星林居酸辣米線餐廳

营业中

休息中

星林居酸辣米線餐廳一直都係我嘅至愛，今次再去幫襯，叫咗兩個小鍋米線，一個係紫菜肥牛麵筋，另一個係紫菜腩肉、墨丸豬紅。雖然佢哋嘅選擇仲係好多，但係食落口嗰刻，覺得味道同以前有啲唔同。
首先講下紫菜肥牛麵筋嗰個，肥牛同麵筋嘅份量都幾足，紫菜嘅香味都仲係度，但係成個湯底就覺得冇以前咁濃郁。可能係因為佢哋想迎合更多人嘅口味，但係對於我嚟講，就少咗啲嗰種令人一試難忘嘅感覺。
再嚟就係紫菜腩肉、墨丸豬紅嗰個，腩肉同墨丸都幾好食，豬紅就稍微覺得有啲硬。湯底都係同第一個一樣，覺得淡咗啲。成個米線食落口，就覺得份量比起以前少咗啲，可能係因為成本問題，但係對於成日嚟食嘅我嚟講，就覺得有啲唔抵。
總言之，星林居酸辣米線餐廳雖然仲係保持到一定嘅水平，但係同以前比起嚟，無論係味道定係份量，都有啲退步。希望佢哋可以聽到客人嘅意見，喺未來可以做得更好。


自己一個人喺尖沙咀食飯 見天氣凍凍地就想食酸辣米線 OpenRice裏面搵到一間貌似好食嘅咁就入咗去試吓 點知有驚喜🤩明火小窩米線 35生根+8 龍蝦丸+8 蘿蔔 +10一嚟到 碗米線好多蔥 唔食蔥嘅朋友記得走蔥 好震撼😍因為我係蔥嘅愛好者 啖啖都係蔥同韭菜 再加上肉碎 少少辣普通酸 正😋生根有四粒 軟硬啱啱好 最有驚喜係龍蝦丸 本身佢同出面嘅龍蝦丸唔一樣 但應該俾錯章魚丸 但都值得一試👍🏻另外蘿蔔都有兩大嚿 而且好腍好甜總結：服務員好好 落單前會確認要唔要芫荽 好細心 呢間嘢我會再試多次😋😋

見好耐冇去今日去幫襯吓，真係失望。質素比數年前差咗好多，個湯好淡，食物亦都冇之前咁新鮮，衛生情況亦差咗，間舖頭都冇乜本地人去，整體嚟講係退步咗好多。今次係最後一次幫襯。

長期光顧的雲南米線小店，每月都會光顧一次。米線味道質數穩定，不論是餸還是米線，份量都十足，食後超級滿足的！👍🏻這次叫了三餸米線🍜，炸醬豬腩肉雞中翼小窩米線（中大辣）。炸醬是必點的，小店絕不吝嗇，大量惹味的肉碎粒，混米線吃很配！ 豬腩肉是半肥瘦的，很入味！雞中翼同樣入味，有點像在學校會吃到的雞翼，甜甜的。配菜有芫茜，芽菜，疚菜，酸菜，蔥。配菜全部可按個人喜好去選擇，小店提供配菜的份量亦豪不吝嗇。辣度和酸度亦可以選擇的，由微辣到大辣都有。是我很推介的米線鋪！

尖沙咀的隱世小鍋米線～雖然獲獎無數，但卻開在隱密的樓上舖；裝修有點舊時代，但不影響味道～還貼心的有手機充電線必點小鍋酸辣米線～滿滿酸菜和肉碎的湯底；多款配料選擇，還可以提不同的特別要求，在點單紙上填就好了，I人天堂呀。必點豬腸豬紅，鹵汁有點甜，不肥；豬紅也是甜口的，但沒腥味。普通酸的湯底已經夠味了，米線沒特別要求，也是剛好彈牙。

很有特点的一家米线，港式米线，一份米线上来三个盘子（碗），碗里是汤和菜，不过汤不太热，或者说略有些凉，可能这是比较健康的吃法，不过少了点烫口感。米线是单独的一个盘子，旁边有大约20粒有炸花生，有炸花生还是炸的恰到好处。还有一碟子配肉，一根鸡翅，一块卤牛肉（金钱腱），一根小香肠，一小节蟹棒，一片大香肠。汤里直接加了猪红（血）。晚上7.30到的，人倒是不多，不排队，或者说略微有点空旷。虽然有点辣，不过是甜口的。

自從「新西游記5」在香港拍攝後，星林居每周都有好多韓國遊客。節目中韓國明星到「星林居雲南米線」做任務，節目有趣，但最重要的是，這間店的米線真心好吃。菜品分類衆多，可根據自己的喜好自由選擇口味和配菜。第一步係選擇口味，主推菜品係「小鍋米線」，内有湯底，另外還有一款無湯底的「乾拌米線」。店家還頗爲細緻地提供了辣度和酸度的7種等級，方便顧客根據自己的習慣搭配湯汁的酸辣度。最後勾選好主食的芽菜、米線交單即算下單成功。菜品出來的品相很好，紅色湯讓人很有食慾，湯汁酸辣口感，米線也煮的軟硬適中，加上自選搭配的配料，一碗下肚就已經夠飽。

🍜星期六下午約咗好朋友嚟尖沙咀食晏，諗唔到食咩。朋友話以前喺理工大學讀書時候間唔時會過嚟食米線，就帶咗我上嚟呢間餐廳試。🍜眼見餐廳入面都坐滿晒人，仲有啲係韓國人，真係幾熱鬧。🍜呢度點餐係自行寫紙仔揀餸，我哋叫咗兩個小鍋米線，朋友叫咗魚蛋、肥牛同蘿蔔三個餸；我就叫咗豬紅、豬腩片兩個餸。🍜我同朋友都揀咗少少辣，但係好似完全冇辣咁。米線嘅份量睇落就唔係好多，反而芽菜、韭菜、肉碎就超多。🍜值得一讚係豬腩片，醃得幾好味，唔會太薄，又唔會太厚。蘿蔔就真係好大嚿，但係唔夠入味，其他餸味道都係一般般。

