新明苑園林海鮮酒家

因為打錯酒樓名，所以搵到呢間茶樓，將錯就錯就入嚟試一試。亮點一：免費停車場在側邊亮點二：地方闊落亮點三：點心一次過上齊，熱辣辣。亮點四： 近11點時段，有自助例湯今日三人試食、點了大眾化點心，餐牌講明係手工點心，目測都似係手作。這裡的點心籠很大，感覺上點心都似係大件啲。蝦餃真材實料，粉菓很實在，馬蹄花生餡料脹卜卜。比較讚嘅係脆皮糯米雞，把糯米煎香，食落去又脆又糯。飯腳感到性價比高. 的確係性價比高，因為每人除開都只不過係$100到。難怪9成滿座。…查看更多

每逢假期都會山長水遠揸車入去元朗飲茶為既就係燒味飯同埋手工點心係唔係預製菜 食開既懂的都懂 蜜汁叉燒包    -用返自家製嘅叉燒 包皮夠晒鬆軟餡料嘅蜜汁香甜，叉燒肥瘦勻循山竹牛肉    -牛肉球夠彈牙，馬蹄碎爽口鴨腳扎    -鴨腳炆得夠腍滑入味，個扎仲有魚肚同芋頭吸晒啲精華蒜香蒸排骨    -排骨肥瘦勻循，蒸出嚟啲肉汁鎖得住蒜蓉豆豉嘅鹹香完全滲入排骨裡面燒汁茄子    -茄子炸到外皮微脆，入面軟腍入味魚肉完全吸收晒啲燒汁鮮蝦燒賣皇    -豬肉同蝦仁比例啱啱好，咬落爽口彈牙仲有冬菇蟹籽增加口感脆皮糯米雞    -外皮真係脆到咔嚓聲，入面嘅糯米飯軟糯香綿包裹住入味嘅雞肉同餡料燒味雙拼飯    -碟頭夠大份，叉燒半肥瘦，蜜汁香甜仲帶少少焦香正！燒鵝皮脆肉嫩，鵝油香滿溢撈埋啲醬油同熱辣辣白飯一齊食，真係無得頂…查看更多

👍🏼👍🏼👍🏼👍🏼叉燒腸粉好滑 叉燒略嫌少咗啲啲👍🏼👍🏼👍🏼👍🏼炸兩腸粉 個皮又係好滑 👍🏼👍🏼椰汁白兔仔一般般 椰汁味不夠重 實咗少少 👍🏼👍🏼👍🏼👍🏼👍🏼 十分推介黑椒豬大腸好多地方冇得食呢度整得好好食 連啲酸菜都甜甜地嘅唔會死鹹 黑椒汁味超濃入味 （每次都係為呢款嘢食以來）👍🏼👍🏼👍🏼👍🏼炸鮮奶卷個皮超鬆脆 即炸的👍🏼👍🏼👍🏼👍🏼蝦餃👍🏼👍🏼👍🏼韭菜蝦餅 油咗啲，但係佢係用蝦肉加韭菜啲邊係脆炸 😿雪山叉燒包個面唔脆 亦都不夠鬆軟叉燒味道一般般般 👍🏼👍🏼👍🏼蘿蔔糕，普普通通正常👍🏼👍🏼👍🏼👍🏼👍🏼馬蹄糕 唔會好甜 佢嘅甜度教得啱啱好 軟硬度非常好 熱熱地嘅好好食 雖然環境冇外面啲貴價靚酒樓咁好，但係佢平均啲點心都唔錯 佢有部份款式係出邊冇嘅 所以間唔中會嚟食吓 以食物質素嚟講同價錢性價比高…查看更多

酒樓位於錦繡花園附近，交通不怎方便，比較適合自駕人士。沒有停車場，車子就拍在路旁。不過到了週末假日，路邊都會泊滿車。酒樓人氣旺盛，平日午飯時間都會滿座，週末假日更加要等位。人流旺盛，食物質素絕對有保證！酒樓提供很多傳統點心選擇，食物質素不錯！燒賣新鮮彈牙！蝦餃有筍絲，屬於傳統的好味道！腸粉淋滑有米香！感覺不似預製點心。而且份量頗大，性價比不錯。…查看更多

