新羅寶韓國餐廳

营业中

休息中

我很喜歡新羅寶，食物美味，傳統口味，但價錢合理，尤其午市套餐，更是抵食！今天又｢韓癮｣起，便和Honey到新羅寶午飯。我想吃燒烤，我倆叫了兩個午市燒烤套餐。前菜：很多小碟，夏天，有涼糕和青瓜，很開胃！泡菜有不同款式，鹹甜、醃製程度不同，各有口味，均也美味，非常清新。肉類呢？我們選了牛肉和豬肉。由於價錢大眾化，所以，不能要求晚市般的質素。看樣子，不算太吸引，但燒烤起來，挺惹味。並沒有一般燒烤肉般被醃得只有重蒜味。配合豆瓣醬和生菜，好味而不膩！燒烤套餐可選擇三款主食。我和Honey選了泡菜豆腐湯和雜菜飯。兩款都好好味，少肉多菜，清新可口。從前，雜菜飯好大碗，往往吃不完。現在減量了，份量剛好。而且，配上韓式甜辣醬，不辣，開胃。再配麻油，好香口！泡菜豆腐湯，熱騰騰的用石窩上桌。少少辣，同樣好開胃！豆腐不少，很滑。飯是日本珍珠米，軟綿綿，Honey很喜歡！餐廳的中央，放了試食站，讓食客自取南瓜湯和生菜。南瓜湯濃稠而香甜，Honey同樣喜歡。看！滿桌美食，只需$200's，實在大眾化！而且，豐富而美味，真令人回味！

✨二人燒肉套餐 ($600* for 2)✨第二次去新羅寶 估唔到比第一次更有驚喜無論豬肉還是牛肉 都有專人幫你烤熟豬肉軟綿 多汁 牛肉富牛香 相對乾身但都很惹味配上生菜清爽感 油脂的豐腴感 令人感覺滿足套餐亦附上炒粉絲和石頭鍋飯炒粉絲爽口石頭鍋飯份量多 比較淋欠了粒粒分明的感覺還有生菜拼盤 清洗腸胃不錯 包肉食更適合後來才發現那天忘了端上生果拼盤 略為失望！✨辣牛腸牛肚拼鍋 ($350)✨大大熱鍋顏色帶韓國料理招牌火紅 有部隊鍋影子一鍋份量極大差不多分到十小碗 食材能平均分配牛肚牛腸 片裝年糕 薄烏冬 洋蔥 菇菇等🏻熱辣辣 食落飽肚又暖胃辣得惹味開胃 不怎口乾 3 4個人一鍋share也不為過

遲黎既好評生日前夕同屋企人去左試依間傳統韓國餐廳。一開始見到其他評價有d大起大落都幾擔心，但由於本身好鐘意食韓國菜，所以都決定試一試。一行9個人，訂位時因為人多所以就訂左獨立房（訂房既話最低總消費好似係HKD2000)。當日去到間房好大，9個人坐底曬放埋野都仲有好大空間，唔會有迫既感覺（後期再去多次坐11個人都係仲有好多空間的說）叫左個6人set加多另外兩樣野雖然有9個人但咁叫已經個個都食到好飽。由於時間有d耐，所以就淨係講我印象深刻個幾樣食物。 我的最愛韓式豬手，一片菜葉包兩片豬手加埋個醬好好味因為包菜既關係所以唔會覺得肥膩，而且豬手邊好有咬口但又唔係點咬都咬唔開個款，一定要讚一個 白灼五花肉本身對依道菜冇咩期待，因為平時食既五花肉都係比較硬身或要咀嚼好耐先食到，但依到既五花肉竟然係十分軟熟，而且完全冇油淋淋既感覺。同係韓國食到既大致上相似 最後就係鰻魚同拌飯依兩款因為我本身唔食得生牛肉同鰻魚，所以冇食到。不過根據屋企人既評價都十分唔錯後期再黎既時候佢地都有再叫～整體來說係香港黎講都算係間幾好既韓國食店，唯一就係抵食程度偏低，如果同枱既人數唔多既話平均消費都算高。

