旺角海鮮菜館

营业中

休息中

驚喜發現，原來太子旺角火車站附近隱藏住呢一間抵食好味的海鮮餐廳🥹係IG search 旺角中菜見到有人upload 咗佢啲聲海鮮嘅相片，目測好吸引🤩二話不說就ad hoc喺OpenRice度即日訂枱，心諗即日都訂到枱會唔會伏。點知原來係寶藏餐廳😍我哋order 了二人餐$799，包括有前菜白灼二款小食，我揀了韭菜花，豬肚(煮得好淋👅)，佢個豉油配搭得好好，令到啲小食更好味。有兩款燉湯，分別係行汁白肺豬肚湯同埋胡椒豬肚湯，我哋選了各一，兩款湯都好出色😌隨即就上咗兩隻豆豉陳皮蒸鮑魚，啲鮑魚好大隻好彈牙😍個豆豉係香得黎甜甜地，好鍾意仲有兩隻蒜蓉粉絲蒸扇貝，佢個扇貝蒸到剛好，再配埋大量嘅蒜蓉同粉絲，非常惹味😍之後就送咗一條好大嘅蒸魚，我忘記咗係咩班，佢啲肉係畫得來好彈牙，再配大量的葱，勁好味仲有兩隻蛋黃黃金蝦，彈牙啖啖肉最後仲送上超足料芋頭西米露作總結🤩真心欣賞廚師用心烹調每一款食物，為每一款食物調配獨立豉油，唔係只得一種味道👍🏻期待下次可以過嚟試佢個龍蝦粉絲煲😍

夜晚想食海鮮餐，睇網上影片同食評，覺得呢間好似幾抵食，所以就去咗啦去到大概7:30 ，人流唔算多，一望個菜單個價錢就見同網上睇嘅有啲唔一樣。但都入咗去，唯有照叫。揀咗個最平嘅二人餐，就要788 。六小福揀咗海蜇絲同埋粉腸，係幾有口感，但味道偏淡，要靠另外上嘅辣椒豉油先夠味。湯揀咗杏汁菜膽豬肺湯（無影相），一飲都覺得幾足料，入面都有兩舊肺食下，湯味濃之後鮑魚每人一舊，都幾韌，我完全咬唔開，要問職員借鉸剪剪開佢豆豉太多，完全蓋過咗個鮑魚嘅鮮味元貝都係每人一隻，蒜味較重，元貝唔係好大隻，靠啲粉絲充撐場面。杉斑揀左清蒸，都幾大條，但感覺為咗令入面都熟而令外面有啲蒸過龍金沙蝦球每人一舊，d咸蛋黃有味但只響外面，入面舊蝦係無味，整體偏淡甜品（無影）綠豆沙每人一碗，味道正常，係d 臭草多咗啲埋單計埋茶錢（$15一個）同茶芥（$16）仲有加一要$917，我相信呢個價錢可以食到更加好嘅嘢。

一班朋友約咗好耐，個個都住唔同地方，又唔係個個揸車，所以中心點就最好。旺角近地鐵站嘅地舖中菜館唔算好多，呢間好好，我哋一班朋友好耐冇見，講嘢好大聲，佢可以安排到一間房俾我哋。佢同其他中菜館有啲唔同，可以有套餐叫，寫定每位幾多錢？簡單易明，有啲孤寒嘅朋友，一睇就知自己大約比多幾多錢食你餐晚餐。呢度啲店員好好，佢會預時間上菜，安排得幾好。我哋有朋友生日，佢仲會幫你切埋蛋糕， 分好晒一碟一碟上。我哋叫咗個9- 12人餐。圖片係呢個餐。樣樣菜都有，有魚、有肉、有菜。呢度仲有個好處係，可以坐好耐，坐到1點都唔會趕你走。

冷盤小食(海蜇，豬脷，9菜，魷魚) - 全部淡味芝士龍蝦伊麵 - 唔夠芝士，包唔晒d伊麵，個味同龍蝦幾好蒜蓉粉扇貝 - 好食，有蒜味，帶子唔太老，係多油左d啫(唔記得個名)豆豉蒸飽魚 - 好好食，好惹味，唔會過咸蒸魚 - 時間岩岩好 (我唔食魚，但朋友話好食)上燙浸豆苗 - 好似唔夠嫩口脆皮雞 - 皮脆，肉正常小炒王 - 多料好食，唔過咸炒麵 - 太油，唔夠乾身

連續兩晚都在這裡開餐，無論是海鮮餐或散餐都很好味。除6小碟味道較淡，海鮮新鮮煮到恰到好處外，每樣餸菜都很好，我最喜歡椒鹽鮮魷和金沙蝦球。大部份的服務員工，服務態度很好。

