標記樂園潮州粉麵菜館

营业中

休息中

好耐無打冷嘅我，今日同朋友去咗旺角有四十年老字號嘅「標記樂園潮州粉麵餐廳」食正宗潮州打冷。其實去到都已經坐無虛席，非常受歡迎，等咗一陣一坐底就梗係要點每次嚟都必叫嘅🔸滷水鵝片拼盤🔸鵝片同豆腐都滿滿滷水汁，非常入味，而且鵝片好焾好滑😍生腸都非常脆口🔹潮州煎蠔餅🔹蠔餅亦都係必點item，即叫即炸，好鬆脆、份量好足，加埋佢地嘅辣椒醬..真係好match🔸避風塘鮮田雞🔸肉質好彈牙，而且隻隻田雞都好大隻，好厚肉，加埋避風塘炸蒜同辣椒，超級惹味😋🔹避風塘炒蜆🔹避風塘炒蟹就聽得多，避風塘炒蜆真係唔係周圍都有，但出奇地原來避風塘炒蜆都咁夾，好有水準🔸豉油王炒麵 & 粟米魚肚羹🔸炒麵炒到好乾身，而且非常入味，粟米魚肚羹非常足料，加少少胡椒粉更加帶出鮮味職員都非常熱情招待，而且上菜嘅速度都好快，下次仲會試埋佢哋嘅薯仔牛柳粒、椒鹽鮮魷同小炒王👍🏻👍🏻標記樂園潮州粉麵菜館📍旺角通菜街12-14號地舖☎️ 62433843

今日朋友知道我鐘意食蠔，佢特登帶我去食蠔仔餅，同馳名滷水鵝滷水大腸！因為都好耐冇食過潮洲野！仲有好鮮香既白灼基圍蝦！四十年老字號 正宗潮州打冷，旺角隱藏至寶位於旺角通菜街的「標記樂園潮州粉麵餐廳」是區內備受推崇的潮州打冷專門店，以正宗潮州風味和多元化的菜式贏得食客喜愛。每道菜品均由師傅精心烹製，保持著潮州打冷的精髓，尤其以滷水鵝系列與及蠔餅最受歡迎。馳名滷水鵝滷水大腸$110正宗潮州煎蠔仔餅$110白灼基圍蝦$88腐乳通菜$552個白飯無論係午餐晚餐還是深夜宵夜，都能滿足各式味蕾需求，成為區內不可錯過美食招牌滷水系列：滷水鵝、鵝片、滷水鵝肝、滷水拼盤、滷水鵝掌翼特色小炒：蒜香蜆仔肉、韭菜豬紅、椒鹽鮮魷、小炒王人氣美食：蠔餅、蠔仔粥、薯仔牛柳粒地址：旺角通菜街12-14號地舖（港鐵旺角站E2出口步行約4分鐘）標記樂園潮州打冷小菜

今天去了歷史悠久的標記潮州打冷。星期五晚全場不是太滿 第一道菜上的上的是滷鵝片。例牌價錢是$80。我們四個人叫了大份$120。出來的時候我們還以為叫錯例牌。原來大份就只有六片。+1點點碎。份量比我們想像中少。味道合格肉質不太柴。豆腐入味再來的是雙腸例牌。滷水鵝腸加生腸。這味份量比較適中，爽脆可口。適合喝啤酒。另外來一客椒鹽排骨。還是覺得現場吃總比三餸飯，那些好吃。一點點脆口 有一點點濕潤。好吃又來一個啫啫雞煲。上菜熱騰騰的就是要那種吱吱聲的聲音。這就是香港的小炒味道。這種雞塊吃出是新鮮雞的。肉質滑溜味濃。

嚟呢度唔係食小菜，每年都會過嚟食羊腩煲，事關佢嘅羊腩煲超級足料，羊腩位置亦揀得非常好，味道調味得啱啱好，點埋腐乳醬，可以食幾碗飯，佢會有埋菜，最後浸落湯度落嚟食，真係超好味！！

本身想去旺角附近打邊爐，點知可能係假期嘅關係每一間都非常多人，我哋決定退而求其次，今次去咗打冷先！就揀咗呢一間喺旺角嘅打冷舖頭！✔️韭菜豬紅，叫咗唔夠1分鐘就即刻上碟，非常快手，加埋啤酒簡直就係一個字爽！整體味道都唔錯，不過冇乜太大特別我建議加埋辣椒醬食會非常好食！✔️滷水鵝片，呢個價錢嚟講份量有啲少，不過好彩味道加分，咬落去都有非常香嘅鵝香，我哋另外叫咗白飯送嚟食，正！✔️蠔餅，食潮州嘢點樣少得食蠔餅，非常香口，而且即叫即炸，好香脆，鍾意食蠔餅嘅朋友一定要試！

