札幌拉麵 Miso No.1

見到有塊牛油係面, 我其實覺得好吸引,食落覺得湯底有d咸, 唔知係咪咁既呢?麵質有d淋! 配料都算多既!牛酒拉麵好似$6x, 仲要加一, 都算貴!但係無咩特別應該唔會再特登走黎食!

朋友最愛食拉麵,香港有好多好出名的拉麵店都去食過.當中有平有貴,成百幾蚊一碗都有食過, 不過都是不外如是!今次來到札幌拉麵,嘩....有驚喜 bor!當然不及日本的好食, 環境又唔算舒適.但勝在湯底夠濃,麵質都算彈牙,仲要價錢合理,好過好多出面既拉麵店~我地 order左個 2人餐 $188有 2碗拉麵 + 任選 3 樣小食,份量都夠大!我地要左螃蟹拉麵螃蟹係高級既'假'蟹柳不過味道都 ok bor~小食要左: 燒牛舌, 炒什菜, 串燒雞翼 + 冬菇小食味道都唔差~

今日 lunch 諗左好耐決定返頭去多 round "札幌"!!一行 3 人... 哇, 何解今日咁多人!?得返 bar 枱位可以坐咋....環顧四周, 果然又係比日本人包圍...lol今日我地試左:同事仔 - 雜錦拉麵 併 雞中翼 配 可樂同事仔 - 豬軟骨拉麵 併 餃子 配 雪碧我自己 - 辛辣拉麵 併 雞軟骨 配 忌廉今日真係全場爆滿, 等左大約 10 分鐘, 終於有得食嚕 雜錦拉麵 併 雞中翼 配 可樂:湯底好味, 配料咩都有, 好雜錦, 哈哈 雞中翼 (3 隻), 皮脆脆的, 肉嫩嫩的 豬軟骨拉麵 併 餃子 配 雪碧:湯底好味, 豬軟骨味道軟度o岩o岩好 餃子 (4 隻) 微微脆底, 菜肉豐富 辛辣拉麵 併 雞軟骨 配 忌廉:湯底好味, 程度屬小辣, 可惜無蛋蛋 雞軟骨 (3 串) 香脆可口又野味, 超讚 不過如果 lunch 黎計真係貴貴地, 但係又真係幾好味...湯底仲可以就返你口味, 可以要求濃味 / 淡味耶~下次一於試下冷拉麵, 嘿嘿!!!

頂, iphone打完一篇之後 summit , 點知無左-.-唔緊要, 絕對影響唔到我要打出黎既心情朋友聚會, 我搵地點,之前去過citywalk2 其他食店,食完行過見到呢間野個樣好似幾ok, 外面d demo又唔差,咁決定去果度, 點知...7點幾去食唔洗等太耐,6條友都好快有位,一坐低睇餐牌, 哇! 普通拉面要48, 唔普通既, 就咁加條蔥都要68再加1,咁都算, 坐低哂就走好似唔好,睇左一陣, 決定叫1人餐,點左個唯一一個英文名既拉面+咖喱飯小食,食物都黎得快, 10分中左右就到。食拉面, 就梗係飲下個湯先,一飲, 唔......咁怪既 鼓油又唔似, 但係又怪雞, 到底係咩湯底黎呢?湯底唔好飲都算, 食飽都算啦,拎起筷子一夾, omg 囧得兩"小" "薄"片既叉燒,面又唔多,一個7x既拉面, 同我係北海道活壽司或者味千叫既叉燒拉面 有咩分別?有既, 人地起碼有3片囉- -除左個湯底, 佢完完全全係一個叉燒拉面, 到底佢貴左去邊? 唔通個怪雞湯底就係重點?朋友話斎, 比多30蚊去食放題好過 可能你會諗, 或者其他ok呢~我可以同你講, 我都飲過碗蟹棒拉面既湯底,痴線既, 點解會

今日同幾個同事黎左札幌食拉麵...lunch set 平均都 $6x+, 即係最少都 $70 一個人, 好貴 @o@拉麵 x1 併 小食 x1 + 支裝汽水 x1周圍人唔多, 坐得好舒服~5 張枱就有 2 張係日本人... @o@講返正題, 結果要左.....蟹棒拉麵 併 煎餃子 + 可樂拉麵湯底好味, 讚!煎餃子無特別...反而 2 個朋友仔既 併 小食好好味, 分別係: 雞軟骨串 / 多春魚成舊水食個 lunch 都真係幾甘!!!所以....雖然好食, 不過都係久唔久黎 1 次好啦

