村爺爺龍蝦湯.泡飯.燉湯專家

营业中

休息中

每次經過這家店都看到排的不少人 由於時間緊迫就沒有辦法嘗試 今天5:30就到來了 門口祇有5個人排了10分鐘 進了裡麵點了一個花膠螺片雞煲 湯，老實說 我覺得他這個菜沒有什麼特別讓我驚喜的，裡面有半隻雞 所謂的花膠切成 三五條細絲 螺片我也沒有找出來 所以我並不覺得這個雞湯非吃不可，湯感覺不是真的 雞煲出來的湯好像加了牛奶的感覺 嗯 68塊錢的價格也算合理 畢竟有半隻雞在裡面，是不能要求太高了吧，每個人對食物的要求都不一樣 我的感覺就是 不明白為什麼每天會有這麼多人在外邊排隊，可能我叫的東西不對

一直都好想試， 睇到好多人介紹同埋食評， 我都唔執輸，試吓佢咩料！條隊一路保持住一定嘅長度，無論係喺開始排隊， 還是就嚟排到， 到最後食完行返出嚟， 條隊都一樣咁長！排咗大半個鐘頭， 終於都食到啦！溫馨提示：要齊人先入得選擇咗兩個招牌湯飯！特盛海鮮龍蝦湯飯，同埋鮑魚蟲草花膠雞煲翅！海鮮湯飯， 雖然只係得個龍蝦頭， 但係個蝦樣好似浸緊溫泉咁🤣！仲有好多膏添，海鮮大隻新鮮，鮮甜足料！加埋白飯一齊食，粒粒都被湯嘅精華包着，老公食到舔舔脷！鮑魚蟲草花膠雞煲翅，有成半隻雞咁多，仲有配料杞子同埋龍眼肉， 成個底呢好濃郁， 集精華所在🤪，最後我哋冇加到飯， 但係都食到捧住個肚走，女性食完都覺得好補身養顏！我哋仲加咗兩杯冰茶， 大大杯，唔會太甜，好好飲！！最後我哋發現其實兩個人叫一杯都可以😅PS:可以再encore！！食吓其他唔同款！😋

今日又跟老同學黎位於油麻地地鐵站出口的村爺爺食龍蝦海鮮泡飯, 貪佢經濟實惠, 分量又多, 大部分套餐都係幾十蚊至百多蚊, 難怪3.3 呢啲時間座位也常滿了。除了多款靚湯, 還有泡飯、麵食、小食及飲品供應.菠蘿梳打(跟餐+$16)好得意的懷舊雪碧梳打樽仔, 朋友話菠蘿汁溝梳打水好飲。即麼日本炭燒咖啡  (跟餐+$6) 夠香濃及順喉, 即磨咖啡真係好飲啲, 三點三提神一流。墨魚手指拼魚腐附泰式甜酸醬 ($32）墨魚手指裡面真係有好多墨魚粒, 彈牙有咬口, 魚腐則軟滑, 有魚肉鮮, 拈些甜酸食, 更惹味。真、盛龍蝦海鮮泡飯 ($168/特價)又係做緊特價, 唔係唔食呀?半隻龍蝦、青口、帶子仔、扇貝、花膠、魷魚圈、螺片、新鮮蜆及生菜底, 十分大堆頭, 海鮮湯底盡享不同海鮮的喊鮮, 比魚頭湯重口味, 用來泡飯較合適。龍蝦肉都算爽甜, 但就略不夠鮮, 青口肉微彈不梅, 也很甜, 魷魚圈爽口, 扇貝夠新鮮, 好甜, 下面的生菜吸晒海鮮湯都好正。鮑魚花膠蟲草花魚頭湯 （$88/特價)我想飲川芎魚頭湯, 不過始終係藥材湯, 朋友未必啱飲, 所以叫咗呢個鮑魚花膠蟲草花魚頭湯, 同樣滋補, 啱曬呢啲秋天乾燥

