新城潮州飯店

嚟九龍城除咗食泰國菜，仲有得食正宗潮州打冷😎同事呢日介紹咗佢嘅愛店－新城潮州飯店，人氣程度可見一斑🔥呢度嘅滷水菜式、鑊氣潮州菜都係大件夾抵食🤑店舖走大排檔街坊格局，略嫌出餐慢少少。🧆潮州滷水拼 $128/小 $158/大除咗鵝片，仲有鵝腸、豬大腸、紅腸、豆腐、墨魚等，好豐富。鵝片頗入味、唔嚡👍🏻鵝腸份量甚多，爽口無噏味，忍唔住係咁食🤪平時我唔食豬大腸，見同伴食得咁滋味都要挑戰下，點知有驚喜，非常入味，食到滷水汁嘅鹹甜香，毫無內臟噏味😋🍕馳名蠔仔餅 $88可能唔係蠔仔餅，係肥蠔餅🤣蠔仔全部都勁肥勁大粒勁飽滿😽蠔餅煎得香脆不油膩，中間包住蠔仔嘅位置仲會咬到啲軟心，亦食到蛋香，出色😋🍚馳名蠔仔粥 $68/碗 $118/窩同樣係肥蠔粥，蠔仔飽滿😻粥底仲有冬菇、鹹魚、肉碎等，鹹魚嘅香味令到粥底味道更有層次🤤🔴韭菜豬紅 $58呢度嘅內臟做得幾好毫無內臟噏味，豬紅都推薦✅用胡椒辣招僻腥，所以食落帶點辛辣感，豬紅幾爽滑🫶🏻🍠高沙反沙芋 $118 而家香港好少地方有得食反沙芋，呢度竟然有呢道功夫菜😆芋頭好粉，不過可惜外層嘅糖已結成塊，食嘅時候同芋頭好似分開咗，無嗰種糖漿包覆芋頭嘅感覺，有啲失色。推介指數（10分為滿分）：8分…查看更多

好耐冇食嘅心型糖醋伊麵仲有好邪惡嘅蠔仔餅 + 鵝腸墨魚食完超滿足 ~~。潮式糖醋伊麵 HK$118面層金黃薄脆，加少少鎮江醋和砂糖香脆好食 ~~。馳名蠔仔餅 HK$88。鵝腸拼墨魚 HK$88。咸肉炒韮菜花 HK$98** 以上分享是以我的口味、體質和情況作出分享及感受，一試 / 合用與否請自行決定…查看更多

當晚上8點多身處在九龍城，我哋行左好幾條街，係唔想食泰國菜下，跟住openrice揀左呢間餐廳！點知食落實在有驚喜！呢間雖然叫潮洲餐廳，但都好多港式野，我哋叫左碟西檸雞、花生豬手、豉椒炒蟶子同蒸扇貝。西檸雞係當中最令我驚喜！佢份量夠，炸粉薄脆，重點係個汁！一入口檸檬香撲鼻！個汁唔係杰撻撻，係傳統做法加左少少吉士粉，食完好清香好好味！花生豬手，其貌不揚，但係豬手有口感，味道剛好，紅衣花生好好味，算個人口感啦，豬手略嫌有啲毛未清乾淨。豉椒炒蟶子又係好有鑊氣，4隻蟶子大大隻，肥嘟嘟，入口爽脆。最失色係扇貝，無端端一粒靚扇貝，開半蒸，原隻蒸好啲囉，仲有個豉油汁好咸，粉絲好少，始終係潮洲菜店，豉油唔似港式咁用甜。失策，無影到相，得碟豉椒炒蟶子。…查看更多

每個星期都朋友小聚一次 老闆娘很熱情 食物素質都很好 鹵水鵝片嫩滑入味 椒盐虾都很新鮮 蠔仔餅乾身 脆 反沙芋頭甜香 現在打冷店有這樣的素質 性價比 食少見少 人情味濃厚 飲杯酒 在門口吹下風 愉快的假期就這樣過了 …查看更多

