明閣 (鷹君中心)

♨️明閣灣仔港灣道23號鷹君中心2樓@mingcourt.wanchai ♥️今次同親戚茶聚，地點係鷹君中心明閣，不愧為米芝蓮一星食府，環境、服務、食物一流，價錢更為進取，但絕對交足功課，超有水準的一餐😋🔷原隻帶子滑燒賣x2厚身原隻鮮甜帶子，絕對高質🔷筍尖藍天使蝦餃x3蝦餃皮薄餡靚，蝦肉鮮甜🔷至尊蜜汁叉燒肉質鬆軟，肥瘦均勻，蜜味高質，不愧為鎮店之寶🔷五香燒腩肉皮未算最係脆皮，但肉質一流有咬口🔷麻香金絲蛋散入口即溶唔過甜，好食🔷綠茶十勝紅豆卷淡淡的綠茶味配上軟綿嘅紅豆膏，又一推薦嘅甜品🔷生煎素菜包🔷雪山竹炭叉燒包x2個底係煎香咗，竹炭包再有雪山效果好靚，內裏叉燒又高質，又係推薦🔷醬皇蒸金錢肚非常入味既牛肚再加蘿蔔條係底，一流🔷蒜蓉鮮蝦春卷香脆嘅炸皮配上淡淡蝦肉🔷巴馬火腿千絲蘿蔔酥x2裏面啲火腿蓉好Juicy🔷黑毛豬鹹水角皮薄餡靚，香口不油膩🔷XO醬炒腸粉炒既腸粉少可可以做得咁滑，再用XO醬吊起個味，追住食🔷珍珠雞軟綿綿的糯米飯🔷鮮汁海味脆米飯超級推介呢款飯，每一啖都有脆口嘅感覺，飯亦炒得粒粒分明唔油膩🔷古早醬油乾炒牛河明明只係一個乾炒牛河但都可以吵得咁出色，D牛又夠惹味，真係高手食物：9/1

早前與妹妹在此吃過晚飯，充滿驚喜。今次好友請我在明閣慶生，特別訂了一間房並請經理推介一些菜式，每樣都色，香，味俱全。特別推介如下：1）極品蜜汁叉燒，十分juicy2）蒜香椒鹽百花釀龍蝦钳，蝦與龍蝦的完美結合，香脆蝦肉加上鮮味龍蝦3）菜膽竹笙燉螺頭，清甜滋潤及4）上湯陳皮焗小青龍，陳皮同龍蝦原來可以咁夾甜品有我最愛的蘆薈烏梅凍榚，開胃醒神！侍應招呼及態度殷勤有禮，影相有經驗。唯一美中不足是洗手間內的趟門設計有待改進。如想與親友，三五知己踧聚暢談，可以考慮在明閣訂房，晚人均最低消費是$1,000。極力推介的中菜fine dining地方。

🥰 十年前, 初試旺角朗豪酒店 “明閣”, 當年老友認識大廚, 攪過十次八次飯局, 食物出色, 而且 “抵食”! 現在酒店名都改埋, 往事只能回味.🥢 轉見十年, 今日灣仔見客, “大秘書” 神推鬼㧬揀咗鷹君中心嘅 “明閣”. 午市套餐, $598+10%. 上菜節奏舒適, 食物味道出色, 一路食, 一路諗起昔日嘅 “明閣” 飯聚.🐚 酒香海蜇醉鮑魚. 酒味成功滲入鮑魚, 爽口, 唔韌. 海蜇索唔到酒味, 唔知點解同鮑魚放埋一齊, 各自各精彩.🐖 極品蜜汁叉燒. 肉質鬆嫩, 蜜味啱啱好, 驚喜之一.🦐 筍尖鮮蝦餃, 不俗. 🥟 陳皮雞湯小籠包, 點解要玩陳皮呢? 我麻麻哋. 🍄 油雞樅菌蒸素餃, Ok. 呢個點心拼盤三件都係 “餃”, 少少悶.🍵 姬松茸螺頭滋補水鴨湯. 夠熱, 好飲.🦐 上湯焗鴛鴦蝦球素千層. 蝦肉爽口彈牙, 腐皮又索唒上湯汁, 味道一流, 掂喎.🌿 蟲草花雞湯浸時蔬. 正常.🍙 欖菜肉鬆炒飯. 夠鑊氣, 好食.🍮 黑糖桃膠薑汁3.6牛乳奶凍. 奶凍香滑, 桃膠豐富咗口感.🤗 總結: 今日安排坐較靜嘅副廳, 座位舒適. 服務專業有效率, 當然, 相比十年前旺角 “明閣

