新明苑園林海鮮酒家

营业中

休息中

昨晚一家人去錦繡花園探姑姐兼提早食團年飯 (下星期去泰國過一個熱辣辣嘅新年), 姑姐帶左我地黎新明苑dinner. 去到門口見裝修幾特別, 外表古色古香. 入到去一樓客滿, 要上二樓, 地方算幾大. 睇下menu有好多選擇, 見有海鮮火鍋套餐但姑姐話團年叫小菜適合D, 這裡有好野介紹比我地試.第一味先上燒鵝, 好大隻, 好香, 食落好有鵝味. 無介紹錯!之後上义燒, 有跟要求比半肥瘦我地, 肥瘦一間間, 食落彈牙.跟住黎左個特別餸, 叫焦糖金磚咖啡骨, 個金磚(炸豆腐)外脆內軟, 個骨甜甜地帶點咖啡味, 幾得意喎.再黎係羊腩煲, 見好多枱都有叫, 足料炮製, 有支竹, 冬茹, 筍, 馬蹄….,主角當然係羊, 夠淋夠入味, 帶點蘇. 跟住又黎個唔知咩餸, 姑姐話叫秋葵七味磨菇豬爽肉, 幾香口. (佢話仲有好多特別餸菜, 話一次試唔晒)最後叫埋個巨型梳乎厘做甜品, 大滿足~ 我地8個人食到飽飽又燒鵝又羊腩煲先$1400有找樣樣餸都好食, 我住原朗過黎好近, 過完年會再黎encore.

之前揸車經過幾次見佢好大個招牌. 今次就同屋企人黎試下, 停車場就在旁邊, 好方便(免費). 平日晚黎到都算幾旺場.都未坐底, 就聞到陣好香嘅燒鵝味, 原來伙記剛好在我身邊經過傳緊菜. 我不禁講左句: 好香喎! 有個部長聽到我講, 就話: 係呀, 隻鵝新鮮出爐. 啱嘅幫你留隻, 之後下一爐要等40分鐘. 真係無諗過夜晚都仲有出爐燒鵝食.燒鵝皇$438 – 一上枱我真係流晒口水, 好香好香, 食落好有鵝味. 正! (好大隻, 最後食唔曬要打包)支竹羊腩煲$298(包菜) – 我嘅冬日至愛, 份量十足, 比平時其他酒樓食開的都要多. 煮得夠腍, 帶點羶味, 巧正!波士頓龍蝦伊麵$168 – 龍蝦中規中矩, 反而個芝士味好出, 識食當然係食個伊麵底 脆皮牛坑腩(唔記得幾錢) – 見幾特別就叫黎試下, 有驚喜, 牛味濃, 坑腩一層一層, 外脆內軟. 我仲搞搞震去點羊腩煲嘅汁食(Sorry, 我實在太愛羊腩煲)鮮菠羅咕嚕肉$98 – 已經好多肉, 但媽咪每次出街食飯都要叫, 因為屋企煮唔到呢味餸. 味道酸甜適中, 軟身好好咬, 口感有d似豬頸肉, 菠羅肉都好好食.最後甜品係巨型梳乎厘同埋榴槤天鵝

來吃過很多次晚市，食物質素 中規中矩 但係都冇衝動去寫食評😆  今天不是公眾假期 星期六日， 巧合去咗飲茶～進入大廳便聞到好香章魚味～ 飢詩家叔叔是彪形大漢 ， 凳都未座暖 就乖巧地搬來幾碗例湯 😊 原來平日的午市是 免費任飲例湯！🤩 如此奇招的確吸引了很多附近的地盤工友 👍🏻 此例湯章魚香氣四溢，雖則好淡冇乜味😆，但飢詩覺得好窩心，由其是大漢們平時冇乜湯水 😚忽然廣播～有煲仔飯食～ 個煲都算是不細。 煲仔飯鬆軟～ 上面重疊咗好多菜 😁脆皮煎腸粉～ 煎得香脆 份量足酥皮炸春捲～ 外皮很脆 蝦餡比較少豆蒜虎皮青椒 $38～ 量好多～ 大滿足🤩鮮竹卷～ 食到腐竹嘅甜 而且很大卷 👍🏻😘飢 point : 7 / 10#hungermarch #飢詩 #非飢詩

