新泰東南亞餐廳 (馬鞍山廣場)

今日同屋企人嚟馬鞍山食晚飯，喺馬鞍山廣場兜咗個圈，最後決定試吓呢間泰菜。由於時間尚早，初初都唔太多人，但坐吓坐吓好快就全場爆滿。好鍾意餐廳嘅環境，佈置精緻，座位寬敞，坐得幾舒服。Menu有好多食物都好吸引，樣樣都想試，最後忍唔住點咗好多嘢食。泰式柚子蝦沙律有好多柚子肉，好甜，再加埋個酸辣汁好好食。裏面仲有蝦同魷魚，亦有腰果洋蔥等，味道口感都非常豐富。香芒軟殼蟹米紙卷米紙卷比想像中大份，非常足料。每一件都包裹住清新嘅芒果，生菜甘筍絲，亦有脆卜卜嘅軟殼蟹，清新美味。串燒沙嗲 雞牛豬總共有6串，雞牛豬每款兩串。啖啖肉，沙嗲醬好香花生味。泰式蝦炒金邊粉金邊粉賣相好靚。有幾隻好大隻，又煎得好香嘅蝦。金邊粉味道酸酸地，口感煙靭，好好食。泰式甜品小拚盆甜品拼盤總共有四款糕點，每款兩件，各有特色。我特別鍾意粉紅色嗰件，充滿清甜椰青味又爽口，仲有綠色嗰件，好香斑斕味，口感煙靭。…查看更多

傍晚與友人在舒適的環境中開啟一場東南亞風味之旅。泰式柚子蝦沙律~清新驚艷，飽滿的蝦肉彈牙鮮甜，與清甜的柚子肉交織，魚露的鹹鮮、檸檬汁的酸爽與辣椒的微辛層層推進，瞬間喚醒味蕾。馬拉盞炒通菜~ 鑊氣十足，通菜翠綠爽脆，馬拉盞的鹹香與蝦米碎均勻包裹，濃郁惹味卻不油膩，盡顯地道功力。鍋巴牛肉~創意十足，酥脆金黃的鍋巴蘸上濃郁香料的巴東牛肉，半脆半軟的口感有趣，牛肉嫩滑且味道平衡。日本南瓜焗海鮮飯~南瓜盅蒸烤後綿密甘甜，海鮮飯用上微辣紅咖哩汁及芝士烘焗，大蝦、青口與魷魚鮮美飽滿，燉飯吸盡南瓜與海鮮精華。飲品中 薄荷梳打 冰涼沁爽，薄荷天然清香化解膩感凍咖啡 醇厚順口，甜度適中。整體菜式豐富、風味地道，雖價位中上，但品質對得起價格，應是區內泰菜愛好者的優質選擇。…查看更多

以前喺馬鞍山返工，已經食過一次覺得好好食👍🏻時間六、七年，再食返都係咁好味😻今次同幾個朋友仔一齊食唔係叫咗好多嘢叫咗生菜包、串燒、軟殼蟹咖喱包、炒金邊粉喺我心目中第一位係生菜包因為唔食得辣，叫咗超級小辣🤏🏻味道啱啱好，少少辣得來超惹味🤣串燒豬牛雞，三樣都好好食！全部都唔老(我覺得已經好難得)之後係軟殼蟹咖喱包，呢個真係超級飽🤣🤣 佢哋嘅咖喱，係好結同啲蛋撈勻晒嗰啲如果可以有少少辣就更加好最後炒金邊粉，可能之前食咗好多濃味嘢，覺得金邊粉有少少淡口咗啲終結嚟講全部都唔錯，下次嚟馬鞍山又可以再食過😝…查看更多

馬鞍山的「新泰」泰式餐廳，以簡約而富泰國風情的佈置吸引眼球，木製傢俱配上綠色植物點綴，營造出悠閒舒適的用餐氛圍，侍應的衣著亦很colorful，而且笑容滿面，態度親切。前菜方面，泰式柚子蝦沙律酸甜開胃，柚子既清香與新鮮既大蝦完美融合；肉碎生菜包則口感爽脆，肉香濃郁，令人一試難忘。主菜方面，泰式菠蘿炒飯色香味俱全，菠蘿既果香與炒飯既鹹香互相平衡，配料非常豐富。甜品方面，芒果糯米飯係食泰菜必點之一，黑白糯米飯軟糯香甜，芒果新鮮多汁，椰漿令更整體添層次。飲品方面，咸檸檬七喜清爽解膩，凍檸檬茶則茶味濃郁，檸檬香氣十足，為整頓泰式盛宴畫上完美句號。總結，餐廳不論食物質素或服務都令人十分滿意，是馬鞍山區值得推薦的泰國餐廳之選。…查看更多

