木子甜品

营业中

休息中

召集煙韌芋圓控🤗仲有包餡芋圓😍-甜品泥講我真係超鍾意食煙煙韌韌嘅野🥰芋圓同芒果糯米飯都係我至愛😛真係食唔厭㗎！但唔係間間都咁好食🤓呢間啲芋圓都叫幾煙韌,份量都唔少🤩仲有得加錢要包餡芋圓😛中間包住芋泥，岩曬我呢啲咁鍾意芋泥芋圓嘅人🤣加椰子雪糕比起抹茶夾好多，就算溶緊都好似平時花奶咁，同涼粉芋圓match啲👻-大家有冇邊間芋圓或者芒果糯米飯覺得好好食😋求推介😏或者邊間好伏等我地唔洗去中伏🤮有冇人去咗尖沙咀食嚐仙，好食乎？-【芋圓海底椰仙草配椰子雪泥】$31【宇治仙草芋圓】$26【三色包餡芋圓】+$10/3粒

以前記得香港好多間木子甜品 自己同朋友都食過幾次 最近就嚟咗大窩口嘅呢間食 之前朋友對依家嘅評價唔係太好 但今次去到覺得服務都唔錯食物質素有改善 頭先我哋叫咗宇治芋圓豆花$28滿滿的紅豆配上綠茶雪糕 加上芋圓煮得都幾煙銀好q🤣豆腐花亦都唔會話太甜幾滑下我朋友就叫咗一個鮮雜果撈$38 雜果包括左西瓜、蜜瓜、芒果、奇異果等等 配上椰子冰底 椰子嘅味道幾濃 配上好多嘅爆珠 雖然口感係幾豐富但係爆珠係冇咩味道 個人來講覺得五加好過加😂

原本係荃灣大排長龍好好味 跟著搬咗嚟 又呢樣無果樣無隔咗好耐 特然比以前好食咗我俾錢時 見係轉咗人所以讚佢比以前好食咗仲同MENU張相一樣原來依家係老闆做番之前啲伙記留料俾自己食同請FRIEND食所以乜都話無我最愛嘅九份丸真係好Q好彈價錢公道值得一試

在木子甜品埔喝木瓜蘋果糖水 ，有凍有熱可以選擇 ，新鮮的木瓜 不但養顏有益 ，而且含有豐富維他命 ，蘋果也是天然 的生果 ，配合 南北杏煲糖水， 非常 清潤 解渴 ， 是夏天到糖水店選擇的 最好 的甜品 。加埋流心朱古力 蛋糕，味道美味可口，吃到 心情愉快。

木子的芋圓煙韌，芋圓有兩色，分別是芋頭圓和地瓜圓，兩款的味道不會淡而無味，相對而言地瓜圓的地瓜味會比較出。芋圓可以配搭不同的配料，紅豆，仙草，宇治牛奶，綠茶雪糕。而木瓜蘋果燉雪耳，滋潤清爽，不會太甜，保留木瓜和蘋果原來的甜味。

木子甜品位於荃灣熊貓酒店附近，籃球場對面一條靜靜地既街。最怕多人又逼既舖頭，呢度就可以坐低慢慢食🙂餐牌上面有好多選擇，甚至可以話係太多選擇了，揀到頭都大埋。芋圓可以揀豆腐花底、涼粉底、好似仲有西米同original既底。揀啱配料，雪糕味又唔啱心水⋯⋯所以好難揀！芋圓食到蕃薯同芋頭味，有咬口。雪球係比較偏向冰底既雪糕，幾refreshing。另外加咗包餡芋圓，個餡料如果可以多d、同埋texture軟滑d就會好d。建議餐廳可以簡化成只有幾種皇牌，另外加張車仔麵紙咁，俾食客自己圈點樣配搭，要跟幾多款配料。咁就可以更啱心水了～