朋友岩岩去完韓國話想回味下韓國燒肉, 所以打左去呢間訂枱心諗傳統韓國餐廳一定好食, 點知換來一肚氣 去到餐廳門口,等左好耐先有人招呼訂左枱都要等15分鐘先入得去點左三個菜第一個係芝士骨，好香芝士味，雞膇多汁 好食但價錢略貴 超多芝士呀~呢個芝士骨真係唔錯 生牛肉他他真係誇張, 未解凍就拎出黎食入口有冰塊問店員點解, 個女店員夠膽同我地講呢個他他本身係咁 成200蚊一碟牛他他, 俾冰人食, 不如改名叫牛他他泡冰最後緊係取消order, 驚食到肚痛最後係豬腩肉唔知店員係咪想快D收工, 一上枱就幫我地開大個火將豬腩肉全部倒哂落爐燒本來想慢慢食都唔得兩個人埋單700幾，總括黎講呢個價錢加服務態度唔會再有下次 大家想受氣可以黎試下

我和舊同事是新羅寶韓國餐廳的常客，餐廳每天也有不同的特價lunch set，而逢星期二則有我們最愛的鐵板烤肉套餐，所以我們今日是專程來吃的。每枱都有一壺清茶，我不清楚這時什麼茶，但記得在韓國旅行時，在餐廳吃飯也喝過這種茶的。點菜後，侍應很快為我們送上6小碟前菜，我最喜歡的是泡菜，很夠酸辣，很開胃。辣汁豆腐也不錯，豆腐質地是比較硬身和粗糙的那種。烤肉上菜時熱騰騰的，很香，令人食指大動。烤肉包括豬、雞和牛肋骨。三款肉都很柔軟，且肥瘦適中。我最喜歡吃牛肋肉，切得很薄，很入味，可惜只有3-4塊，是因為牛肋肉比較貴吧。牛肋骨上還黏著一小截牛筋，舊同事很喜歡吃，他說很爽口彈牙。可是我牙力不夠，不能把牛筋從骨上扯下來，所以放棄了😅由於整個套餐只有肉類，建議和前菜配合一起吃，可以中和一下食肉的肥膩感。套餐還附上白飯，湯，和橙。橙很甜，還很貼心的把皮切開了，令人很容易咬。這套餐正價要98元，逢星期二特價79元，加一後87元，我們還會再光顧的😋

今晚黎個小聚會同朋友2人去嘆韓菜，今次第一次黎新羅寶，唔駛等位都幾呀 !!可能都比較夜喇...得我地2丁友最好就睇下有冇套餐叫下啦 (唔駛諗呀嘛 !! 哈哈)實在太好喇 ~ 有個二人餐可以叫 !! 仲加左個炸雞添 !!坐底冇耐 ~~ 先黎前菜 !! 開開個胃 ~~ 個煙牛肉好正 ~~ 牛魔王既我地十分欣賞 !!呢個沙律酸酸辣辣 ~~ 正呀個牛肉鍋麵一樣正 ~~ 個炸雞就失色...比下去...再黎就係個燒牛排骨喇 !! 蝦同生果就唔記得左影相 ~~ 但總括黎講個餐既評價都幾高 !! 下次都可以再叫 ~~ 但炸雞...就應該冇下次喇 !!

星期日的中午，我和家人一起出外吃午餐。爸爸想去吃尖沙嘴新羅寶。他有大半年沒去,最喜歡那種有人為他燒烤的感覺。我記得我以前的韓國老闆也經常去這家餐廰。於是，我們三人又去這裡吃飯。 。套餐味道真的很不錯, 我們點了3個套餐,两個烤牛排骨肉套餐和一個烤去骨豬肉套餐, 再要了一個烘秋刀魚 。這裡還能保持水準, 連最後一道橙也做得一絲不苟, 很容易吃。  食物就算不是 5粒星也有4粒半星。   一直以來, 我們喜歡餐廰的服務, 但這次確令我們非常的失望。我們叫服務員幫我們烤, 她們來了一次便不在來。  每次經過我們都很快走開, 每次等我們烤好了才出現。如果以前的服務是 5粒星, 現在便是3粒星。 我們還會下次再來, 但希望服務可以改善。

