村爺爺龍蝦湯.泡飯.燉湯專家

营业中

休息中

村爺爺食左幾次都是食車仔麵，無他，因為每次都大排長龍，今日早少少排隊人數不算多，等了十多分鐘就入得，終於食到，真材實料呢！我們食到一點半依然有人排隊，利害。人均：$179.5.小食：墨魚手指拼魚腐次次都叫魚腐，軟棉棉的口感，好易入口，好味。.南乳炸雞翼炸得香脆，南乳味入晒雞翼裡面，口腔陣陣南乳味。.主食：鮑魚花膠螺頭雞煲翅必試必叫，足足有半隻雞，還有鮑魚、花膠、螺頭、翅、半碗蟲草花，哇，香濃雞湯，又甜又補身，隻雞雞味重，好好食！還有一碟生菜，一碗飯，最正是他的辣椒豉油，點什麼都好野味！.龍蝦龍躉海鮮湯飯龍蝦湯好濃呀，除了龍蝦和龍躉外，還有雞柳，花膠，絲瓜，好多海鮮，有青口、蜆、魷魚！極豐富！湯飯是最夾。.飲品：熱情果梳打、熱檸水梳打大大杯，好抵飲！

呢間嘅龍蝦湯泡飯真係好足料抵食🤑除咗有半隻龍蝦之外🦞仲有青口、蜆、魷魚🦑同帶子～龍蝦肉好爽口彈牙 再配埋甘香嘅蝦膏 真係好好食😋個湯底食落都好鮮甜 泡飯索晒湯 真係一流😈

/ º #抵食足料雞煲翅@油麻地．村爺爺龍蝦湯.泡飯.燉湯專家° /————————————————總括💬：油麻地長期人龍店，足料雞煲翅，平、靚、正推介！環境：★★★★☆ | 味道：★★★★★服務：★★★★☆ | 抵食：★★★★★————————————————就算經常要排隊已經第N次回頭幫襯村爺爺因為佢地既雞煲翅足料又平靚正.同親愛的一人一煲湯轉埋套餐有湯、有飯、有菜、有飲品唔使$200埋單.˚‧⁺ ･ ˖ · 花膠螺頭雞煲翅 ･ ˖ ·⁺‧˚每煲有半邊黃油雞，鮮嫩啖啖肉，湯頭充滿香濃雞味，配埋厚身花膠、螺片同翅，入口唔會太油膩，鍾意配米線食，吸晒雞湯鮮味。.˚‧⁺ ･ ˖ · 椰子花膠竹笙干貝雞 ･ ˖ ·⁺‧˚雖同樣係雞湯，加入左干貝、椰子，有另一種鮮甜味。同樣都有足料既半隻雞同花膠，親愛的配白飯做成泡飯，另有一番風味。————————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍  村爺爺龍蝦湯.泡飯.燉湯專家網址: https://s.openrice.com/QrbS0Za0700~uEWuIAw地址: 油麻地砵蘭街72號地下電話: 63956703

🚩油麻地三號風號無懼横風横雨想食我哋checklist嘅龍蝦同花膠雞泡飯 叫做平價之選 性價比高😙—————————————————————————男友評價🌚：🦞真《盛》龍蝦湯泡飯 $138先講個湯底 呢度標榜係用龍蝦湯做個湯底 但係未去到好有驚喜 略略帶有少少嘅龍蝦味 但實質味道似好耐之前細個食嘅吉邊🫠但係應該係自家製煲嘅 飲完都冇好頸渴 不過值得一讚嘅係分量充足好大碗 配上超多海鮮 青口肉質正常 雖然唔會話非常爽口彈牙 可以接受 但裏面有幾隻都有d沙定唔知係殼碎😅而且裏面仲有帆立貝 魷魚 大量蜆肉 迷你帶子 生菜仲有舊花膠添😯超多配料 當然呢啲都係冰鮮貨味度主要靠湯底 但勝在以量取勝 合格以上👌🏿最後就講嗰半隻龍蝦 個龍蝦原來係凍嘅 可以見到個龍蝦鉗仲有少少冰霜喺度🫣咁樣配搭好奇怪 一凍一熱所以食嗰陣時要將d龍蝦肉浸落去個湯底食 雖然我嗰隻冇乜膏 不過肉質都算係爽 而且帶有少少嘅龍蝦味 好過自助餐嗰啲好多倍 性價比幾高 但係個龍蝦鉗因為要自己鉗開個殼 食得有d揦手唔成勢😂女友評價🌝：🐔花膠龍躉雞煲翅套餐 $122第一反應都係好足料嘅 成個煲都滿晒咁濟 我諗下次都唔洗加錢叫套餐🤣（有