今晚同朋友食完飯想搵地方食下甜品吹下水記得有朋友之前介紹話呢間d芋圓唔錯呢間位於荃薈商場我好耐無行過來呢邊可能時間尚早呢間「木子」人流唔算太多入到去就有位我叫左：椰汁紫米芋圓（熱）$28最驚喜係芋圓有兩款一款係三色包餡芋圓形狀同普通既芋圓有d唔同佢就更加煙靭裏面有餡甜甜地幾特別幾好味喎朋友叫左：豆腐雪泥芋圓（凍）$28佢話個雪泥超凍🤣凍到痺😂係紅豆沙底朋友都覺得可以多d紅豆會更加好呢間「木子」味道都幾好吖最特別係三色包餡芋圓未見過出面有

以前係荃灣路德圍 過咗荃薈之後 無咁方便 所以少咗幫襯去咗果邊 份量變少咗 就開始好大分別其實我去只食雪泥芋圓 擺得無咁靚都算 整得好Hea 但我老公想叫雜果撈 又成日無呢樣 無果樣雜果得一兩種生果 仲要好酸 無要求嘅佢都唔願陪我食 服務差 態度仲食就食 唔食就算 但超愛九份圓 去開仍會幫襯直至今日 我喜出望外 我見店員熱情招呼 仲賣相靚咗 好味咗 我不禁上前一讚 原來以前啲夥記唔願做 仲留起唔俾客 偷工減料 招呼自己朋友 而家老板自己做返 真係好好多呀！大家都返嚟試吓啦

.📍木子甜品係回憶！🐷以前中學成日食，放學就黎食🤤平靚正！芋圓了有咬口，但芋頭蕃薯味就唔重喇~以前周圍都有分店，可能生意難做，宜家得番一間，不過今次食覺得甜左小小🤕—————————————————————❣️抹茶雪泥芋圓 ($28)底係紅豆沙，呢個有有餡芋圓，幾好食，🐷就麻麻紅豆沙，食嗰個話好食.❣️豆腐豆花芋圓 ($28)其實本身叫宇治豆花芋圓，不過我唔鐘意佢抹茶雪泥，所以嗌老闆轉比我，有時佢唔比，今日得🤤(人情味)💕豆腐味雪泥唔夠味，豆腐花就ok la滑lulu，芋圓都有咬口嘅但今日覺得甜左dd—————————————————————不專業評分👅好味指數:4/5💰性價比:5/5 ($30以下！！！)👍🏻推薦:4/5—————————————————————🏡地址: 木子甜品 (荃灣)荃灣荃華街16號荃薈商場地下G31-33號舖👉🏻仲有間分店架—————————————————————#chuchu食在荃灣#chuchu食甜品#chuchu食芋圓#香港美食 #hkfood #852food #香港好去處 #hkfoodie #hkfoodinstagram #食好西 #美食推薦 #好

今次黎左荃灣朋友推介既木子，位於悅來酒店對面個商場，唔算易搵，因為唔近地鐵站！舖頭好闊落，乾淨企理，環境唔錯！甜品選擇都夠多，價錢亦都好實惠，唔怪得之朋友禁鍾意！宇治抹茶豆花 ＄28呢碗豆花有一球綠茶雪糕，紅豆同埋芋圓地瓜圓，份量夠曬大，但價錢絕對公道合理，只係＄28！＄30以下既糖水已經難搵，仲要禁足料！豆花好香，好滑，芋圓同埋地瓜圓都好有咬口，但唔係好重芋頭或者蕃薯味，整體中上，如果住得近，應該都會成日帶朋友黎！

