶，就嚟encore吓呢間有蕃茄湯嘅台灣牛肉麵！不過好似期望太高見到OpenRice咁多好評 但係其實味道麻麻環境就好舒服見到三杯雞食評有人話好味， Menu都話係推介咁就男朋友叫咗一份試吓食 點知好差…完全唔似有三杯雞嘅感覺 因為冇乜香葉嗰啲味，完全係中式嘅雞煲 打邊爐嗰啲呢？仲要啲雞肉唔熟的…..唔記得影相，然後同店員講店員叫佢再煮….佢自己都覺得有問題，自動做咗個八五折…跟餐就呢個餐乘$88真係唔抵 味道麻麻哋真係 不太香，啲雞係一啲冰鮮雞冇啲味道好鞋的咁差嘅小食，除咗滷水豆腐都好細份上網睇仲對麻油雞翼好有興趣 但係原來都係普普通通，不是太入味 表面就有味 雞翼的質素到時麻麻哋的老豆腐就大分抵食 係台式硬豆腐豆乾咁樣，不過發覺佢啲餸都係偏鹹，男朋友杯奶茶佢話好甜加$8嘅雞肉就幾抵食 到幾多，純粹當攝取多啲蛋白質🤣因為7–11嘅雞胸都好味過佢🤣🤣🤣我就嗌咗個牛腱心蕃茄上海麵，有4牛腱，牛腱唔夠火候 全部都比較硬不過貨蕃茄湯好好味！呢間舖頭勝在環境坐得舒適 係傾偈聚會嘅好地方，但係食美食就唔得啦…查看更多

桂花小幸主打台式料理，價錢親民，環境舒服，食完仲可以喺元朗廣場行個圈。🔥 紅燒腱心牛肉麵 (麻辣牛肉湯小辣）牛腱心炆到夠腍，湯底紅燒味濃又唔會太鹹，麻辣湯底小辣啱啱好，配埋彈牙麵條，真係一啖接一啖😛🥬 跟餐加配：- 上湯浸時菜：生菜爽脆，清新解膩- 紫菜珍珠雲吞湯：雲吞細細粒但皮薄餡靚，紫菜湯清甜- 凍檸茶：港式風味，酸酸甜甜🌶️ 香辣青椒炒肉餐香辣青椒炒肉夠鑊氣，辣味唔霸道但夠惹味，套餐配埋：- 紫菜湯：清清地，啱晒配飯- 肉燥拌芽菜：鹹香肉燥加爽口芽菜，口感豐富- 白飯🍚飲品🧋 黑糖珍珠奶茶黑糖香濃，珍珠煙韌，奶茶唔會太甜🌸 月下桃花（桂花烏龍＋蜜桃汁＋寒天）桂花香氣加蜜桃果味，寒天啫喱口感特別，飲落清新又有層次，啱晒夏天！…查看更多

今晚來到坐落元朗廣場的這家「桂花小幸」食晚飯，店內裝潢以簡約風格為主，環境舒適，光線充足，是個與朋友相聚和拍照的好地方。主食方面，我們點了「紅燒半筋半肉牛肉麵」。牛肉和牛筋都燉煮得非常軟腍，幾乎入口即化，湯頭濃郁香醇。同行的朋友則點了「麻辣銷魂牛筋腩麵」，其湯底麻辣帶勁，香氣十足，味道層次豐富，令人一試難忘。小食我們選擇了滷水蛋和滷水豆腐，兩者都滷得相當入味，是不錯的餐前小點。飲品方面也充滿驚喜，有大量不同款式的手搖飲品。「雲頂鮮奶可可」口感濃厚順滑，頂層的奶蓋更添風味。另一杯「雲岩流金」是以蜜香紅茶為基底，配上厚奶、珍珠和堅果雲頂，用料十足，口感層次豐富，珍珠亦相當彈牙。總括而言，「桂花小幸」的食物質素和環境都很有水準，性價比高。無論是下午茶、朋友聚餐還是情侶約會，這裡都是一個很好的選擇，值得推薦。…查看更多

