明記海鮮潮州菜館 (天保大廈)

营业中

休息中

最近經常落雨, 難得這日好天, 就出去荃灣影日落, 影完日落就到這裏食潮州菜海味粉絲雜菜煲🥘 $128材料豐富, 有我最愛吃的蝦乾, 大大隻的蝦乾鹹香濃郁, 是整鍋的靈魂, 滲透湯底.菇菌與雲耳, 提供了多重口感, 充滿鮮味.粉絲吸收了所有食材的精華, 入口滑溜, 還有多種蔬菜, 既健康又滿足的煲仔菜啫啫滑雞煲🍗 雞肉嫩滑雞件, 經高溫爆炒後仍保持肉質鮮嫩, 香氣撲鼻, 口感濃郁配料有紫洋蔥、青椒、紅椒等, 提升了香氣及口感方魚肉碎粥🥣方魚鹹香突出, 肉碎細嫩入味, 與方魚形成鮮鹹交錯的層次, 粥底米香濃郁, 吃得很滋味滷水雜錦拼盤🐷 滿$300 只需加$8份量很大, 有最少六種滷水, 豬耳外層彈牙, 內裡軟淋, 有滿滿的膠質感紅腸口感紮實五花腩肥瘦相間, 入口即化鵝腸軟嫩滑口墨魚彈牙鮮味鵝腎細嫩有嚼勁原來這是菜館邁向18週年優惠, 非常抵吃呢！話明是海鮮潮州菜館, 除了打冷滷味, 還有多款生猛海鮮選擇, 可是這次兩人很難吃到海鮮, 下次與三五知己聚腳或家庭朋友聚會, 一定再來吃, 又可以暢飲一番.  這裡營業至零晨, 也是宵夜好選擇

近排做嘢好忙，成日都OT到好夜難得可以準時收工，所以就約朋友去食飯吹吹水同吐苦水，所以我哋就揀咗喺荃灣好鍾意食嘅明記大排檔去食因為我哋都有一段時間冇去，發現裝修咗，所以坐得舒服咗好多，令我哋傾偈都更加開心滷水雜拼加鵝件-$208呢個係我同朋友必叫嘅，因為勝在咩都有，啱晒我哋口味，呢個雜拼有齊晒鵝腸，豬腩肉，紅腸，墨魚，大腸等等咁當然有我哋最鍾意食鵝件啦，料都幾多，滷水味啱啱好，入味得來，但又唔會太鹹，啲鵝腸同大腸雖然清得好乾淨，但仲有少少調味嘅肥膏喺度，我哋都讚口不絕，而墨魚夠晒爽口蛋，滷水鵝肉質鮮嫩，呢個係必叫的椒鹽白飯魚-$128呢個選用嘅白飯魚比出面見到嘅大，食得好爽快，而且炸得好香脆，好惹味，好送飯啊！超大杯檸檬茶-$38個檸檬茶大杯到我哋兩個人都可以啱啱好，一路食大排檔嘅味又香口嘅嘢食，一路飲啲杯檸檬茶，超級爽快總結，明記超級好食，裝修咗之後環境又好咗，服務又好，下次可以搵多啲人再嚟試吓下佢其他食物

我之前嚟過明記，對佢嘅豬紅念念不忘，所以今日帶埋屋企人嚟食，潮式秘製螄蚶$138呢樣嘢我都係第一次食，其實到依家都唔知佢係生定半生熟，不過口感都幾趣緻！絕對可以一試，不過我search咗好多關於佢嘅資料，可能下次未必敢食🙈而韭菜豬紅(大) $128 係我嚟明記必食嘅菜式，我覺得佢啲豬紅會甜啲，特別正!! 其他就不過不失，滷水雜拼加滷水鵝片$218/ 蠔仔肉碎粥(大) $128，不過其實香港啲餐廳真係少咗好多人，依家明記可以book枱🙊順帶一題，佢1730先開舖架，唔好摸門釘！

夜晚成班人去食飯，最好去呢類似大牌檔的餐廳，大件又抵食！我個人最鍾意食炸鮮奶好足料必叫新鮮的菜炸鮮奶正另外有個沙拉蝦球都唔錯見到都想食好大碟！抵叫呀！味道不錯另外叫咗大大杯的檸檬茶，一個人飲飲唔哂好滿足的一餐

**滷水雜拼**盤子裡的各種食材色彩繽紛，滷水的香氣撲鼻而來。每一口都能品嚐到滷汁的濃郁，口感層次分明，既有嚼勁又不失嫩滑。特別是滷豆腐，吸滿了滷汁的味道，讓人一口接一口，根本停不下來。接下來是**潮式蠔仔餅**，這道小吃讓我感受到濃厚的潮汕風味。餅皮外脆內軟，裡面包裹著新鮮的蠔仔和香蔥，口感非常豐富。每一口都能感受到蠔仔的鮮甜，搭配上特製的醬汁，讓整道菜更加美味。這道餅不僅適合當作小吃，還是與朋友聚會時的絕佳選擇，讓人忍不住想要再點一份。最後，**普寧鹽水炸豆腐**則是我心目中的完美小吃。外皮金黃酥脆，內裡卻是嫩滑的豆腐，鹽水的調味恰到好處，讓豆腐的鮮味得以充分展現。每一口都讓我感受到豆腐的細膩與鹽香的完美結合，簡直是無法抗拒的美味。明記海鮮潮州菜館 (荃灣)荃灣鱟地坊72號天保大廈1樓

