星林居雲南米線餐廳 (已結業)

因為韓國綜藝節目既影響，lunch果陣同學話想食星林居，咁我地就花少少時間行去食啦我地要左張學生紙，個麵會平幾蚊，但配菜價錢不變個湯底真係好正，辣中會食到甜味，麵都好彈牙但唯一唔好既就係，d配菜份量好少，比左十蚊加肥牛，就果兩三片，好少，但睇在佢個麵同湯高質份上，都會keep住間唔中黎食既

大排長龍的分店，排左10-15分鐘終於有位。豬紅腩肉小鍋米線 （中小辣）走酸豬紅太淡同埋凍的，可以唔洗叫。。豬腩肉反而好正，有驚喜，有醃過但辣辣地，好好味！！米線係幼同淋，易入口，唔會太硬。湯底好清，唔會好油，仲有好多肥膏粒。奶茶$12 一定要少甜但飲落都算香滑唔會有茶渣但$12都係太貴。

啲人服務態度極差又串，垃圾就咁掃落地下，服務唔好都算，米線勁淋，嗌咗芝士腸，點知上嚟得一條，叫普通酸根本冇酸味得辣味，肥牛都算ok，但整體根本唔值個價，話晒都可以話係香港具代表性嘅米線舖，點解唔做好啲，反而搞到本地人或者遊客都留下負面印象，真係食其他任何一間米線都好過哩間，領教過後絕對唔會再幫襯。

收工過黎食米線，全店滿座一個人都要等，等左10分鐘左右...見條龍愈來愈長，愈來愈多人排隊我係到諗... 係味真係甘好食呀... 好耐以前已經想過星林居呢個名，聽講每個遊客都會黎食，但我就重來都未食過今日一試... 嘩，果然係冇得彈點左小鍋米線配牛筋丸、雲耳、生菜，落單後都等左一段時間。上台冇咩特別，但食落就非常驚喜成碗米線好熱，熱辣辣甘，米線煮得岩岩好，吾會太淋，又入味感覺上係湯連米線一齊煮，吾係直接將煮滾既湯倒落米線到果種 小中辣... 一D都吾辣，不過普通酸就酸左少少下次回訪，我諗我會叫大辣+少少酸應該就最岩我胃口啦特別中意佢地生菜係另上既，吾會索曬米線湯既油！平時 D 米線鋪會將生菜放埋落碗米線到，令到本來想食健康D變食得更肥星林居就吾會啦，抵讚如果下次又黎呢頭番工～我一定會再食呢碗驚喜米線

自從轉左黎尖沙咀返工後，日日諗食咩都真係頭都痛埋，又怕貴又要快，都知道尖沙咀區食飯都吾會平🤭很多人跟我都一樣，熱愛吃米線🍜而我都是米線控一來貪佢夠方便快捷，時間快速二來更可味道配料可以自由組合這間位於尖沙咀樂道的 - 星林居雲南米線🍜食飯時間都大排長龍，小店面積不大，坐位算是狹窄入坐後自行填寫米線點餐紙📝除了選擇配料外，更可以選擇特別要求：例如：蔥，芫茜還可以自選酸辣度🌶湯頭超濃帶點赤紅色，香氣撲鼻，而米線煙韌彈牙。怪不得大排長龍

新西遊記5之前嚟咗香港拍攝 成員原來就係去咗星林居度食嘢玩遊戲！ 星期日播出咗第2日梗係嚟食啦～好耐無食過星林居了～跟住 殷志源 menu點餸～真係揀得好好👍🏻👍🏻「小鍋米線 牛筋丸 火腿 牛𦟌 小小辣 小酸 少米線」米線🍜軟軟腍腍 好易入口 唔算好彈牙牛丸幾Q彈☺️火腿牛𦟌🍖份量意外地多&好入味～一啲都食唔出辣味🌶 淡淡地酸如果細食嘅話食餸食芽菜都夠㗎，酸辣嘅味道會令人愈食會愈想食😌 之後就成碗食哂😂米線內有芽菜酸菜韮菜，如果想走佢地可以揀E3 E10-12走哂佢地，仲可以走米線同走肉㗎🤣🤣🤣服務方面：雖然會漏單，不過姐姐好好人㗎！

餐廳主打即煮米線. 其中酸辣過橋米線相當出名。店內環境一般，唔太好坐，每碗米線都有肉碎和可加上海量香菜和蔥，配料選擇超多，刁鑽如海帶面筋豬肚生根都有，其他如墨丸、、豬膶亦不錯。不過食物份量少,一個餸只有一小塊豬軟骨,湯底亦偏鹹，濃味湯底卻有點異味,魚旦中心冰凍,有點腥。米線已經唔係好似以前個種。整體感覺同普通車仔麵質素差唔多，果然出名嘅店如果唔能夠留住人都係會變架。另外，呢度嘅辣真係辣過譚仔好多，辣度選擇方面真係要調整番，否則會瀨野。

朋友带我来打卡，据说韩国歌手DAVICHI的姜敏京来过这边。午饭一点钟到时已经排队，好在office就在不远处。落座后一人一纸，点单时因很好食辣，点了劲辣，后来发现真是好辣，辣哭的那种，下次只会点大辣。点两送已足够，因汤底真的很丰富。性价比也很高，50蚊吃饱喝足。