錦繡花園嗰頭有幾間低調嘅餐廳選擇。半年前左座，開咗一間幾似樣嘅酒樓（其實好幾年前嗰個位都係做酒樓，但係做唔住執咗）。除咗地方大之外，仲喺門口放咗兩三個單車泊架，如果喺元朗踩車可以考慮。即使係禮拜六，佢仍然有供應午市套餐。一碟碟頭飯或燒味飯連茶芥加一約$50。以環境同質素計係物有所值。叉燒飯，用半肥瘦叉燒到有少少燶邊，蜜汁甜美，豬肉有肉香。配上嘅甜豉油亦非常下飯。燒汁焗雞扒飯，飯底有炒香，燒汁味道香濃，有心機。

工作中午餐，去呢間新開酒樓食，地方新裝修，乾淨企理，有停車位，我哋人多上一樓，一樓比較靜，一張大枱，店員幫我哋加轉盤！（方便好多）點心麵係大路點心！落單後陸續到！茶位（$8）店員勤快加熱水！茶葉比得幾多，茶味幾濃酥炸魷魚鬚🦑（$48）炸得金黃，炸漿薄，魷魚腳有咬口，好味韭菜豬紅（$38）豬紅好易散！韭菜我唔食白果胡椒豬肚（$42)鹹菜煲得太爛，豬肚有點老！一般一口酥豆腐（$38）呢個好好味，豆腐嫩滑，外層炸漿薄脆，灑上味粉！好味海蜇拉燻蹄（$58）海蜇有啲韌，唔夠爽口，麻油汁又唔香，燻蹄無食拍青瓜（$28）青瓜皮有啲韌，唔夠爽，醋汁入味，酸爽開胃陳皮牛肉球（$15/中）牛肉嫩滑，馬蹄爽脆！喼汁酸爽開胃！薑汁雞包仔（$15/中）包鬆軟，雞肉餡滑身唔乾古法馬拉榚（$18/中）鬆軟甜美，好味潮州粉果仔（$18/中）比平時嘅細粒，所以一籠4粒，皮煙韌，餡花生脆，沙葛爽！幾好鮑汁叉燒包（$22/中）無食豉汁蒸鳳爪（$22/中）鳳爪炆得入味，骨肉分離，好味蜜汁叉燒腸（$18/大）無食白灼生菜（$18/大）生菜爽脆，醬汁分上，幾好流心奶黃包（$26/大）無食原隻鮮蝦腸（$30/特）腸粉滑，蝦肉爽口，

啫啫通菜煲$68入面有好多蝦乾同魚乾，整得好惹味，讚鼓汁蒸鱔$138應該將近有一斤，真係估唔到有咁大碟！阿媽話呢度d鱔肉質特別爽口，比起佢係街市買既肉質靚，好抵食。清蒸沙巴仔 - $98size同其他酒樓差唔多大，但係呢度d魚肉質都比較結實，唔知係咪好呢？味道都唔錯，魚都好新鮮。可能因為個餐牌寫到d鼓油係特別古法烹調，對佢期望好高，可惜最後都係普通既味道所以有d失望啦三個人埋單407，仲有糖水送，抵啦