今日嚟到油麻地好受歡迎嘅湯飯專門店 村爺爺👴7:30嚟到勁多人大排長龍！黎到當然要試下出名既湯飯叫左兩款都好味～🔅鮑魚花膠蟲草花雞湯飯呢個湯底好滋潤又補 食落去好暖 裡面用料勁多！有超多蟲草花膠仲有大大隻雞呢個價錢黎講真係好抵食 雞肉又滑 唔會煮得太熟整體黎講好中意黎講都好好食🔅真.盛龍蝦湯泡飯呢個一上檯已好吸引勁大龍蝦之後裡面有好多海鮮所以會食得出佢既湯有鮮味 但我個人就更加中意雞湯飯 🥰🔅墨魚手指拼 魚腐另外仲叫左呢款小食 配酸甜醬好開胃 特別喜歡魚腐個質感唔會太油 肉質又比較彈牙🔅石榴梳打 蜜桃梳打兩杯野飲都超大杯 而且佢既果汁好新鮮加堆梳打真係一個字 爽啊☺️入秋黎食都幾暖胃 唔怪之得咁受歡迎

每次行過呢個位，都見到大排長龍，佢成功吸引左我注意🤩，令到我都想試埋一份🤤。如果繁忙時間，大家記得預返排隊都起碼要半個鐘，而且人齊先可以入座。排隊等嘅時候可以先睇定餐牌，就到我地入座嘅時候落埋單，入座唔洗好耐就可以有得食👍🏻。我地嗌左真.盛龍蝦湯泡飯套餐🦞同埋鮑魚花膠螺頭雞煲翅🐔，啲嘢食上台嘅時候，果然無令我失望，不枉我排左甘耐隊😍。真.盛龍蝦湯泡饭套餐🦞真係半隻波士頓大龍蝦、一隻大扇貝、青口、蜆、魷魚🦑、細帶子、元貝、花膠、象拔蚌等海鮮配料，可以話係一個小型海鲜湯大雜燴🍲，有生菜做底，湯頭鮮甜，同時有好濃嘅龍蝦同海鮮味，係勁好飲🤤。龍蝦鮮甜爽彈啖啖肉，扇貝都好大隻好厚肉，全部海鮮都十分新鮮，而且處理得好乾淨，抵讚抵食👍🏻。另外配有一碗白飯🍚，加入湯到變成泡飯，吸收曬湯嘅精華，真係無得頂。不過，唔洗食碗飯，剩係飲湯同食曬啲料已經經好夠飽，好滿足🥳。鮑魚花膠螺頭雞煲翅🐔呢兜一上台再次嚇親😳，真係半隻雞。即刻忍唔住飲啖湯試下，超级濃郁嘅雞湯，但又唔會太油膩，湯頭清甜，隻雞吸收曬湯嘅精華，雞肉十分鮮嫩入味😋。除左半隻雞，湯入面仲有鮑魚仔、花膠、螺頭、翅、蟲草花、元貝等食材，相當足料，真係味道

村爺爺條人龍真係由6點幾開始就出現到收鋪，今日晏左少少食飯，行到去8點幾左右，都排左半個鐘倒🙈真•盛•龍蝦湯泡飯 $168完全係海鮮盛宴，半隻龍蝦，扇貝，魷魚圈，青口之外，仲有大量貝肉同蜆肉。貝肉多到沉哂底都仲有，完全唔洗懢住食，咁多料所以湯既海鮮味都好重，少少咸鮮味，拌飯正👍🏻鮑魚花膠蟲草雞湯 $128睇個色水都知啖湯夠濃郁，好鮮甜帶濃香雞湯味，花膠勁大塊，雞肉係滑又咸香，鮑魚都唔細隻，比足料都係$128真心抵👍🏻套餐+$15有埋菜同白飯，當加個成個飯倒落湯度食吸哂d雞湯精華，感覺好補😋鵝腸皇拼黑毛豬片 $68豬肉片就正正常常無雪味無酥味，但係鵝腸有驚喜，乾淨無肥膏，彈牙之餘好鬼香😋哩度d梳打都好抵飲，16蚊大大杯仲要用玻璃樽裝雪碧，叫左熱情果梳打同菠蘿梳打各一，夠清涼冰凍又唔會溝到淡哂🍍走個陣仲有幾個人等緊位，食好野真係要等下既🙈

