春城銅鍋米線

营业中

休息中

厚福街特色銅窩米線😇厚福街出名多嘢食，仲要係小店嘅天堂，好多香港人都識得喺呢度搵好嘢食，我都唔例外🙌🏻😉今次食嘅呢間叫做春城同鍋米線，顧名思義佢就一個銅窩連米線上，都幾有特色㗎，米線叫咗豬扒招牌銅鍋酸酸辣辣，裏便嘅配料十分之豐富，湯底濃郁，咩辣度都可以揀🙌🏻👍👍另外叫咗份小食炸脆脆蝦膠豆卜👍👍聽到個名就知道幾特別，裏便嘅蝦膠大大粒，好香口，炸物愛好者必吃❤️❤️店員服務態度非常好，好細心👏👏

招牌海南胡椒豬肚雞米線好香胡椒味，辣度啱啱好，豬肚洗得乾淨又爽口，而碗轉左雞髀嚟，雞肉就算放喺熱湯到都無變老，肉質保持鮮嫩，食完暖笠笠。招牌豬扒酸辣銅鍋米線豬扒軟腍入味又大塊，米線又滑又彈牙，配上辣酸菜令湯底開胃又過癮。炸脆脆蝦膠豆卜反轉豆卜放在加入香膠油炸，令豆卜炸得非常酥脆鬆化，而且乾身不油膩，好高質嘅炸物。爆漿紅糖糍粑即叫即炸，外脆內軟，中間煙煙韌韌，一咬開香甜味濃的紅糖漿爆出來，一定要趁熱食。

這家春城銅鍋米線真的好美味😋首先，必點的開胃小吃，炸脆脆蝦膠豆卜🍤 外皮炸得金黃酥脆，內裡是彈牙的蝦膠，一口咬下去，咔滋咔滋的，超級滿足！🤤 沾上泰式醬汁，更是美味加分！💯 再來是紫菜蠔仔肉碎米線🦪🍜 鮮美的蠔仔和肉碎，搭配香脆的紫菜，再加上濃郁的湯底，好吃！🥰 當然，來到春城銅鍋米線，一定要試試他們的招牌豬扒酸酸辣辣銅鍋米線🐷🌶️ 厚切的豬扒炸得外酥里嫩，搭配酸酸辣辣的湯底和滑順的米線，簡直是絕配！👍 辣度適中，非常開胃🌶️

Weekend 好遲起身無食lunch，下午茶時段先去到尖沙嘴搵野食，點知見呢間米線人流都算多，就走入去食碗米線～招牌春城銅鍋米線（腩肉、蘿蔔、魚片頭）湯底幾濃，腩肉大大塊但煮得好夠冧，蘿蔔亦都好入味，魚片頭食落幾彈牙。呢碗米線另外仲有好多配料例如肉碎、芽菜、木耳絲，好豐富。秘製雞翼食落覺得似瑞士雞翼，d 汁調得都唔錯，雞翼醃得幾入味。凍檸茶少甜少冰我最中意飲凍檸茶，我叫左少甜之後甜度就啱啱好，飲落夠清爽又解渴。

我好鍾意食米線，特別係最鍾意食濃烈味精湯底，夠酸夠鹹夠辣我就開心。出街食嘢係咁㗎啦，要健康不如自己煮～但係我又懶得煮，又唔識煮，聽人講呢間春城有個椰子雞湯底米線，即管嚟試吓，不過我聽到椰子雞湯其實都掙扎咗陣，因為多數都好淡，最多擺兩片海底椰喺入邊冇味又硬，所以本來都好想叫酸辣米線算數，但係呢一晚我真係好想健康啲，最後就叫咗碗椰子雞。賣相有驚喜，一睇個湯底杰撻撻就知有料到，絕對唔係好似清水咁樣敷衍你嗰隻，仲有椰絲喺面㗎，啲蟲草花雲耳啊多到呢，正！冇估錯，食落係濃味嘅，佢唔係味精嗰隻濃味，係食到有椰子味，又有雞湯味，係濃濃健康嘅味道，呢碗米線，我食哂係完全係冇罪惡感，連個湯我都飲咗一半。講吓啲小食，叫咗個炸蝦膠豆卜同埋爆漿紅糖糍粑，兩個都好好食，蝦膠豆卜炸得靚，紅糖糍粑甜度適中，攤凍咗都仲係流心嘅，絕對有心機！

話說日日返工lunch time都唔知食咩好，今日同事終於有好介紹🤩佢地話新開呢間銅鍋米線好正～於是衝左去食☺️果然！一出街口已經見到好多人排隊，起尖沙咀黎講多人排隊ge舖頭實冇得輸😏雖然好多人，但入座同上餐都好快👍🏻我嗌左個招牌胡椒豬肚米線，好足料，湯底又夠濃胡椒味，真係食到個人都熱辣辣出汗果隻👍🏻而糍粑也是必須點的，香脆內軟到不得了，入面真係爆漿出黎～叫人點抗拒😭✨唔怪得lunch time爆哂場d人都仲要排隊等～係值得的👍🏻招牌海南胡椒豬肚雞米線凍奶茶爆漿紅糖糍粑（3粒）