呢間潮州嘅打冷都幾出名，所以今日專登嚟旺角試吓佢！我其實7點鬆啲坐低，啲friend遲到，佢哋叫我點住嘢食先，咁我點咗椒鹽九肚魚同胡椒豬肚湯，上菜速度係超級快，大概8分鐘已經煮晒出嚟👍，所以真係要讚一讚！跟住重點咗，滷水鵝片，滷水拼盤，蠔仔粥，煎蠔餅同埋蒸白鱔！兩個滷水都好好食，滷水汁都好濃，不過我唔鍾意食內臟。熱辣辣煎蠔餅呢，佢唔係落好多粉，但係都脆，所以都幾好食！蒸白鱔亦都非常之有水準早知呢個係夠鑊氣，適合飲下啤酒坐低吹吓水嘅地方！

一向都好鐘意食大排檔，今次又嚟我地最常嚟嘅一間，坐樓上冇咁嘈。薯仔牛柳粒欣賞佢個牛柳夠稔，而且份量唔少，薯仔就夠淋唔錯，如果外皮都脆就正韮菜豬紅嚟親都會叫嘅一道菜，好入味，豬紅同韮菜兩者都幾多。 不過覺得唔洗咁多汁滷水鵝片厚薄度切得啱啱好，多肉少肥。下面仲有d豆腐墊底，點醋食不得了滷水拼盤 (大）必叫，成碟滷得幾夠味。有蛋、生腸、紅腸、大腸、墨魚、鵝腸等。 生腸、大腸、鵝腸都易咬，對於冇乜牙力嘅我啱哂。

第二十二個年頭，離開梅窩，我們跑到「標記」去！或許隨心、擁抱彼此共同珍惜的事物和信念，這才是我倆認同的浪漫！有時，我們也會隆重其事，找家平日不會去的餐廳奢侈一番，但絕不愛港女上身，以打咭為本，滿足為食慾望才目標。我想講其實「標記」也好浪漫！一位巴士車長，一碟小炒皇、一碟椒鹽鮮魷、一碟豉椒炒蟶子，再來一支啤，看他滋味地享受著，誰說這不是浪漫啊！至於我們的浪漫晚餐，則有韮菜豬紅、春菜排骨、羊肺煲和一支啤，哈哈！「標記」晚上供應各式小炒和潮州打冷，選擇可謂不少！面前的韮菜豬紅色澤較深，韮菜介乎爽與腍之間，有菜味、但不溶爛！而豬紅則不會死實，入味得來、味道又不過份濃烈，雖然不是我吃過最好吃的韮菜豬紅，但水準不賴！春菜排骨以春菜為主， 摻進少量排骨和附帶白蘿蔔！燜煮火喉剛好，春菜軟硬適中、且夠入味！喜歡高湯不過濃，可品嚐得到自然的菜香，是吃得舒暢的春菜排骨！羊腩煲是我們冬日首選的麻甩美食，兩個人只能叫小份，雖然沒有火爐保溫、亦沒有配送生菜，但一樣吃得好快樂！件件連皮的羊腩比預期多，還配備枝竹、冬菇和馬蹄， 味道不錯之餘，火喉也佳，保留羊腩嚼感，這份小的才二百多元，足量足料，麻甩得相當滿意啊！第一

真係冇乜寫過食評 但真係頂唔順首先 衛生差劣 餐具碗碟黐立立然後到食物 滷水死咸 咸到腎虧鵝片薄到 完全冇口感 師傅刀工真係「一流」d肉又梅 ，但墨魚片又厚 有啲似擦膠鹹菜豬肚湯 咸到喊出黎 料又少最易整嘅蠔餅 ，唔脆 啲蠔仔又腥（返到屋企有啲肚瀉）其他都唔記得食咗咩 總之就係難食嘅打冷跟住講服務， 首先搵一個人落單真係好難等咗勁來都冇人肯過嚟 叫佢又唔認 ， 再叫周勁大聲呼喝話：聽到啦 ， 但係聽到又唔係過嚟喎 ， 嗰個中年阿叔 疑似老闆 ， 好似食咗狂燥藥， 下下勁大聲 態度勁惡劣 貼錢買難受經驗

