新新酒樓

营业中

休息中

上個月朋友邀請我新年聚會。去了佐敦新新酒樓。 好方便 就係地鐵站上面。舊式香港人習慣食酒樓套餐，新新好適合團年 春茗呢d 好多圍的飯局。4個人 唔想思考 就叫左鮑魚餐。五餸一湯。燒鵝拼叉燒， 好好彩 有燒鵝髀 叉燒都鬆軟，我個人喜歡偏薄，甜度夠 唔使送飯都ok。花枝 蝦 炒西蘭花 相信無香港人 未食過， 味道唔可能有偏差。 作為套餐中的一個餸，份量都好大份。咕嚕肉 個人覺得 偏酸，肉肉無話乾曾曾 鹽察鮑魚 其實係 胡椒鹽味 唔係鹽焗 或 椒鹽鮑魚爽口 幫你起埋肉濃湯浸菜 濃郁魚湯 好耐無食過草菇雞煲翅 整整半隻雞翅都好大份 絕對超過4人份 飲兩碗都得朋友口痕 仲加了 蝦多士 炸得均勻 顏色 脆度 都一致 無多餘的油以為唔夠飽 加左個白飯 點知兩個人都食唔使一碗飯 欣賞用一個碗 蒸一份飯 保持酒樓飯應有的乾身 唔會一大煲 濕度變化太大最後部長仲送糖水 打開第二個胃 又繼續食黑糯米 和暖 米量和水平衡 唔會太甜

Had a CNY reunion dinner with the colleagues in this much-advertised Chinese restaurant. We ordered a few combos. Two dishes of longevity noodles: one cooked with lobsters; and the other cooked with mushrooms. Both were nice. The meats were roasted goose and chicken. Goose was fatty and meaty, served with sweet plum dipping sauce. Chicken was standard, with ginger scallion oil on the side. The steamed fish was standard as well, just debone yourself. We also got vegetables with assorted eggs, and

農曆新年大年初一，很多食店休息，有些聽聞加三更誇張，來到佐敦倫敦廣場11樓新新酒樓，已經是下午2點，仍然坐無虛席，人頭湧湧，氣氛很好，2人只有搭枱，叫了水仙，茶葉足料，胡椒豬肚湯材料豐富，不知是否太多人，酒樓應接不暇，湯是暖而偏凍，可惜了，味道亦偏咸，叉燒腸，皮薄好味，馬拉糕真的無得輸，味道濃郁糕身柔軟，鮮竹卷不過不失，期待的蝦多士感覺一般，食感情多於一切，值得驚喜的是花膠灌湯餃，大大隻花膠，湯咪清甜，全餐最好呢一個同馬拉糕，舊式酒樓買少見少，值得支持👍💪

不要怪人北上消費，食飯一定要定枱，從未提及用餐個半鐘，半個鐘個知客就嚟好冇禮貌咁摧枱，環境又差，D枱又迫，招牌金錢雞，叉燒又柴又硬，肥肉有根咬唔入，有朋友話食蛋焗魚腸變咗濃蛋魚腸，以後不會再去幫襯

新一年有新O既開始又係時候約D 親朋戚友食下飯聚下舊今次就約佢地去酒樓食下晚飯小菜見到個4人餐好似幾抵, 一於就食4人餐首先就上左個燒鵝拼叉燒皇唔知今日點解咁好彩, 竟然斬左個燒鵝髀比我地,,真係孝感動天叉燒夠淋, 肥瘦O岩O岩好, 燒鵝皮脆脆地, 食落有鵝香, 正之後就有翡翠炒花姿蝦球, 翡翠原來係西蘭花, 蝦球大大粒, 花姿片份量亦足夠, 是正的再有鹽擦鮑魚, 鮑魚SIZE 都OK, 肉質彈牙, 食落辣辣地, 幾香口, 都是正的冇幾耐隔離有個店員煲緊一個瓦煲O既野...係咩黎O既呢..原來係濃湯雞煲翅!個雞煲翅真係真材實料, 雞湯夠濃得黎, 魚翅大大梳, 淨係嗌哩個都夠正!咕嚕黑豚肉, 脆脆地, 肉唔會鞋濃湯灼時蔬就正常發揮另外嗌左個蝦多士, 一人一塊蝦多士大大塊, 炸得夠脆得黎, 蝦膠夠彈牙, 亦是正最後埋單果陣估唔到會送糖水,,,是紫米露, 有D 咬口得黎唔會太甜大滿足!