今日公司有宴會，安排了VIP房。環境好舒服很有空間感，房間隔音好好，牆上有一幅山水畫 感覺好寧靜。枱上的熱水熱茶都有火座熱👍 好窩心這餐好豐富，每樣食物都好精緻😋特別係：極品蜜汁叉燒好軟 入口即化，d汁仲可以掛叉燒上面味道唔油膩。醉鮑魚 都係一樣 唔韌 ，食落口好有彈性😋最特別係甜品：黑糖桃膠薑汁3.6牛奶凍好好好味！！！奶凍好滑 桃膠吸晒d薑汁 味道岩岩好 唔會好濃烈，口感一流 ，兩個加埋好配合。一定要試👍👍👍

食物方面首次光顧灣仔分店。向知位於旺角cordis hotel內的明閣曾多次獲得米芝蓮一星及二星榮譽，因此對這家分店也有一定期望。光顧後覺得食物有水準，由前菜到甜品皆美味，對其午市的點心嚐味套餐相當滿意。環境方面室內環境雅致，而且光潔衛生，最喜歡枱與枱之間的距離寬廣，於疫情期間光顧，實在食得開心又放心！外望維港海景，惜樓層較低，被會展站稍為阻擋。服務方面正常，符合預期

自上次吃過鷹君明閣的點心後，就念念不忘💬其美味，趁着農曆年假再光顧品茗👇🏼筍尖鮮蝦餃$88，蝦餃皮厚薄適中，蝦肉鮮爽，且有我喜歡的蝦餃香，連吃3隻也不為多🤣👇🏼原隻帶子滑燒賣$88，三個字形容👉🏼很好吃😋，除了有撲鼻的香菇味，內裏的肉餡軟滑😍，還有一隻厚身帶子(坊間大部份都是一開二)。太好了，遇到好味又合我的燒賣👇🏼鮮竹陳皮牛肉球$78，芫荽牛肉球也是賣飛佛，芫荽量多，香氣撲鼻，牛肉球質感也不錯，還有喼汁也是不可缺少的👇🏼蒜茸鮮蝦春卷$88，外皮薄而香脆可口，蝦粒新鮮味美👇🏼韭黃鮮蝦腸粉$98，外皮做得好，皮薄滑溜，包裹着每隻碩大爽口蝦，蝦控的我大🈵️足😁👇🏼楊枝甘露$68，明閣的佳作🤩，食材豐🈵️，芒果肉甜，柚子肉不澀，稀杰度剛好，味道也不太甜，最驚喜是西米當中有脆口西米，令口感一流，既有特色又好吃，讚👍🏼！了解後，原來是加入了日本西米

早兩個星期，同屋企人食灣仔明閣。水準依然唔錯呀！打頭陣有明閣三小碟，份量啱啱好。平視我好鍾意飲湯，今次呢個川貝海底椰螺頭燉水鴨都係我喜愛湯水嘅top Five。跟住再嚟魚子醬雪地明蝦球，蝦肉好大㗎，配上魚子醬，口感味道兼備。鮑汁脆皮花膠素千層同家鄉魚湯浸龍躉球好唔錯。食到紅燒牛尾伴菜苗開始有啲飽，但因為好食，最後都清晒。一定要睇佢哋嘅鍋燒滋補竹絲雞炒飯，真係好香好好食，每口都係雞香味。最後以桃膠姜茶湯圓、暖胃棗皇糕作結。抵食，一家大細都啱食！

星期六訂位飲茶，睇Menu發覺有一個香檳配對嘅brunch。有趣得嚟有興趣，價錢亦吸引。先上頭盤兩小碟，酒香海蜇醉鮑魚及青瓜雲耳，十分開胃的開胃菜。酸甜滋味配上特選香檳，只可以講：配得好！之後到飲茶最愛點心加叉燒，蘿蔔千絲酥香口，元貝餃入口清甜，叉燒肥瘦適中，外層麥芽糖甜度剛好。再來一杯delamotte pairing 鮮花椒蒸龍躉柳，花椒香味配上魚油十足的龍躉柳，原來同偏酸既香檳可以咁夾！！超乎想像，尼一道配得出色，不得不讚。最後上埋菠菜苗，蝦球伊麵，飽了飽了。但最後的勁薑番薯糖水真係勁薑，個人暖一暖醒一醒，作結很好。個人認為尼個粵式brunch為必試之選。