放工同同事happy Friday，等齊人都已經8點半了，其實大家都食慣韓國燒烤，要order 啲乜都心中有數，咁好啦，9點都黎啦，梗係即刻叫野食啦 鮮rib eye 雪花紋分佈得好靚，牛肉雖然無醃過，但只係食佢的鮮味都夠了，入口即溶，無渣又無根，推介 呢碟我無食，生牛肉同生蛋我都唔”好” 的，同事話個牛配埋雪梨青瓜片黎食好fresh ，個汁亦都好好味，不過啲牛就略為凍左少少 望落去以為好肥好多肥膏咁，但燒完之後， 肥膏無晒，變得好香脆，可以一試 呢隻牛係有醃過的，啲肉係成長條狀包住舊⻣，燒個時店員會用較剪剪開一塊塊黎燒，肉質鮮嫩，啲牛肉醃得好好味，又係入口即溶，我鍾意用新鮮生菜包住黎食，因為無咁醎而且又清新啲，又係推介之一炆牛排骨 喺韓國餐廳食的牛好似特別好味咁，就算有醃無醃都好入味，而且牛味十足，呢個炆牛雖然每件肉都好厚，但係一啲都唔乾唔硬，一咬就咬得開，又淋又入味，用黎配白飯，簡直一流 無骨，啖啖都係肉同埋最啱女仕的骨膠原，好入味，一塊一塊食唔停，用生菜包住黎食感覺無咁油膩，好快大家就清晒呢碟豬手了，推介

以前同客食飯久唔久會嚟食!今次個friend話嚟.本身都諗住貴. 但2個人食都係700幾, 同以前其實冇乜分別,衹不過出面其他韓國餐廳都差唔多! 呢度地方仲要更舒服! 人蔘雞, 原隻雞加岡岡好嘅人蔘同糯米、好好食! 祇是190蚊海鮮餅有蝦-蠔-魚-尤魚 熱食好香 出面好似冇醬油蝦: 新鮮 醬汁冇得頂! 可惜冇醬油蟹泡菜五花腩 $290 五花腩+泡菜真真超讚. 因為我朋友唔食牛,我見隔離枱碟泡菜牛排仲正! 一樣290咋!亮點係隻蝦頭! 之前隻醬油蝦蝦頭我怕有太多菌,所以留返嚟燒! 燒咗嘅蝦頭真係不得了!呢度D野真係冇出面其他的新奇, 但追求食物質數的, 呢間係冇得輸!(佢個部隊窩都係二百幾三百、最緊要、好坐好食)

點了一檯子美食，特別推介燒牛舌和拉絲芝士雞翼！燒牛舌牛舌沒有太多醃料，味道不會太咸，爽口彈口而煙韌，吃得出是牛舌最美味的部分：牛舌心。另外顏色呈鮮紅色，非常新鮮。除了牛舌，還有鮮冬菇等配菜，簡單一碟份量充足，唔會食完得陣風。一直都喜歡吃厚切牛舌，喜歡比較有咬口的感覺。但這個薄切牛舌也不錯，片片都切得很均勻，師傅刀工一流。拉絲芝士雞翼拉絲芝士雞翼，配紅椒等等蔬菜，辣得嚟芝士軟綿綿又唔會太油膩。上碟時芝士與配料放在燒爐上，看著芝士慢慢溶化，拉出一條條芝士絲，包著辣醬雞翼。香噴噴，人人啱食！依家韓燒越開越多，呢啲Old School老牌韓國餐廳都加咗好多新菜去留住客人。例如拉絲芝士雞翼比較潮嘅相機食先菜式，其他燒肉都serve得好好，waitress每一檯都好俾心機喺你面前燒俾你食。抵你穩座尖沙咀！^^

阿囡年紀輕輕勁迷韓國明星，日日煲韓劇，生日咁大件事，當然一定要食韓國菜。而我呢啲廿四孝媽咪，一定係Say yes的！特別揀咗呢間新羅寶，因為聽人講韓國街果啲年輕人韓燒店又迫又嘈，老公鍾意坐得舒舒服服，所以佢都幾滿意環境。一坐低有啲嚇親，因為店員唔識廣東話，原來要講英文，真失禮。原來真係好正宗「韓國」菜，一輪指手畫腳之後終於點完菜。阿囡唔食得辣，泡菜佢麻麻地，反而俾餓鬼阿仔清晒。點咗唔同嘅牛，當然一分錢一分貨，牛肋最貴當然最好食。上檯時見到好厚切，雪花均勻，顏色尚算新鮮。醃得好稔，老公好鍾意。另外，其實我2個仔囡係飯桶，所以臨尾叫咗個石頭飯俾佢地食。不過佢地咁細個唔係好識分好唔好味，最緊要飽。呢餐出尖沙咀食飯係有啲貴成千蚊，但阿囡生日食得開心我就開心喇！