疫情後成班大同都少見左，終於約到一齊食餐晚飯。Home Warming完就去附近食晚飯。呢間餐廳都好耐冇食，對上一次應該係試去新嗰間分店。先嚟個串燒，而家好多舖頭都冇咁大串，變到好似啲中式串燒咁細細串咁但係呢度都有返咁上下份量。生菜包，d豬肉唔會太辣啱啱好。比較驚喜係個豬頸肉同埋個蝦餅，個蝦餅新鮮熱辣有單啦，個豬肉都燒得幾焦香。媽媽。燒牛肉呢個最開頭嗰幾個就熟咗啲，食到中間就差唔多係我要求嘅medium rare。金邊粉都係正常發揮，唔會黐埋一嚿嚿。不過後來同學加嘅豬肋骨就普通咗少少。不過整體表現都正常。…查看更多

很喜歡這間東南亞餐廳，每次進入，彷彿瞬間被捲入一場味蕾的南洋盛宴。首道「麵包焘咖喱軟殼蟹」驚豔登場，金黃酥脆的軟殼蟹浸潤在濃郁椰香咖喱中，手撕麵包蘸吸醬汁的瞬間，鹹香與辛辣在齒間交融，堪稱靈魂搭配。「飛天通菜」鑊氣十足，蝦醬的濃烈鮮鹹包裹著爽脆通菜，每口都是熱帶街頭的煙火氣息。鐵板蠔仔煎蛋上桌時滋滋作響，蛋緣焦香酥脆，肥嫩蠔仔如珍珠散落，蘸上魚露更顯鮮甜。壓軸的「芒果糯米飯」以三色糯米築成甜品高塔，熟成芒果切片如夕陽般燦爛，淋上椰漿後，糯米的溫熱與芒果的冰涼在舌尖共舞，為這場饗宴畫下甜而不膩的句點。四道菜猶如東南亞味覺縮影，飽滿層次令人回味無窮，值得專程為此奔赴一場碳水與辛香料的熱帶之旅。…查看更多

馬鞍山好值得去的泰國菜，環境裝修舒服 座位寬敞，菜式選擇多，蝦餅即叫即炸夠彈牙份量夠多必食的一個菜式，芒果沙冰 用好多芒果蓉去製作一杯沙冰好夠香，泰式奶茶夠滑夠濃，舖頭地點可能比較難搵…查看更多

新泰東南亞餐廳的尖沙咀，灣仔的分店都試過，水準唔錯，今次同朋友收工近馬鞍山，二話不說，再黎新泰試吓。餐廳係馬鞍山廣場角落的位置，環境好舒適，座位都好闊落，有木元素同植物裝飾增添泰式氣息，整體氛圍適合同朋友傾計小聚。香芒軟殼蟹米紙卷（$98）幾清新，外皮薄滑，芒果唔會酸，點埋酸甜汁好開胃，有軟、硬、甜、酸幾個層次。冬蔭功（$98）嘅湯底濃郁，唔會太過辣或刺喉，微微酸香，內有成隻大蝦，唔太油膩。泰式菠蘿炒飯（$138）份量足，炒到粒粒分明，配埋肉鬆腰果，味道剛剛好。芒果糯米飯（$78）一半糯米，一半黑糯米，椰奶香濃，芒果都新鮮，甜度適中，永遠係泰式餐廳必食甜品。整體來說，餐廳係馬鞍山廣場的好選擇， 環境舒適，質素保持到！…查看更多

今天，我和老公終於來到了夢寐以求的馬鞍山廣場內的新泰東南亞餐廳。走進餐廳的瞬間，濃厚的泰國風情迎面而來，讓人如同置身於泰國的街頭。鮮豔的色彩和傳統的裝飾品交織在一起，讓整個空間充滿了活力與熱情，令人心情愉悅。我們迫不及待地點了幾道招牌菜。首先上桌的是泰式干炒牛河。這道菜的河粉炒得恰到好處，Q彈的口感和嫩滑的牛肉完美融合，搭配新鮮的蔬菜，味道濃郁，令人陶醉。每一口都像是在品味著泰國的街頭美食，讓我忍不住想要再來一碗。接著是泰式明爐魚，選用的新鮮鱸魚外脆內嫩，肉質鮮美，搭配特製的醬汁，讓整道菜風味更加出色。魚的香氣和醬汁的濃郁交織在一起，彷彿在舌尖上跳舞，令人陶醉於這樣的美味。然後，我們品嘗了泰式去骨海南雞。這道菜的雞肉經過精心處理，鮮嫩多汁，搭配香滑的醬料，口感讓人回味無窮。每一口都是一種享受，彷彿在感受泰國的陽光與熱情，讓人心中倍感溫暖。最後，我們來到了豬肉碎生菜包。這道菜別具一格，生菜包裹著香氣四溢的豬肉碎，清爽可口，特別適合在這樣的天氣享用。生菜的清新感與豬肉的豐富口感相得益彰，讓我不禁一口接一口。整體而言，新泰東南亞餐廳不僅提供了美味的泰國料理，還有友好的服務，讓我們的用餐體驗更加愉快。服務生的熱情態度讓我們感到如同回到家中，隨時關心著我們的需求，讓這次的用餐變得更加完美。如果你對泰國料理情有獨鍾，這裡絕對是一個值得一試的好去處。每一道菜都如同一段小故事，讓我們在美食中感受到泰國的熱情與文化，讓人流連忘返。…查看更多