油尖旺區，除了是購物天堂，更是尋找美食的好地方，當中有不少掃街美食、特色咖啡店、世界各地的餐廳，五花八門，要一一品嚐，也需要很長時間喔！而 BeautySearch 一向最關注那些在網絡中經常被力推，而現場又經常出現食客排長龍的店子，好像位於油麻地的《村爺爺》，雖然開業已有一段長時間，卻長期出現排長龍現象，受歡迎程度，可想而知。  這店子地方雖少，又沒有華美裝潢，卻引來不少食客長期排長龍支持，還有不少雜誌訪問及名人到訪，試問怎可不試!?鮑参翅一向被視為造節及喜慶日子的美食，不過，這次不用等待，也能品嚐村爺爺的最強主打「鮑魚花膠螺頭雞煲翅」。 還未正式起動，已看見原隻鮑魚放在上方，非常吸睛！雞肉軟嫩有彈性，沒有被煮爛或拆件，足足半隻雞，未食完已覺飽肚。還有花膠、響螺、蟲草等食材熬製，相當足料， BeautySearch 最愛的花膠更是一片一片的，而非『碎濕濕』的，加上雞湯鮮甜味濃，沒有半點油膩感，啖啖膠原，滋補又養顏。感覺大滿足！招牌「真.盛龍蝦湯泡飯」，大大隻波士頓龍蝦，半隻開邊而上，份量十足，非常震撼！龍蝦肉質爽彈，搭配青口、蜆肉、帶子仔、魷魚等材料，相當豐富。湯底更以龍蝦熬成，鮮味

餐廳：村爺爺龍蝦湯.泡飯.燉湯專家 (油麻地)地址：油麻地砵蘭街72號地下喺油麻地嘅村爺爺龍蝦湯.泡飯.燉湯專家 @grandpamura 一直以嚟深受香港人歡迎👏，連開兩個鋪位，好多人都話過嚟食嘢要排長龍，我今次都無例外，排隊排咗接近20分鐘先有得入座，可見八年嚟人氣依舊旺盛👍除咗充滿香港特色嘅車仔麵🍜，村爺爺仲專登搜羅世界各地嘅高級食材取代車仔麵嘅食材，仲只喺收平民價錢，最平四十幾蚊就食到飽，希望帶比食客低消費高享受嘅美食體驗😍。另外不得不提嘅當然喺馳名龍蝦湯、泡飯同埋燉湯啦🤤。咁村爺爺每個月仲有超抵價限定主食比你叫，例如今個月就可以以$68食到原價$138嘅鮑汁花膠海參花膠撈麵✝️鮑魚花膠蟲草花雞煲翅 $128濃郁嘅雞湯鹹香清甜，鮮雞嘅滋味喺口入面徘徊🐔，足半隻嘅嫩滑雞隻，配上鮑魚仔、花膠、龍眼肉、蟲草花、元貝、杞子得食材，滋補養生，咁嘅價錢真喺夠晒誠意🥰✝️真.盛龍蝦湯泡飯 $168呢個海鮮煲認真足料，裡面有半隻龍蝦🦞、青口、元貝、扇貝、花膠、魷魚🦑、螺片等多款海鮮食材，湯頭鮮味十足，撈飯食一流，龍蝦肉同龍蝦膏嘅份量唔少😻✝️黑毛豬拼豬肚尖 $58雖然喺白烚，但就咁食已經好好味，原汁