星期日帶媽媽到佐敦油麻地行街、行到肚餓，諗起之前見過呢間，好似有好多唔同材料、主打食泡飯嘅店，就一於去試吓🤗坐低見到餐牌，已經有選擇困難症，好多唔同材料整嘅泡飯：花膠、龍蝦、螺片、干貝、黑毛豬、…湯底又有好多選擇：龍蝦湯、雞煲翅、蟲草花、川芎白芷魚頭、…好補呀！點揀好😆😆😆我哋決定試其中一個皇牌靚湯 - 花膠雞煲翅，配麵。另外一個就試牛魔王龍蝦湯泡飯。泡飯到先，個湯底超濃味，用嚟送泡飯真係唔停得口，牛肉又好香牛味😋😋之後雞煲翅嚟到，一睇，唔係一件件雞件，而係有成半隻雞，真係超足料！店員仲俾埋手套我哋用手撕開嚟食，花膠都冇欺場，都大舊🤗啖雞湯都好鮮味，好似用嚟配飯好啲，我哋叫咗上海麵，都唔錯。不過，實在太飽了，我哋2個人都食唔晒～

記得對上一次食村爺爺龍蝦湯泡飯已經係 2018 年嘅事嚟，當時大排長龍座無虛席，今日再舊地重遊幫襯嘅人依然一樣係咁多，不過食好嘢等下又有咩所謂。大概等咗半小時終於入到去，餐牌比以往多咗好多新菜式、套餐同小食，真係花多眼亂，最後同朋友都叫咗皇牌泡飯 “真•村爺爺龍蝦湯泡飯” 加小食。南乳雞翼 ($28) : 南乳味非常濃郁，而且雞翼大大隻，啖啖肉。😋墨魚手指拼魚腐 ($32) : 呢款小食都幾正 😋 墨魚手指口感酥脆彈牙，而炸魚腐亦同樣出色，口感好似豆腐咁香滑。真•村爺爺龍蝦湯泡飯 ($168) : 不愧為皇牌泡飯，啲用料多到爆，有龍蝦、青口、扇貝、墨魚、蜆肉、元貝、花膠、螺肉等等，湯底味道鮮甜濃郁，將跟餐嘅白飯倒哂落去浸一浸先食，簡直冇得頂。

最近同朋友傾開油麻地呢區有咩餐廳好食，講起油麻地呢個地方我推介咗村爺爺，因為自己成日都幫襯，直呈可以話係飯堂，自己好鍾意食海鮮，所以主要都係食殿。海鮮龍蝦泡飯居多，上次問完侍應姐姐殿同真有咩分別之後，今日就試下真。村爺爺龍蝦湯泡飯。😋真。村爺爺龍蝦湯泡飯 ($168) : 全店 Top 1 推介，除咗有半隻龍蝦、青口、扇貝、墨魚、蜆肉外，真。村爺爺仲多咗大量元貝、花膠同螺肉等貴價食材，令整個泡飯再昇華 🤤 龍蝦肉質爽口彈牙，湯底亦鮮味十足，將白飯浸係湯度等佢慢慢吸收哂啲湯，真係正到暈。😍

每次經過油麻地都會見到呢間餐廳長期有人龍！望吓餐牌...最平$68就有花膠螺片雞煲翅湯認真吸引呀😍-🦑墨魚手指拼魚腐（$32）墨魚手指外層金黃香脆內裏爽彈而魚腐大大粒同樣炸得香口有嚼勁👍🏻不過就略嫌油膩咗啲！🦞真.盛龍蝦湯泡飯（$138）除咗有半隻波士頓龍蝦做主角之外仲有青口、蜆肉、魷魚圈、扇貝、扇貝柱等餸料超級豐富呀😍龍蝦肉質爽彈，仲帶有蝦膏添喔！而湯底味道清甜鮮味落埋滿滿嘅一碗白飯撈埋嚟食🍚份量認真驚人！🍴鮑魚花膠螺頭雞煲翅($138)有半隻雞、鮑魚、花膠、螺頭等 雞隻皮肉滑嫩一個人食半隻雞 ，諗真不得了😂湯頭香濃，好正呀😋升級套餐會有菜+飯/麵胃口唔大嘅朋友仔建議唔洗升級，都會夠食喇😉🍹熱情果/菠蘿梳打特飲跟主食每杯+$16份量比一般嘅多成倍😍非常有驚喜，CP好高👍🏻兩杯飲品都係酸酸甜甜開胃解渴