荃灣明記呢間潮式打冷舖開業好多年，食物選擇極多，尤其有多款特色潮州小食，樣樣經典上次食過凍馬友魚肉緊實鮮甜，蘸普寧豆醬更惹味；瀨尿蝦肉質爽彈，鮮味十足；醃螄蚶鹹鮮開胃，潮州人至愛～潮式小食鹹香菜脯配脆口花生，送飯/粥一流滷水雙拼生腸、鵝腸滷得鹹香入味～生腸爽脆彈牙、鵝腸肥美嫩滑，墊底芽菜吸盡滷汁精華，鮮甜爽口～潮式蠔仔餅外皮金黃酥脆，內裡蠔仔飽滿爆汁，蘸少少魚露更提鮮～石鍋啫啫白菜熱辣辣上枱，啫啫聲鑊氣十足～蝦米蒜香撲鼻，白菜清甜爽嫩，食落暖胃又惹味～鑊氣足，蝦米蒜香撲鼻～滿滿白飯淋上滷汁，簡單滿足～打冷大排檔嚟講座位算寬敞舒服，味道地道正宗，多年來保持高水準，食材新鮮、風味十足，係夜宵打冷嘅不二之選～值得再encore~

前排公司飯去咗食明記，好適合一大班人圍威喂。今次約朋友嚟回味吓，因為佢嘅潮州菜實在太好味😋🍽️🦢 潮州滷水鵝 鵝肉軟腍，滷水好香，調味適宜不會太鹹👌。🥬 韭菜豬紅 香氣吸引，韭菜爽口，豬紅嫩滑，味道濃郁，食落滿足😋。🍲 啫啫滑雞煲 熱辣辣上枱，雞肉嫩滑啖啖肉，洋蔥青椒炒得香，入口正😊。🥣 蠔仔肉碎粥 粥底熬得綿滑，蠔仔鮮甜，肉碎帶少少鹹香，味道好融和，暖胃又舒服😊。🍋 檸檬茶大大杯 酸甜清新，冰涼涼好解渴，杯真係好大，飲完覺得好爽🥤。兩個人食咗咁多野，好滿足

我們晚飯在荃灣區，「明記」是一間潮洲菜和海鮮的中菜館，甫踏入中菜館，看到已經接近滿座，女服務招待良好，並温馨提示：星期五、六、日光臨，為免向隅請早訂座。我們偏愛鑊氣小炒：燒汁脆牛腩~肉味濃郁、肉質鬆軟可口，酥炸後切件排列上碟，外脆肉軟不油膩... 再配上自家燒汁，味道更上一層！黃金鮮魷~鮮魷披上薄薄香口脆漿，再蘸有鹹香金沙，冶味好食！菠蘿咕嚕肉~脢頭肉質軟滑，蘸用薄薄粉漿炸香，口感細膩，酸酸甜甜的薄獻汁勁開胃，送飯一流  ，伴咕嚕肉的青椒、紅椒、紅洋蔥和鮮菠蘿色澤鮮吸引。前菜：自家製菜圃~爽脆、味道不過鹹、無渣。魚乾仔~甘香可口有咀嚼口感，沒有魚腥味。自家製辣椒油~香而不太辣，很適合我，也是怕辣之選。

放工約閨蜜歡聚，佢提議食滷水鵝於是我哋就去附近有間長期爆場的潮州鋪打冷。店舖位於1樓要上一層，一入門口就見到掛了很多滷水鵝同其他食物，亦都有一盤盤的凍海鮮放在枱面，非常吸引。我們叫了一個孖寶再加一碗豬紅和蠔仔粥，兩人決定大食一餐，孖寶有金牌滷水鵝，鵝肉滷得入味皮薄爽彈，滷水豆腐，超級嫩滑，上枱大大的一碟，抵食。孖寶的另外一樣餸菜就是蒜蓉粉絲蒸元貝，濃香的蒜蓉鋪滿粉絲上，非常之惹味，加上元貝蒸的時間剛剛好，不會過熟，好味到連汁都飲埋。蠔仔肉碎粥，加入大量嘅方魚、肉碎和蠔仔，湯頭鮮甜無比，我倆都一碗接一碗。韭菜豬紅係我每次去食打冷必叫嘅菜式之一，叫了一個例牌，仲以為來錯，因為上枱時超級大碗，豬紅特別入味，配上韭菜同吃，簡直係絕配。