食麵，無論何時何地，都係分三樣去評價，就係湯、麵、餸。湯，香港人熱愛麵豉湯底，最重要夠味又唔過濃變鹹，另外師傅要識開青蔥同大蔥做調味減油膩感，呢間做得到。麵，係唔係日本黎，好難食到，不過碌個陣要分開用其他湯碌，食用湯底當作是另一項目，呢間又做得到。餸，個個都係叫海鮮同叉燒，不過叉燒其實考功夫，叫左佢，因為有扎過既痕跡，軟硬程度可以，呢間係算上品。另外有個小食叫日本生蕃茄，自家做既日式餃子，可以推介俾大家。

全港有 11 間札幌拉麵，呢間《札幌 らーめん みそ NO.1 》係其中一間，「らーめん」意思為「拉麵」係「ラーメン」另一寫法，「みそ」漢字可寫成「味噌」，麵豉咁解。《札幌 らーめん みそ NO.1 》直譯就係《 札幌拉麵麵豉 NO.1 》。我每年最少會去 1 次札幌，最近一次係 2個月前，拉麵食過唔少，睇到雜誌話佢差，所以今日特燈坐車黎試下，雜誌話：札幌拉麵 Miso No.1 開業 1 年，由 Domon 札幌拉麵前總廚開設，尖沙咀店開設在 Domon 舊店原址，荃新天地二期係 2 號店。入到荃灣已經 2:45 p.m. 於是等到 3 點幾去食下午茶。本來想試佢招牌牛油拉麵，不過我好怕果件牛油，於是叫左1) Ankake 拉麵 $38 "Ankake 係一種典型既日本醬，好多日本家庭主婦都鐘意用佢" ( 湯底夠熱夠濃 Good，但味道同札幌當地既比仲有一段矩離，拉麵煙韌無鹼水味，叉燒得 1 塊，而且好薄，肥少肉多，都幾好味，雞蛋食得出係日本蛋，佢一 d 都唔係雜誌講咁硬，只可惜唔係溏心，銀芽煑得剛剛好，海帶OK，獨欠筍，可能因為係下午茶 set 啦~ 但用 $38 食到咁既質數

是日假期，屋企唔煮飯，同老豆出去食飯，佢喜歡吃拉麵，但荃灣只得四間拉麵專門店，味千經常吃，康龍不好吃（後來先知已關門大吉），DOMON不想吃，所以只剩札幌。這間札幌拉麵我不是第一次來，早在開店不久我已經黎過，當時荃新天地２仲係冷清清，那時已經知道札幌同DOMON係單細胞分裂出黎的雙生兒，果陣DOMON還未試過，先試札幌，感覺只是一般，但價錢偏貴，未必會再來。今天，人流依舊很少，７點來到都只係小貓三四隻，但之後客人愈來愈多，最後走時都差不多坐滿晒。我地五個人叫了一個二人餐，二人餐包兩個主食，和三個小食。另外再叫了一個一人餐，和一個拉麵，不是很飽，但也夠吃。為甚麼會叫二人餐？二人餐真的抵食，$188連兩麵／飯，和三個小食，麵飯更可以加$10 upgrade，本來是普通拉麵 ($48)，加$10可轉螃蟹拉麵 ($68)，屈指一算，平左$10，份量唔會因為咁而細碗左，算是一個店裡的公開小秘技吧。二人餐叫了鰻魚飯、螃蟹拉麵，小食是吉列蝦、自家製餃子、燒牛舌，變相平$10。鰻魚飯只有一片鰻魚開雙，來到已落山椒粉，鰻魚無骨很鬆化，很有蒲燒味，汁和飯也不錯，但鰻魚就不夠肥；螃蟹拉麵是老豆的，我地食的是

成大半年無吃過拉面，突然想食下發覺有間拉面店便走入去一坐低一望竟發現在愉城的肥師父竟然轉了過來 叫左个＄ｌ８８二人餐好抵食２个普通拉面（可加＄１０元轉款）加３个小食，如果追加小食每个＄４０大吃嘅我當然全加 1╴餃子﹔皮溥料靚2味淋魚干！好香口好滑３冷曰本番茄﹔似生果好甜４鯖魚套歺餐無但可轉唔使加＄好水準同我以前吃嘅一樣正宗好味我想我以後会多的過來捧場！

我見呢間拉麵都幾搶眼就入去試吓啦, 點知結果係我食完下次都好難會再去食囉, 我同老公叫咗2個$68既套餐佢叫海鮮拉麵, 我叫泡菜拉麵, 佢叫海鮮拉麵,$68 有一碗麵 + 一碟小食 + 一支氣水, 食完之後2個鐘我就要係屋企再煮麵食其實拉麵口感都幾好, 有D咬口既感覺, 不過D野食份量唔多我碗拉麵D湯仲鬼咸添呀孜冇粟米食...我覺得一D日本拉麵既湯底味道都冇囉, 但係我老公佢又話普普通通, 佢覺得D蝦就好新鮮, 但我下次都幾難再去