今日是聖誕節，選擇了吃中式午餐。這家店位於灣仔鷹君中心二樓，空間感十足，裝修高雅又極具現代氣息。午市套餐$598酒香海蜇醉鮑魚、極品蜜汁叉燒這鮑魚上枱有著陣陣煙霧，很仙氣的感覺。鮑魚煮得很腍身，口感爽滑，而那海蛰大大塊，爽脆之餘，滿有酒香。叉燒是厚切，真係極味，叉燒帶半肥瘦，軟滑豐腴，蜜味加上脂香和豚肉風味，正呀！和六公館的黑豚叉燒有得fight.筍尖蝦餃、陳皮雞湯小籠包、油雞從菌蒸餃蝦餃皮晶瑩透亮，蝦肉饀料十分鮮美爽彈；小籠包子和平日吃的不－樣，湯汁比較淡口，是雞湯，有著陳皮香，比平日的清淡；那油雞從菌蒸餃的皮很薄很滑，滿有菌香，還有少少花椒吊味，味道素雅。姬松茸螺頭滋補燉湯 這燉湯火候十足，湯汁清澈濃郁，湯汁－點也不膩口，有著螺頭瘦肉的鮮甜味，又帶－點姬松茸的茹菌香，既滋潤又鮮美，有水準。上湯焗鴛鴦蝦球焗千層這個真可口！龍蝦肉加上高湯湯汁，肉質軟身，極為爽滑鮮甜！另－蝦球同樣的嫩滑，蝦味濃，又鮮美，正呀！蟲草花雞湯浸時蔬這枸杞葉相當幼嫩，帶－點枸杞獨有的青菜氣息，加上清雅的雞湯，無油的健康風味，容易消化。欖菜肉鬆炒飯這炒飯炒得鑊氣十足，飯粒粒粒分明，沒有太油膩，軟硬適中亦不會太乾。

同屋企人慶祝生日，特登揀左灣仔呢間明閣嘆下。餐廳環境舒適寬敞，好寧靜，服務態度非常好，會介紹菜式、斟茶遞水，服務很貼心有禮。焗釀鮮蟹蓋🦀 $158舖滿烤焗焦黃色既芝士，內裏釀了好多蟹肉，再撈上少許芝士、薯仔，食落去有蟹肉既鮮甜香味，仲要啖啖都係蟹肉，非常足料，絕對係signature dish！功手醋香黑豚肉🐖 $268外層用左黑糖黑醋煮成的醬汁，有拔絲效果，味道酸甜開胃，口感香脆，而且豚肉肉質滑嫩，啖啖肉。極品蜜汁叉燒🥓 $208叉燒賣相色澤金香，半肥瘦厚切，食落去肉質細嫩，口入面有蜜汁同肉汁既香油味，口感淋得黎又好爽口，好出色！招牌炸子雞(半隻)🐓 $288外層炸到皮脆肉嫩，再配上淮鹽同檸檬汁，食落好夾，好香！伴碟仲有炸脆的蓮藕片，好似薯片咁香脆。窩燒海味飯🍚 $238海味飯入面加左蝦肉、帶子、瑤柱等不同既海味，再加左鮑魚汁豉油去少，食落調味好夾，飯粒粒粒分明，又帶點濕潤，同埋好香，食食下就食左好多。鮮杏汁杞子百合浸時蔬🥦 $238杏汁非常香濃，蔬菜新鮮，再配上百合、杞子、雲耳等，每一啖都好香杏汁，甚至飲埋啲杏汁，好味！整體來講，環境高雅，服務態度良好，小菜惹味，難怪被譽為米芝蓮中

️明閣灣仔港灣道23號鷹君中心2樓(港鐵會展站B3出口，大約步行3分鐘)我期待已久的米其林粵菜，終於吃到了‼️香港入秋，天氣開始轉涼，明閣推出了金秋暖心套餐🍁限時優惠$768/位有8道菜，即刻去試試～～1️⃣明閣三小碟拍黃瓜🥒酒香醉鴨舌+脆香蜜汁風鱔球+陳醋紫海蜇醉鴨舌係無骨架，同我一樣的懶人最愛😂風鱔有驚艷到我，無唸到可以用炸的方式煮配蜜汁好夾🌟海蜇好開胃2️⃣川貝海底椰螺頭燉水鴨廣東人秋天必喝的湯非常滋潤🥣料都好足3️⃣黃金蟹粉百花龍躉球時令的黃金蟹粉配龍躉球太好吃啦😋直接比多份我🌝唔該4️⃣蠔王六頭鮑魚配天白菇鮑魚好入味👍🏻天白菇有調節人體新陳代謝、幫助消化、降低血壓的功效，令人元氣滿滿的菜5️⃣香辣燴牛尾平常牛尾大多數都是以紅酒🍷燴既，我第一次吃帶辣味的牛尾，無諗到牛尾可以加辣，廚師真的很用心😍6️⃣竹苼上湯扒菜遠食完味道比較濃既牛尾之後，上一碟比較清淡既菜，廚師照顧得我個胃好好🥰7️⃣生炒臘味糯米飯秋天一定要食吧，佢哋既臘味好香呀！8️⃣勁姜番薯桃膠湯圓糖水+鴛鴦美點雙輝真係勁姜連番薯🍠都有姜味，湯圓係我最愛既芝麻餡整體來講八道菜令人超級滿足，環境亦非常舒適好啱一家人聚會⭐

