影片
开饭介绍
富丽堂皇的中菜酒家，集团式经营，可作婚宴及宴会场地，供应高质点心及粤菜。
继续阅读
营业时间
今日营业
11:00 - 16:00
18:00 - 23:00
星期一至五
11:00 - 16:00
18:00 - 23:00
星期六至日
10:00 - 16:00
18:00 - 23:00
公众假期
10:00 - 16:00
18:00 - 23:00
以上资料只供参考，请与餐厅确认详情
网上见到呢排「星海」嘅白胡椒蟹焗饭做紧推广，$300多就食到咁大只蟹真心抵呀！所以今晚约埋妈咪嚟The One分店试吓，顺便提前庆祝母亲节🤗 白胡椒蟹焗饭 ⭐️⭐️⭐️⭐️⭐️嚟到见到差唔多枱枱都有叫就知靠得住🤭上枱时见到咁大只蟹真系哗一声！先打圈淋上白胡椒酱汁，蟹肉好新鲜而且份量超大，尤其蟹钳啖啖肉极满足！煲仔饭饭焦劲香口，而且充满住蟹嘅精华鲜味，真系会一啖一啖停唔到口😋 瓦撑豉油鸡 ⭐️⭐️⭐️⭐️⭐️我好钟意食豉油鸡🐓当我见到呢度嘅豉油鸡颜色咁靓，就已经知道味道一定👍🏻👍🏻👍🏻鸡肉质地好滑溜，连平时怕嚡唔钟意食鸡肉嘅妹妹都大赞✨食鸡又点可以唔食鸡皮呢？鸡皮做得好入味，咸甜豉油味恰到好处，钟意食鸡嘅唔好错过❣️ 远年花雕冻食醉熟虾 ⭐️⭐️⭐️⭐️⭐️估唔到咁惊喜😳首先虾又大又新鲜弹牙，花雕味入晒落啲虾到，食虾时尤其食虾头有浓浓嘅花雕味🤤价钱咁抵无谂过咁高质🦐 川式酸菜煮深海龙趸球 ⭐️⭐️⭐️⭐️⭐️第一次食用龙趸做嘅酸菜鱼🐟呢度嘅酸菜鱼比一般嘅会辣少少！龙趸肉真材实料好厚好结实，配埋酸辣嘅汤更加滋味！
继续阅读
屋企人做节好多时都会拣中菜食饭，今次想用餐之余仲可以享受下维港景色所以就约埋去到尖沙咀 The ONE 嘅星海食饭，可以一举两得餐厅装潢富丽堂皇，店内环境宽阔，大堂设有舞台，设有大量座位非常适合团年晚餐、公司周年聚餐、用作婚宴场地近排仲可以优惠价享用招牌白胡椒肉蟹焗饭及其他菜式咁钟意食胡椒蟹嘅我，又点可以唔叫黎试下食物方面 : 招牌白胡椒肉蟹焗饭 : 螃蟹肉质饱满，蟹钳肉质鲜嫩入味，以白胡椒烹调方法，带出阵阵胡椒香味，蟹身配搭胡椒味道浓郁，微辣惹味，底层焗饭带有少少焦香，吸收晒蟹汁及蟹膏嘅味道，够晒惹味远年陈皮烧鹅伴陈村粉 : 烧鹅烧到外皮香脆，肉嫩多汁，底层陈村粉吸收晒卤水汁及鹅油嘅精华，非常美味椒盐鲜鱿 : 鲜鱿爽脆弹牙，炸浆够薄身，椒盐味十足蒜蓉粉丝焗牡丹虾 : 牡丹虾口感充满弹性，鲜甜爽口，用蒜蓉粉丝做底层，吸收晒虾汁嘅味道，真系成煲粉丝都食得晒
继续阅读
绝美香港夜景，滋味中菜味蕾享受 今晚朋友请食饭，带咗我嚟尖沙咀食中菜餐厅装潢华丽，好适合做婚宴场地！ 我哋试咗几道招牌菜，真系好正！首先系「招牌白胡椒蟹焗饭」蟹肉鲜甜，焗饭吸收咗蟹肉嘅鲜味，白胡椒嘅香气扑鼻而来，口感滑顺，饭粒粒分明，真系令人一口接一口，好好味！ 另一道菜喺餐厅新菜式「瓦𦉘豉油鸡」，一上枱劲香喷喷，令人食欲大增。鸡肉嫩滑，豉油味道入味得嚟又唔会过咸，咬落去有种肉汁四溢嘅感觉，搭配一啖白饭，简直系完美！ 至爱「金沙黄金虾」都唔可以错过，虾肉弹牙，外面包著香浓嘅黄金沙，口感香脆，里面嘅虾肉鲜甜弹牙，咬落去令人好满足！ 想食啲菜，叫咗「胡椒咸骨粉肠芥菜煲」，忍唔住饮咗碗汤，微微的胡椒香辣，好香好暖胃。咸骨嘅肉质软嫩，粉肠弹牙，搭配清脆嘅芥菜，整体口感层次分明，食完之后令人感到满足！母亲节家人聚会必选 几钟意餐厅环境，觉得喺度摆酒，影嘅相应该又Grand又靓，出面个露台位仲可以Set啲位俾宾客打卡影夜景！ 星海尖沙咀弥敦道100号The ONE 18楼