City Walk 1 周圍都係人，但行過City Walk 2就無乜人喎，間間餐廳都唔洗等位，又見到我好懷念的札幌拉麵，一入去就有舒服大卡位坐，四周圍都無人可以清靜地進餐，星期六通常都要同人迫啦，點解可以咁正？拉麵味道同尖沙咀的大致一樣。招牌牛油拉麵：我最鐘意睇住塊牛油溶入湯底，然後一啖拉麵再加一啖湯，覺得牛油同拉麵真係絕配的味道，每啖都好香濃，令到拉麵更加滑，真係好想飲晒成碗湯，就算味道偏鹹都好！賽螃蟹拉麵：蟹肉唔似蟹柳，都好鮮甜喎。不過一碗拉麵好食最緊要係個湯底，湯底好味就會令人難忘。不過我都係鍾情於牛油湯底！

看雜誌見到這間店的老闆(廚師?)是師承domon 的,那就去試試吧香蔥拉麵(配醬油湯底),麵彈牙,配菜也不錯,湯底略嫌淡了點,唯一要彈的是...叉燒!!! 一夾就散掉了,也沒有咬口...吃了幾口就放棄了...豚軟骨拉麵,友人點的師承domon ?? 怎麼我覺得domon 的叉燒比這間店好吃多了,應該說,任何一間的叉燒也比這所謂的叉燒更有咬口更好吃,埋單還要$150 ?? 以這價錢去同區的店,$100 也不用就吃到撐也更好吃這間店...沒有下次了...

佢新開時派$30 coupon, 覺得好似好抵所以就去食叫左招牌牛油拉麵同燒鯖魚定食我之前係愉城個間食過燒鯖魚定食個時塊燒鯖魚超大塊,食極都食唔哂而且燒得剛剛好,好正!回味左我好耐但呢間塊燒鯖魚細好大...而且味道只係一般,但唔係唔好食既,燒鯖魚好難做到難食...招牌牛油拉麵仲衰,呢間野以拉麵做主打,但完全係唔合格囉!個湯冇乜特別...同埋好油,見到都唔想飲...至於拉麵...都係冇特別...食鬼落口但唔係好囉一碗咁但質素既拉麵賣$6x,我寧願用十幾蚊買個日本拉麵杯麵返屋企食成餐都遠低expectation...用完coupon都覺得好唔抵,以後都唔去lu~

以前我們常常到愉景新城的那間麵店吃......後來發覺DOM_N的拉麵大不如前，就沒去了～之後看到食評才知道分家，師傅在citywalk自行開了店鋪～～～今天才有機會到那邊試試了～～～下午茶比較便宜，30多元就可以吃到一碗麵～～我的牛油拉麵：拉麵還是很有水準，是煙韌的～～然後那一大塊牛油好好吃=v=（OS：你是為了吃牛油的嗎？）不過湯底比較鹹，還有點“鹼水”味兒……而且所謂的味噌湯底，感覺不太嘗得出來…………南瓜薯餅：十塊錢實在太超值了！！甜甜的，口感爽脆～～炸豆腐：木魚（柴魚）好多～～～是外脆內軟的，不過更脆一點就好～～～燒雞翼：超香，可是欠了一點鹽～～哎，總之不負期望啦～～久違了的味道，真好！

突然想吃拉麵，不打算山長水遠搭車出外面食，在家附近的，就只有愉景新城和荃新天地兩家，後者我是從來沒試過的。據說原是同一品牌，現在拆了夥，而後者才是正貨。不知道是否屬實，也不知道哪間較對口味，反正要吃過才知。翻開餐牌，見其以牛油拉麵作招牌，無理由不試吧！拉麵上檯，看到的一大片牛油，還有叉燒、銀芽、筍、海帶和大蔥等材料，岩數了。慣性地先喝一口湯，濃郁可口，唯牛油香稍遜。拉麵麵條較為稔身，有少許的鹼水味，而且還未煮開就拿上來，實有點失望。幸而，銀芽爽口不澀，粟米粒飽滿有咬口。叉燒呢，質感是軟熟，但肉味就不夠濃了。中華冷麵，材料是豐富，但每樣均是大大件放上去，感覺是粗枝大葉，未夠精緻。麵條跟拉麵的一樣，偏稔身，唯勝在夠凍，撈埋粟米粒和蟹柳絲等配料，總不會難食，而日式叉燒，同樣軟熟，當然肉味應該再重一點。日式煎餃子，底部沒有煎得很燶，但餃子皮就很薄，裡頭的餡料有豬肉有韭菜，不論味道和外形均不像平時食慣的日式煎餃。但以味道計，唔差既。另一款小食是雞軟骨串，熱辣辣的，很香口，尤以軟骨的位置更是脆卜卜，口感不錯。兩款小食，比起麵條更為吸引。很罕有地不想飲汽水，隨便要杯咖啡。在拉麵店子喝咖啡，要求自然不