週末清晨穿過錦繡花園大道的林蔭街道，B24A舖前懸掛的紅底金漆招牌格外醒目。這家開業多年的新明苑園林海鮮酒家，保留著老派茶樓的市井韻味——推開玻璃門的瞬間，蒸籠白煙混著普洱陳香撲面而來，圓桌旁銀髮茶客執報閒談，白袍點心姨姨推著鐵皮餐車穿梭，時光彷彿凝結在九十年代的港式飲茶光景。**蝦餃燒賣｜傳統手藝的極致考驗** 半透明澄皮包裹三顆碩大蝦仁，輕咬間脆彈鮮甜在唇齒迸發，師傅巧妙地添入少許筍丁提味，既保留傳統配方又化解膩感。燒賣皇頂端綴著金黃蟹籽，豬肉與蝦膠以黃金比例揉合，肉汁被鎖在薄而不破的雲吞皮內，蘸上自製辣椒油更顯層次。**叉燒腸粉｜滑嫩如綢的驚喜** 現拉腸粉皮薄得透光卻韌性十足，包裹著蜜汁叉燒粒與蔥花，淋上甜豉油時竟能保持酥脆口感。秘密在於叉燒選用梅頭肉部位，肥瘦相間卻不油膩，焦糖化表層與軟嫩腸粉形成絕妙對比。**山竹牛肉球｜陳皮香勾魂** 拳頭大小的牛肉球暗藏玄機，新鮮牛霖肉混入爽脆馬蹄粒，更撒入新會十年陳皮絲提香。輕沾少許喼汁送入口中，彈牙肉感與柑橘幽香在喉頭縈繞，搭配墊底吸飽肉汁的腐竹，堪稱神來之筆。推著點心車的阿姨笑說：「我們師傅凌晨四點就開始剁肉拌餡」，這份堅持成就每籠$28起的親民價格。人均不過百元就能飽嚐現做手工點心，在連鎖茶樓當道的時代，這份熨貼脾胃的古早味更顯珍貴。離座前別忘外帶兩盒馬拉糕，蓬鬆氣孔間透出的斑蘭葉香氣，將會是明日早餐最溫暖的延續。＊新明苑園林海鮮酒家＊ 📍錦綉花園大道B24A號地下 ⏳早茶時段6:30-11:30 💡推薦搭配：壽眉茶配懷舊沙翁…查看更多

初一當日喺酒樓嗌咗個八人盆菜返屋企食，有鮑魚，冬菇，蠔豉，瑤柱，燒鴨，蝦，油雞，魚腐，貢丸，已經第二年食呢間嘅盆菜，真係有質素，唔似其他盆菜咁個底淨係鋪滿蓮藕同蘿蔔，佢啲蓮藕紅蘿蔔都唔係好大嚿，所以上面嗰層啲料係特別多，味道都係好食嘅。…查看更多

去左間餐廳食下午茶，起身叫咗一輪香片茶同蝦餃、燒賣、腸粉等點心。來碟濃香片茶，先斟一杯暖笠笠嘅，畫開美妙旅程！🍵 蝦餃實在唔錯，果然冇令人失望，鮮蝦彈牙，薄皮爽口；燒賣蒸得啱啱好，肥嘟嘟嘅豬肉同菇好滋味。腸粉滑嫩得滑，蝦仔反彈得嚟，咬落去夠晒Q彈～ 意外之喜係嗰蒜蓉蝦春卷，出奇好食！輕輕一咬，蒜香四溢，蝦肉彈牙香口！當然，重頭戲係咕嚕肉。外皮脆得嚟唔油膩，裏面嘅肉滑溜溜，啖啖肉味，醬汁酸酸甜甜，真係「結」晒！🤤 你想點都想埋碟。另一邊，鱔魚粉果味道正宗，煎餅亦係又薄又香，少少肉末提味咁。咕嚕肉又香又脆，真係頂級享受😋，食個飽之餘仲要打包返屋企慢慢享受，呢度嘅食物真係香到飄三街！有得食，有得回味，相信日日都會掛住嗰種味！希望下次再試其他新嘢！…查看更多

呢間酒樓好近錦繡花園，揸車人士去酒樓食嘢旁邊有得免費泊車，好方便。我其實食過呢間酒樓幾次，質素好有保證👍🏻叉燒，燒鵝同菠蘿咕嚕肉係必食，差唔多次次都叫。今次我哋叫左個六人餐加菠蘿咕嚕肉同四川麻辣雞鍋。頭盤有個燒味拼盤，不過大家太肚餓，差唔多食晒先唔醒起要影相😂我都唔係個個餸有影🤪其實每味餸都唔差，菠蘿咕嚕肉，蒸魚同埋個炸子雞尤其好食，估唔到個雞做得咁好，好滑。如果要揀呢間酒樓做得比較遜色，我諗係甜品，最後佢有個好似蒸馬拉盞咁甜食，係呢樣麻麻地，比較淡啲。堂食食飯無叫餐都會有糖水送如果未賣哂，佢嘅糖水如紅豆沙，西米露都係偏淡，啱哂老人家😁…查看更多

同屋企人出黎食個點心飲個茶，錦繡花園出面呢間長期都好多人食，突特揸車入嚟試試去～價錢黎講呢間都幾平，我地叫左12款點心，總共$500左右，食到好飽😂整體CP值幾高，試得一試，會再encore👍🏻首先要推薦既係：燒賣，春卷，紫薯煎堆仔，流沙奶黃包。燒賣勁足料，足足有兩隻中型蝦仔，春卷炸得卜卜脆，加埋啲沙律醬，成個感覺昇華咗，紫薯煎堆仔甜度適中，香脆爽口，明顯係即炸，流沙奶黃包包體好軟熟，奶黃亦都好流心，但有少少甜。中般可食/唔食：腐皮卷，天鵝酥，沙礓雞腳，紅油抄手。腐皮卷好脆口，但食落感覺偏油。砂礓雞腳唔夠軟，不過份量幾多，都算抵食。天鵝酥酥皮做得好好脆，但由油膩味有啲重。紅油抄手中規中矩，冇乜特別。唔好食：蝦餃，香芒煎餅，蛋散。蝦餃好足料，大大粒入邊亦都有好多蝦仔，但個皮好軟，冇咬口😢香芒煎餅好油，完全食唔到香芒味。蛋散其實口感係唔錯，但超級無敵甜！佢應該係炸完之後再用糖有炒過，啲糖完全融合咗，好甜😢…查看更多

