明記海鮮潮州菜館 (天保大廈)

营业中

休息中

今晚黎到荃灣晚飯!一早BOOK定明記海鮮潮州菜館，晚飯時間接近全場爆滿，好好生意~有孖寶套餐亦可散叫，款式種類選擇多。凍烏頭肥美鮮甜，油質豐富，肉質嫩滑，完全無泥味。配以豆醬一同食用，更能提鮮。XO碧綠炒鮮魷西芹清脆可口，鮮魷鮮香軟嫩有咬口，以XO醬同炒非常惹味。滷水鵝片薄厚適中，鵝味濃，啖啖肉醇和豐厚，肉質香滑且入味。蠔仔肉碎粥蠔仔粒粒飽滿，份量多夠足料，加入肉碎、冬菜等，提升味道層次。堂食滿300元，送滷水拼盤一份，好抵!滷水拼盤有齊豬耳、豬大腸、墨魚、腩肉、紅腸及大量芽菜等，滷得入味，鮮香可口，正!

好耐無食過打冷知道荃灣人氣明記潮州打冷款式夠多元化，決定今晚晚餐就係呢到👅 炸鮮奶$98人氣首選必點菜式🌟原來份量咁巨型大嚿之餘數量好多，外層炸得夠脆裏面鮮奶都保持滑溜家鄉鹹菜豬肚湯 $128豬肚湯嚟到被份量嚇親！超級大碗😳應該有4-5人份量，湯料都好足夠，清新胡椒味即使飲多碗都唔會口渴黃金海中蝦 $178滿報鹹蛋黃的海中蝦香濃惹味🦐唔錯唔錯👍👍鹹菜炆門膳$88呢款菜式挺有家鄉風味，鹹鹹地幾滋味😆滷水雜拼有紅腸、墨魚、腩肉、豬大腸、豬耳、芽菜等等，大碟爽口彈牙，謝謝♥️總括來說呢到菜式多元化鑊氣夠，價錢公道而且份量十足，一班人黎飲下啤酒吹住水咁食最好不過🍻📍荃灣鱟地坊72號天保大廈1樓 Tel: 28666929

中菜最吸引的地方是鑊氣夠， 上次朋友介紹去荃灣明記潮館， 點了三個菜式：水煮魚片一向也喜歡吃辣的我，當然要點水煮魚片。 水煮魚片的水煮汁最為重要。 這個水煮汁落足料，有花椒，麻辣椒，辣椒等等， 淆製多時，麻辣香味撲鼻。 魚片新鮮嫩滑，配上水煮汁，十分入味。芝士海蝦伊麵這個芝士海蝦伊麵份量十足， 感覺有四人份量。 海蝦是很巨型的， 十分鮮味。 芝士汁 十分香滑濃郁， 芝士味滲透了整個伊麵底， 所以每一注面也沾滿了芝士汁。蜜汁薯仔牛柳粒這個經典薯仔蜜汁牛柳粒，簡單而好吃， 鑊氣十足。牛柳粒經過醃製，非常嫩滑，蜜汁甜甜的，再配淋淋的薯仔， 非常惹味。地理環境餐廳位於荃灣， 地鐵站行過去幾分鐘就到，交通非常方便。

店舖位於樓上一樓，行到上去有很多海鮮鋪出黎。食飯時間，差不多全場爆滿。由於人多的關係，周遭都會好嘈。店員稱叫滿300元，送打冷併盤。肉碎蠔仔粥，滿滿一大鍋，勁多脹卜卜的蠔仔，又有米粒既香味，食落去又甜又鮮味，係我喜愛的潮州食物。清炒油麥菜，炒得都幾油，但係好味既。打冷併盤咩都有，紅腸，芽菜，腩肉，就係無豆腐凍大眼雞，肉質正常。炸白飯魚，酥脆惹味，食到唔停口。唔記得呢個叫咩名，跟想像有點出入，感覺似蝦餅。炒蜆新鮮熱辣，夠鍋氣，個汁都好惹味。餸菜份量十足，一定會好飽肚，適合人多一齊叫多幾樣分享。