都有好幾個月無來, 今日落來尖沙咀, 忽然又想去食😁, 圈左要油麥菜, 豬紅🐽, 金菇菜同豬潤🐽, 圈左走蔥走肉多芽菜多韭菜多芫茜😋🤣, 普通酸少少辣😚, 不過想加杯熱飲, 店員阿哥話只有凍飲😅🤣, 最後唔要, 等左一陣送來米線, 份量依然十足, 油麥菜另外用碟上😍, 飲啖湯先, 果然係夠酸😆, 幾開胃🤩, 辣雖然叫左少, 都係有辣, 不過可以接受, 米線煮得剛剛好👍唔會好淋, 有芽菜有韭菜有芫茜, 夾埋一起又浸左湯, 食落幾爽口👍😆, 豬紅味道ok, 唔會碎濕濕, 食落都有咬口😀, 金菇菜成束花敢🤣如果整開會好d😅, 豬潤就碎左d, 但食落雖然唔係粉, 但都唔係完全爽脆, 油麥菜浸左湯也好味, 但食左真係勁口渴😱😱

十幾年前我已經星林居，嗰陣時食嘅味道真係好正成日都encore去食仲要排隊等位，唔會即刻有得食不過最近再去就發現味道差咗好多基本上只剩下酸味，真係有啲失望我叫咗份雞翼豬紅米線兩樣餸嘅份量都算OK豬紅味道不過不失，不過雞翼就麻麻哋而且米線真係有啲少連女仔食都覺得不夠仲要入到去職員嘅態度普遍麻麻仲見到有位送餐嘅職員居然喺鬧樓面搞到我都覺得有啲尷尬其實我一直都好鍾意星林居但今次經歷真係唔太好，未來可能唔會再來。

以前经常在老店吃，新店猪肚一股甜味，跟老店水准差很远。关键是前台女士脾气差到爆啊，去了直接翻白眼，大吼去坐啊！是刚吃了火药吗？？？太影响老店信誉了。口口声声说前身老店，点点滴滴跟老店水准完全没关系。 本来新店开张，还有特殊人士工作，帮衬一下，还觉得不错，结果使用完觉得这家餐厅跟以前完全不是同一个水准，搬了店人也换了，给老客户感觉很差劲。不会再去了，以前老店员也都不在了。餐厅口味和水准一样都没有，如何做餐厅？

第一次寫OpenRice評價，一間印象中最好食嘅米線，而家有啲失望好耐冇嚟過食呢間野，記得以前啲味道係幾好份量又多芫荽而家同出邊啲米線真係冇乜分別又話「超多韭菜超多蔥超多芽菜超多芫荽」結果我敢講喺尖沙咀區食任何一間米線都好過佢好老實講好食過佢大把凍檸茶剩係得浸死甜味唔怪得知個個都飲罐裝盒裝嘢講到環境 呢度真係感覺有啲污糟啲枱又污糟，又舊收錢個阿伯態度囂張 好似唔憂做咁係佢令到我有打OpenRice食評嘅衝動呢間嘢應該唔會再出現喺我「想食名單」入面唔會介紹人，亦都唔會再黎

好耐無食呢間米線原來而家搬咗上樓地方大咗坐得舒服咗但老老實實賣相都幾嚇親人同埋感覺幾污糟湯底係唔錯滷水雞翼完全唔係個回事得個甜味配料出奇地多睇吓豬大腸好肥豬紅正正常常但米線好淋唔抱太大出望就OK

今日又去咗一間喺米線關注組都幾多人關注嘅米線舖，位於尖沙咀嘅樓上舖，都幾隱秘古舊😅差啲以為自己去錯地方🤣🤣🤣睇評價見都係好壞參半🤔之前仲見到因為員工嘅服務態度有唔少爭議🫢🫢不過去開尖沙咀，本住一試無妨嘅心態，就膽粗粗上咗去🤣🤣🐓明火小窩米線+豬紅+雞中翼 ($35+$7+$10)好驚喜🤩我揀咗多芫荽，真係勁大兜芫荽🤣🤣湯底嘅味道係偏甜，揀咗小酸同埋少少辣，雞翼係偏甜嘅口味，煮得好入味😋反而豬紅就無乜味，淨係食到有少少薑味，有啲失望🥲🎢雲南過橋 ($65)啱哂乜成日都想試啲嘅大胃王😌配料有豬腩肉、雞中翼、紅腸、腸仔、冬菇、蟹柳、腐竹、牛𦟌仲有炸醬😋上枱竟然大到一碗裝唔晒，要分開三份😅有一大湯碗嘅湯底配料，再加一碟米線同一碟餸，真心多到嚇親😨兩個人食都夠😂湯底都一樣係偏甜，幾啱我口味🤭

今次同朋友去食好耐冇去嘅星林居，我覺得味道都係同以前差唔多。依家嘅米線非常之個人化，你可以揀唔同嘅辣度、酸度、走芫荽或者走蔥，甚至連米線軟硬度都可以揀埋！豬紅豬腸湯米線因為本人唔食芫荽蔥嘅，所以就叫咗走芫荽蔥。豬紅十分入味，豬腸大細適中，唔會切到好大舊。米線湯底就揀咗最酸配小小辣湯底，湯底真係好酸超級開胃，米線都好彈牙，唔會煮得太腍。魚腐雞翼湯米線雞翼好大隻，煮得夠入味。魚腐亦都吸咗湯嘅味道，好好食！