新匯聚餐廳小廚

营业中

休息中

🌻豉汁白鱔籠仔荷葉蒸糯米飯🐱作為貓奴嘅我都真係好鐘意食魚魚，肥美嘅白鱔永遠都係我嘅大愛，呢個「豉汁白鱔籠仔荷葉蒸糯米飯」(個名好長) 但一聽就知係中晒我心水，上到台好大個籠仔，打開啲豉汁嘅香味令全部人都大開胃口，我影相前已經忍唔得住食左一大啖，白鱔真係好肥美又有油香，糯米飯吸晒豉汁同埋白鱔嘅香味，令細食嘅我都在3分鐘內食左兩大碗，真係令人好滿足! 而且價錢都OK，值得再戰!📍 新匯聚餐廳小廚觀塘成業街15-17號成運工業大廈1樓1室⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸😸

因為想要就番響觀塘夜食，同埋朋友仔繼續揀食中菜，不過呢間真係冇下次，今晚叫嘅呢4款冇樣好食#蠔餅 因為我要走蔥，但係又唔使要啲蠔多過脆漿嘅，好立一啲都唔鬆化#招牌話梅骨 呢個招牌只係好一般#辣子田雞 顛覆咗我食咁耐辣子田雞嘅印象，明明只係個辣田雞煲，仲好意思響 menu 度寫明話係乾身，同埋啲蔥多度呢#芥辣炒新鮮脆鯇片 又係啲蔥多到我以為係叫咗碟咩菜炒脆鯇片係咁催問我地叫嘢飲，好似一定要另外叫嘢飲咁，唯一好嘅係上菜好快，可惜唔好食，而且價錢一啲都唔平

又食新匯聚，觀塘區返工/ 住嘅去呢到食飯夠方便又好食，食物全部有鑊氣，暫時冇食過有以前到而家，閒日去都坐滿人，都幾勁👍🏻老闆滿場飛，周圍同食客傾偈，有啲應該同我一樣嚟食幾次豉油皇乾炒牛河$88勁有鑊氣，河粉炒得條條分明，油分適中不會太油，河粉同牛肉都好入味，煮得好好招牌蜜糖薯仔牛柳粒$138超好食，牛柳粒醃味好夠，又煮得腍，蜜糖薯仔無得輸，外脆內軟，有蜜糖味甜甜地好開胃酥炸蠔餅即叫即炸，招牌菜式之一，好酥脆嘅口感，蠔仔都多雪梨蘋果水食完熱氣野飲返杯滋潤飲品，真係好正👍🏻👍🏻甜品 椰汁馬豆糕好欣賞呢到好親切嘅感覺，食完一餐有免費糕點食，椰汁馬豆糕質感適中，如果多啲馬豆就仲正，兩個人食都有啲多

已經唔知幾多個月冇食過小菜😂琴晚爹哋生日 我就帶佢嚟呢間睇落好似幾正既新匯聚😛😛一於試試佢☺️☺️估唔到又有驚喜喎🤭🤭～椒鹽鮮魷☺️炸得非常香😙外脆內軟🤪🤪食得出啲魷魚都係好新鮮 10分我會比8分 ☺️如果份量再多少少會更加好😋😋完全食到停唔到口🤒️🤒️～招牌話梅骨😛味道似酸少少嘅咕嚕肉☺️食落都好好味👍🤓非常大份😙抵到爛🫰🫰順帶一提☺️呢間餐廳環境幾好 座位闊落 店員服務態度亦都好好🤭🤭☺️下次經過觀塘一定會再嚟食呀☺️☺️😋😙