好耐冇同屋企人出去食晚飯，細妹提議食泰菜馬鞍山泰菜有兩間喺555同新泰，梗係選新泰叫咗五碟菜:分別係泰式明爐魚，蜜糖燒排骨，飛天通菜，軟殼蟹米子卷，菠蘿炒飯。估唔到菠蘿炒飯炒得咁乾身，平時出面食嘅都係好濕，但係今次炒得鹹淡得宜🥰而家個菠蘿好大個好打卡飛天通菜有少少辣，炒得好惹味，而且唔算好老。芒果軟殼蟹米子卷本身擔心芒果會酸，但係竟然幾甜😍😍絕對加分，而且軟殼蟹脆身，點甜酸醬食非常清新。雖然呢碟燒排骨唔平，但餐廳無燒燶，而家排骨就算唔點醬都好入味，好好食。點左醬又係另一個口味，而家燒得唔老亦唔會鞋口。值得下次再叫。但份糧就少啲，得四舊，但碟排骨都唔平，百幾蚊。整體覺得呢間泰菜比以前好食，唔怪得星期二晚肆都大致有坐滿餐廳入面。…查看更多

最近好想飛去泰國放鬆吓，但暫時去唔到，唯有食一餐泰國菜止癮！今次去嘅餐廳環境充滿東南亞情懷，牆上嘅泰國裝飾、木系傢俬同柔和燈光，營造出一個好放鬆嘅氛圍。雖然係商場內，但餐廳寬敞明亮，座位安排舒適，唔會覺得擠迫。熱辣辣嘅菜式上枱時，伴隨住陣陣香氣，令人感覺好似身處泰國街頭，特別適合想止泰國癮嘅人。今次我叫左3樣嘢食，包括串燒拼盤，柚子大蝦沙律，鹹魚炒芥蘭及芒果沙冰串燒拼盤
串燒拼盤一上枱，熱辣辣嘅煙霧撲鼻，望落已經好吸引！雞豬牛各兩串，每款肉都新鮮彈牙，雞肉嫩滑帶有淡淡嘅香料味，豬肉肥瘦適中，牛肉則多汁又唔韌。烤得外脆內嫩，配上沙嗲醬，辣中帶甜，食落去好有泰國街頭小食嘅感覺。新鮮食材上枱時仲熱騰騰，絕對係一個好開胃嘅開始。柚子大蝦沙律
呢道沙律係夏日嘅清新之選！大蝦彈牙鮮甜，配上酸酸甜甜嘅柚子肉，同埋新鮮蔬菜同香草，味道層次豐富。醬汁微辣開胃，食落去解膩又爽口，完全感受到東南亞菜嘅熱帶風味。食材新鮮到爆，上枱時仲係涼浸浸，作為主菜前嘅調劑真係一流。鹹魚炒芥蘭
鹹魚炒芥蘭簡單但夠鑊氣！芥蘭脆口多汁，炒得嫩綠唔老，配上香脆嘅鹹魚碎，鹹香撲鼻，每啖都係東南亞家常菜嘅經典滋味。熱辣辣上枱，芥蘭吸收咗鹹魚嘅精華，食落去好有滿足感，唔會太油膩，係一個好配飯嘅菜式。芒果沙冰
甜品芒果沙冰係完美嘅收尾！芒果新鮮甜美，沙冰幼滑細膩，入口冰涼涼，帶有濃郁嘅芒果香氣。加咗少少椰奶，味道更Creamy，食落去好似喺泰國海灘歎雪糕咁過癮。呢個甜品新鮮又解渴，為呢餐畫上一個清新嘅句號。…查看更多