睇到呢間專買龍蝦湯,泡飯,燉湯即時心心眼因為我同阿囡都係湯怪,有湯飲就可以飯都唔洗食見佢長期排隊排到癲嘅情況底下,我又唔想星期日都煮飯我就決定今日下晝4點幾出門口慢慢搭車出去,去到5點3左右,唔洗排一個人都無(叻叻)入去前食飽出嚟就見到排到咁啦食飽後見佢又咁近地點又方便📍📍📍油麻地站A1出口行1分鐘就到啦砵蘭街72號入正題先,我就叫咗我最愛嘅花膠螺頭雞,一上枱即試啖湯先好清甜一D都唔濁,而雞就好滑連雞胸都唔會鞋,我仲落埋手當手撕雞咁食,自己食曬半隻雞🤣阿囡最愛貝殼類咁就叫個真.盛龍蝦湯泡飯比佢,好在我無再叫飯或米粉,份量大到呢,佢嗰碗仲有生菜底,浸咁咁耐D菜仲係脆㗎而我家公主一見到佢嘅最愛都係即刻試試佢先,佢飲第一啖就已經嘩嘩聲話好正好甜呀,比佢笑死仲叫咗個小食,黑毛豬拼鵝腸皇,兩樣嘢都爽口嘅,呢個就點辣椒豉油食都唔錯因為今日都比較熱所以都叫咗兩杯凍飲,嘩!!!大杯到呢石榴梳打因為我本人比較唔敢試新嘢同埋我唔飲得太甜,所以叫杯凍炭燒咖啡,但我都覺得阿囡嗰杯好好飲,係正嘅我食食下聞到隔離枱個川弓白芷魚頭湯好香呀,下次可以再試其他,真心好同埋佢地全部員工就好nice㗎,個EE見我開唔到包濕

🔅🔅🔅🔅🔅🔅🔅🔅總分: 5/5 (一定會再返嚟食！)推薦俾:鍾意食海鮮嘅人 鍾意尋找啲平價美食嘅人 食量比較大嘅人🦞🦞🦞🦞🦞🦞🦞🦞🔅極上海鮮龍蝦湯泡飯 ($68)超極好食！本身嗰個湯底十級鮮甜 好重海鮮嘅甜味 仲要冇乜味精好足料！最少有四隻大青口 一隻好肥嘅帆立貝 同埋無數咁多嘅蜆同墨魚仲要每一樣嘢都好新鮮 但要留意有時會有少少少少殼碎 要小心啲食雖然冇龍蝦本人 但係都有偏突出嘅龍蝦味呢個價錢真係算好抵食！🔅生灼墨魚圈 ($36)一開始上枱嘅時候以為佢會好普通但點知佢個墨魚好爽口好新鮮配埋辣椒豉油其實好惹味Impressed咗！🍲🍲🍲🍲🍲🍲🍲🍲地址: 村爺爺龍蝦湯.泡飯.燉湯專家 (油麻地)油麻地砵蘭街72號地下環境嚟講~鋪仔細細 啲位唔係特別鬆動但係一過咗六點超多人排隊所以可能要趕少少食尤其是個龍蝦湯泡飯淨係可以堂食 冇得外賣服務都幾好~

之前經過見到呢間小店大排長龍，知道一定有隱世美食😊所以今日早啲去等位😜睇返餐牌，選擇都幾多，當中不乏一啲食材昂貴嘅item，但價錢非常合理，而且每月仲有特選item係驚喜優惠價🤩熱情果梳打及菠蘿梳打~玻璃樽裝嘅雪碧，已經比尋常嘅好飲，配上甜絲絲嘅菠蘿同熱情果香味，果真冇令我失望😍墨魚手指拼魚腐～魚腐外脆內軟，莫名地有一種幸福感，墨魚手指則非常彈牙～配上醬汁有畫龍點睛既效果😋真·「盛」龍蝦湯泡飯套餐～龍蝦嘅直徑可以大過碗嘅口徑，只係賣相已經贏咗九條街，配上其他海鮮襯托，用「豐盛」形容一啲都不為過！湯嘅味道更加充滿海鮮嘅鮮味，只係食海鮮已經夠晒飽🫣鮑魚花膠螺頭雞煲翅～只係呢個名，已經知道湯底會極其香濃鮮甜，用料非常充足，而且尺寸係我意想不到，用了整整半隻雞，淨係食雞髀已經非常滿足，將飯放入湯中，吸收其精華，再配上花膠、雞絲，真的令人回味無窮😍