上完音樂堂，等埋個朋友，就去明記打冷天氣太熱，當然要嗌d冰冰涼涼嘅餐前小食老闆好好人，見我地2個女仔，又想食螄蚶，又想食生蝦，所以就整咗個雙拼比我地❤️。螄蚶好鮮味，洗得好乾淨，絕無腥味，生蝦好爽甜，奄得夠入味元朗烏頭，充滿黃油，一梳梳肉，肉質結實，魚肉有陣陣檸檬香味，醮小小豆醬仲可以畫龍點睛鹵水鵝片，大大碟，好甘香，鵝皮唔太肥，肉質唔會太老，正啊老闆好慷慨，仲送咗碟鹵水拼盤比我地，鵝腸爽脆，腩肉充滿油香，豬耳脆骨好味最後啫啫通菜用熱鍋上，慢慢食都唔怕會變涼，通菜用蝦醬炒過，夠曬鑊氣！

見咁多好評就梗係要試啦，心諗打冷係平民美食理應價錢合理，原來一啲都唔平民，大部份餸要一百蚊以上，如果好味都唔緊要，點知係極失望😓果度環境極嘈😩只聽到隔離每枱都係好大聲講話，可能實在太嘈唔大聲根本聽唔倒，真係聾咁際😟入正題喇，就係食物水準同價錢嚴重唔不成正比，本打算叫滷水併盆，伙記話叫3百蚊餸送併盆，咁好易啫大部份都百百聲，叫左大眼雞、鼓椒炒大蜆同椒絲腐乳通菜送併盆，本來想叫鼓椒炒蜆伙記硬銷大蜆，好啦比多40蚊試下，見隔離好多人叫睇落唔錯，中晒伏啦😢大蜆係好大....個殼囉😒肉同普通蜆差唔多仲要部份有沙，根本食唔倒，而且冇喱味道好淡; 併盆望落幾靚丫，不過😑冇滷水味，咁點解叫滷水併盆呢🙄 條大眼雞唔平架但又乾又鞋😓 最後通菜係最正常同埋🍺囉😑所有食物只食左一半，實在令大家冇晒食欲🤢埋單時嚇一嚇😱兩人食左6百幾蚊，呆左😨終於見識到咁貴嘅平民冇味打冷，真係食到一肚氣😤😤😤😤😤😡😡😡😡

這是一間荃灣老字號，朋友話去食，我咪一齊去law。叫了螄蚶、春菜排骨、南乳炸雞件同埋滷水鵝。螄蚶都算乾淨，可惜只係唔夠鮮味。春菜排骨的春菜好入味，而且好多春菜，讚呀﹗滷水鵝的滷水好夠香，而且好入味，仲有就係隻鵝唔太肥，值得一讚，因為好怕要係咁咬走D肥膏。我同我D朋友都覺得南乳炸雞係全晚最好食的一碟，雖然D南乳味唔係好濃，不過我就覺得啱啱好，雖然係炸，不過又唔會太厚粉漿，好食。

今天朋友特意帶我去試一試潮州打冷，就是在荃灣的，我也沒有去過所以很期待。這裏的小菜有很多，選擇也有很多，所以令我們目不暇給，我們選了幾個小菜，而且還送了滷水拼盤給我們，很優惠呢！首先來的是菠蘿咕嚕肉，這裏的份量也挺多的，味道酸甜很開胃呢，而且咕嚕肉炸得很脆，顏色鮮艷令人食慾大增。接着就是蒜蓉蒸開邊蝦，這個份量也很大呢！一上來就聞到震震香味，蝦肉鮮甜爽口，而且還配合埋蔥及粉絲，粉絲很入味呢！想不到送的東西也是很大的，這個就是滷水拼盤，有墨魚、鵝肉、紅腸等等...滷水味道濃郁，而且很入味呢！