餐廳好細，目測約30個座位，環境好暗，6點幾已經滿座。尼間係用即棄既木筷子。豬腩肉麻辣米線+可樂($41)配料當然揀左豬腩肉($8)。全部腩肉片都好食，食落有趙口，無一片腩肉係柴既。至於湯底，掙扎左好耐要中辣定中小辣，最後都揀左中辣同普通酸。一上枱，就見到成碗米線出哂煙，並唔係熱辣辣咁簡單，唔係一般既熱，而係滾架，食既時候都要吹凍下先食到。麻辣湯底濃郁，望落仲幾杰身，勁多肉碎(暫時食過最多既一間)。食頭幾啖都覺得ok，點知愈食愈辣，仲要倒d凍水先食到(因為湯底太滾+好辣)。米線份量偏少，對我而言就剛剛好。米線超入味，下次只可以考慮小辣或中小辣。魚蛋肥牛麻辣米線+可樂($51)見到食評話清湯無肉碎又無乜味，就建議”友人”叫麻辣湯底。”友人”揀左小小辣同小酸，湯底非常惹味，比元朗米線好食。肥牛($12)同魚蛋($6)質素正常，$6餸有4粒魚蛋都算多(通常得2至3粒)。米線好細碗，”友人”覺得唔係好夠飽。去餐廳之前係openrice見到第一頁好多負評，指服務態度差、味道大不如前。當晚待應既態度又唔係特別差又唔係特別好，起碼係有求必應。至於水準係咪下降就唔知啦，畢竟我地唔係常客。反而係覺得環境

今日又走咗出尖沙咀，平時見到呢一間餐廳時常排曬隊，見今日冇人排，便走入去試下， 呢一間叫[ 星林居小鍋米線 ]門口不算太顯眼，只覺像一間老店，但門口貼有一些比米芝蓮評級的相片餐單都是很簡單的紙張印刷，選擇好像不算太多 餐廳內座位不算多，也比較為逼夾，不知是否因食緊酸辣問题，而感覺到好像冷氣不足今餐叫了一個小鍋米線配魚皮餃(中辣)，食落酸味比麻辣味更重，而當中的米線過於太淋幸好這個魚皮餃都算不錯， 皮不算厚也很足類但如果在這樣聲名的餐館，平日人龍不絕，在今天試過後，本人覺得明不其實。

有日又唔係真係好餓又唔知食乜所以就食左星林居米線，自己就第一次食既但都驚自己食唔曬，我叫左豬紅雞翼豬大腸小鍋米線試下，個賣相個人黎講就有啲差,都唔緊要飲左啖湯試下先，點知覺得無乜味既，可能自己平時重口味無乜feel咪再食下豬紅，唔係喎連豬紅都無乜味，其他餸唔洗講啦都係一樣，個刻我真係黑人問號點解碗野可以淡成咁，無左濃味既豬紅完全係唔好食，再睇埋碗米線，相比起同行x仔同雲x香，除左味道比唔上之外，份量係小得可憐

都唔係第一次中伏，咁今次朋友又講，好！我就去試下啦，一野點左5餸，佢地用既係外賣兜，唔大唔細，旁邊叫一個送，見米線都多，我叫5個餸，佢點裝得落？ 減我米線……，味道…太濃，你可以話有人鍾意既，但…我唔覺咁濃味會係大多人喜愛囉，豬血，硬過膠，大腸，黑到霉，牛丸，凍的中間，真心垃圾，唔會再去，再有人話好食我實反面

友人知道我喜歡食米線，所以就相約我在樂道星林居食米線。門外見到佢好多年前獲得法國藍帶勳章，又有不少獎項，當然就變成我倆牛娘織女一年一會的食堂。位與位之間好窄，光線好暗，個個客人都埋頭苦幹。間鋪選餐單類似日式拉麵鋪，可以揀辣度，酸度，芽菜，芫茜分量。選擇完就比店小二。要酸辣米線少辣多芫茜加豬腸，腩片。仲有來一罐可樂。星林居佢劣評愈來愈多，但其實佢味道比痰仔好好多。湯底濃又香，如果太酸，其實可以自選酸辣度。又有我最愛的芽菜及大量芫茜。米缐及配料雖然愈來愈少，但味道還是不錯的。所以還是會繼續想去的米缐店。

約咗朋友去尖沙咀食lunch，朋友想食米線，好耐之前喺尖沙咀返工成日都食呢間，今次就嚟回味下因為落雨唔洗排隊就可以直接入去坐，一坐底就叫咗碗豬潤、蟹籽包、雲吞米線，叫咗唔辣。一時醒唔起，叫咗唔辣就會冇咗d肉碎，完全係第二回事。如果要食呢間一定一定要叫辣，就算食唔到辣都要叫小辣，小辣係唔辣嫁。雲吞同以前唔同，而家呢個雲吞好厚皮，d料又少。豬潤就幾好，唔會太熟，食落有口感。蟹籽包就應該間間餐廳都差唔多。米線份量比較少，食完好似冇食過咁😂如果男嘅嚟食，應該要叫2碗先夠飽

米線似乎是香港最貼地食物之一，幾乎每次想不到食乜時總會有人話，去食米線啦。星林居也算是當中我比較喜歡的。其中一個原因是可客製化，可以多莞茜多芽菜淋D少米。另一個原因則是本人重口味，而這間米線的湯底很濃味。-今次叫的是生根豬紅大腸蘿白酸辣米線。生根/豬紅/蘿蔔基本上都是靠外在的味道，因為湯底惹味，因此它們都很夠味。蘿蔔清甜沒筋；大腸燘得夠淋兼沒怪味。湯底酸辣調味平衝剛好，重口味自然是有點咸。-唯一要挑剔的是，湯底的肉碎太多肥油了，一粒粒肥膏漂浮的感覺，對一個女生來說還是有點嚇人。