今晚經過洗衣街見到呢間酒樓，OpenRice評語好似幾好，所以咪試吓囉。叫咗四個餸。咕嚕肉做得非常出色，恰到好處（冇影相）。紅燒豆腐都不俗，粉絲元貝味道非常好，但係就細粒咗啲，但係個上湯龍蝦伊麵就普通咗啲，聽講招牌菜係白胡椒龍蝦粉絲，可能嗰個會好啲掛？

今日嚟到位置超方便嘅旺角海鮮菜館，其實食海鮮好簡單，只要唔好俾人劏同食材新鮮就得。我哋一行二人叫左$298套餐。⭐️旺角六小福(六選二)有得簡白灼韭菜花、海蜇絲、水魷魚、鮮豬脷、鮮豬肚同鮮粉腸，我哋就食咗爽口嘅海蜇、同水魷魚🦑 本身呢兩個食材冇乜味，主要食口感，簡單蘸調配好的辣椒豉油，就ok。⭐️湯套餐有兩款中湯可以選擇，包括杏汁花膠豬肺湯汁同胡椒豬肚雞湯。我叫左前者，佢嘅杏仁味突出味，味道清甜🥰秋冬滋潤養顏首選。⭐️招牌油浸虎衫斑好正，成條炸到脆卜卜，好考廚師技術，火候啱啱好，外層香脆，魚肉嫩滑，一啲腥味都冇，而且幾大條，我地食到尼到已經飽左🤣⭐️豆豉果皮蒸南非鮑⭐️蒜蓉粉絲蒸日本元貝元貝勁大粒厚肉，佈滿蒜蓉粉絲，非常惹味🔥鮑魚肉質彈牙，火候啱啱好，唔會好似咬擦子膠咁😋上菜速度快，店員會留意我哋幾時食完一味餸，食完/差不夠食完一道先會上另一道，不得不讚傳統老店所訓練出嚟員工嘅細心❤️

今日主要係同朋友慶祝生日，預先訂咗位去到都唔使等，坐低咗之後睇咗下餐牌，跟住都有過嚟介紹，老闆話大部份人都係叫套餐，咁就即管試吓啦，另外今日比較多人因為有兩圍人搞緊生日，所以都比較嘈，但老闆娘後尾都話今日真係唔係咁好意思，平時無咁嘈，但整體菜式唔錯，換碟加水都快手，侍應有留意眼神有冇需要，唔會話好忙無人理，有加一但冇收切餅費，如果太子同旺角附近黎講，又想食海鮮呢個係一個唔錯嘅選擇，係性價比幾高嘅一間菜館

原來唔洗去到鯉魚門或者西貢都可以食到生猛游水海鮮🐟 屋企人揀咗位於旺角嘅❣️旺角海鮮菜館❣️食晚飯，去到門口已經見到大大個海鮮缸放住各種海鮮，魚、龍蝦、瀨尿蝦、蟹，全部都好生猛，就知道呢餐一定唔錯😍◆*．◆*．◆*．◆*．◆*．◆*．◆*旺角三人海鮮餐 HKD298pp✨旺角六小福（六選三）白灼韭菜花｜白灼海哲絲｜白灼水魷魚白灼鮮豬脷｜白灼鮮豬肚｜白灼鮮粉腸✨杏汁花膠豬肺湯/胡椒豬肚雞湯✨招牌油浸/清蒸虎杉斑✨蒜蓉粉絲蒸日本元貝✨豆豉果皮蒸南非鮑魚✨薑蔥霸王雞✨上湯浸時蔬✨精美私房甜品◆*．◆*．◆*．◆*．◆*．◆*．◆*𝗕𝘂𝗯𝘂推介🔥👍 胡椒豬肚雞湯將胡椒味發揮得淋漓盡致嘅湯品🥣 聞落去已經係滿滿胡椒味，飲落去帶少少辣，非常暖胃。湯非常足料，豬肚煮得啱啱好，爽脆有咬口又唔會韌，飲完個湯都飽飽地。👍 蒜蓉粉絲蒸日本元貝一人一隻日本元貝，上枱見到元貝肉比大量蒜蓉同粉絲埋住😌 元貝肉鮮甜，而且充滿蒜蓉香🤤 記得記得要食哂啲超入味嘅粉絲，除咗蒜蓉香仲盡吸元貝精華。👍 豆豉果皮蒸南非鮑魚同樣一人一隻🥰鮑魚食得出好新鮮，肉質彈牙有咬口，而且有滿滿果皮同豆豉味，又香又好味。餐廳好貼心咁係鮑魚面𠝹咗幾