每次同一大班fd去食野第一時間一定係標記,明明未人齊,得我一個到,叔叔叫我入去坐住等啦,人情味,可能有人會覺得宜到d叔叔同姐姐粗聲粗氣,佢地都有返咁上下年紀,又長時間嘈音工作,大聲左啫,唔係冇禮貌嘅,宜到叫到成枱野食又汽水又啤酒,每一都係百零蚊,邊到搵,仲要碟碟都唔細碟,每次必點有滷水拼盤(大) $130宜個係一定要點,打冷一定要食滷水,紅腸,大腸,墨魚最正,我地係連下面d芽菜都食清潮式蠔仔粥(窩)$118我地一行8人,一窩8人分都夠,d蠔又脹卜卜,唔腥蒜香安格斯和牛薯仔粒$110宜個餸去到邊都係最主要食d薯仔,唔係牛標記艇仔小炒王$75個小炒王d蝦乾好大隻,好好食,又多nuts南乳銀絲雜菜煲$68幾時都要食蔬菜,蔬菜的重要性避風塘三菇$683菇勁好送酒,好快就會清哂椒鹽大鮮魷$84我其實鐘意黃金鮮魷多d,不過椒鹽都好食荷香海蝦籠仔蒸飯$68冇數錯個籠入而係有8隻中蝦,68蚊咋

標記係我哋幫襯多年的打冷，喜歡呢度熱鬧的氣氛，收得夜，就算好夜都好熱鬧，好適合我地d夜鬼和酒鬼去，但曾經有段短時間冇來，因為食物質素下降得力害，但最近呢幾個月來光顧，食物好味左超多又穩定，可能轉左廚師或改善左味道？就算星期五好旺的日子來，食品水準依然保持得到.另外一讚就係無論幾忙，d叔叔和姨姨待應都好有朝氣活力，好風趣❤️墨魚紅腸 和鹵水拼盤入味，又夠淋豉油王炒麵彈牙惹味避風塘菇外脆內軟土豆絲辣辣地配埋冰凍啤酒一流總括嚟講所有食物味道都很好味，價錢合理

好耐無食潮州打冷，呢間響旺角通菜街，地理位置方便兼開得夜，有人推介話好食，有人話唔乾淨食完肚痛，有人話試過便知龍與鳳，就一於試下佢～① 蠔仔餅 大$85酥脆好食！② 滷水鵝 大$160薄身鵝肉口感不錯，夠入味。不過肉得一層，下面全部都係豆腐同花生。③滷水拼盤 大$130呢個相對係比較多料豐富。④豉油王開邊蝦 例$85因為開邊關係，兩隻先等於一隻蝦，略嫌太乾身，蝦肉唔爽口。⑤椒鹽鮮魷 大$120好食！香口！唔覺油膩！⑥順德蜆介鯪魚球 $68普普通通，夠結實足料。⑦金銀蛋浸白菜仔 例$78無特別的時蔬小菜。⑧滑蛋蝦仁炒飯 大$97幾隻大蝦爽口彈牙，滑蛋濕濕地撈飯幾好食。.一行七人叫左八個菜，唔敢想像例牌有幾細份，因為連大都唔算好大份。不過都算夠大家分，有幾樣仲好食到有人想Encore。

朋友約打冷，揀左呢度。我cap左Openrice食評畀佢睇，佢問大家要唔要轉場，我建議照黎。因為：（一）想Fact Check（二）我地得四個人(唔係六個)可能因為食630pm，我地四個人有得坐六人枱。店員應我要求推薦菜色。食到八點，全場滿哂。無人催我地埋單。環境：簡單，地面乾淨。雖然無聲，但有NowTV睇。食左：三支藍妹，啤酒夠凍。潮式酸菜花生蜆仔，薑葱魚泡，大蠔餅，大眼雞，鵝件併鵝腸。有加一。共$663

標記除左旺角有分店，深水埗都有一間，小編今次同朋友去左旺角分店，會一會佢既羊腩煲同撚手小菜羊腩入味恰到好處，咬手軟稔，點一點腐乳真係神仙都企唔穩另外叫左兩個開胃小菜，送啤酒一流，簡直係男人既浪漫🤪標記係羊腩煲界算係性價比極高，小編都食過好幾間，平過標記既味道一般，貴過標記又唔算好出色同埋比較細份，所以咁多年都係鍾情標記羊腩👻

我和我的朋友一同六個人，老闆安排了我們坐樓上一張大枱。剛剛入座後，我們正在查看餐牌，樓上的那個大嬸便不斷催促我們下單。然後突然又跟我們說這張枱太大，不屬於你們的。之後過了一陣，當我們打算下單時，那個大嬸竟然跟我們說要調到一張四人枱。我們六個人，大家都有隨身物件，絕對冇可能要調到一張四人枱。但她愚弄我們說位置是夠的。當我們坐下後，才發覺十分擠迫。以下才是最離譜的，當我們坐下四人枱後。突然有幾個新客人，他們都是六個人，那個大嬸竟然安排他們坐我們之前那張枱。於是我便問他，為什麼他們六個人可以坐那張枱。那個大嬸竟然再次愚弄我們，說他們有七個人。但隔離枱的客人跟我們說，他們只有六個人。於是我們便離開唔食。我覺得這間餐廳不推薦任何有尊嚴的香港人進來，如果你沒有尊嚴，且喜歡被人愚弄，歡迎。