星海．譽宴 (The ONE)

营业中

休息中

N年冇飲啖茶☕食個包🥠襯有閒情逸致就揀咗間有「華麗裝修x靚景」嘅酒樓悠閒吓!!講緊嘅係呢間位於鬧市中心兼坐落於商場高層內嘅酒樓吖😎😎. Be同兒時一樣😂一畫點心紙時乜都好想食😂情難自控咁叫到成枱都係！等食期間先飲杯茶先啦！叫咗唔係間間酒樓都有嘅✨龍井 ＆經典✨普洱！茶質唔錯！說時遲那時快熱辣辣嘅點心都送到啦😍😍. ✨ 蟹籽燒賣皇 $34大大粒又彈牙！唔會食入口一堆粉咁😝好食!!✨ 鮮蝦腐皮卷 $34外層酥脆！內裹住爽彈蝦膠而成👌✨ 鮮蟹肉菠菜餃 $34外層係煙韌且晶瑩剔透嘅水晶皮！清晰見到菜肉肉餡！幾唔錯！✨ 蒜蓉鮮蝦春卷 $34鍾意香口嘅朋友記得叫！蒜香+鮮蝦肉內層加埋卜卜脆外層！滋味😛✨ 薑蔥蒸牛柏葉 $34爽口有嚼勁嘅牛栢葉處理得到位！不過略嫌浸住喺啲油水度有啲油膩！✨ 蟹粉小籠包 $35@一咬就爆發濃郁湯汁嘅小籠包！係幾飽滿又美味！如果價位可調整一下更值得試！✨ 花菇棉花雞 $34有齊軟腍魚肚滑滑雞件大隻花菇😝不過不失！✨ 布拉米皇腸粉 $29鍾意布拉腸粉嘅質感！隨個人喜好自行整色整水加麻醬甜醬豉油🙌🏼✨ 招牌酥皮焗大蛋撻 $29比普通嘅蛋撻大隻啲！趁熱食ok嘅😉✨ 蝦乾迷你珍

幾年前新開張嘅時候嚟過呢度參加婚宴，呢度嘅夜景冇得彈今次晏晝嚟就試吓同嫲嫲飲茶。中午平日黎唔算多人，坐得幾闊落。我哋叫咗兩個滷味，豬耳好爽口，都算入味蒸物叫咗素菜餃，粉果同蝦餃。餃嘅皮都好薄而且足料，蝦餃仲有兩隻蝦喺入面另外我哋仲叫咗鳳爪，炸雲吞同燒肉魚鍋。我自己好鍾意食炸雲吞熱辣辣炸好夠鑊氣，配埋沙律醬可以中和返油膩感整體上都好滿意，埋單用咗$400。不過呢度人手好似唔係幾夠，如果坐得比較邊嘅位置就好難叫時應嚟

約咗屋企人飲茶， 想book間坐得舒服嘅酒樓， 在尖沙咀The One 找到譽宴·星海。。樓底超高，裝修典雅，仲有超級無敵靚景， 連接戶外小花園平台， 居高臨下望維港海景。平日下午茶時段都差不多坐滿， 人氣十足！除了點心，也有多款小食，午市孖寶。普洱茶香滑， 前菜: 芥末木耳 ， 爽口帶少少辣～蟹肉菠菜餃菠菜餃嘅皮比較腍身， 餡料非常鮮味，蟹肉和菠菜味道配搭得宜。蟹籽燒賣王燒賣好大件～ 混入蝦和冬菇特別鮮味。胡椒雞湯灌湯餃原盅燉，熱辣辣！ 濃郁雞湯底配合超重胡椒味， 非常暖胃。 灌湯餃餡料也非常飽滿。蟹粉小籠包非常精緻， 一籠一隻。 小籠包外皮睇落好薄好通透， 非常可惜蒸嘅時候側了一邊黐住蒸籠， 小心夾都會穿， 把湯汁都溜走。 另一籠都是一模一樣～小籠包湯汁唔少， 豬肉混入香濃蟹膏，也有蟹肉的鮮甜， 鮮味十足！XO醬炒蘿蔔糕每件蘿蔔糕切得工整而不散， 蘿蔔和粉嘅比例啱啱好， 蘿蔔清甜味突出。 外皮略炸外脆內軟，XO醬惹味香囗！XO醬鳳爪醬汁好惹味， 鳳爪不會炆煮得太冧👍😋香芒糯米卷外層芒果肉， 卷着芒果味糯米卷皮和忌廉，軟熟美味！手切豚肉叉燒酥酥皮相當鬆化， 豚肉餡料無想像中豐富不過味