我好少去九龍，難得喺九龍搵到一間可以坐得都幾舒服嘅飲茶地方。呢間都算一間舊裝修茶樓，（唔係美心翠園嗰隻級數）點解吸引我去呢？因為我喺呢度啲相見到有蝦多士，而家好少有酒樓做蝦多士！佢個蝦多士好大個都幾好食。跟住食埋其他啲點心，蝦餃，燒賣，菜苗餃都幾有水準。我見仲有好多炒粉麵選擇。雖然地方嘈就嘈啲，但係啲嘢都幾好食！佐敦地鐵站出嚟好方便，喺倫敦廣場座嗰個透明玻璃電梯上去，就係洒樓正門，見到帶位姐姐！😊

今日去佐敦，去了佐敦廣場十一樓的新新酒樓飲下午茶，去到話俾個門口侍應聽兩位，冇睬你，以為佢聴唔到，再大聲同佢講兩位，佢就用手勢表示知道；跟住俾咗張好細嘅方枱，我見到有幾張圓枱有位，就同佢講想坐圓枱，但另外一個侍應話：(冇得坐)，態度極之差。正想走之際，佢問我哋飲咩茶，見佢問，我哋又坐低睇吓佢點。隔離圓枱係冇人坐，枱面放咗碟薑蓉，原來是留給熟客。熟客大駕光臨前，已有幾個侍應問放在薑蓉未？聴到佢哋話呢位人客好鍾意食薑蓉。熟客坐低，叫了碗雞瀨，不久來了碗雞脾瀨，侍應超好款待，不時加水。和我哋第一次來飲茶🫖的態度相差甚遠。總結：此間酒樓侍應的態度差，食物一般，唔會再來幫襯。

餐廳環境喺傳統港式酒樓格調。⭐鹽擦鮑魚餐(四位用)⭐🦪鹽擦6頭南非鮑魚(四隻)🐔🍲濃湯雞煲翅四位🦃招牌燒鵝拼叉燒皇🥦翡翠炒花姿蝦球🐖咕嚕黑豚肉🥬濃湯灼時蔬$738(星期五、六、日假期$788)雖然係四人餐，但份量五至六個人都夠食;而且用料豐富，食材新鮮，味道又唔錯，算係幾性價比高。仲有一非常特別嘅懷舊小食- 金錢雞($38/件)古法炮製，用肥豬肉、叉燒同雞肝一齊， 雖然有一舊肥豬肉，但口感一啲都唔油膩，肥豬肉好爽口，口感特别!而且酒樓嘅員工服務態度都好好，親切有禮，讚!

酒樓位於佐敦，交通非常方便。 今日閒日同朋友訂枱試個四人套餐🌟四人鮑魚雞燉翅都只係$738(星期五、六、日、假期$788)套餐包左六個餸:- 燒鵝皮脆肉嫩，油份剛好唔會太瘦- 雞煲翅絕對足料,雞湯好好味- 六頭鮑亦真如其份量- 咕嚕肉外表平平無其，食落肉質鬆軟炸皮唔厚，係一個意外驚喜- 濃湯灼時蔬- 翡翠炒花姿蝦球，份量十足所左套餐之外，仲有多款古法菜式，例如好少地方有得食嘅金錢雞。最後仲送個陳皮紅豆沙，甘香陳皮味，紅豆沙亦煲到起沙，係一份好滿足嘅懷舊味道。

元旦前搵個朋友食晚飯聚聚, 搵個交通方便地點, 諗起新新去飲過茶都唔錯, 就話呢間啦。本來朋友想試呢度嘅懷舊菜, 我話第一次試啲基本嘢先, 試試廚房功夫, 於是就叫咗個生炒骨!🔶 菠蘿生炒骨 $98講明生炒骨肉, 肉一啲都唔多, 酸甜芡汁+菠蘿三色椒如果多返啲, 應該好好多!🔶 火龍千島蝦球 $138呢個菜幾好食, 因為有千島汁酸酸甜甜, 送飯一流! 啲蝦好新鮮, 份量足, 蝦肉爽兼彈牙! 不過就唔多覺有火龍果! 呢個餸喺今晚大家最鍾意食嘅。🔶 黑椒茄子牛仔骨 $128牛仔骨份量足, 但好韌咬唔開, 依家大家鍾意健康啲, 所以少油多菜會好啲。🔶 免費甜品阿姐好識做, 食完即送紅豆沙, 如果自己單嗌都要20蚊。雖然係免費, 但做得唔錯, 紅豆夠冧又唔太甜! 整體嚟講服務都算唔錯, 幾殷勤吓!

