李家 (埃華街)

营业中

休息中

又同先生響屋企附近覓食之前食過一次李家外賣覺得唔錯今次試下堂食9:00個d時間唔太多人佢有分室外同室內依家天氣熱我地揀左室內店舖有幾部電視不停播住d韓國mv 好似真係置身韓國咁樣我地order左半半炸雞同羅州牛肉湯上菜之前 有兩份小小既前菜個醃羅白真係出色 好開胃半半炸雞佢可以自由配搭味道 又可以揀有骨同無骨我地揀左無骨既蜂蜜大蒜同青辣椒蛋黃醬蜂蜜大蒜好香大蒜既味道 加埋蜂蜜唔會太乾青辣椒蛋黃醬 佢個醬係另上既唔點醬既話係完全冇咩味既 有dd乾但點左醬之後完全係好match 個醬好重蛋黃味 帶少少微辣 唔洗點好多如果唔係會有d膩羅州牛肉湯呢個係一個湯飯黎既 跟一份泡菜牛肉湯清清地 冇咩味精既感覺個湯入面有蛋絲 同粉絲牛肉份量亦都唔少食炸雞都要飲少少酒既叫左個蘋果西打麗塔飲完透心涼

天氣落雨濕濕突然涼左，睇埋韓劇見到主角食緊湯飯，就諗起李家既炸雞同湯鍋😋魚子湯 ($198)滿滿既魚春同白子，最中意魚春本身好香，口感爽脆粒粒分明，白子本身味淡，所以配上韓式辣湯底就岩哂! 湯底微微香辣，仲有魚子既香味融入左，再加上滾熱辣，泡飯一流🤤鐵板燒牛肉($178)炒得好香又係必需要撈飯! 牛肉洋蔥椰菜perfect match，好多肉汁再加上洋蔥同椰菜既香甜，好好食👍🏻份量仲好大堆得好高下，夠足料好多牛。李家炸雞就出哂名，但其他野都一樣高質，值得棒場🫶🏻

住喺大角咀咁耐 一向都知呢間李家炸雞好多人食 成日都見好多人等位 今日放工夜咗 差不多9點 竟然唔洗等位就有得食 即刻入去試吓地方唔係好大 但座位與座位之間都有一段距離 唔算迫夾 亦都好乾淨企理 服務員都好有禮貌 菜式都解釋得好詳盡 終於點咗蜂蜜大蒜炸雞半隻青辣椒蛋黃醬炸雞半隻 羅州牛肉湯雖然每款炸雞只係半隻 但好大件 幾乎食唔晒 啲炸雞好入味 一啲都唔肥膩 外脆內軟 又多肉汁 口感一流 牛肉湯味道濃郁 牛肉一啲都唔鞋口 仲要配埋白飯 食完呢餐又要做返兩個鐘運動先得嘞 最後叫咗杯Apple cider 飲飽食醉後 一定可以瞓個靚覺發返個好夢幾年冇去過韓國 喺呢度搵返小小韓國嘅回憶 都係唔錯嘅選擇

韓國元祖級炸雞，不得不提李家！香港有多間分店，途經大角嘴埃華街已經有一間。撞正落大雨，已經衝左入去！炸雞幾乎必點，$可以半隻咁叫。點左一個重口味：$208蒜容蜂蜜配原味，新鮮熱辣炸起，皮脆多汁，💯加上沾滿蒜味蜜糖，非常惹味。另外半隻原味，有齊雞胸，雞脾，雞翼，兩個人食有點負擔，但最後都食晒😋另一店中招牌菜：芝士蛋卷$128，唔好睇佢材料普通，但整條充滿芝士及蛋漿，做到拉絲效果，口感軟滑有蛋香👍辣雞炒年糕$178，甜甜辣辣好開胃，有大量蔬菜拌混，醬汁滿滿🫰🏻