特登落九龍城打冷，咁啱揀咗間難食又服務差嘅舖頭😵‍💫嗌咗個蠔餅，上菜速度慢，等咗勁耐一嚟到已經見到碟蠔餅又濕又淋，仲要勁油🤮平時勁鍾意食嘅蠔餅，今次半碟都食唔晒，真係啃唔落！另外嗌咗條鵝片同大眼雞，大眼雞唔係好新鮮，不過算係好食過蠔餅。鵝片就正常發揮，但係兩碟份量都好少。到埋單嗰吓最嬲…去得打冷都唔預咗平，點估到佢咩電子支付方式都冇（舖頭裏面完全冇標明只收現金），收銀個阿嬸淨係識話「有現金就俾現金啦」，但是實而家呢個世代冇咁多現金喺身都唔出奇吖…問佢有冇支付寶又話冇，微信支付又話冇，信用卡又話冇，淨係識得叫你去對面間七仔撳，仲要語氣勁差勁晦氣！真正嘅貼錢買難受！…查看更多

今日去咗呢度食，佢哋安排咗個位喺廁所出邊，都算啦。但係，頭上面有個滅蚊器，成日有蚊飛過去，而且佢哋又冇清理過，結果成日食食吓跌啲蚊嘅屍體落個頭上邊。同佢講換位，佢個樣串過碼頭咕喱，啲位又逼到死。之後叫咗個嘢食，又漏單，等咗成個幾兩個鐘都唔嚟，之後夠膽死喺我哋埋單嗰陣，想收我哋嗰碟冇嚟嘅嘢食。啲態度勁差仲想亂收錢，地下線個溜冰場、滿滿疊疊油個油站，好似俾錢去坑渠度食嘢咁。以後都唔會再去，喺九龍城都好難搵到一間態度差、勁污糟、逼到癲、亂收錢嘅餐廳。其實九龍城仲有其他潮汕嘢，亦都比佢好食，真係唔好信啲KOL講嘅推介。…查看更多

之前食過一次，平日六點冇乜人正常。今次星期五7-8點黎食，一開始仲問我哋搭唔搭枱。叫咗兩個滷水，好明顯個滷水檔應付唔切，個師傅仔係老闆娘個仔，仲慢過屋企呀媽切嘢，然後老闆娘又係咁叫佢做外賣單，結果我兩碟滷水等咗接近半個鐘，仲要吹咗佢三次先至做我嗰張單。叫咗兩個滷水，本身諗住食一陣再叫，慢到咁都唔敢再叫。然後個滷水拼盤係鵝腸拼墨魚，Ko墨魚「拿」到淋曬冇味，仲要係啲頭頭尾尾。兩個餸再叫支啤酒三百五十幾，性價比超低。…查看更多

小編今日來到九龍城一間潮州菜館「新城潮州飯店」，餐廳在九龍城區屹立28年，成為不少街坊的飯店，晚上開至凌晨三點，成為晚餐和宵夜之選🙌🏻 老店的裝潢簡樸，充滿人情味，勝在價錢經濟實惠，必食招牌潮州滷水鵝和蠔仔餅🦪 大力推介各位來品嚐懷舊潮州風味👍🏼招牌「潮州滷水鵝」性價比極高，HK$98絕對是超值之選✨鵝肉帶皮油香肉嫩，肉質略有咬口且有肉汁，而潮州菜靈魂的滷水汁香濃而不膩，每塊都啖啖肉，配搭酸爽的白醋，配菜芽菜爽脆，必食推介🧡「馳名蠔仔餅」即叫即製🦪 以鴨蛋加雞蛋製作，並選用大粒珍珠蠔，蠔味濃而肉質飽滿，蠔餅油滾加蛋漿炸至金黃色，軟硬適中不會一夾即散🙌🏻 蠔餅口感薄脆，夾開中間的蠔肉香滑綿身，蠔肉粒粒脹卜卜，蘸上魚露更享鮮味✨「椒鹽鮮魷」即叫即炸，炸至外酥脆內爽彈，以椒鹽調味，還有炸蒜粒和辣椒，增添避風塘風味，配上啤酒一流🍻「韭菜豬紅」是潮州打冷必點的小食之一，香濃的醬汁滲入一磚磚的豬紅，味道香辣又惹味，煮得入味而不腥👍🏼🍽 ：潮州滷水鵝；馳名蠔仔餅；椒鹽鮮魷；韭菜豬紅👅好味指數：8.25/10；8.0/10；7.75/10；8.0/10💰消費：HK$98；HK$88；HK$128；HK$58📍 地址：新城潮州飯店 (九龍城)九龍城衙前塱道30號地舖…查看更多