約朋友去夜宵大概晚上九點多到這荃灣打冷老店，現在晚上人已不多，從前都是大排隊的。到時老規矩一上來給了點花生和葉菜（收費的）。之後點了幾個滷水凍魚：炒蜆等等普通潮汕打冷小菜。滷水配凍魚有套餐但是如果改滷水鵝是不行的加價錢也不行，味道就和其他店都差不多沒有什麼特別驚喜。另滷水配凍魚有套餐但是如果改滷水鵝是不行的價錢也不行。另我們三個人點了六支啤酒，但是服務態度就可圈可點服務員啤酒來的時候叫我們自己把茶杯上的茶自己倒掉用來喝啤酒，其實再攞幾個杯用來喝啤酒有什麼大問題呢？ 其實香港的人工和租金和深圳冇得比，但是現服務態度都追不上就對香港整個餐飲業多岌岌可危。

早排我去左試荃灣開左好耐既一間潮州打冷菜館，一上去就見到擺放一列既潮州招牌菜，例如凍烏頭、滷水鵝、滷水墨魚、瀨尿蝦，風味十足。每枱都有醃製的鹹酸菜和炸魚，搭配香辣醬油，我地叫左一份蠔仔粥。份量足夠，蠔仔亦鮮嫩，沒有唔好既味道，另外有啲菜譜粒，加埋胡椒粉食完暖笠笠。跟住係蒜蓉開邊蝦，蝦新鮮大隻，肉質彈牙，下面既米粉吸收了蝦的鮮味同豉油嘅鹹香，根本停唔到。最後係翡翠炒龍躉球，依個菜因為唔夠味，稍微有啲失色，不過西蘭花都夠清脆。魚片亦外酥里嫩，點上少少蠔油，整體亦都十分不錯。

荃灣｜明記海鮮潮州菜館（天保大廈）一大班friend食飯吹水嘅好地方！！💫韭菜豬紅美味指數：🌕🌕🌕🌑🌑自己本身唔食豬紅，淨係試咗佢嘅韭菜，調味上唔會太辣！朋友對豬紅一致好評💫椒鹽魷魚美味指數：🌕🌕🌕🌕🌗大排檔必要的，份量唔算超多！不過整體惹味，外皮小脆，魷魚食落彈牙！💫馬拉盞炒通菜美味指數：🌕🌕🌕🌕🌑份量非常高，大大碟菜！味道適中，唔會太鹹💫啫啫雞煲美味指數：🌕🌕🌕🌕🌑雞肉滑，啖啖肉，加埋洋蔥調味，不過又唔會太過重口味！💫檸檬茶美味指數：🌕🌕🌕🌕🌑

今次係第二次嚟，因為先前好鍾意食佢哋嘅蠔仔粥。但係今次出乎意料蠔仔粥非常難食，佢有大量嘅米，湯水十分少，且而冇乜味，食咗幾碗，後邊淨係得返飯。同埋啲蠔仔全部都好似瘦弱殘兵。又叫了個肉餅，啲肉煮得非常之嚡。好明顯啲豬肉係用機打到好碎嗰。可取之處係啲豉油好香。唔知係咪因為我叫咗好少嘢食，廚師冇心機整俾我，求其俾啲垃圾我食就算數。但係個場係爆滿，相信其他人都好滿意，即係唔知點我正D野難食，應該唔會再去了，拜拜！

7個人，7菜1湯，食得幾開心重點係上菜超快，好驚大家會餓親是晚重點係：凍馬友，好肥美，好鍾意冬天嘅馬友，油脂豐富香氣十足鵝肝，略嫌唔夠肥椒鹽白飯魚：好開脆，好惹味但個蠔餅係酥脆，唔係我食開嘅軟熟version，不合我個人口味

家人生日就來到了荃灣的一家樓上店吃潮州菜。雖然是樓上店，但是裝修風格跟傳統的大排檔差別不大。菜單上琳瑯滿目，有不同的小菜，還有套餐。我們一家四人點了一個 孖寶E餐。有蒜蓉蒸開邊蝦和翡翠炒龍躉球。一大盤的中蝦，分量很多，目測20半只左右，底面鋪滿了粉絲，粉絲吸收了蒜蓉的味道和蝦的鮮味，汁配白飯一絕。中蝦肉多，鹹鹹的十分入味。翡翠炒龍躉球，滿滿的一碟，擺盆吸引，青綠色的西蘭花，龍躉肉厚切，啖啖肉，魚肉味很鮮，吃個不停。一個孖寶E不飽，又加了一個蠔仔粥，新鮮蠔仔，不腥而且分量十足。潮州的粥煲起來有別於普通的粥，更加綿滑。整碗粥看起來蠔仔的分量比粥米更多，加點芫茜更加香濃。最後我們又加了一個滷水拼盤，滷水是潮州菜必不可少的菜品，有魷魚、鵝腸丶紅腸、大腸和芽菜。我最喜歡吃的是鵝腸和大腸，鵝腸一整條長長的，入口爽脆。大腸肥美，入口軟滑，這裏的滷水滷得很出色 。在香港，正宗有特色的大排檔不多，如果你喜歡吃潮州菜和小炒，這裏是一個不要錯過的選擇。