元朗錦繡花園新明苑重新裝修，環境優美，方便揸車人士泊車四個大人一位小朋友慶祝父親節，服務員比較年長，感覺親切！服務唔錯海皇豆腐羹。豆腐海鮮清甜 ，清清地好好味黃金海生蝦。大細適中的海蝦，賣相唔錯，炸至外殼香脆，可惜海蝦鮮味完全冇，超淡味道鮮菠蘿拔絲咕嚕肉。¼個菠蘿龍舟船仔裝飾，酸度剛好，而且每一件咕嚕肉都能微微帶出拔絲的效果。咕嚕肉雖然每件大小都不一樣，也不會超出一口一件的份量。正清蒸沙巴仔。肉質潔白，新鮮鱼鮮味, 火喉較得剛好，越吃越滋味招牌文昌雞。香濃的雞汁，一口咬下去，肉質嫩滑，好味涼拌蒜蓉青瓜。一道老少咸宜的開胃小菜，不管餐前或吃飯時食用，都是非常醒胃過隱，那種開胃的感覺真好！重有飯後甜品紅豆沙

星期日，飲茶日，熟悉的人、點心、酒樓……新明苑，飯堂之一叉燒油雞脾雙拼飯 $49 🍗🍗 必食飯盒價錢，酒樓味道！半肥瘦叉燒拼油脾 ，叉燒鬆軟，油脾靚仔，超抵食！黑椒牛仔骨用上菠蘿作配菜，菠蘿的酵素有助牛肉變腍，酸味跟牛肉亦相當配合制作認真。美中不足的係午市要搭枱，但平靚正，人多就必然，真正有辣有唔辣！😂😂😂

裝修了幾個月變了集團式的酒樓，試下！首先，1月1日人比較多，所以需要拎飛等候，但劃位的資客叫我等等，沒有派飛比我，我等了超過5分鐘，但她仍然沒有派飛給我，然後有其他人問佢攞飛，竟然立即派飛俾其他人，場面非常混亂。食物方面，不是太差，燒臘雙拼飯非常大碗抵食，其他點心都是即叫即蒸，比附近的酒樓好小小！但是以往舊酒樓的停車場好似已經冇咗，泊車可能不方便！不知道是不是因為1月1日，當日只有搭枱，不知道平時可否安排不搭枱！有機會會去嚐試晚餐！

裝修左幾個月終於開張，襯今日假期去試下。大約一點半到，無乜人等，大約五分鐘有位。叫左四個點心，一碟炒飯，一碟菜。最先上檯既係碟炒芥蘭，不過不失，份量偏細。不過佢由炒完到上檯都一段時間，食落口係涼浸浸，完全唔熱。 6/10 分。跟住上碟腸粉，又係凍冰冰，叉燒少得可憐，腸粉皮厚到呢。5/10 分。跟住炒飯，味道還可以，不過好似炒完成個鐘先拎黎咁凍，大打折扣 。 6/10 分。然後上碟蒸排骨，味道可以， 7/10 分。跟住呢，等呀等呀等呀，等左成半個鐘，追左十次八次，蝦餃同鳳爪都無影，頂唔順鳥，連點心都上得咁慢，服左佢。要知道天寒起凍去酒樓食個午飯，如果碟碟野都凍到雪條咁，咁我不如食三文治啦仲三份二添，今日五樣野埋單 $255，唔算平。如果你唔係門口有幾個抄牌位，睇怕捱唔到三個月。結論係，唔會再黎，寧願遠少少去元朗食，再見喇。

等咗一段時間終於係12月開啦！本身影咗餐牌，食物相但唔知點解手機 upload 唔到。唯有口術住先啦！好在呢個假期都應該會幫襯幾次早上十點幾到聖誕節一早就爆啦！裝修後擺枱少咗，員工制服整齊咗，餐具都新淨咗整體感覺都不錯啊！食物呢，點心類，牛肉球細咗，奶皇包大咗擺盤精緻咗，味道適中啦！唔會過鹹！千層糕就覺得有啲失色，太甜啦！奶皇分怖唔夠平均。。。。。。而甜品都有特別款式，像形天鵝酥，可以吃的花瓶不過今次就未試到，下次有機會先啦！