今次同天蠍寶寶去左食海鮮，叫左個套餐，價錢都合理味道唔錯三人海鮮餐 $298/位，逢星期日至四供應，包咗白灼小食，湯，鮑魚，霸王雞，元貝，時菜同魚自灼海蜇，自灼魷魚，白灼韭菜花三人餐可以六款揀三個白灼嘅小食，呢三個裏面我覺得魷魚最好食，海蜇食得多白灼就真係第一次，但都係爽口冇咁油膩唔錯。韭菜花平時食餃子就食得多，就咁食原來都幾爽口湯：湯有兩款，上杏汁豬肺湯，胡椒豬肚湯因為一人一碗嘅關係我哋兩款都試咗，我個人比較鍾意飲豬肺湯而朋友就覺得豬肚湯好飲啲，兩隻都好香好夠味，杏汁又唔會話超級濃到飲唔到，兩個湯都好啱暖身豆豉果皮蒸南非鮑鮑魚都算有咬口大隻，加咗果皮落去令到成個鮑魚個味更加香霸王雞（例牌）唔好睇小佢例牌以為好少，份量每人都識到3-4件，而且雞都幾滑蒜蓉粉絲蒸日本元貝元貝都大粒，唔會蒸過龍上湯浸時蔬最鍾意食上湯時菜，比較清淡唔會油膩好健康（清蒸）虎杉斑估佢唔到條魚都幾大條，三個人食份量超足料最後仲有個甜品，當天係陳皮紅豆沙，食完中菜再食甜品全餐都好滿足，位置唔大但係喺旺角好方便就腳，啱晒一家人嚟食，我見好多人都要book位所以建議book位再嚟

《鑊氣海鮮三人餐🌊》———————————————-#旺角海鮮菜館 🔥-早排同屋企人食飯，去咗呢間旺角海鮮中菜館，海鮮種類豐富又海鮮，重點係價錢親民好抵食😍 小店裝修典雅帶懷舊風，但地方唔算大，而且人氣好旺，所以我哋嚟之前都有book定位🤤-🧧 旺角六小福先嚟前菜，可以係六小福當中揀3款，包括白灼韭菜花、海蜇絲、水魷魚、鮮豬脷、鮮豬肚同鮮粉腸，我哋就食咗爽口嘅海蜇、無腥味嘅白灼豬肚同彈牙嘅水魷魚🦑-套餐有兩款中湯可以選擇，杏汁花膠豬肺湯汁嘅杏仁味突出味，味道清甜😛 而胡椒豬肚雞湯就比較濃烈，飲完暖笠笠🖤 -🎣 招牌油浸虎衫斑餐廳提供兩種煮法，可以清蒸可以油浸～油浸火候啱啱好，外層香脆，魚肉嫩滑，層次好豐富，而且好大條，淨係食條魚都飽🤣-接住落嚟仲有兩款海鮮，元貝勁大粒厚肉，上面佈滿蒜蓉粉絲，非常惹味🔥而豆豉果皮蒸南非鮑魚肉質彈牙，一啲都唔韌，上面帶點豆豉同果皮嘅香味，帶出鮑魚嘅鮮味😋-三人餐仲有薑蔥霸王雞，肉質嫩滑，雞皮爽彈，蔥油香突出～再嚟個上湯浸時蔬，食返條菜平衡一下，最後以綠豆沙呢款甜品作結，大滿足！-⭐價錢參考：（另收加一）旺角三人海鮮餐： $298/位🍌抵deal 指數：8/

出街食海鮮除左驚海鮮價畀人劏外就係驚貨不對辦所以今次約朋友去左呢間海鮮菜館食海鮮菜館套餐明碼實價點菜前就已經大約估計到個價錢免除左好多不必要嘅麻煩今次叫嘅套餐幾啱我清淡為主白灼、清蒸及上湯浸能夠食得出各種食材既鮮甜味六揀三嘅前菜全部都係白灼三款簡單配搭少少調味食嘅就係食物本身味道如果覺得啖口每位都配有辣豉油調味湯就有兩款選擇而我就揀左胡椒豬肚湯呢碗湯入口相當舒服唔會被胡椒奪走所有味道豬肚亦處理得幾好唔會有怪味道豬肚一咬就斷火喉相當足夠豆豉果皮蒸南非鮑蒜蓉粉絲蒸日本元貝彈牙 鮮甜最初以為都只用蒜去處理但鮑魚用豉汁果皮去處理而元貝就用蒜茸去整火喉剛好唔會過熟至於清蒸虎杉斑時間掌握都不錯魚肉近骨位置熟度剛剛好整條魚起骨都好容易魚係一定要襯熱食先係最好食魚肉配上少少蔥絲再沾上少少蒸魚豉油一次過放入口非常滿足一啲腥味都冇起肉兩三轉基本上就可以食完一邊至於霸王雞雞肉相同嫩滑因為已經做好調味所以都唔需要另外沾醬汁而上湯浸時蔬唔知係唔係用左杞子去整聞去好似有少少似藥膳嘅感覺菜心入口爽脆鮮甜整體味道同用餐體驗都相當不錯呢間菜館服務幾好在有限空間內主動提供多一張圓櫈放袋了解客人嘅需要而上菜方面唔知係因為我

