星海．譽宴 (The ONE)

营业中

休息中

有大半年無去過酒樓噗茶，今日放假，約老友一齊去飲茶傾計，一盅兩件，望住無敵大海，真係樂事。黑松露蝦餃王比一般的蝦餃細隻，的骰可愛。餡料十足，最重要即蒸，好味！鮮蝦莧菜餃皮薄餡靚，莧菜做餃子餡不錯。帶子鳯眼餃好正！帶子鮮甜。璧肉鮮蝦腸粉腸粉皮薄，通透，好明顯睇到全隻鮮蝦，爽脆鮮甜。鮮蝦腐皮卷不油膩，份量不少，蘸醋汁，減少煎炸罪惡感。金箔黑芝麻流沙球外層鋪滿芝麻，香口惹味，金箔的點綴高雅，中間煙煙靭靭的，咬開奶皇流沙湧出，正！

這裡晚上氣氛幽靜，樓底高，枱與枱的距離較遠，所以坐得非常舒服，很適合慢慢吃飯傾談這裏的晚市套餐非常抵食，$490/位，已有齊鮑魚、龍蝦等美食，每次都食到好飽好滿足佛跳牆湯底好鮮甜，材料十足，有齊鮑魚、海參、瑤柱、金華火腿、菜膽、螺片和瘦肉，好正龍蝦不過不失，肉質彈牙這碟炒雙蚌好好食，爽，甜，脆，連旁邊的合桃都好香脆鮑魚賣相好吸引，肉質幾滑浸時蔬都不錯，唯獨是要挑剔碟邊濕晒都唔抹下先上碟，好影響客人對廚師重視菜式的態度蛋白炒飯粒粒分明，都好食最後還有甜品，忘記影相，總括而言，用餐體驗十分愉快，套餐性價比高，值得一試再試的

望住維港飲茶心情都靚d啦⋯⋯今日就黎左位於18樓嘅酒樓嘆吓茶先。叫左好幾款點心食下，黑松露鮮蝦餃：四小粒咬落去好重松露味👍🏻蟹籽燒賣皇：新鮮豬肉好味架呢。招牌胡椒濃雞湯灌湯餃：大大隻灌湯餃啖啖肉，雞湯好濃好正。南翔小籠包：賣相好精美，小籠包好多湯汁👍🏻黑胡椒安格斯牛肉腸：安格斯牛肉好特別出面好小有，好重牛肉味比起平時個d好味好多好多，值得一試。鮮蝦腐皮卷：蝦膠好彈炸得好脆口。黑糖馬拉糕：黑糖味好香好QQ。

朋友生日，今天就吃好一點她喜歡中菜，約了在The one的譽宴，之前只有婚禮來過，座位闊落，無敵海景，裝潢不錯，食物亦很好，便來一試午茶人流很多啊，幸好一早預訂了，由職員帶位，下單服務亦流暢入座後更有職員捧上一大銀盤，用作沖洗杯碗，這有點意外，真的服務一流👍慶祝當然豪吃點！帶子鳳眼餃不要少看個子小，帶子下的蝦滑非常好吃!! 沙薑豬手粒朋友至愛，她說味道夠，豬手有口感百花蒸釀滑豆腐這個比平常的豆腐更滑，入口即溶呢五香鹹肉粽當作主菜，大大的，喜歡加糖吃，饀料亦足紅燒砂鍋大煲翅上枱看到，真的一嚇，太大片了吧，忍不住挑起再看，比手掌還大啊!! 味道鮮味夠，配料足，推介濃湯雞煲翅另一推介，同樣大大片，但雞湯煮法，成個味道不同了，鮮味依然，個人更喜歡雞湯這個，下次再來可以一吃香芒糯米卷甜品亦好評，清甜的口感，加上cream非常好啊 金箔黑芝麻流沙球咸點甜品，非常喜歡流沙啊，入口感覺一絕，不能錯過雖然叫得有點多了，但結賬才8百多元，這餐朋友非常滿意，真心推介喜歡中前的朋友