呢日帶小jasmine來到the one譽宴星海，婚宴就來得多，飲茶真係第一次！試下好無食先😆.紅燒脆皮乳鴿 $68蟹粉小籠包 $70黑松露蝦餃王$46醬皇蒸鳳爪 $33荔蓉蜂巢北海道帶子盒 $39碧玉鮮蝦腸粉 $46丹麥墨魚籽蝦多士 $39鮮蟹肉菠菜餃 $39楊枝甘露 $39.叫左成枱都係野食，全部水準不錯呢😋乳鴿炸得幾好脆卜卜好好食，小籠包香濃蟹粉又多蟹膏，好欣賞呢到的蝦好彈牙皮做得好薄，搞到叫左好多蝦🦐（又蝦餃又蝦多士又蝦腸粉🤣）蝦餃黑松露味道好出我呀媽食到舔舔脷😋最特別荔蓉蜂巢北海道帶子盒，外層脆脆的入面軟心，帶子芋頭蓉配上醬汁好正👍🏻最後食番碗楊枝甘露good ending😎.呢到除左食物有質素，最正係可以行出露台影相打卡！真心好靚呢抱住呀b影不停😁食飽出去行下吹下風曬太陽好舒服，開心🥰

朋友生日，今日請左半日假, 三五知己去左尖沙咀The One 18樓這間 譽宴.星海，來個滿足下午茶。平時呢度搞婚宴，個廳勁大勁靚，仲有室外位置，由於居高臨下，可以飽覽尖沙咀景色 仲可以望到對面海添！環境真係滿分！我們大約下午兩點去到，岩岩好下午茶時段，全場已坐滿。幸好剛剛有一臺離坐。不用等很久便有位。餐廳裝潢華麗，而且有無敵維港景，價錢相宜，十分推薦。茶位每位$15。收加一服務費。餐前小食$15一小碟, 係麻辣雲耳，有黑雲耳同白雲耳，麻辣爽口非常開胃。櫻花蝦鬼馬腸  精髓絕對在於櫻花蝦，好脆唔錯！表面櫻花蝦味道濃黑松露蝦餃之王$41蝦餃有四粒，中間加配一粒迷你版嘅，有心思👍 蝦餃皮薄，size唔太大，好香黑松露味😋黑松露味香嘅同時又唔會搶晒蝦嘅鮮味。鮮蝦餃真材實料，真係有鮮蝦喺入面，爽脆彈牙。安格斯牛柳粒$88用上介末炒安格斯同露筍，露筍爽口香甜，牛仔粒牛味濃郁有口感，但稍為有少少咸咗！花菇綿花雞$34同我想像中有d出入，拆散左總係覺得怪怪的，但味道都算唔錯。流沙奶黃包一咬開就發現勁流心，正。期間限定：蟹粉小籠包$35蟹黃十足，好香濃嘅蟹味，大大隻，份量超多，一人一隻剛剛好，必試🤩🤩

近年都會約定朋友食一餐大閘蟹，今年揀咗之前未食過嘅譽宴，算係咁多年來最好的一餐每位$428另收加一，其實同坊間酒樓差唔多價錢，但質素的確唔錯。而且餸菜逐道奉上，除臨尾趕收工就一次過上晒薑茶、炒飯同甜品…但至少比以前去其他地方食大閘蟹餐時，未食完一碟已經上緊下一碟來得好。食物方面，蟹粉小籠包皮薄有湯汁；花雕鮑魚可以唔駛沾芥末，已經非常夠味，鮑魚又唔韌；大閘蟹雖然得一隻（坊間通常3隻）但質素唔錯算多膏；蟹粉翅湯係全餐最出色的一味菜，食到蟹肉碎同翅絲，足料好味；稍嫌失色係乳鴿，外皮太鹹了。此餐另大方地附有一壺400ml花雕酒，配搭話梅一齊飲，相當特別。

有D人好怕飲茶，因為覺得酒樓又嘈環境又唔好但係中式飲茶都可以好舒服架，我同屋企人幾鍾意黎尖沙咀呢間因為環境真係好舒服，而且點心品質都幾高質我最鍾意食燒賣，所以每次都會叫蟹籽燒賣皇大大粒又好味！安蝦咸水角新鮮熱辣炸出黎，口感煙煙韌韌，個外皮又唔會好厚香麻手切豚肉叉燒酥呢個幾有驚喜，個酥皮好鬆化， 而且個叉燒酥仲係熱嘅添茘蓉蜂策北海道帶子盒呢個有少少似我地平時食既芋角，但今次既餡料轉左做帶子芋蓉既同餡料比例岩岩好招牌胡椒濃雞湯灌湯餃好少食到胡椒雞湯既灌湯餃，個湯胡椒味香但唔會辣到嗆 喉個餃皮薄餡靚砂窩鮑魚雞粒炆飯佢地既炒粉面都煮得幾好，今次食呢估鮑魚雞粒炆飯用料十足，好多鮑魚係裡面，而且個飯煮得好香，不經不覺令人越食越想食所以話飲茶都要揀岩地方！