響呢度奉勸各位如果打去呢間酒樓訂位，記得確保自己有訂到同問埋對方點稱呼🤣我12月13日下午4點55分打去諗住訂位，有位男職員就同我講唔駛訂，6點時間尚早可以walkin，點知就比佢呃咗啦，幾日後上到酒樓就話無位。諗住心平氣和同佢講當時有嘗試打黎訂位但有個男職員話唔駛訂，就比個”遠近馳名”嘅金髮女職員串，叫我搵返個位男職員出黎，啲口面極之west，雖然令到老人家唔高興，但都唔想同呢啲人嘈。記得如果唔係熟客嘅話，訂位個時要保障自己呀☺️

食物還好，但想有好嘅服務體驗就唔好要求佢比到你，除非係熟客。首先，環境擠迫。枱與枱之間無任何空間可言。最多得一個人身位，所以坐得唔太舒服。再加上，我地一行人當中有輪椅使用者。上到酒樓安排一張輪椅入唔到嘅枱比我地。完全沒有考慮輪椅使用者能唔能夠坐到張枱。另外，侍應服務態度差。我地問咗一個問題，但侍應超無禮貌咁應咗我地。我地發現只係對熟客仔態度好啲。同埋侍應整理餐具聲音好大聲(由於坐位置附近放餐具)。食物一般，除咗四寶飯嘅咸蛋好似壞咗有陣臭味。

佐敦呢間新新酒樓真係由細食到大，呢日屋企人又約左黎飲茶，一貫咁懷舊既作風，黎到又係爆晒場😂。門口仍舊放左好多張同明星既合照。。呢度啲點心好特別，賣相真係好麻麻，但全部點心都係自製，所以特別好食👍🏼而且係呢區黎講，真係算好抵食。假日午市茶芥只係 $10/位。。點心我地叫左：「荀尖鮮蝦餃 頂」、「蒜蓉蝦春卷 中」、「酸甜炸雲吞 小」、「XO醬蒸鳳爪 中」、「香芋鴨腳扎 中」啲點心真心幾奇貌不揚😂好似個蝦餃，外皮係爆開既，但點解爆呢，原來係因為蝦太大粒😂誠意十足，而蝦餃皮都係好食既。炸點心夠脆卜卜又大碟。。除左點心，呢度既燒味都掂👍🏼午餐叫個單併飯都係$50，燒味仲分碟上！真係唔惹小。「脆皮燒腩仔飯 $50」燒腩仔有質素，五層肉👍🏼。「脆皮燒乳鴿 $52」脆身有肉汁，有啲水準唔錯。。特別一提呢度個view幾唔錯，望著香港公園，下次想坐窗口位，可以預先book定枱🤭

難得放假就約埋屋企人去飲茶，位於佐敦這間新新酒樓之前食過晚餐不錯，今日就黎到飲茶食點心。餐紙上亦有多款點心及小菜選擇，價錢都好合理！瑤柱帶子菜苗餃：餃子使用了高級的瑤柱和帶子，並加入了清爽的菜苗，皮薄餡靚口感豐富，非常美味。花膠瑤柱灌湯餃：花膠和瑤柱的湯汁灌入餃子裡面，每一口都是滿滿的湯汁和鮮美的肉香，絕對是一道不容錯過的美食。金沙蒸魚肚：這道菜用魚肚作為主料，蒸熟後口感彈牙爽口，味道鮮美，沾上少量辣椒醬食味道一流。蠔皇叉燒包：熱辣辣嘅叉燒包本身已經非常美味，加上蠔皇的鮮味，更是令人回味無窮。瑤柱珍珠雞：瑤柱的鮮味和糯米的黏滑，食落口感煙煙韌韌。椒鹽魷魚鬚：魷魚鬚鮮嫩多汁，炸得香脆可口，加上椒鹽的香氣，值得推介！

看電視廣告覺得不錯，就黎試吓味，結果很失望。冇餐牌，環境擠迫又嘈雜。金錢雞凉的，味道一般。燒腩仔，脆皮雞，蝦酱魷魚炒通菜，魚香茄子煲，不過而已。所謂的老火例汤，清過水。黑松露蝦仁炒雞蛋，炒到一pat嘢咁。唯一個蝦多士叫做還爽脆可口。食到一半，比阿姐隔鄰枱執碗碟大大力叮叮噹噹吵到耳仔痛。4個人食佐近仟4蚊，一啲都唔值。