餐廳在尖沙咀 the one 高層， 環境超級舒適， 空間感十足， 佈置華麗， 無論在室內或室外 ，可以欣賞藍天白雲及維多利亞無敵海景，令人眼前一亮， 食慾大增。鮮蝦腐皮卷$38 金黃色香脆的腐皮， 包裹着爽彈的鮮蝦肉，脆卜卜之餘帶出 好鮮味，令人回味。鮮蝦莧菜餃$38 飽滿的鮮蝦莧菜餃， 餃皮滑溜 煙韌，爽口的鮮蝦夾合埋清甜的莧菜， 口感清爽。帶子鳳眼餃$38原隻帶子放在鳳眼餃上， 變得矜貴 ， 帶子雪白，色澤明亮，口感爽彈，鮮味十足， 是我飲茶的新寵兒點心。黑胡椒安格斯牛肉腸$58腸粉皮白滑、 薄身， 晶瑩通透， 脹卜卜外形 ， 包滿滑溜 安格斯牛肉餡料， 入口帶黑胡椒的微辣，再沾上甜甜的豉油， 更添惹味 。湯灼靚菜心$48 上湯灼菜心顏色翠綠， 入口 爽甜軟嫩。香煎黃金糕$32即叫即煎的黃金糕，外皮煎至金黃焦香 ， 香噴噴 ， 入口香甜，散發著誘人的椰香， 滋潤味蕾 。金箔黑芝麻流沙球$38黑色的煎堆仔外層鋪滿香香的芝麻粒， 加上金箔點綴， 賣相精緻 ， 外層脆卜卜， 入面 口感煙韌 ， 中心填滿流心麻蓉， 香甜吸引。

晏晝食飯想休閒啲，坐得闊落啲，飲茶就最好不過啦！12點半左右酒樓已經差唔多滿座，好在門口等大概5分鐘左右就已經有位啦！急不及待就開始落單！唔使等太耐，好快已經有得食！金箔芝麻流沙球初時滿心期待係流沙芝麻餡原來係流沙奶黃餡🤣香脆帶香糯嘅黑芝麻小煎堆，包住流沙餡甜甜地，奶黃帶有鹹蛋鹹香味，好香滑唷！南翔小籠包新鮮出爐嘅小籠包等我等得耐開始chow chow屁🤣不過小籠包依然皮薄多汁，就算暖暖地食都好可口！小籠包大細剛好， 啱晒我呢啲咀仔細細嘅肥妹😙百花蒸釀滑豆腐鮮蝦滑配滑豆腐味道清甜，滑滑唷！XO炒蘿蔔糕XO海鮮醬炒蘿蔔糕惹味可口，香而不辣，飲啖茶再食多粒仲得唷！黑松露蝦餃之王貌似平凡迷你嘅蝦餃仔，包住黑松露蝦球，香香嘅松露味，不錯！蒸滑腸粉口感香滑，簡單沾上豉油，好味整體來講，酒樓環境舒適，樓底夠高，食物選擇多，質素幾好，不過店員數目就唔係好多，Lunch time時段都比較忙！我地好彩提早拎位，一點左右已經好多人喺門外等位啦😗......#chantaljj尖沙咀 #chantaljj中國菜 #尖沙咀美食 #飲茶

< 譽宴．星海 > 📍尖沙咀前日同屋企人飲茶 有好靚嘅海景 點心都有質素👍🏻招牌胡椒濃雞湯灌湯餃第一次飲胡椒雞湯嘅灌湯餃😛 胡椒味好濃郁 灌湯餃大大隻 另外仲有一舊雞件 好入味😆 黑松露蝦餃之王呢個有驚喜‼️ 黑松露味好突出 有四粒正常size嘅蝦餃同一粒迷你蝦餃仔 好得意🤣櫻花蝦鬼馬腸入面有炸兩 好香脆 櫻花蝦鹹香 幾好食😋南翔小籠包小籠包熱辣辣🤤🤤 要小心啲湯汁 有好多肉饀😋😋金磚脆皮豆腐炸得外脆內軟 豆腐好嫩滑 唔錯😋😋鮮蝦腐皮卷 腐皮卷炸得好香脆 入面嘅蝦膠爽口彈牙 加埋喼汁食一流😛香芒凍布甸童年回憶就係去酒樓食芒果布甸😆 加埋淡奶一流😋

譽宴•星海同其他酒樓唔同，係對住無敵海景酒樓除室內座位，亦有室外望住海景嘆茶~不過撞正落雨，今次只好坐返室內😆每次飲茶都有洗碗、杯嘅習慣，呢間酒樓成個煲咁上，可以慢慢洗，方便！✨黑松露蝦餃之王推薦！單係外表已經好有心思，4 粒大蝦餃配一粒花形小蝦餃~從蝦餃皮薄嘅外表已經睇到入面一點點黑松露，黑松露平均分佈每隻蝦，每啖都好香濃黑松露味，鮮蝦夠爽口彈牙！✨ 金箔黑芝麻流心球流心球感覺有啲似煎堆，炸得香脆，不油膩😜蛋黃流心佔一半，不會一咬就流到周圍都係~✨ 百花蒸釀滑豆腐呢款點心相比之前個啲較普通，沒太大驚喜，豆腐夠滑，上面有蝦膠，口感Q彈，口感不錯！✨招牌白胡椒蟹推薦！絕對喺招牌菜~ 鐵板上淋上白胡椒汁，香味撲鼻，能刺激食慾，😜白胡椒比平時食開嘅黑胡椒更香胡椒味，但少了黑胡椒嘅辣、嗆，唔會掩蓋蟹肉嘅鮮甜，效果更佳！成隻蟹肥美、肉多，沾上白胡椒汁帶辛而不辣，味道豐富譽宴•星海 尖沙咀🌟尖沙咀彌敦道100號The ONE 18樓