新明苑吃過不下10次了，質素一直冇問題，大年初一不想煮，又想食中菜便想起新明苑了，貪佢有得泊車，而且即日又俾我地訂到位。職員很好，原本安排樓上，我們有老人家不方便上樓梯，佢都立即安排返樓下的枱給我們。大年初一只有套餐：4人6人12人 完全沒有散叫餐牌。一行4人，我不吃魚翅，便叫了沒有魚翅的4人餐。叉燒好吃燉湯有點過咸，足料的。龍蝦新鮮多肉彈牙，好吃！有提供蝦醬，加分！ 現在有些連鎖酒家都不提供了。甜品原本聽個名以為是湯丸，原來是清雞蛋糕，這個叫起甜品之後都等了很久，等到想放棄。要扣分。另外餐廳今天完全沒有散點，但菜單連甜品是7個菜都唔知可以點做，想加個咕嚕肉集齊8樣都冇計，希望老細留意返，我心中知就算了都費時講出嚟俾老人家知道，博佢地冇咁心水清。呢個真係要改善！話曬大年初一！食物質數同服務都可以，埋單連加一茶位$1400 左右，4人吃有餘有剩！…查看更多

一家人在錦綉搵地方晚飯，朋友推介到此。是日6:30pm到,樓上雅座任選。侍應全程招呼很周到。第一推介是鮮菠蘿咕嚕肉。看圖便令人垂涎了。炸漿掛住醬汁，鬆脆包著啖啖帶肥甘的豬肉，成為此店的名物。我不吃羊,只吃生菜，筍和枝竹。如能像別家多加筍子，將會更受歡迎。小炒王原來是客家菜。碟中見有韮菜、芽菜、白飯魚乾、魷魚等，加埋腰果, 令整碟菜很香口惹味。例牌燒鵝和金銀旦豆苗亦是合格。但此家的糖水可以免了。…查看更多

餐廳環境不錯，星期日都唔需要等位，但係某些員工對服務有待改進，自己對點餐內容唔清晰，落錯單之後，走去鬧客人，大家去嘅時候都要預左俾人鬧嘅心理準備，如果唔係，大家唔需要再去幫襯…查看更多

早幾日同屋企人黎飲茶，覺得佢d 點心同出面唔同， 例如香煎小米糕、韭菜脆餅、炸鮮奶、懷舊芒果布甸。。。等等都唔係度度有得食今次就試下嗌下新野，不得了，食茄子既人一定要試下嗌佢個蜜汁脆茄子小食，姐姐話係新野，勁脆勁香口上面淋左d 甜甜地咸咸地既汁，我地全家都覺得佢係當日最好食既食物。乾炒牛河味道正常，鮑汁鳳爪今次就麻麻啦，上次食明明好入味，今次唔入味之餘，仲有浸雞蘇味，怪怪的。其他點心味道都幾好，同埋佢既叉燒都係好出名，肉質好淋易咬又入味👍…查看更多

聽到公佈話禁晚市堂食，趁住仲有三晚，盡情搵一啲想去而又未去試嘅餐廳。餐廳附近有一個空地可以泊車。店入邊嘅姐姐好好人，知道我將車泊咗喺街，就叫我泊去空地唔使俾人抄牌。餐廳嘅選擇好多，除咗小炒之外，仲有燒味，同埋海鮮。蒜蓉粉絲蒸扇貝好大隻，亦都唔會話太多油，好味。砂薑豬手就略嫌唔夠淋，有部份有啲豬毛。呢個菠蘿咕嚕肉似乎係招牌菜，見到每一枱都有食，佢個咕嚕肉真係整得好鬆化。呢碟例牌叉燒，真係估佢唔到，有成條叉燒咁多。唔單只係份量大，重點係好好味，半肥瘦，兩邊尖位燶得剛好，中間夠淋，好得。呢個淮山豬肚雞煲，太飽了，要帶走。兩個人食咗咁多樣嘢， $570，其實三個人都夠食。總結：呢間有下次，其實寫緊呢篇食評嘅時候已經去咗第二次，食午市。…查看更多

今天訂了枱吃晚飯，點了蒜蓉粉絲蒸扇貝，清蒸大海斑和選了一隻阿拉斯加長腳蟹😋 扇貝鮮甜配搭粉絲一流！海斑蒸得恰到好處，肉質鮮嫩！ 長腳蟹也是鮮甜好味，絕對沒有令大家失望！🥰酒家服務也很好對食客照顧周到！ …查看更多