今日三五知己去左尖沙咀 譽宴.星海，來個滿足下午茶。我們大約下午兩點去到，全場已坐滿。幸好剛剛有一臺離坐。不用等很久便有位。餐廳裝潢華麗，而且有無敵維港景，價錢相宜，十分推薦。坐下不久便先上一碗爽脆香辣的黑白雲耳作餐前小吃，極之醒胃，我們叫了五個點心、一個孖寶。京川紅油抄手: 香辣的紅油配以皮薄餛飩，既惹味又開胃。南翔小籠包: 賣相十分特別，而且小籠包皮薄多肉汁，加一點點醋更能起升肉既鮮味。清香魚肚卷: 外面比較小見的點心，以腐皮包裹著吸收了滿滿上湯的魚肚，一口咬落去已經非常滿足。可惜影咗的相不見了。櫻花蝦鬼馬腸: 點心的精髓絕對在於櫻花蝦，令炸兩增添多一份香脆口感，味道亦都有所提昇。荔蓉蜂巢北海道帶子盒: 是日最愛點心，沒有之一。外層蜂巢做到十分出色，非常香脆有層次。軟腍濃郁的荔蓉包著香甜帶子，外脆中軟內香。整個點心配合得天衣無縫。粉絲南乳粗齋煲: 煲仔細細但味道卻是一流。以南乳作為調味，令粉絲及時蔬都注入靈魂。龍躉頭腩蒸荷葉飯: 一上菜已經被他的份量震攝住。厚厚一層炒飯上面全部都是龍躉。龍躉蒸煮的時間剛剛好，而且帶有陣陣荷葉香氣。炒飯十分乾身，是我喜愛的。三個人每人都只是100多元

今午約咗二位朋友在尖咀飲下午茶，之前去過銅記譽宴覺得唔錯，就約The One 譽宴飲，酒樓好開陽，感覺好舒服。坐落服務員攞一盤滾水比客人洗碗筷，係這個疫情下感到幾安全。跟住有一碗前菜黑白木耳，用陳醋醃過，爽口彈牙幾開胃。我之前係銅記食過招牌胡椒濃湯灌湯餃覺得好好味，今次推介比朋友食，她們說胡椒味好重，皮薄饀多，佢哋都覺得冇介紹錯。我哋又點咗牛栢葉，珍珠雞，叉燒腸，XO醬炒蘿蔔糕同埋我至愛的荔蓉蜂巢芋角，芋蓉香綿每個都包住北海道帶子，又炸到好香口！這個點心唔係好多酒樓食到！食了點心後朋友覺得唔夠飽，我哋又加咗牛雜同牛仔粒，牛雜用煲仔上，炆得好淋又惹味，成煲都係$68，係街邊食一串得幾舊都要$20，認真超值抵食！牛仔粒廚師用上介末炒安格斯同露筍，露筍爽口香甜，牛仔粒牛味濃郁有口感，但稍為有少少咸咗！結賬唔駛500蚊，朋友話好抵食。臨走時我哋抱住唔好蝕的心態，仲行出露台影相，風景真係好靚。

今日同屋企人出左黎飲茶，簡左呢間位於THE ONE 18樓嘅譽宴．星海，由於居高臨下，所以酒樓有一個開揚嘅景觀，非常適合結婚擺酒。一坐岻，就有服務員奉上一大盆熱水比我地清洗餐具，非常貼心。餐前小食係麻辣雲耳，有黑雲耳同白雲耳，麻辣爽口非常開胃。黑松露蝦餃之王，一籠有四大一小，中間果粒迷你版可能係因為想避免諧音所以專登加落去嘅，蝦餃皮幾薄，黑松露味香嘅同時又唔會搶晒蝦嘅鮮味。蒜蓉鮮蝦春卷同鮮蝦腐皮卷一樣好香脆。金磚脆皮豆腐一碟有八件，豆腐炸得外脆內軟，令人食到停唔到口。黑糖馬拉糕花菇綿花雞同我想像中有d出入，拆散左總係覺得怪怪的，但味道都算唔錯。鮮蟹肉菠菜餃流沙奶黃包一咬開就發現勁流心，正。海草珠楊枝甘露唔係用西米去整，食落口感幾特別。題外話呢度有個姐姐服務幾好，值得一讚。