尖沙咀搵食，厚福街都幾多野食！行過原來開左間新米線，try左都唔錯。店舖環境乾淨企理，簡單親切，職員服務貼心，點餐又快又準。價錢好親民！$50-$60有咁正嘅米線同小食，尖沙咀喎！性價比算幾高！🍜 招牌豬扒酸酸辣辣銅鍋米線 $55 呢款招牌米線真係酸辣控嘅最愛！叫咗中辣，個人覺得辣度啱啱好。唔食得辣嘅朋友建議由BB辣開始，佢有6個辣度任揀。湯底香辣惹味，唔同南記或譚仔嘅辣，帶內地香料嘅獨特風味，可能就係昆明媽媽既風味！入面有肉碎、芽菜、腐皮、酸菜、木耳絲同甜酸菜，食材多，米線滑溜吸晒湯汁，食完暖胃滿足！豬扒另外上，一大塊，外脆內嫩，唔會乾柴，正！🌶️🍲 蟲草花椰子雞米線 $62 唔想食辣？椰子雞米線係好選擇！湯底椰香濃郁，微微creamy但唔會膩，真材實料，唔會淡如水！有蟲草花、紅棗同木耳，湯頭鮮甜滋補，雞肉嫩滑多汁，米線吸滿椰香🥥🍗🥟 炸脆脆蝦膠豆卜 (3/5粒 $25/$38) 呢款小食好有驚喜！豆卜炸到金黃乾身，咬落索索聲，似長洲街頭嘅炸豆卜，香脆唔油膩！入面滿滿蝦膠，仲有成隻鮮蝦，蝦膠彈牙鮮甜，蝦肉juicy有咬口，食完真想再叫一客！🦐💛下次行過尖沙咀行街搵食值得一試！👍😋

【油尖旺區】【春城銅鍋米線】同經理哥喺尖沙咀做嘢，居然食返呢間我喺 1am1747 已經試咗佢哋旺角店嘅餐廳，笑咗。佢都識莊敬哥，話想知莊敬哥嘅口味係咪同佢相近咁話。所以佢都係試 $55 嘅「招牌豬扒酸酸辣辣銅鍋米線」，真係同莊敬哥一樣，不過經理哥要小小辣，想食辣啲。佢就加 $7 要「生菜」做餸，咪又係索汁，識玩呀，個湯底真係吸引。佢就加 $6 飲「凍奶茶」，水準正常咁喎，我見佢都順暢地飲晒。而我自己今次就試 $62 嘅「蟲草花椰子雞米線」，我就要唔辣，嘻，不過都有加 $8 轉雞髀，味道就勁香椰子味，又足料。我加 $16 要埋「炸海蝦寶」，都唔錯。嘢飲加 $8 飲「清涼爽」係楊協成嗰隻嚟。我極力推薦食佢哋嘅「炸脆脆蝦膠豆卜」做小食，今次試夠五粒，$38，經理哥都話正。好似啲腐皮包住啲蝦膠咁炸，好特別。夾埋埋單係 $200，尖沙咀食到特色嘢，算合理。。。（地址：尖沙咀厚福街6號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區旺角分店：1am1747

厚福街一向是尖沙咀最旺的食街，最近新開一間米綫專門店。今次叫左豬扒酸辣銅鍋米線，米線用銅鍋盛戴，豬扒係炸過，好入味，唔算薄又唔算肥，肉質唔算好韌，入面仲有酸菜同炸花生，炸花生好香，湯底由雞湯加上辣椒煮，辣度令喉頭舒適。麻酸辣湯完全滿足晒又想食麻同酸嘅朋友，首先食到酸味，後勁麻味好重。米線分量不少，性價比無得輸。小食亦相當有特色，蝦膠豆卜將豆卜切半翻開，再釀入手打蝦膠後炸，豆卜香脆，蝦肉彈牙，手工度甚高。

食米線唔一定要去譚仔！呢間旺角同尖沙咀都有分店，主打春城銅鍋米線，招牌菜為豬扒酸酸辣辣銅鍋米線，用銅鍋上可保持溫度，麵條軟硬度適中，吸滿湯汁，豬扒分開上十分貼心，搭配肉碎、芽菜、腐皮、酸菜、木耳絲、甜酸菜等，配料滿滿，性價比高，而辣度亦可自由選擇，讚！私心推介牛肉蠔仔紫菜肉碎米線，蠔仔大粒飽滿，新鮮唔腥，牛肉同紫菜份量都多，湯底清甜可口飲完都唔覺得口乾。配料方面有好多選擇，見唔少人點炸脆脆蝦膠豆卜，五大粒，外層炸紫酥脆，內裏彈牙、日式炸雞荷葉包反而有驚喜，包皮鬆軟，炸雞大塊，啖啖肉，適合Share。