打完羽毛球出咗一身汗，係時候補充體力啦😁揀呢到打羽毛球就因為方便食好嘢啦！呢間好青春播晒韓國歌“正”就呢問啦！Yeah食炸雞🐣嘩！有好多種味道炸雞架有辣又有唔辣仅有甜味添😋😋Woo仲有前菜添，有好新鮮沙律菜同酸酸甜甜食咗今人好開胃嘅醃蘿蔔yummy ❤️❤️半半炸雞，半半炸🐣即係可以半份半份咁叫就可以食到唔同味道啦！我地一半係原味炸雞脆卜卜內裡好juicy軟淋淋正呀💯而另一半係甜辣脆卜卜之餘甜辣醬滿滿咁沾滿每一舊炸🐣🐣雞😍甜味比較重只有小小辣🌶️啖啖肉外脆內嫩又有肉汁每啖都食到d甜辣醬汁，真喺越食越惹味啊😆😆💕🐥🐥醬油炸雞d黑色甜醬油好好味，每件雞都甜甜的肉又滑，真係爽呀！芝士粟米，成個鐵板上全部都係粟米上面舖滿厚厚嘅芝士，嘩！芝士拉絲好好味呀！💯💯🏠李家炸雞(大角咀店) 地址: 大角咀埃華街75號地舖

李家的炸雞之前也吃過，一直覺得挺好吃的，想不到原來在公司附近也有開分店，剛好是去年開的。剛好炸雞癮起，就約上同事一起去叫雞了！粟米炸雞（半份）（118元）蜂蜜蒜蓉炸雞（半份）（113元）雖然都是炸雞，但兩款炸雞還是有分別的！有醬汁的蜂蜜蒜蓉味的炸雞吃起來會香脆一點，而且就算吃到最後都還能保持到香脆度，而且炸皮很薄，這個真的挺不錯！而加調味粉的粟米炸雞就會吃起來是酥脆一點。兩者都是脆，但口感不一樣！蜂蜜蒜蓉炸雞味道偏甜，帶有蒜香味。粟米炸雞就有點像常見的粟米濃湯味的感覺，味道也是甜的，而且還配有炸粟米和粟米片也是挺不錯，炸粟米也很好吃！海鮮蔥餅（168元）這個份量挺大的，而且是兩邊薄中間厚的，中間加了很多等蝦仁，墨魚，八爪魚和大蔥進去，而且煎到變成金黃的狀態，吃起來脆脆嫩嫩，又有蛋香，又能吃到爽滑的海鮮來增加口感，大蔥解膩！辛辣麵（58元）這個就是辛辣麵加上一粒雞蛋和蔥花的組合，還現有泡菜給你吃，吃起來麵質彈牙有韌性，湯底香辣。

李家炸雞可以話係我食過咁多間韓式炸雞以來最正宗的一家,皆因係由韓國老闆將佢既韓式秘方帶來香港,依家仲有好幾家分店呀！ 🔮半半炸雞（無骨）  李家dish出出名夠大份,碟炸雞上枱時我同事都真係嘩咗一聲,因為份量真係好多, 足夠3個人食有多呀！半半其實即係原味炸雞和甜辣味炸雞,我地特登點無骨,啖啖肉丫嘛！原味炸雞,外皮超脆呀！一啖咬落去好似食薯片咁既聲,你都無話唔興奮呀！肉質入味之餘又嫩滑,無骨啖啖肉又juicy!非常香口惹味,真係好鬼正！而甜辣味亦係我另一款至愛的, 自家製韓式甜辣醬淋上炸雞上面,先甜後辣,香脆可口！ 食炸雞緊係要用手拎住食先最滋味的,侍應好貼心,上菜前會先邀上手套,等你唔會食到手污糟！🔮牛膝骨湯 （跟白飯和泡菜）   $絕對會推介這個韓式牛膝骨湯,尤其係女仕們,湯底用大量牛膝,蘿蔔,洋蔥等熬成, 湯白熬至乳白式,入口牛味香濃帶清甜,帶有膠質,滿有骨膠原的感骨;牛骨入骨輕輕咬肉都已離骨,連牛膝我軟骨位也很軟腍.飲完落肚都暖暖的,還有紅棗杞子等,有種好補身的感覺！推介呀！ 🔮Terri Rita  食炸雞一定要叫埋啤酒！咁先係最正嘅！這款韓式Terra Beer cockt