香港老式大排檔飯店已經越來越少，我嘅外國朋友嚟香港話想試吓地道嘅香港老飯店。今日試吓九龍城呢間新城潮州飯店，成個裝修都好old school，客人幾乎都係香港中老年人。八點幾去到已經滿晒座，老闆娘開咗一張枱喺餐廳門口，真係Street Food了味道都還可以嘅老式潮州味道。蠔仔粥比較推薦入邊真係都幾多细生蠔。卤鹅嘅份量幾多下兩個人有啲食唔晒。豬紅辣咗啲，外國朋友話食唔慣豬紅椒鹽九肚魚幾脆下，frd 話好似 fish&chip…查看更多

最近朋友介紹咗一間超正宗嘅打冷話係好多食客都推介 於是我就決定同另一半去試下！😍晚餐又唔錯wor 👍首先試咗馳名蠔仔餅呢個大大碟嘅蠔仔餅真係好正！外皮酥脆 又有魚露嘅咸香味整體味道層次非常豐富 🤤滷水鵝片鵝肉嫩滑 🦢 底下嘅滷豆腐都好入味配上兩款醬汁 味道更加出色😋椒鹽魷魚🐟外脆內嫩 鹹香適中 味道剛好😊超下飯！完全食到停唔到口😂打冷必食的韭菜豬紅~~個湯汁底好濃郁真係大件夾抵食 食完真係想再來一碗！💕係一間有歷史嘅本地超正宗嘅打冷😍店裡嘅職員態度真係好好 好有耐性服務真係無得輸！👏…查看更多

今日本來想去宋皇台食泰國菜！但係想食嘅舖頭冇開門😭 不過好彩！見到一間人氣大排檔😋椒鹽九肚魚🐟超好食啊😋 裡面又滑又嫩～外面酥脆可口，再加上一啲微酸嘅醬汁，真係非常清爽可口！滷水鵝片🦢好食！無論係鵝肉定係滷豆腐都非常好食😋 我好鍾意～呢個鵝肉配咗兩款醬，都好搭～韭菜豬紅🐷豬紅非常入味，裡面仲軟軟嫩嫩～呢個菜應該唔多人點，但係好好食！見到好多人點咗炒菜 睇落好好味！位置好闊落～性價比唔錯，有下次！…查看更多

最近我去咗新城潮州飯店，試咗佢哋嘅韭菜豬紅、潮州鹵水鵝片同埋椒鹽九肚魚，真係食到好開心！韭菜豬紅首先講下韭菜豬紅，呢道菜色彩鮮艷，韭菜同豬紅搭配得相當好。豬紅煮得恰到好處，滑滑地口感，加上韭菜嘅清香，真係一啖接一啖。調味方面，鹹香適中，唔會遮掩到食材本身嘅味道，反而令整道菜更加出色。潮州鹵水鵝片接住嚟就係潮州鹵水鵝片，呢道菜真係好有特色！鵝肉切得薄薄地，色澤紅亮，鹵水味道入得去，肉質鮮嫩又唔乾。每一片都有豐富嘅味道，搭配埋少少醬油，食落去真係好滿足，令人回味無窮。椒鹽九肚魚最後要講下椒鹽九肚魚，呢道菜真係驚喜連連！九肚魚炸得金黃酥脆，外皮香脆，肉質鮮嫩，完全冇腥味。椒鹽嘅味道剛好，唔會過鹹，恰好襯托出魚肉嘅鮮味。每一口都有著脆脆嘅口感，真係好好味。新城潮州飯店嘅韭菜豬紅、潮州鹵水鵝片同椒鹽九肚魚，無論係味道、質感都做得相當出色，值得大家一試。下次我一定會再返嚟，期待再嚐更多美味！…查看更多