继续阅读
有朋友外地返嚟同佢行尖沙咀，晏昼去饮茶，揾到呢间酒楼，装修华丽有大型水晶灯装饰，又有海景露台观景，环境一流，怪不得呢度系有名嘅婚宴场地。呢度点心全部都系手工制作，食物高水准，朋友食完都赞好。 星海虾饺皇 $50大大只，皮薄馅靓，真材实料，啖啖爽口鲜虾肉。 翡翠原虾北菇烧卖皇 $50卖相颜色好靓，一整只虾舖喺面，烧卖猪肉爽口配上冬菇好香。 瑶柱鲜虾苋菜饺 $44晶莹剔透，翠绿翠绿咁样，里面主要系菜，几清新爽口。 千岛红米脆皮鲜虾肠 $50爽滑红米肠粉卷住酥脆酥脆嘅虾春卷，口感丰富，配上千岛酱同埋甜豉油，味道又好夹。 草莓千丝百花球 $44外层一丝丝嘅脆脆好香口，里面鲜虾丸真材实料，唔系一旧粉团，沾上甜酸酱好醒胃，配上一小粒草莓增添果香，食油炸嘢都唔觉得油腻。 陈皮山竹牛肉球 $37牛肉球充满陈皮同埋芫茜嘅香气，肉质柔软，同喼汁系绝配。 日式海鲜炒稻庭乌冬 $138稻庭乌冬烟烟靭靭，加咗一啲韭菜花、芽菜同埋洋葱炒得好有够镬气，每条乌冬都入晒豉油嘅香气。配料好丰富，有大大只厚肉带子、大虾仁同埋鲜鱿，海鲜都鲜嫩爽口。
继续阅读
#chuchu食在尖沙咀📍 星海270度海景酒楼！好靓，望住咁靓嘅景饮茶真系身心舒畅！加上坐得好阔落，楼底够高，包场搞大型活动Annual Dinner、婚礼、晚饭聚会、百日宴，嚟紧冬至饭都啱晒！💡 初二烟花呢个位都睇到，🐷妈拎定传单睇了！—————————————————————❣️ 蟹粉小笼包 $38/只一笼一个！拳头👊🏻咁大个！小笼包皮薄，咬落去超爆嘅汤汁，蟹粉味好浓！劲满足！.❣️ 原只鲍鱼烧卖皇 $34/只又系一笼一个！鲍鱼竟然比大只过粒烧卖！真系原只鲍鱼！.❣️ 黑松露鲜虾菠菜饺 $40大大只鲜虾，爽口弹牙！黑松露味唔算好浓，不过菠菜味好出！.❣️ 安格斯和牛天鹅酥 $40摆盘好靓，系两只天鹅！馅料系安格斯和牛，黑椒味好浓！.❣️ 千鸟红米脆皮鲜虾肠 $45呢个好味！咬落去仲系脆脆的，入面有虾！好味，加完豉油又唔同左感觉！.❣️ 姜葱蒸牛柏叶 $40呢个饮茶必食，偏浓味！.❣️ 田园蒜蓉脆皮鲜虾春卷 $40脆卜卜！好多蔬菜！❣️ 宫廷养颜枣皇糕 $27一笼有4件！衬热食！烟烟韧韧！.💬 如果想嚟饮茶食饭建议打嚟问下先！因为𠮶场+𠮶海景真系太正，几乎日日都有包场！—————————————————————不专业评分👅好味指数: 8/10 💰性价比: 8/10👍🏻推荐: 8/10 —————————————————————🏡地址: 星海 (The ONE) (尖沙咀)尖沙咀弥敦道100号The ONE 18楼🕑营业时间: 11:00-23:00 （4-6落场）—————————————————————#chuchu食点心———————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻♀🐷💬每一篇食评都好认真打架
继续阅读
您可能会有兴趣的...