這間台式餐廳真心令人失望！炸雞扒炸得過火，肉質又乾又韌，咬到牙軟；牛腱更加離譜，淡而無味，質感似煲完湯嘅湯渣，完全唔合格。整體體驗差強人意，唔會再幫襯！👎這間台式餐廳真心令人失望！…查看更多

這間位於元朗的【桂花小幸】，主打台灣菜，有多款傳統台灣飯麵，亦有多款地道台式小食及飲品，無需加一收費，價錢便宜且份量十足。特濃蕃茄雞扒米線蕃茄湯酸甜開胃，有洋葱甜品，雞扒炸至金黃香脆，薄薄一層粉漿酥脆，雞扒嫩滑。三盛紅燒牛肉麵腱心牛肉、牛腩及牛筋配紅燒牛肉湯，牛筋炆至入口溶化，腱心及牛腩肉質鬆化，湯底帶微辣有肉鮮味。秘製滷大腸大腸滷至入味，而且乾淨。紫菜珍珠雲吞湯雲吞細細粒，正好一口一粒。桃夢雪影白桃烏龍、芝士奶蓋及寒天，奶香味跟茶味融合一起。月下桃花桂花烏龍、蜜桃汁及寒天，桃味突出，陣陣茶香。…查看更多

再次嚟呢一間台式餐廳，整體水準唔錯，星期六日晏晝嚟都要等位～我叫咗酥炸排骨滷肉飯，朋友叫咗鹽酥雞扒麵鹽酥排骨其實即係炸豬扒，點千島醬食好夾。滷肉飯醬汁濃郁，配飯一流。朋友嘅鹽酥雞炸得金黃酥脆唔少得要點每人一份涼拌黑醋茄子，茄子大大嚿啖啖肉，酸酸辣辣咁好開胃！滷水豬大腸都好入味！去台式餐廳唔少得要飲台式飲品！我叫咗芝士奶蓋桂花烏龍，芝士奶個好香濃濃稠，超級正！朋友叫咗檸檬多多梳打，酸酸甜甜係夏日開胃之選。整體都好滿意，有機會一定再嚟食！…查看更多

隱藏在商場角落台灣小館，憑著地道風味成為口袋名單，寶島之旅！紅燒半筋半腩牛肉面熱騰騰的牛肉面，濃郁湯頭，湯底滿滿牛骨味道，喝一口滿滿層次感。牛腩是牛肋條，筋肉分布均勻，輕輕一撥鬆開麻醬雞絲冷面配涼拌貓耳朵夏日來時，悶熱晚來碗清爽麻醬雞絲冷面。特調麻醬濃郁，淡淡花生甜，手撕雞胸肉，小黃瓜絲完美融合。涼拌貓耳朵驚喜滿滿，咬勁十足，蒜泥，醋和秘製醬汁，酸香開胃珍珠鮮奶烏龍使用烏龍茶底，焙火香和鮮奶，完美比例，黑糖珍珠有嚼勁。芝士奶蓋山茶花烏龍驚豔，厚咸香奶蓋，搭配清雅山茶花茶，棒桂花小幸元朗青山公路249-251號元朗廣場地下3號…查看更多

今次同朋友試咗呢間好有台灣feel嘅餐廳，兩個餐都超有驚喜！我嗌咗蕃茄花枝丸米線，湯底酸甜開胃，蕃茄味好濃郁，花枝丸彈牙有嚼勁，仲有啲蔬菜做配搭，成碗好清爽。朋友叫咗紅燒牛三寶麵，牛筋煮到超淋滑，牛腩入味鬆化，牛肚爽口冇異味，個紅燒湯底香濃得嚟唔會太鹹，撈埋麵食真係一流！ 小食試咗桂花雞翼，外皮炸到金黃香脆，咬落去有淡淡桂花香，甜甜哋好特別，肉質仲keep到嫩滑多汁。飲品方面，芝士奶蓋桂花烏龍茶茶底清香，奶蓋濃郁，兩者出奇地夾；珍珠鮮奶烏嘅珍珠煙韌有咬口，鮮奶香滑，甜度啱啱好。 整體嚟講，食物質素高，份量夠大，價錢合理，午市時間大約等左2台，入坐都算幾快！…查看更多