返工時段想係尖沙嘴飲茶，坐得舒服又要靚景，見客也好約朋友聚會又好，我第一時間推薦The one 18樓的譽宴。因為今日帶屋企人飲茶緣故，想食得好又坐得舒服，經朋友提議，第一次來到譽宴。一上到The one 18 樓，就看到這裡的酒樓同平時飲開茶的酒樓與眾不同。光說這個樓層的開陽度同風景，已經無與倫比好，眼看陽光明媚，忍唔住對著尖沙嘴美景狂打卡。影完一輪相，入返去坐低，呢度既服務員都高質有禮貌，完全表現出香港人的服務精神，好少地方有呢種既人情味又好服務態度的服務。我們坐下，好快就有服務員安排茶水，我們經介紹下，點了幾樣招牌點心，有黑松露蝦餃之王，乳香蓮藕蘇，紅燒脆皮乳鴿，金磚脆皮豆腐，原隻大澳三色蒸飯，而甜點有椰汁桃膠燉鮮奶，燕窩3.6奶凍。其實呢幾樣都做到超級有水準，重點講下我最impressive 的。首先酷愛黑松露的奶奶，真係對這個黑松露蝦餃讚不絕口，更說是她吃過最好吃的蝦餃，皮薄餡靚不再話下，size 味道都做到適中，真係不愧稱王。再來說說這個原隻大澳三色蒸飯，原來係超級大籠的，一籠大大籠的蒸飯，有幾樣海鮮，又香又入味，夠4個人食都係$138，抵到爛啊。金磚脆皮豆腐又真係新鮮炸，

朋友係尖沙咀返工，約左佢黎呢道飲茶，啲點心食落都幾有水準👍大致上都好滿意！◾️鮑汁鳳爪 • $68鳳爪炆得好腍，好有骨膠原😋◾️蟹子燒賣皇 • $38調味得啱啱好，十分新鮮熱辣。◾️櫻花蝦鬼馬腸 • $38外層腸粉夠滑，中間夾層油條估唔到仲脆嘅👍◾️蛋撻 • $32蛋撻屬於正常水準◾️鮮蝦腐皮卷 • $38啱啱炸起嘅鮮蝦腐皮卷好香口，中間嘅蝦肉彈牙😋◾️黑椒燒汁牛仔骨 • $38牛仔骨非常入味，又滑又腍～◾️蜜汁叉燒 • $98 瘦肉雖然比較多，但係食落完全唔會乾同硬😋送飯應該好正

呢間酒樓裝修真係好豪華，外面仲有露天位，好唔一般，樓底特別高，感覺更高級寬敞🤩黑松露蝦餃 $45蝦餃好香黑松露味，蝦肉足料，兩啖食一粒唔會太滯紅燒脆皮乳鴿 $68乳鴿係我酒樓度嘅最愛😍肉質超嫩滑又多汁，滷得好入味鮮蝦腐皮卷 $38切成斜角好方便人食，睇落都精緻啲鮑汁鳳爪+薑葱撈粗麵 $138鳳爪用煲上，超多隻🤣鮑汁好濃郁，每隻都好入味椰汁桃膠燉鮮奶 $38熱食嘅燉鮮奶暖到入心🥰燕窩3.6奶凍 $38奶凍超濃奶味，燕窩清甜又補身❤️

之前朋友結婚係呢到擺酒黎過覺得呢到幾靚，今日同媽咪上左黎飲茶，係18樓，個view又幾靚啵！黑松露蝦餃之王4大1小😆呢個配搭唔錯，呑落有淡淡既松露味。鮮蝦西洋菜餃碧玉鮮蝦腸粉每一舊都有蝦，蝦肉夠爽。豉油分開上，樽豉油係暖架！🍆燒汁木魚花釀茄子上枱仲係出哂煙，茄子索哂d燒汁，連木魚一啖擺入口😌幾惹味。鮮蝦腐皮卷Presentation 都靚過人，彈牙！配喼汁正！乳香蓮藕酥造型好cute！靚到唔捨得食😆，咬落好酥脆。二十年陳皮紅豆沙起哂沙！唔係平時係出面食水汪汪個d。👍呢到人均消費唔算平，但呢到view靚，點心都好精緻，有樣有質素。BTW呢到既員工服務態度唔錯！