平時已經好人氣長龍，好多人排隊，今晚特別預時間黎排隊，大約等左15分鐘，就可以入座，好快落單同上菜，但可以慢慢食。見到食物同飲品都份量大份，好抵食咁，食完覺得味道正，難怪咁多人排隊。真 ＜盛＞龍蝦湯泡飯 $138有半隻龍蝦，肉質好爽彈，而且多肉汁，仲好鮮甜。個湯好重龍蝦味，非常好飲，泡飯吸哂湯汁，味道一流。仲有青口、蜆肉、帶子仔、魷魚，材料豐富足料，而且質素幾好。有提供鉗，可以食埋龍蝦鉗，肉質嫩又鮮。鮑魚花膠干貝雞 湯泡飯 $138個湯好濃雞味，有干貝更加鮮甜，原來加左桂圓煲雞湯。有半隻雞真係好足料，雞肉嫩滑，鮑魚彈牙都幾大隻，加入白飯做成泡飯，盡吸雞湯精華，味道好正。餐廳提供刀叉 及 手套， 方便客人食雞肉， 服務貼心。墨魚手指拼魚腐 $32墨魚手指好爽彈，估唔到魚腐炸左，香口更好咬，必點小食。熱情果梳打 跟餐$10酸酸甜甜好清爽消膩，而且仲自己加汽水，好冰震好夠凍，份量大杯好夠飲。菠蘿梳打 跟餐$16果香爽口，菠蘿清新味道好岩夏天飲。

.又黎到村爺爺啦！呢間好食到即使要排隊都一定要食到 男朋友大愛呀❤️佢既湯底足料 我今次食鮑魚花膠干貝蟲草花魚頭湯飯佢個湯係好好味 又香甜 飲多2啖都唔會口渴 無味精之選鮑魚爽口彈牙 仲有大大個魚頭 肉質鮮味十足🫶🏻個飯倒落啲湯度變泡飯 吸晒湯底👍🏻應該無人會覺得唔好食！.另外點左店家推介既墨魚手指拼魚腐墨魚手指外脆內彈 無聽錯呀 入面係彈牙架🥰魚腐既皮都炸得好鬆脆🤤好正.男朋友就食真龍蝦泡飯 有半隻新鮮龍蝦架😍啖啖肉 仲有好多海鮮 魷魚 帆立貝 青口 元貝等等足料到呢 真係覺得店家會唔會虧本🥹.夏日炎炎配返2杯水果梳打👍🏻消暑又解渴

今日同朋友行油麻地，經過呢間餐廳，個名叫「村爺爺」幾特別，吸引左我注意，我地停低睇佢門口有啲明星去幫襯既相，電視播緊影帝推介既片。睇到佢主打係龍蝦湯，花膠雞煲，幾吸引，開始肚餓既感覺，於是就排隊等位。等左陣，好快都有位，服務員帶我地入去，服務態度幾好，鋪頭唔算大間，但座位都算闊落，唔會同隔離枱既人太近。我地分別叫左「鮑魚花膠螺頭雞煲翅」、「鮑魚花膠蟲草花魚頭湯」、「墨魚手指拼魚腐」、飲品就即磨日本炭燒咖啡同埋熱情果梳打。上菜速度都算快，兩煲都好足料，每煲都有圓肉，瑤柱粒，花膠，鮑魚，「鮑魚花膠蟲草花魚頭湯飯」個湯底一啲都唔腥，好濃郁，忍唔住飲左幾啖湯，鮑魚size對比呢個價錢係可接受，有半邊魚頭，都唔腥，我將成碗飯倒落個煲度，飯連湯一齊食，另外，熱情果梳打唔會太甜，份量都幾大杯。朋友果個「鮑魚花膠螺頭雞煲翅」，我試左幾啖個湯，無諗到有螺頭都唔會咸，味道適中，亦都好濃既花膠雞湯味，有成半邊雞，啲雞都幾嫩滑，仲食到有幾排翅，真係性價比高，真心推介，朋友話杯炭燒咖啡唔錯，最後個小食亦都好好食，墨魚手指好香脆，炸魚腐亦都同其他餐廳唔同，唔錯。朋友話下次要再黎，試下果個龍蝦湯，期待😋😊