曾於灣仔的新泰餐廳食過，所以相約朋友時，小人滿有信心地提議到分店共晉午餐。泰式春卷不單止非熱且硬，像是炸起擱了一段時間似的；本身沒甚麼味道，全靠那碟甜醬。中間塞了甚麼料亦只能靠估，好像有些木耳、豬肉、粉絲之類，真真正正的食而不知其味。泰式炒雜菜就對辦得多。雜菜包括西蘭花、椰菜花、泰式芥蘭、甘荀與蘑菇等等，炒得有鑊氣，蒜蓉的香味邊食邊透，況且調味恰到好處，清爽味美。咖哩的選擇是馬沙文牛腩。小人先試一口咖哩汁，即發現比起第一次食的欠缺了香料的層次，單薄得多！牛腩是腍的，洋蔥和薯仔卻都太甜。烤餅中規中矩，沾咖哩汁之餘要加魚露。朋友未試過泰式鴨肉包生菜，故此叫來一客。未食我們皆已經覺得超級碎，誰知一食入口，竟然辣到跳舞！辣味完全蓋過全部鴨肉的調味、香草的味道，結果我們不能完成這碟！無比較、無傷害，落差實在太極端了！…查看更多

今次喺馬鞍山新泰東南亞餐廳呢度都係食啲泰國元素，例如冬蔭功吖，串燒吖... 但係又有些少唔同嘅，例如唔係完全的冬蔭功，而係冬蔭功+海鲜金邊粉，湯飲得，金邊粉又食得👍，串燒就係更加地道的泰國街邊豬肉串，有街邊風味。見啲待應都係泰國人居多，但當然唔使擔心，佢哋的廣東話溝通完全冇問題嘅。“泰式濕炒海鮮河”好大碟，有大蝦，有青口，有魷魚，有芥蘭，有包菜，有菇菇，份量多，濕濕哋，好易入口，真係好唔錯；“冬蔭功海鮮金邊粉”亦都同樣大碗，唔少得的彈牙大蝦，仲有两隻新鮮大隻青口，魷魚鬚，鐘意呀，啲材料同濕炒海鮮河差唔多，但係唔同嘅口味，各有特色各自各精彩。“街邊豬肉串”够晒入味，肉汁juice，滿口肉香好滋味；而作為甜品嘅“原個椰青大菜糕”似乎係“新泰”特有，第二度唔多見，享受椰汁的清甜味道，椰肉的質感，還有索晒椰香的大菜糕，多重享受，不可多得，下次來必定再試。…查看更多

新泰（馬鞍山）一次令人極度失望嘅泰菜體驗今次幫襯呢間泰國餐廳真係大失所望，每道菜都充滿槽點，完全冇泰國菜應有嘅風味同水準。 肉碎生菜包（$88）肉碎乾爭爭，調味極淡，得個辣字，食落似隔夜翻炒嘅貨色。所謂「走辣」都仲係好辣，連基本嘅香茅、魚露香氣都欠奉，同正宗泰式生菜包完全冇得比。 鐵板蠔仔炒蛋（$118）上枱時鐵板脹卜卜，以為好足料， 原來都係蛋下的芽菜置高。蛋炒得過老，又油淋淋，食落膩到反胃。所謂「蠓仔」完全冇鑊氣，味道淡而無味，只有油膩感。 泰式蝦炒金邊粉（$118） 從來最鍾意食嘅pad thai 今次絕對大失所望，好少會唔好食嘅。呢碟係完全無味，金邊粉炒到一嚿嚿，黐埋一齊，蝦肉少，配料少得可憐，連基本嘅花生碎同青檸都俾得吝嗇，整體求其到極。 食物難食已經夠絕望，再收加1服務費，人均$179.5嘅價錢，換來咁嘅質素，絕對唔會再返轉頭！ 一路食一路有蚊子飛來飛去。總結由食材到烹調都馬虎了事，完全唔值呢個價錢。如果想食正宗泰國菜，呢間絕對係地雷！ …查看更多

泰式乾炒牛河 份量唔少，炒得夠鍋氣。河粉條條分明且滑溜彈牙，牛肉幾新鮮，鮮嫩多汁。加入好多蘿蔔、菜心、豆芽增添咗清脆嘅口感，仲有少少炒蛋碎，整體味道甜甜的，相當豐富。泰式蝦醬炒飯 炒飯炒得乾身，炒飯粒粒分明，經香氣十足，蝦醬係呢碟炒飯嘅精髓所在，濃郁嘅海鮮香氣滲透喺每粒米之間，鹹中帶甜嘅獨特味道。材料相當多，有好多類似臘腸，豆角，加入咗鮮甜蝦仁，彈牙爽口，再配上嫩滑嘅蛋絲同翠綠嘅蔬菜，仲有好多嘅煎蛋絲。旁邊仲有腰果仁同肉鬆，可以自行加上。…查看更多