李家 (埃華街)

营业中

休息中

今日經過大角咀李家，知道佢韓式炸雞好好食。不過座位比較少，平時要等好多人，今日見等一陣所以就去試吓。我的至愛就是肥美燒五花腩肥瘦比例5:5，再點醬汁已經很滋味，今次叫咗蔥炸雞，外層脆皮十分鬆脆，而內裡的肉質非常嫩滑又多汁，配上酸酸甜甜的蔥絲，感覺好特別魷魚鬚香而脆Yummy yummy仲有香辣鳳爪都超級好味😋朋友食到停唔到口🤭👍👍店員好Nice,我哋食唔晒打包，將D食物幫我哋裝好，服務十分周到

第二次同朋友來食啦。今次又食左炸魷魚須，好脆，鹹淡適中，粉薄。牛仔骨係鐵板燒，燒得夠入味又唔會太乾，加埋醬汁夠曬野味。主角緊係炸雞啦。有骨，無骨，甜味，芝士，辣咖喱，好多口味任君選擇，醬汁同樣多選擇，特別推薦蔥炸雞，大大份炸雞，面頭撒上蔥絲，再淋上專門為蔥而備的醬汁，食到你翻尋味。👍👍

今日下午去到大角咀看到李家炸雞就入去試下，點知炸雞外皮好脆，雞肉又超多juice,外脆內嫩。好好味😋，仲有個炸魷魚鬚又是比一般店的做得好好多，雖然裝修簡單，但給人干淨衛生的感覺。食完仲打包左一份炸雞同炸魷魚鬚給屋企人試下，冇諗到佢哋老細都係韓國人，喺香港已經開咗好多年我都係第一次試食，韓國正宗的炸雞感覺用的材料唔係平價貨一食落口就有唔同嘅感覺，極力推薦，下次經過都會再嚟極力推薦炸雞同埋炸魷魚鬚嗰個鳳爪就見仁見智啦因為有啲辣，不是人人都受落，

農曆新年時點過一次甜辣炸雞全雞外賣自取，這次點了醬油炸雞全雞外賣自取，發現份量明顯變少很多很多，上次是2個人吃飽還有剩下幾塊，這次是2人吃完整隻雞還覺得不飽，而且沒有雞腿，整隻雞連一支雞腿都沒有，莫非這次叫到的是雙腿殘廢雞？之前評論就有人叫了半隻雞，也沒有雞腿。我相信這個的事情不是單一情況，而是店家常態性的偷工減料，少給了！很難想像這是剛剛開幕1個月的店，敢開店就不要怕別人吃，做生意要老實點，不要全雞、半雞都不給雞腿，是自己賣的雞是雙腿殘廢，還是把客人都當成腦殘，吃不出來？

呢一間李家炸雞店真係有好多唔同嘅分店，今次就唔咁岩經過嘅話就走咗入去試吓！炸雞嘅款式真係好多，有好多唔同嘅口味可以選擇，我自己今次就叫咗芝士炸雞，鍾意食芝士嘅我，呢度嘅芝士粉真係非常之惹味！而且炸雞真係好正，果然係主打食炸雞嘅餐廳！炸雞嘅外皮好脆！入面依然好Juicy

Lunch經過，見咁多人排就入去試吓。點左半隻原味炸雞。咁啱鄰枱點左一隻原味炸雞。一隻$149，半隻$79，所以半隻應該係足半隻。大家差唔多時間上菜，隔離一隻用大碟上，堆到成坐山咁高，我點半隻，得六小塊。當中有兩塊係一隻雞翼斬開兩件，另外四塊係將KFC size雞胸一件斬開四件。我問個侍應，半隻雞是否一隻翼一隻脾，佢答係，但我果隻點解冇脾，待應答會幫我反映。我即時話：其他唔同你計，你係要補返俾我。等左大半個鐘，等到食完所有野，期間廚房不斷出炸雞，而我追過兩次，都冇補到。最後我忍唔住追第三次，佢哋求其執兩舊碎雞，加埋等半舊KFC雞胸size既雞俾我。之後同我講，如果補返隻脾俾我，其他會少左。o晒咀。以後大家去食，一定要睇清楚。

李家之前係尖沙咀試過，無論味道定環境都同喺韓國嘅一模一樣，而且大大份真係好抵食住喺奧運附近，一路都想係屋企附近搵間有水準嘅韓國菜，而李家今次終於開到嚟大角咀，行過見到都忍唔住入去嗌咗份外賣返屋企慢慢嘆叫咗一份懶人必揀嘅無骨半半炸雞（蜂蜜蒜蓉味加咖喱味），大大份嘅泡菜煎餅同埋芝士雞蛋卷，真係滋味到不得了，好滿足三個人食最後都淨咗三分之一，份量真係好多見到仲有其他新菜式都好想試，等下次可以夜晚堂食嘅時候約埋朋友一齊再去過