本身我份人對食韓國野無咩太大感覺，收工後朋友帶我去食呢間餐廳，3個人去食叫咗：自選半半雞無骨 蔥味$113無骨 蜂蜜蒜蓉$118蔘雞湯$198炒炒絲$158辣BBQ豬骨 $198炸雞一上枱即食 ，好juicy 同好脆，蜂蜜汁醬掛身但又唔會令到雞既脆皮變淋，而且雞肉好嫩滑！ 至於蔥炸雞連蔥食成個感覺好清新！參雞湯就配一碗白飯， 湯有蔘味但又唔會苦份量都多。辣BBQ 豬骨就比較辣，肉質好淋好入味，好易離骨而且唔痴牙炒粉絲好大碟食唔晒，好香而且夠味。

🇰🇷 #旺角 #大角咀 #李家而家疫情緩和，街上多咗好多人😨 之前喺旺角行街人山人海，就去咗遠少少嘅大角咀食嘢，揀咗呢間超出名嘅「李家」，呢度嘅炸雞同韓國菜都係超出名㗎😋🍳 芝士雞蛋卷 （$128）必食芝士雞蛋卷！雞蛋超級厚身勁大份！芝士份量勁多、勁拉絲！好邪惡但好好味😋 大推！ （我每次都會食🤣🍜 牛肉炒粉絲 （$158）牛肉炒粉絲份量極多，建議3人或以上share食🤭 炒粉絲甜甜哋，幾煙韌，仲可以揀牛肉或豬肉，我揀咗牛肉，肉量都好多！ 仲有菇、蔬菜等等😚🐷 鐵板炒泡菜豬肉 （$168）鐵板泡菜豬肉都好多🤩 泡菜都有啲辣㗎，加上係鐵板，非常惹味😋 豬肉軟腍，仲有香甜嘅洋蔥同香蔥，推薦！

相信好多人食韓國嘢都一定會諗起依間完元祖級嘅餐廳李家，佢哋嘅食物味道正宗、味道又高質、性價比好高。-半半炸雞🍗佢哋嘅炸雞有多款口味，例如最經典嘅原味甜辣味，仲有而家好人氣嘅粟米味同芝士味等等。我哋就揀咗醬油味同粟米味，炸雞香脆可口、皮脆肉嫩，雖然每款口味只有半份，但係份量已經非常多，完全足夠3-4個人分享👍🏻-泡菜煎餅每次食韓國嘢我都好鍾意叫佢哋嘅泡菜煎餅，佢哋呢款泡菜煎餅整得偏軟身但唔會好油膩，點埋特製嘅醬油一齊食，令人一啖接一啖～-餃子年糕湯湯底味道剛剛好，裡面有唔少嘅餃子，仲有年糕片，食完炸雞飲啖湯暖下胃，真係非常夾～

李家是香港第一代韓國炸雞+啤酒人氣長龍店，超脆炸雞係韓國老闆嘅家傳秘方，有原隻炸雞同無骨炸雞揀，份量超大，兩個人食碟炸雞+1款主菜+啤酒夠晒盡興！1️⃣雙拼炸雞 $188第一次黎食 梗係叫雙拼😋可以一次過食到兩款口味既炸雞 🍗 有骨冇骨任君選擇～半份炸雞大約各七至八件 非常大件😙外皮炸得香脆 咬開雞肉仍然保持juicy 鎖住肉汁☺️無骨啖啖肉好食唔洗lur骨🤭兩個大胃王黎食都覺得大碟 幾乎要打包🤪2️⃣芝士海鮮炒年糕 $178超大份量 即叫即焗 芝士勁到可以拉絲 好大方🧀海鮮份量同炒年糕分量亦都勁多🤣 有青口、大蝦、蜆、墨魚仔🦑等等 都幾抵食3️⃣ apple cider $88又係呢種倒轉既飲品🤗一d藥水味都冇 超好飲既apple cider 🧃🍏