喺元朗廣場行街行到攰，唔使諗太多，直入「桂花小幸」🤣 呢間台式小店主打紅燒牛肉麵同滷肉飯，食物質素仲唔錯！🍜 紅燒半筋半腩台灣麵牛肉湯底微辣，紅燒湯香濃，牛筋牛腩煮到啱啱好，台灣麵條掛湯一流，食完暖笠笠！🍱 鹽酥雞排滷肉飯鹽酥雞炸得香脆唔油膩，滷肉飯鹹香夠味，配埋白飯真係冇得輸😋🥣 跟餐送：- 是日燉湯（每日唔同款，夠晒滋補）- 上湯浸時菜🧋 加配優惠：- 滷水蛋 +$8（滷得入味，蛋香十足）- 紫菜珍珠雲吞湯 +$16（雲吞細細粒但好足料）- 凍檸茶 +$8（夠凍夠爽，解膩一流）🍹 飲品方面：- 黑糖珍珠奶茶：黑糖香濃，珍珠煙韌，甜而不膩- 蜜桃烏龍多多：蜜桃香配烏龍茶底，加埋多多，酸酸甜甜好refresh…查看更多

去元朗整嘢又未夠鐘 就入去商場涼吓冷氣搵嘢食經過見到呢間台式餐廳嘅價錢唔貴所以就入去食個lunch❤️🍚滷肉飯 滷肉汁撈飯超邪惡 肥瘦比例啱啱好唔會太膩 滷得夠晒入味滷水蛋有蛋味 撈飯一流🍢甜不辣炸得金黃脆口 咬落煙韌有魚香點埋辣醬仲惹味 🐽台灣香腸皮脆肉juicy 咬落仲有肉汁爆出嚟 🍹粉紅芭樂多多解膩首選 芭樂味清新 溝埋益力多酸酸甜甜💬 $100左右就食到地道台灣風味份量足又夠飽 翻食指數高 👍🏻👍🏻👍🏻❤️…查看更多

###最近同擼公去咗元朗，發現咗一間門面幾靚嘅餐廳，叫「桂花小幸」，驚喜連連！首先，香辣青椒炒肉一上碟，就已經吸引到我！食落去好爽快，辣度剛好，肉質鮮嫩，味道真係正得無得輸，完全令我食得停唔到！👍🏻👍🏻👍🏻👍🏻👍🏻接住擼公叫咗紅燒牛三寶麵，湯底好濃，適合重口味人士，麵質正路，嚼落去有彈性，牛三寶軟QQ入味，整體食得好滿足！飲品方面，桂圓蘆薈菊花茶，可以走甜真好，清新又健康，走甜後仍飲到甜味，適合想健康又唔想太寡嘅朋友，仲有清香味！最後，芝士奶蓋阿華田雖然唔算特別，但都係一杯好飲嘅飲品，搭配其他小食，簡直完美。整體嚟講，「桂花小幸」真係一個驚喜之地，菜式多樣，味道正宗，環境舒適，非常適合朋友聚餐或家庭聚會！…查看更多

早晨時段多人但都易搵位兩個麵餐：一份炸豬排湯意一份鮮茄濃湯牛肉意粉除餐附送飲品凍檸茶及熱奶茶味道好一般會再俾機會試吓佢啲小食及台式食品（話晒都係台式食品店）遲啲再update…查看更多

香辣青椒炒肉，青椒的鮮香與肉片的滑嫩完美結合，微微的辣味更是提振了整體風味。是日燉湯湯頭清淡卻不失鮮甜，搭配肉燥拌芽菜，口感層次豐富，讓人感受到食材的鮮美與清新的味道。白飯的搭配讓整體更加飽滿，吃得心滿意足。滷水蛋牛腩滷肉飯的味道更是令人想去台灣旅行的回憶。滷肉好香，牛腩軟嫩入味，滷水蛋讓整碗飯更加美味。百香果多多梳打的清爽與黑糖珍珠奶茶的香甜形成鮮明對比，前者提神醒腦，後者則是令人心情愉悅的甜蜜享受。整體而言，這頓餐點不僅味道豐富，更是視覺與味覺的雙重盛宴，讓人回味無窮。…查看更多