「春城」狂嗦米線！炸豬扒酸辣米線係神級CP——豬扒炸到金黃酥脆，辣中帶檸香超上頭！湯底酸辣層次爆燈，唔係死辣嗰種，配滑溜米線秒清碗！ 另加素卷外皮煙韌包住爽脆木耳絲！驚喜位係椰子雞湯米線，，飲完湯喉嚨零負擔～甜品紅糖糍粑係MVP，外脆內糯癡住流心黑糖漿，邪惡到想encore三碟！

春城銅鍋米線(香港)地址: 香港尖沙咀厚福街6號地舖食米線在香港都好多選擇，大份量飽肚確是平民日常之美食之一。除了米線仲有飯，而價位大多都$60-70蚊，所以好旺場架，我都等了一陣先有位（我自己一個塔臺會快d)酸辣湯米線，本身已經有肉碎，腐皮，酸菜，芫茜、芽菜木耳等材料架啦，已豬扒用左銅鍋，好有特色，豬扒炸到黃金，切開方便食，分開上食時先浸入湯中。個蝦膠豆卜都好好食，脆卜卜試了3粒跟餐$6 就有凍飲啦

有關注開香港必食米線舖嘅朋友，一定會知道荃灣嗰間老闆娘雲南米線，係幾多人排同埋幾難等位。為咗食名物炸雞球同埋蝦膠豆卜，閑閑地都要等返個幾兩個鐘。小編今日喺尖沙咀搵到一間喺炸物方面，都可以叫做止下癮嘅餐廳代替下。💛蝦膠豆卜💛首先，佢個蝦膠豆卜的確好出色。上枱嘅時候熱辣辣，脆卜卜。咬開都見到原隻蝦喺入面，的確係真材實料。同埋蝦膠嘅比例，都食得出用料一啲都唔吝嗇，唔會溝得太多粉，保持返蝦膠應有嘅彈性。💛炸豬扒💛食得出都係新鮮炸出嚟，同埋會分開上，唔會比米線嘅湯底整濕。所以由頭食到尾塊豬扒都係脆嘅。同埋店主好細心咁將塊豬扒切咗件先上，啱晒懶人唔使自己用刀切喇。💛酸辣湯米線💛米線，老實講就普普通通。但應有嘅酸同辣味都喺度，同埋熱度同口感都ok，咁都算合格㗎啦。唔算特別驚艷。整體係可以一食。如果真係好掛住荃灣老闆娘嘅蝦膠豆卜，又唔想特登過去排隊，呢間餐廳係絕對值得一試嘅。

之前喺旺角已經光顧過既「春城銅鍋米線」，原來尖沙咀都有分店，用銅鍋裝住既米線熱辣辣，咁先好食，別有一番風味風味🤤✨三鮮銅鍋米線 $63三鮮有腩肉、豬膶、螺旋藻；腩肉口感柔軟，肥而不膩；豬膶大大塊，質地較堅實，仲有螺旋藻好爽嫩🤤湯底裡面加有肉碎、芽菜、腐皮、酸菜、木耳絲、甜酸菜等等配料，非常豐富，食完好滿足😌✨招牌豬扒酸酸辣辣銅鍋米線 $55辣度揀左少少辣，但已經好辣好過癮😂最讚既係豬扒另上，唔洗浸落湯底，已經仲會切埋一塊塊，好方便進田，唔洗自己切👍🏻✨香煎墨魚餅 $ 58香煎墨魚餅，口感好彈牙，裡面係切切實實既墨魚粒，不是偷工減料只有面粉既墨魚餅😋

今日去咗尖沙咀染頭髮，染完已經下午茶時間，揀咗附近一間酸辣米線食，見到堂食都幾乎滿座。🍜招牌豬扒酸酸辣辣銅鍋米線$55個酸辣米線用個鍋上都幾特別，湯底非常香濃之餘酸酸地好開胃，佢入面啲酸菜都係好爽口，配料仲有芽菜、木耳絲、腐皮等等。豬扒係另上，而且份量巨多，豬扒醃得好夠味，入口軟腍。我仲加咗以下嘅配料：🩵螺旋藻+$7🩵金菇+$7🩵五香牛展+$16 （個牛腱真係煮得好腍好入味）小食：🍤炸脆脆蝦膠豆卜（3粒）$25呢個小食好特別，即點即炸，豆卜炸完脆卜卜，入面嘅蝦膠都好彈牙，係一個幾香口嘅小食。凍檸檬茶+$6