我哋嗌咗一份自選半半炸雞 (無骨)（芝士味炸雞 $118同埋青辣椒蛋黃醬炸雞$123）、鐵板燒牛肉（$178）、藍色多瑙河梳打（$38）同埋蘋果梳打（$38）咁首先講咗主角炸雞先啦（第一眼見到就覺得炸雞嘅份量真係比我想像中多😱😱）雞肉食落去都幾嫩滑多汁佢哋嘅炸粉唔會太多啱啱好🥰🥰而且亦都係新鮮滾熱辣炸起嘅芝士味炸雞味道會比較濃郁☺️☺️（佢真係每一個都會有芝士粉係上面）而青辣椒蛋黃醬呢個味就比較少見嗰個味道又真係幾唔錯😋😋食落去有少少辣得嚟亦都會有啲甜如果下次再嚟食我都會Encore 呢個跟住就講埋嗰個鐵板燒牛肉啦（同炸雞一樣都係比我想像中多‼️‼️）我覺得呢個食落去有少少開胃嘅效果牛肉食落去亦都唔會好乾當你食炸雞食到有少少滯嘅時候食吓菜就好似變得冇咁滯🤣🤣（所以後期我哋都會一直食呢個）

My friend and I went to a Korean restaurant called “Chicken HOF & SOJU” （李家） located in G/F, 75 Ivy Street, Tai Kok Tsui大角咀埃華街75號地舖. Korean dishes serving in this restaurant are based on the Korean boss secret recipes! "Original Fried Chicken" 原味炸雞 HKD$168+$10 Boneless(無骨)made to order.piping hot!.Golden brown crispy and crunchy skin.The battery is not stodgy nor oily at all!! .served with Korean style sweet and sour dipping sauce..Korean dishes serving in this restaurant are based on the Korean

之前因為想食炸雞，特登上網四圍搵，最後搵到呢間載滿好評的炸雞店，李家被稱為元袓炸雞店，主打既韓式炸雞俘獲好多人既心，咁滿懷期待既我見尖沙咀一早已Full Booking就過左黎大角咀呢間啦，六點入座，七半走果時都知已經滿哂位，睇住幾多人黎問都冇位，環境裝修有落過心思，但未係非常突出或舒服，而因為想食炸雞就只係叫左炸雞黎食，炸既雞唔夠熱，而雞還雞醬還醬既感覺依然唔太鍾意，半半炸雞同女友兩個食完都已經夠飽，不過因為炸雞令人太失望所以我唔會再幫襯。青辣椒蛋黃醬炸雞跟洋葱$118(半份有骨)個醬係好味既，有啲似淡味既沙律醬，蛋黃醬既口感撈炸物到配襯認真唔錯，不過炸雞出到黎熱度本身馬馬，天氣未係好凍情況下炸雞既溫度竟然都大跌，肉量亦唔多，會飽肚只因油炸物油膩甜辣炸雞$98(半份有骨)如果用泰式辣醬同呢個甜辣比較，泰式係完勝既，呢半份雞都係唔夠熱，香脆度足夠，但肉質鞋口唔夠嫩滑冇雞味

之前因為想食炸雞，特登上網四圍搵，最後搵到呢間載滿好評的炸雞店，李家被稱為元袓炸雞店，主打既韓式炸雞俘獲好多人既心，咁滿懷期待既我見尖沙咀一早已Full Booking就過左黎大角咀呢間啦，六點入座，七半走果時都知已經滿哂位，睇住幾多人黎問都冇位，環境裝修有落過心思，但未係非常突出或舒服，而因為想食炸雞就只係叫左炸雞黎食，炸既雞唔夠熱，而雞還雞醬還醬既感覺依然唔太鍾意，半半炸雞同女友兩個食完都已經夠飽，不過因為炸雞令人太失望所以我唔會再幫襯。青辣椒蛋黃醬炸雞跟洋葱$118(半份有骨)個醬係好味既，有啲似淡味既沙律醬，蛋黃醬既口感撈炸物到配襯認真唔錯，不過炸雞出到黎熱度本身馬馬，天氣未係好凍情況下炸雞既溫度竟然都大跌，肉量亦唔多，會飽肚只因油炸物油膩甜辣炸雞$98(半份有骨)如果用泰式辣醬同呢個甜辣比較，泰式係完勝既，呢半份雞都係唔夠熱，香脆度足夠，但肉質鞋口唔夠嫩滑冇雞味