同朋友諗咗好耐都唔知食乜，最後嚟咗呢間試環境唔錯，坐得舒服覺得嘢食嘅份量好似太少，我哋6個人，每人幾啖就冇哂呢個泡菜煎餅其實味道冇咩特別，叫做可以有啲飽肚嘅作用燒雪花牛肉都係正路，唔算有咩特別，反而我覺得烤豬肉更加好食（掛住食唔記得影） 呢個芝士雞幾正，因為我鍾意食芝士，又鍾意食雞，所以呢個我鍾意！而且辣辣地幾有味道本來諗住嗌部隊鍋，但要$300，於是叫左呢個年榚鍋（$198），平$100，但我覺得除左啲年榚之外，其他都係得菜，同少少麵，覺得唔係咁抵食，寧願叫多碟燒肉仲好總括而言，如果要食得飽都唔平，覺得食燒肉比較飽，我諗都係韓燒會岩我食啲 but 可以一試！

因為想食韓燒, 又唔想比時間局限,我地5個人點左下面既食物,首先六碟前菜, 泡菜很好吃！但乜唔係有９碟嫁咩？炒粉絲我覺得很好吃, 不過朋友覺得麻麻。牛舌就OK,特級肥牛都唔錯。人參雞湯和石頭鍋飯就一般左D啦,而且飯量好似少左DD,大食人士注意。海鮮薄餅好大塊, 餅身很厚, 海鮮亦有好多, 好唔錯！而我想推介既係醃左的大牛排骨！！真係超級！肉質好嫩, 而且好入味。吃完之後仲有糖水送, 好似有ＤＤ薑味, 食左咁多燒肉, 再喝呢個糖水真係好正！呢到Ｄ待應服務都OK,　而且係到韓燒完身上都無果種好難散既燒肉味, GOOD！唯一缺點就係個地下有少少滑，小心Ｄ就得啦!今次主要都係試下大眾野，下次會再黎試下其他，希望下次試果Ｄ都可以保持水準！！

忽然癮起想食唔係韓燒既韓國菜，經過美麗華就來左 lee 間試下。唔試由自可，一試把鬼火中伏既就係佢啦，人參雞湯。我去食韓國菜通常都會點來食，一般都唔會做得好差。Lee 間成功挑戰到我底線：隻雞又老又柴唔在講，最難頂係個湯好似溝左熱水咁淡過鬼，唔好話參味雞味，我差D紅棗味都飲唔出 Orz唉。又公道D，其實除左個人參雞之外既野都唔錯既：個泡菜煎餅就幾好，個邊脆個心軟，泡菜味唔會遮左個餅本分既麵香，食落仲有種蔥油餅既香氣，幾特別。朋友同我都覺得煎餅個汁點左反而過咸，唔點就咁食已經好夠味了。拌冷蕎麥麵啱曬夏天，入口好爽仲有大量既蔬菜。夏天個人熱到無乜胃口個時真係救星。個汁食個下唔多辣，但係慢慢會有道嗆勁反攻上喉，小人怕辣覺得有點辛苦，但係不損佢整體俾我既好感。食韓國菜最開心就係有好多前菜食，lee 度每樣都整得唔錯，好開胃。整體而言，我點既大部分野食都係好食既，不過就係因為咁個人參雞俾我反差感好大。環境好寬敞，服務都好好，可以見到有韓國人都來食。不過當然價錢唔會相宜，佢既食物又唔係話好食到點，性價比就一般般啦。

深圳朋友到港旅遊順便帶她們食韓國菜,可能是平日不用排隊,全店大部份服務員都是說韓語,朋友看完菜牌話非常貴,實質我們5个人賣單共$1600元,不太貴,而且餸菜份量剛好,牛肉窩最美味!