旺角健康海鮮中菜館今日放工想去食海鮮中菜，發現自己超級耐冇食了。行行下見到呢間個名幾特別，而且海鮮好似幾高質，就嚟咗試吓～中菜餐廳環境細小，座位不多，晚上很熱鬧，記得book枱。茶位$15@位，前菜小食花生🥜$16，另收+1服務費見到好多人都食套餐，我今日都揀咗閒日三人海鮮餐 $298/位，逢星期日至四都有，感覺套餐抵食啲，包羅萬有，清蒸虎杉斑、蒜蓉粉絲蒸日本元貝、豆豉果皮蒸南非鮑魚...見到都流晒口水啊。今次揀呢個套餐主要係白灼和清蒸海鮮，原汁原味，比較健康。前菜六選三白灼小食，我揀咗：彈牙海蜇、自灼魷魚、白灼韭菜花，爽口韭菜味濃郁有驚喜前菜仲有個足料暖胃中湯飲：杏汁豬肺湯和胡椒豬肚湯，好香豆豉果皮蒸原隻南非鮑魚好彈牙好多炸蒜蓉配爽口粉絲蒸大隻日本元貝好鮮甜，彈牙元貝必食薑蔥霸王雞（例牌）原汁原味，皮厚肉嫩，喜歡可以自己沾豉油清蒸大大條虎杉斑，肉質厚實，滿滿健康的蛋白質上湯浸時蔬煮出來的菜心好清甜又健康、感覺無咩味精最後有碗陳皮黃豆沙糖水埋尾，煲到好腍完全唔洗咬，岩曬一家大細黎食服務質素：7/10環境舒適度：7/10ᶘ ᵒᴥᵒᶅ個人口味評分：7/10

I've been to Mongkok Seafood Restaurant many times. Usually go there for their supper menu because of the cheap prices and good quality. Saw their new economical dinner set $298/person and invited my parents to try.Signature small dishes were up to standard as always. Tender pork tongue, well-prepared small intestines and crunchy jellyfish.They offered two choices of soup. Almond pork lung soup with fish maw - Chinese classic that was nourishing. Peppercorn chicken soup with pork tripes - clear

今次黎到呢間旺角海鮮菜館食晚飯～～佢地提供多款套餐🍱，正好可以俾小家庭試到唔同海鮮～星期日至四仲有優惠價，超抵呢❤️❤️-🦀旺角二人海鮮餐 $298/位✨📍旺角六小福我地揀左白灼韭菜花🥬同白灼水魷魚🦑～～韭菜花口感爽脆、水魷魚煙韌，蘸少少辣椒豉油食好正👍🏻👍🏻📍胡椒豬肚雞湯胡椒味道突出，而且好香～～飲完個胃暖笠笠，而家天氣飲就最啱🔥🔥📍避風塘炒蟹(+$250)餐廳選用大肉蟹🦀，賣相好靚！！蟹肉質感爽滑，鮮味十足！份量仲好多😍😍避風塘味道香香辣辣🌶️，蒜粒又夠酥脆！整體好惹味，推薦大家試試🙆🏻‍♀️🙆🏻‍♀️📍蒜蓉粉絲蒸日本元貝日本元貝大大粒，鮮甜爽彈～～粉絲吸滿元貝精華同蒜香，食完好開胃❤️❤️📍豆豉果皮蒸南非鮑魚鮑魚蒸到啱啱熟，口感好彈牙！！面層鋪滿豆豉粒同果皮絲，鹹鹹香香好送飯😋😋📍翡翠金沙蝦球蝦球炸皮夠薄，外層沾滿鹹蛋黃醬，望落好吸引～～而且廚師已經將蝦球去殼，一啖擺落口最滿足🤤🤤仲可以將下層既西蘭花蘸醬食，更加邪惡呢！！📍精美私房甜品是日甜品係綠豆沙，口感綿滑好足料～～作為今餐既完結夠哂perfect🥰🥰