星林居雲南米線餐廳 (已結業)

友人知道我喜歡食米線，所以就相約我在樂道星林居食米線。門外見到佢好多年前獲得法國藍帶勳章，又有不少獎項，當然就變成我倆牛娘織女一年一會的食堂。位與位之間好窄，光線好暗，個個客人都埋頭苦幹。間鋪選餐單類似日式拉麵鋪，可以揀辣度，酸度，芽菜，芫茜分量。選擇完就比店小二。要酸辣米線少辣多芫茜加豬腸，腩片。仲有來一罐可樂。星林居佢劣評愈來愈多，但其實佢味道比痰仔好好多。湯底濃又香，如果太酸，其實可以自選酸辣度。又有我最愛的芽菜及大量芫茜。米缐及配料雖然愈來愈少，但味道還是不錯的。所以還是會繼續想去的米缐店。