平時用hsbc premier creditcard嘅promotion買一送一食都要1680hkd/位， 加埋一同野飲埋單約2400hkd兩位, 同呢個新menu 雖然有2款菜唔同，但1080hkd/位，真係抵到爛💯最正係佢周圍都掛咗啲藝術品係度，入到去已經被巨型《真假美猴王》(by 遲鵬)吸引咗🤣餐酒叫咗Francois Carillon Bourgogne Aligote, 一般般，中餐始終都係茶(鐵觀音)好💯

明閣、第一次來光顧，第一感覺是環境很優雅、清新，台桌的擺設很有綠色味道，讓人感覺輕鬆、舒暢！食肆的服務屬於高質素、每位服務員態度誠懇、有禮。點餐也是有耐心、說話清晰！菜式高質素、乳豬叉燒爽脆嫩肉、羊肉菌素菜鍋湯料十足、味道清甜、豆腐魚腩汁香口感鬆化、荷葉飯用新鮮荷葉包裹、飯香濃郁、面層有爽口蝦肉，配搭合宜，今次同三五知己來一次聚舊、晚餐選這個地方聊天談心，很享受。如果有多點優惠套餐、相信更有吸引力。

1️⃣第一次光顧灣仔明閣，皆因有了會展站很方便。以往從灣仔站步行至鷹君中心，真的行到隻嘢咁🤣坐得舒服，空間感夠，當晚滿意枱之間的距離🔖整個套餐的食物質素好，只有點兒瑕疵，就是竹笙扒菜遠，菜心不夠淋，還有草青味😟🔰明閣三小碟：1. 拍黃瓜酒香醉鴨舌，不錯2. 脆香蜜汁風鱔球，外層是薄薄的糖膠，包裹着香脆新鮮的鱔球，味美😋，推介💁‍♀️3. 老陳醋紫海蜇，老陳醋味順，海蜇爽口🔰川貝海底椰螺頭燉水鴨，合時的靚湯，螺頭味飄香撲鼻🔰蟹粉百花龍躉球，足料蟹粉芡，有蟹肉和蟹肉絲，龍躉肉紮實，蝦膠(百花)彈牙，伴在龍躉肉下面🔰蠔皇六頭南非鮑魚天白菇，鮑魚和芥菜膽都夠腍😍，天白菇厚肉🔰香辣燴牛尾，令人驚喜的碩大橫切面，肉質軟腍入味，微辣，有頗濃的牛味。烹調出色👍🏼，推介💁‍♀️🔰竹笙上湯扒菜遠，菜心不夠腍，帶有點草青味🔰生炒臘味糯米飯，有臘味的飯當然惹味，而整碗糯米飯軟糯好吃，推介💁‍♀️🔰勁薑蕃薯桃膠湯丸糖水，黃糖糕，紅豆卷，糖水果然夠薑味，芝麻餡湯丸軟滑粘糯，黃糖糕不太甜，紅豆卷外層很脆，🫘紅豆蓉甜美👇🏼🍁金秋暖心套餐🍁👇🏼

期間限定❤️金秋暖心套餐$7688號風球前夕，趁街外人少少，Book到成日full house嘅灣仔明閣👍🏻一早上網睇定有咩抵食套餐，嚟到餐牌都唔使睇就叫咗金秋暖心套餐。套餐連糯米飯及甜品共有8個菜式：先嚟明閣三小碟：有青瓜醉鴨舌、蜜汁風鱔球、陳醋紫海蜇。三款各有特色，不同口味，匯集酒香、脆香及醋香於一身，為之後嘅餸菜打響頭炮，實在出色。第二道湯品：川貝海底椰螺頭燉水鴨。秋天滋潤皮膚必備湯品，飲得出所有食材味道，香甜養顏。第三道：黃金蟹粉百花龍躉球。時令黃金蟹粉配龍躉球簡直天衣無縫。食得出黃金蟹粉係新鮮即拆，龍躉球魚油齒頰留香。淨係呢道菜已經值回票價。第四道：六頭南非鮑魚。大體得來鮑魚十分入味。七百幾蚊竟然有呢道菜，食到呢度已經拍晒手掌。第五道：香辣燴牛尾。有中西合璧感覺，令餐廳更上一個層次。睇得出廚師配搭食材嘅心思，牛尾肉淋，既香且辣，每一道菜都咁精彩，我已經分唔出邊一道係主菜。最後係菜遠、糯米飯、勁薑番薯糖水，全部都高質。$768呢個餐真係抵到無話可說。