今次嚟到九龍城嘅新城潮州飯店，真係一個好特別嘅用餐體驗。餐廳裝修充滿懷舊風情，彷彿帶我哋回到舊香港。店員好熱情，不時過嚟關心我哋，睇吓啲嘢啱唔啱食，仲會同唔同嘅食客傾偈，呢種人情味真係好難得。🍴 滷水拼盤：滷水鵝同滷水鵝腸，味道濃郁，滷水滲透得好入味，每一口都充滿香氣。🍴 韭菜豬紅：豬紅嫩滑，配上韭菜嘅清香，口感豐富，味道層次分明。🍴 胡椒豬肚湯：湯底濃郁，胡椒味道適中，豬肚煮得好軟腍，入口即化，暖胃又滋補。🍴 糖醋麵：酸甜適中，麵條彈牙，配上新鮮蔬菜，簡單但令人回味無窮。整體嚟講，新城潮州飯店唔單止食物出色，仲有一份難得嘅人情味。呢度真係一個值得再嚟嘅地方！👍…查看更多

晚飯時候，剛巧路經九龍城，隨便找了間飯店醫肚。新城潮洲飯店，屬街坊小店，環境親切，令人壓力全消。牆上貼上大餐牌，方便點菜 😊😊先點一份潮州春菜 $58，潮式家常菜式，家中老是常出現，春菜、腩肉炆至軟腍入味，伴飯送粥都不錯。潮州滷水鵝 $98，另一家傳戶曉的潮州餸菜。滷水味出色，鵝肉嫩中有咬口，細嚼品嚐滷水的味道，嗒著嗒著，一件不留。椒鹽九肚魚 $108新鮮炸起，外層香脆金，九肚魚嫩滑，超好味。鹹菜豬肚湯 $68一款大愛的潮式湯水，這客以鹹菜味主導，降火佳品。豬肚亦夠軟腍，味道不錯。馳名蠔仔餅 $88即叫即做，蛋餅香脆，蠔仔肥美，加點魚露吊味，著實完美。…查看更多

每次食潮州菜都會去九龍城。今次來這飯店雖沒有華麗的裝修，但勝在有傳統、正宗的潮州菜。開業多年，食客仍絡繹不絕，小至2人枱，大至8-10人枱都坐滿食客。馳名蠔仔餅（$88）大大碟的蠔仔餅，融合了海鮮的鮮美與餅皮的酥脆。配以魚露的咸香味，味道十分豐富、有層次。潮州滷水鵝 （$98）秘製滷水的醬汁充分滲透入肉中，醬香濃郁。鵝肉經過滷製後，呈現出誘人的深棕色，光澤感十足。咸菜豬肚湯 （細）（$68）湯底濃郁，散發著咸菜的獨特風味，搭配豬肚的鮮美口感，讓人食指大動。咸菜的鹹香與豬肚的柔韌形成了完美的對比。糊椒的辛辣則為湯品增添了一絲刺激。椒絲腐乳通菜 （$68）通菜的鮮嫩脆口與腐乳的濃郁醇厚相得益彰，帶來一種獨特的風味。椒絲的微辣則為整道菜增添了一絲刺激，讓人食欲大開。…查看更多