李家 (埃華街)

营业中

休息中

Lunch經過，見咁多人排就入去試吓。點左半隻原味炸雞。咁啱鄰枱點左一隻原味炸雞。一隻$149，半隻$79，所以半隻應該係足半隻。大家差唔多時間上菜，隔離一隻用大碟上，堆到成坐山咁高，我點半隻，得六小塊。當中有兩塊係一隻雞翼斬開兩件，另外四塊係將KFC size雞胸一件斬開四件。我問個侍應，半隻雞是否一隻翼一隻脾，佢答係，但我果隻點解冇脾，待應答會幫我反映。我即時話：其他唔同你計，你係要補返俾我。等左大半個鐘，等到食完所有野，期間廚房不斷出炸雞，而我追過兩次，都冇補到。最後我忍唔住追第三次，佢哋求其執兩舊碎雞，加埋等半舊KFC雞胸size既雞俾我。之後同我講，如果補返隻脾俾我，其他會少左。o晒咀。以後大家去食，一定要睇清楚。