我係想食打冷嘅時候， 朋友就話上次食過荃灣有間又平又抵食，可以去試下咁啱嗰日去開荃灣，就同朋友去試下啦。估唔到竟然有前菜，仲要有泡菜都幾開胃本身都諗住嗌鹵水拼盤，原來呢度叫夠300蚊就會送一個，真係好抵！油鹽水大蜆率先上場，大蜆隻隻都好飽滿鮮甜，而且冇沙，底下仲有少少粉絲索曬湯 ，完全係精華所在。打冷點少得椒鹽鮮魷，估唔到份量好多，放入口熱辣辣，外脆內軟，鮮魷非常新鮮冇得彈。椒鹽茶樹菇真係不得了，一樣都係大大碟冇偷雞，炸得酥脆，菇味濃郁。最後點少得炸蠔餅，好多隻蠔，而且size都唔細，蛋漿好香，perfect match。

同Fd一共5人去食，食左$580，多人食嘅話，除番開都覺得ok，我地食晚市，每枱叫滿$300，送一碟鹵水拼盤，價值$8x我地總共叫左4個餸，不過不失咁啦炸蠔餅：面頭啲蠔好大粒，個餅都炸得ok脆，不俗！但係食到底差唔多全部都係炸漿，啲蠔又細粒，所以食到最後碟野無人夾。啫啫雞煲：係好普通嘅雞煲，無特別無特色，可以唔洗叫。雞鞋口，洋蔥多過雞，有豬潤，得個兩塊。荔枝生炒骨：其實只係普通咕嚕肉入面加左荔枝去炒，啲荔枝幾新鮮大粒同甜，啲肉有荔枝味，覺得係正常水準。椒鹽田雞：呢個餸係我最驚喜嘅，田雞炸完都仲係好滑好好味，我平時唔好田雞，但我都覺得香口好食。唯一缺點係田雞細隻，點左好多炸漿去炸，無乜肉咁。鹵水拼盤：雜錦咁，乜都有啲，其實都係送嘅，無乜要求，多人食叫滿$300就送，係幾抵，當多個餸咁，正常味道，唔會話好好食咁間野我覺得環境同食物都ok，入面多大枱，好適合一大班fd去食，坐晒咁多人，我地都係食大排檔餸為主，無試到潮式冷盤同打冷，有機會可以再試埋。

和父親母親來到這間位於荃灣的大排檔, 似乎裝修完，明亮及乾淨了很多。老人家先叫了個傳統小菜，鹹菜炆門鱔。 一上到來便說這個小菜非常少見，很少店鋪會提供，更話很入味好吃。我就叫了個薑蔥魚雲煲， 薑蔥魚雲煲炸得非常脆，外面的炸粉沾了汁， 很好吃。 重點魚雲很多， 有七大塊， 這個價錢物超所值。最後叫了個侍應推介的石窩海鮮炒飯， 一上到來香噴噴， 有海鮮，飯粒分明，還有份量極多， 最後分開有七小碗。 價錢不便宜，但重點是份量多，火㗋夠，比茶餐廳好味太多。

每次想食打冷，總會諗起荃灣的＜明記＞今次終於有機會試試喇！最大推動力當然係滿＄３００送＜明記滷水拼盤＞一份啦。＜明記滷水拼盤＞意想不到奉送的一份＜明記滷水拼盤＞，份量竟然如此的大，絕對超值＜滷水鵝片＞因為想每一啖都是肉，不用吐骨，所以選擇了＜滷水鵝片＞，而放棄了＜滷水鵝＞，而我們深感這個決定是沒有錯的，大大塊的鵝片，既嫰滑，又彈牙，十分滿足。＜明記荔枝骨＞聽說是其中一款明記的招牌菜，酸酸甜甜的醬汁，還有鮮蝦和排骨，絕對是伴飯的好菜式＜脆皮炸鮮奶＞鮮炸，絕對是這個菜式的重點，香脆一層薄薄的炸漿，包著裡面滑不溜口的鮮奶雖然是油炸食物，但吃起來一點都沒有油膩的感覺。最後以＜蠔仔粥＞作為結尾，超完滿的，我一定會再幫襯的。