上一次食村爺爺已經係上年既事啦，時間過得真係快，今次去依然都係要喺門口等位，好彩等咗15分鐘就可以入去，咁耐冇食質素依然保持，值得一讚👍🏻墨魚手指魚腐湯泡飯呢款泡飯揀咗龍蝦湯，龍蝦湯底勁足料，好多海鮮，呢個完全係海鮮湯泡飯，兩大隻青口、勁多蜆肉、魷魚，仲配埋生菜🥬，最鍾意墨魚手指🦑同魚腐炸過，好好味😋自選生滾湯泡飯自選系列可以揀兩個餸加一個菜，我選咗黑毛豬片加鮮牛肉同白菜仔，揀咗蟲草花螺頭雞湯底，呢個湯真係非常鮮甜，好似老火湯一樣，雞肉同蟲草花都好多，一碗入面雞牛豬齊晒😂

有日好想食龍蝦\(≧▽≦)/男友搵到依間都幾出名既海鮮泡飯餐廳見到隻龍蝦太吸引所以我地兩個人叫左同一個飯一人一碗唔洗搶𝐡𝐚𝐡𝐚🦞🦞🦞🦞🦞🦞🦞🦞🦞殿‧海鮮龍蝦湯泡飯 𝐇𝐊𝐃𝟏𝟎𝟖🍲一上碟就見到好大隻既龍蝦(半隻)仲有好多膏肉質唔會腍同梅 仲係好彈牙😋泡飯入面仲有大大隻既青口 蜆肉 帆立貝同魷魚🦑個泡飯湯底已經煮到有龍蝦味但唔會過分濃郁生菜🥬既份量都幾多完全吸曬湯既精華個湯應該無落味精 無叫野飲飲曬成碗湯都無口渴💪🏻食完成個飯係大滿足呀！！！環境比較擠迫但依個價錢黎講係無得輸了～

每次經過油麻地，都見到村爺爺👴🏻大排長龍今日落雨，雖然人流減少，但都要排隊等咗大概10分鐘之後就可以入去啦泡飯選擇種類真係好多，花多眼亂啊不過嚟到見個個都係食龍蝦🦞梗係要試吓啦{真}村爺爺龍蝦湯 $138泡飯分湯上，好大隻龍蝦啊🦞龍蝦湯好足料，先飲一啖湯，鮮味十足🤤🦞龍蝦好多膏肉質爽口彈牙又多汁湯底有好多蜆肉、青口、帶子，啖啖都食到海鮮配料，好豐富啊！白飯浸落龍蝦上湯到，索哂湯嘅精華，好正！豬求其龍蝦湯泡飯 $68一啲都唔求其啊😂配料十足！有齊豬肉片、豬膶、豬肚同豬大腸等等湯底好香濃豬骨味，用料十足墨魚手指拼魚腐 $32老闆推介叫款小食即叫即炸手打墨魚滑炸脆後，十分香口🤤仲有炸魚腐，真心正！點埋甜酸醬，味道冇咁單一☺️菠蘿梳打 $16石榴梳打 $16先上果汁，另有玻璃樽雪碧配解渴又消暑🤤

村爺爺龍蝦湯.泡飯.燉湯專家 網地址: 油麻地砵蘭街72號地下電話: 63956703=====================成日見佢大排長龍，專門食湯泡飯架。今日準時放工，6：45去到排左15分鐘入得$88松茸螺頭煲雞，有半隻雞，真係真材實料。仲可以加$15 有埋飯同油菜。個湯料多，個辣椒豉油點雞肉好惹味，完全是媽媽的味道口湯是無飯家庭恩物，平時3餐出街食，更加唔好講話煲湯飲啦，湯水有益滋潤。$68 極上海鮮龍蝦湯泡飯好出名，有海鮮料，有蜆肉，青口，魷魚，龍蝦頭，大堆頭架食材，湯好甜真材實料 湯味道偏鹹，預撈埋飯或做成湯飯咁食。湯飲到一滴不剩。