身為村爺爺fans今日又黎幫襯啦！次次都係食雞湯飯多，今日決定豪氣下，試試佢地個龍蝦！✨真盛龍蝦湯泡飯有超大隻龍蝦係面非常吸睛！除左龍蝦，仲有大大隻扇貝、青口、花膠，無數咁多既小元貝、蜆。海鮮都好新鮮，彈牙之餘仲好鮮味。而個湯簡直係濃縮哂啲海都精華，超級鮮甜！✨鮑魚花膠蟲草雞湯雞湯一如以往咁甜！今次加多左鮑魚，大大隻，又彈牙。配埋啲花膠同雞，非常滋陰養顏，啱晒女士飲～而且半隻雞份量足，雞肉滑，點埋秘製辣椒豉油好好味😋✨鵝腸皇拼黑毛豬片鵝腸煮到啱啱好，唔會韌，而且洗得好乾淨唔會腥。黑毛豬片夠厚肉，亦有肉香！✨菠蘿梳打&熱情果梳打超級大杯，雖然係用雪碧，但都唔會過甜，抵讚！

唔洗一百蚊可以食到雞煲翅仲要有菜有飯有飲品村爺爺就能夠完全滿足到唔好以為呢個價錢會好求其，當試過就知真材實料，份量大又好食💥花膠螺片雞煲翅💥雞煲翅每煲有半隻雞，肉質鮮嫩唔會嚡，雞肉點埋秘製豉油簡直襯到絕，湯底清甜有鷄味唔會油，白飯配埋湯一齊食真係一流，仲有花膠、螺片同埋翅，好足料完全唔係講笑只要加多$15可以轉套餐，有飯有菜有飲品，食曬成個餐真係好飽，值得一提呢度凍飲大大杯，唔會一啖飲晒，啱晒而家咁熱嘅天氣，～村爺爺絕對值得試

8月29日揾食肥華計好時間，行完現時點，買埋心頭好，再約埋靚媽在17：OO之前到呢間人龍名店，食花膠魚翅鷄湯餐，果然不出肥華所料，在呢個食下午茶時間過咗食晚飯又冇咁早嘅青黄不接時段，此店衹有七八成入座率，所以肥華和靚媽不但唔使在此店門外排隊，更被安排坐到一個較好用餐座位，因此店要求光顧嘅食客每人都要叫一個餐，所以肥華就和靚媽各點了一個鷄湯餐及一客炸墨魚條魚腐小食，老實講啲鷄湯上枱熱辣辣時係幾好飲，但若果好似肥華呢類食嘢唔快嘅人食呢個餐就唔啱嘞，因啲鷄湯涼咗同初上枱時嘅味道係天與地嘅分別，而個炸墨魚條魚腐則衹有做法特別而味道就平平無奇，因在此店食嘢嘅風格唔啱揾食肥華，相信此店肥華都唔會再光顧

📍 📍 📍 村爺爺龍蝦湯.泡飯.燉湯專家 (油麻地)油麻地砵蘭街72號地下絕對係平民美食！餐廳長期岀現人龍，今次經過見到無人排，即刻唔執輸，入去試下呢間勁多好評既平民餐廳🤭🤭食完覺之後食物足料，平、靚、正，而且員工友善。👉 椰子花膠竹笙干貝雞煲💰78+ 15轉套餐(絲苗米飯，可轉上海拉麵/公仔麵/米粉/油麵/米線)配秘製鼓油，附送油菜一碟😋😋😋😋.5/5個湯真係真材實料㗎，足足有成半隻雞，仲有花膠，竹笙，螺頭，干貝，絕對係足料！份量真係2個人食都得！個湯有好濃郁雞味，鮮甜！米線吸晒雞湯鮮味。雞肉好嫩滑，雞皮夠爽脆，完全唔會鞋，加埋米線真係飽到上心口！，咁嘅價錢食到成個套餐，又高質素，真係絕對會再黎！👉 黑毛豬腩肉拼墨魚圈💰$48😋😋😋/5因為一人至小一個套餐或小食，所以就叫左個白灼鮮魷拼黑毛豬腩肉，點辣椒醬油更添鮮味。對俾個雞真係無咁抵🤣🤣回頭: yesyesyes!!!個人覺得好高性價比，食完唔會口渴，唔覺得有味精，而且店員友善，唔怪得經常有人龍🤭🤭。 #kermit食在油麻地