朋友仔係荃灣地膽，佢話食完飯要帶我去食糖水～我仲唔即刻「lur」飯應🤤🤤·一上枱就見到兩大碗😂其實我地15分鐘前先食完火鍋喳🤣唔緊要～照食！！··芋圓海底椰仙草💰HKD32😎我朋友話佢次次都點呢個，但佢又比曬啲海底椰我，佢話佢唔食海底椰的。「咁你做咩次次都叫呢個呀？」「因為我貪呢個比最多芋圓囉！！」🤣芋圓控識以後識揀啦～然後⋯我見佢勺啲仙草，勺左幾下都未食到一啖😂呢度啲仙草係直接勺一大舊入碗的，要自己慢慢勺來食，而且滑溜溜😋👍🏻👍🏻··鮮芒仙草💰HKD30芒果控見到碗上有半個鮮芒🤤真係好甜好新鮮，正呀！😋不過我呢碗就得四粒芋圓😎大大碗仙草同香甜芒果，食完好滿足🤤🍧·順帶一提：果兩球唔是雪糕，係沙冰黎架～不過我食唔出咩味🤭淨係覺得食完涼浸浸好過癮🤣$3x一大碗好抵食！💰💰

喺荃灣區如果想食甜品，我們會二話不說想起木子甜品，很喜歡這裏的芋圓，好有咬口，這次order了豆花2號，內有芋圓芋泥腰豆蘆薈，食材好豐富，豆腐花有豆香，$23真係好抵食!!! 朋友order了和風物語($32)，即係刨冰，上面鋪左紅豆同綠茶粉，呢個配搭真係冇得輸，仲有水晶珠，口感好特別，出邊比較少食到! 我下次都要轉軚叫呢個系列先得!!! 蓮子都處理得好好!! 店舖內有寫明每晚八點半後每人最低消費$20 ，我覺得都非常合理!!

每當工作完成的最後一天，我也會吃甜品，受前度的影響，我喜歡上芋圓的軟糯和溫熱，在些站我來到大窩口，在一所商場的地下坐在一所甜品舖內。聖誕氣氛的裝飾，讓人感到溫暖和快樂，一群中學生為我內的溫暖加上一份回憶。冰凍的豆花、甜絲絲的紅豆、溫熱的芋圓，外加一球宇治抹茶雪糕，為這份回憶增加深度。豆花的豆香把口腔充滿陣陣的香味，加上紅豆的甜和思念，把整份感覺變得更加有層次。溫熱的芋圓和宇治抹茶雪糕的迎合，為過去的思念變得更加深刻。最後為當中留下一張照片，從此這份感覺在此留下在手心中

呢間糖水舖幫襯左七八年都有，因為佢又平又抵食，之前喺路德圍已經成日食，前幾年搬來大窩口，我都會特登走過來食，地方闊落左，坐得舒服，同埋佢啲芋圓真係好好食，又有口感，又好咬，平時食開綠茶雪泥芋圓，同仙草，都係廿零蚊大大碗，抵到爛！我哋想叫嘢食嗰陣，隔離枱問仲有冇小丸子，賣晒時勁失望，好似幾好食，見到餐牌都係十零蚊， 我下次就試吓！今次就試吓豆花同心太軟，綠茶雪泥豆花，雪泥唔錯，豆花都好味，配上‘煙煙銀銀’嘅芋圓，又唔太甜，大大碗都係廿零蚊，好抵！心太軟配雪糕，老闆娘話每日只有10分，但心太軟個皮淋得滯，雖然好流心，但係都扣少少分，如果整得好真係好抵食，都係$40！總括來講，呢間野又平又抵食坐得又舒服，感覺闊落唔迫，會繼續幫襯！

木子應該係荃灣最平嘅糖水店，真係平靚正！仲要大大碗，啲料好足，不論你食豆花/仙草，紅豆，綠豆，芋圓都係會食完之後飽到捧住個肚走正因為佢平靚正所以有好多人食，有機會要等位，附近打完籃球嘅學生哥就會三五知己入去食！店舖唔大，大約可以坐30人到，所以食完就快啲走，唔好吹咁耐水，因為有機會好多人等位。工作人員都唔多，2個人跑全場，所以有時可能會漏單，但同返老闆娘講佢就好快會吹單俾你。環境都算衛生企理，執枱都快！一句講晒雖然要等，但都會再幫襯