所謂一不離二， 上次尖沙咀打完冷意猶未盡， 今晚喺荃灣再來，明記天保大廈總店喺荃灣開咗好多年， 平日都好多街坊幫襯。街坊大排檔格局勝在食物多元化， 除咗打冷， 仲有很多大排檔小炒供選擇， 價錢也街坊價。蠔仔肉碎粥 ($58)抵食, 落足料份量大, 蠔仔多, 隻隻脹卜卜, 肥美, 還有冬菜、柴魚及芫茜等配料, 好味飽肚兼唔肥膩, 湯底鮮甜唔鹹, 作為主食較健康孖寶（鹵水鵝片+豉汁蒸大鱔 ）$280好抵食嘅組合， 家陣去街市買條大鱔都成舊水一斤， 估唔到出街食反而仲抵。鹵水鵝片滾存咗咁多年嘅鹵水汁， 浸出來的鹵水鵝變得香而不死鹹了， 不過食鹵水鵝啖啖肉都係爭少少， 如果可以比我揀拼鹵水鵝件就perfect 了， 個人比較鍾意吮骨。豉汁蒸大鱔巧大碟呀>>> 大鱔用蒜蓉豉汁蒸真係冇得輸，鱔片很肥美，入口香滑到不得了， 加埋蒜蓉豆豉嘅鹹香， 惹味非常， 送飯一流。滷水拼盤 (埋單滿$300 送)ORDER滿$300, 每台敬送滷水拼盤一碟, 份量很多, 內有滷水大腸、腩肉、鵝腸、豬耳、魷魚、紅腸及芽菜等, 可一次過試晒其他滷水食物, 味道唔錯, 大腸及鵝腸最好食, 夠肥美

約咗朋友去荃灣食飯，上openrice搵下靈感，見到明記評分都幾高，就去試下！上到去睇餐牌花多眼亂，睇緊嘅時候職員走過黎問我地：要唔要黃金鮮魷呀？廚房出錯咗，要就即刻有得食！我地三個都幾肚餓，就話要啦！之後睇睇下餐牌，朋友點咗脆皮牛腩同埋炸蠔餅，職員話滿$300會送鹵水拼盤，咁我地冇咁嗌了。食物好快黎齊，我本身唔食牛，所以冇試，但兩位朋友係咁讚呢碟牛炸得好好食。呢度黃金鮮魷用嘅鮮魷都算新鮮，同埋份量都足，有十幾件。另一道菜炸蠔餅個炸份多得濟，蠔仔唔夠多，比較失色。送嘅鹵水拼盤有紅腸，魷魚，鵝腸，豬大腸，豬耳，芽菜...每樣少少啦，當作頭盤小食都ok！因為叫咗好多炸嘢，我地三個都食到好飽，見隔離枱叫鹵水鵝好似都幾吸引，下次黎食試下先！

今晚和女友經過荃灣，於是便介紹了這間明星也愛吃的打冷店給它。餐廳位於樓上，一般茶餐廳的裝潢，地方算是闊落。滷水鵝片首先叫了打冷必食的滷水鵝片，鵝片雖然不算厚切，但鵝片非常大片，足足有碗的size,而且很嫩滑，正。豉汁蒸白鱔白鱔非常大條，很厚肉，而且非常鮮甜，一點也沒有腥味，不要說老人家，連女友也非常喜歡。值得注意的是，白鱔份量非常之多，足夠三至四人食用，對我和女友來說，非常之多呢。滷水鵝腸很耐也沒有吃鵝腸，所以叫了一碟來試出奇的是，鵝腸滷水得很入味，濃濃的滷水味，餸啤酒一流。因為不是地下鋪頭，所以給人嘈吵和壓迫的感覺感覺，難怪女友也喜歡。