今日請左半日假約左爸媽飲茶，唻到尖沙咀就簡左地點方便既the one 譽宴，環境好舒服有自然光透入得唻座位都好寬躺，爸媽一入座都好滿意！岩岩好二時入座剛好下午茶時段，先唻叫個例牌，燒肉好出色，脆卜卜又唔太肥，再唻咸水角，腸粉，點少得牛肉燒賣叉燒包，每樣首先望上去，蒸竉都好乾淨，而且味道食水準之上，最鐘意係今次order既紅油抄手同埋安格斯牛河，平時唔好辣野既媽媽都話好好味，安格斯牛係食得出有質數，果然冇呃人，雖然洒樓選擇跖多但勝在每樣都食很出用味制作，最緊要爸媽都滿意！

慶祝同事生日，Lunch食好點，The One 18樓這間 *星海* 靚view,食物質素高，店員服務好專業上到來，地方超大，樓底好高，最緊要完全無柱，婚禮宴會好適合，仲有出邊有露天座位對住個無敵大海景添🤩🤩期間限定：蟹粉小籠包，蟹黃十足，好香濃嘅蟹味，大大隻，份量超多，一人一隻剛剛好，必試🤩🤩孖寶選擇亦很多，蔥油撈麵配鮑汁鳳爪撈麵份量超大，足夠4人吃，蔥油很香，麵質滑彈👍👍鳳爪鮑汁濃郁，而且有7、8隻，入味，咸淡適中😋😋黑松露蝦餃之王松露香濃，蝦餃皮晶瑩剔透，薄皮，蝦仁鮮甜爽脆，賣相好靚😍蟹籽燒賣皇 都吾錯，大大粒。肥瘦適中，蟹籽仲好多添😝😝香茜叉燒腸粉，好精致，已經切好一件件，好細心.外皮好滑，叉燒香口！三人吃剛好，人頭百幾蚊，環境好靚，仲有好多套餐添，生日大壽、做節都吾錯，做婚宴都好靚🥰

Family Day緊係要去飲下茶，之前都黎過呢一間飲茶覺得環境舒服，食物質素都幾高，所以揀返呢度可以一邊望住靚景一邊嘆茶，好Relax我地叫左幾款唔同既點心，分別係 叉燒包、燒賣、牛柏葉、叉燒腸等等每一款都熱辣辣，質素都幾高腸粉好滑，包住既叉燒餡料都幾多，已經好細心分左件食起上黎就方便得多另外我就好欣賞個茄子鴛鴦米， 炒得好乾身，有齊粉絲同埋米粉，口感都味道唔錯炒得都幾香幾入味媽咪鍾意食酥皮蛋撻，呢度既蛋撻大細係平時食開嘅1.5倍，個皮好鬆化D蛋好滑，甜度適中所以係呢度飲茶的確幾舒服

Starting the long weekend right with dimsum😍 Decent quality overall with my favourite being the Siu Mai (燒賣)! Personally, I like siu mai made of prawn rather than pork, so this was right up my alley! Their taro puffs with scallops (酥炸芋茸帶子盒)were well-executed as well, crispy and fluffy without feeling overly oily, they were also the perfect petite size!We also ordered:🥢crab, prawn & spinach dumplings(蟹肉鮮蝦菜苗餃): and yes, there were actually a few strands of crab meat in there!🥢char siu bao (叉燒包): t

爸爸媽媽回來不久，一家人團聚,當然要找個好地方吃東西。這次我選了位於尖沙咀的餐廳吃午飯。餐廳位於尖沙咀 the one. 由地鐵站行數分鐘就到,交通非常方便，佔盡地理優勢。環境感覺高雅清新，而且環境衛生。氣氛良好適合一家大細少聚餐或三五知己吃飯。餐牌方面食物十分多元化，點心，小菜肉類樣樣有，所以適合一圍枱人的不同口味。他們的灌湯餃水準一流！用胡椒豬肚雞湯做湯底，用料十足，而且很重胡椒辣味。加上那個大大的灌湯餃，感覺很滋補。另外他們的蝦多士賣相吸引，香脆可口的多士夾着爽滑的蝦肉，再加一些魚子做點綴，十分吸引。鮮蝦腐皮卷也是我飲茶的最愛，這家茶樓做得特別出色，脆脆的腐皮配爽口彈牙的蝦肉，和一些蘿蔔絲，層次感豐富。小籠包做得很精緻，用一個小小的盤放着獨立一隻一隻的小籠包，小籠包咬落去濃湯流出，皮薄餡靚原隻大澳三鮮蒸籠飯賣相吸引，蒸籠有差不多兩個大pizza一樣大，蝦醬香濃，再配上一些鮮帶子，和秘製醬汁，更加能帶出這個蒸飯的香味。