好耐好耐無黎呢間譽宴．星海飲茶食飯。好耐之前黎過一次，今日又同友人黎呢度飯聚下。呢間分店位於尖沙咀The ONE，地點方便。譽宴．星海系列專門做婚宴，裝修達酒店級數，而呢度更加包埋開揚景色，係呢度食飯感覺好grand。平日中午黎飲茶，叫左四個點心同一款小食二人分享。茶位每位$15。餐前小食 $15餐前小食係香辣雲耳。雲耳香脆小辣，我第一次食白色嘅雲耳。黑松露鮮蝦餃（4件）特 $45黑松露鮮蝦餃一籠四粒大一粒細。餃皮都唔算厚。鮮蝦餃真材實料，真係有鮮蝦喺入面，爽脆彈牙。有微微嘅黑松露味，唔洗點醬食都可以。鮮蝦西洋菜餃 （3件）大 $38鮮蝦西洋菜餃一籠三粒，餃皮唔算厚，質感少少彈牙好得意。入面有適量西洋菜，同黑松露鮮蝦餃一樣，都係有鮮蝦，不過係切左粒嘅，食落爽脆健康，又係唔洗點醬齋食都得。蟹籽燒賣皇（4件）大 $38蟹籽燒賣皇一籠四粒大大件，真材實料有大大粒蟹籽喺面，d 蝦滑令到粒燒賣都彈彈地牙，食落啖啖肉。乳香蓮藕酥 大 $38乳香蓮藕酥兩大件，酥皮好酥脆，入面有適量香滑嘅蓮蓉同冬菇，用紫菜整到好似迷你蓮藕咁，仲有d新鮮沙律伴碟。燒汁木魚花釀茄子（3件）大 $38燒汁木魚花釀茄子賣相唔

約咗兩個好耐冇見嘅朋友，想搵一個舒適同傾到計嘅地方午餐，朋友就帶我哋去The One 18樓飲茶。一上到去，接待員就好殷勤招呼我哋，酒樓嘅裝修豪華，樓底夠高，而且枱與枱之間有足夠嘅距離， 所以不會有侷促嘅感覺，而且外望270度維港美景，我以為自己去咗ICC飲茶。一坐低服務員就攞咗一大盆熱水俾我哋清洗碗碟，喺疫情底下真係值得一讚。紅燒脆皮乳鴿隻乳鴿都幾大隻，而且外皮香脆，肉質嫩滑又juicy。豉油王腸粉不單單只係腸粉外層，而係每一層粉皮都沾上豉油王，香而不會太鹹，點上甜醬同花生醬，味道一流。金沙南瓜條外層酥脆嘅鹹蛋黃，內裏清甜嘅南瓜條，雖然我減緊肥，但都忍唔住食咗好多件。黑松露蝦餃王蝦餃外皮夠薄，D蝦夠彈牙同入味，在混入黑松露，味道匹配，呢個必食。珍菌雞湯浸翡翠苗裏面有兩種不同嘅珍菌，再加上新鮮嘅翡翠苗，食完金沙南瓜，再食呢個就感覺冇咁罪惡感。鮮蝦腐皮卷多層鬆脆嘅腐皮，包住彈牙新鮮嘅蝦膠，再點少少喼汁一齊食，好味。20年陳皮紅豆沙紅豆沙份量好多，而且紅豆起晒沙。大蟠桃麵包皮夠鬆軟，內裏填滿白蓮蓉同包住一整個鹹蛋。雖然已經好飽，但係都忍唔住要食埋佢。

譽宴。星海呢間酒樓同其他酒樓與別不同， 佢哋嘅防疫做得好足，畀咗一盤熱滾水清洗餐具令我哋食得放心！ 仲有餐前小食酸辣黑木耳 酸酸甜甜而且微辣,所以食落去好開胃！ 乳香蓮藕酥 （大）外形非常精緻， 似足隻蓮藕！  裏面係用免治豬肉及蓮藕做成的！  鬆脆可口， 非常出色, 小朋友一定喜歡！ 😍 鮮蝦西洋菜餃 （3件)（大）🦐🦐🦐餃子四角形做得非常精緻，皮薄非常晶瑩通透,餃子鮮甜！ 🤤 燒汁木魚花釀茄子 (3件) 🍆茄子好有特色用咗燒汁加木魚好香，上面仲用咗蝦膠，很彈牙！感覺好似日式燒茄子😍 黑松露鮮蝦餃 (四件) (特）🦐🦐🦐🦐四粒蝦餃子外中間仲襯托著一粒係四石榴花,點綴得非常美麗！🥰 而且蝦餃有黑松露,濃濃嘅黑松露味飄香全隻蝦餃, 所以非常特別！ 👍🏻👍🏻👍🏻 櫻花蝦鬼馬腸 (大）🦐個油炸鬼非常鬆脆，裏邊仲包住好大隻蝦，腸粉皮嫩滑, 而且上面仲有櫻花蝦襯托住, 非常靚！🥰🥰🥰