新泰東南亞餐廳 (馬鞍山廣場)

疫情後成班大同都少見左，終於約到一齊食餐晚飯。Home Warming完就去附近食晚飯。呢間餐廳都好耐冇食，對上一次應該係試去新嗰間分店。先嚟個串燒，而家好多舖頭都冇咁大串，變到好似啲中式串燒咁細細串咁但係呢度都有返咁上下份量。生菜包，d豬肉唔會太辣啱啱好。比較驚喜係個豬頸肉同埋個蝦餅，個蝦餅新鮮熱辣有單啦，個豬肉都燒得幾焦香。媽媽。燒牛肉呢個最開頭嗰幾個就熟咗啲，食到中間就差唔多係我要求嘅medium rare。金邊粉都係正常發揮，唔會黐埋一嚿嚿。不過後來同學加嘅豬肋骨就普通咗少少。不過整體表現都正常。

1