愛羊朋友四出去食羊腩煲，是晚就試下新匯聚，聽面書谷友講話正，就黎試下佢先。觀塘工廈美食多，新匯聚雖然在一樓嘅樓上舖，但門口有大大個燈箱招牌，一啲都唔難搵㗎😆入到店內，老伙計非常熱情，係咁推羊腩煲同糯米飯，話古法炮製出面食唔到，好啦，就叫呢兩樣。⭐蓮藕羊腩煲叫左個細煲，份量都唔細，羊腩好多件，蓮藕片、枝竹、馬碲等都唔少，成煲都係料童叟無欺。炆得非常入味，羊腩鮮味彈牙，其他配料吸飽汁都好正😍勁想打包啲汁返去撈飯，現場太飽食唔落啦。⭐籠仔蒸臘味糯米飯老伙計勁推兼強調豉油唔好撈落個籠度，落少少去碗就夠，試下有幾特別先。臘味有臘腸、膶腸同臘肉，蒸起上黎啲油落晒去糯米飯度，真係齒頰留香。糯米飯煙韌軟糯口感好正，我覺得好味到唔使加豉油😆啲豉油都係秘製，好杰身，加左落糯米飯更提鮮，堅正唔講得笑😍⭐蘋果雪梨水唔似其他大排檔咁有茶水供應，食到中途加左兩杯雪梨水解下渴，微甜冰凍🧊幾好飲。⭐桂花糕送的桂花糕，全場都有㗎，記得食埋先走呀。無加一，好食又抵食👍

昨晚一行四人6點去到呢間飯店，非常好運即入即有位。當晚四人叫左四個菜包括鹵水拼盤，蠔餅，椒鹽九肚魚。出品都還可以，不過不失。最後收銀時發生不愉快事件，本身用開電子支付(例如支付寶 微信 APPLE PAY)當晚見到收銀寫上信用卡付款需收取2%服務費，多口問一句支付寶亦需要額外收費?得到語帶諷刺回應:你睇唔到架咩，呢到寫得好清楚，係唔係需要再解釋多次。其實你只係答一句係定唔係咪得，成餐飯因為呢個收銀導致愉快心情當晚即時受損。唉...得罪講句 香港餐廳就係呢種收銀的害群之馬造就成咁。總括而言冇下次，我諗冇人想出街食飯比錢時仲要比人串

(1) 潮式拼盤 (小) 很早滷水鵝片已經售罄。只能向滷水拼盤入手，一嚐有骨鵝肉。 (2) 椒鹽九肚魚 油爆生蒜、炸蒜，以及辣椒，再加入九肚魚和椒鹽粉輕炒。 (3) 椒鹽墨魚嘴 墨魚嘴沒有帶腥，內裡類似牙齒的硬膜亦去蕪存菁，配上喼汁是一絕的襯托。 (4) 炸豬大腸 豬大腸經裁切成為整齊的長方條狀。落鑊炸起後風乾，效果外層酥脆。同樣地，配上酸甜汁更為開胃。 (5) 蜂蜜梳打水 有少許話梅肉，加入蜂蜜的梳打水。味道酸酸甜甜，解渴解膩。 整體而言，炸物處理手法已經達到爐火純青的境地。若不打算佐酒，自家調製的蜂蜜梳打水或檸檬薏米水亦相當不俗。

和家人在中秋聚餐，去到在觀塘的新匯聚餐廳小廚。臨近節日，幸而有預訂座位。餐廳提供小菜、海鮮等選擇。蜜糖薯仔牛柳粒薯仔和牛柳粒的大小相近，都是一口大小。薯仔被甜美的蜜糖完美包覆，而且煮得夠軟腍。牛柳粒同樣軟腍可口，肉香四溢，加上以黑椒調味，味道更加吸引。洋蔥雲耳炒勝瓜三款蔬菜共冶一爐，顏色營養也豐富，調味恰到好處，不會太鹹也不會太淡，健康之選。蜜桃柚子蝦飽滿的蜜桃，大人小朋友也會喜歡。柚子蝦外層是甜度十足的糖漿，再以厚薄適中的炸醬包裹着爽口蝦肉，十分有特色。

今晚食在「新匯聚餐廳小廚」，餐廳與小廚的佳餚，匯聚在此工廈飯堂裏。食堂大、冷氣夠、員工好招呼，是顧客首先接觸到，接著是品嘗夠鑊氣小炒。脆炸鹹豬手~切得大大塊長條型的鹹豬手，排列整齊，十分吸睛，咀嚼脆皮的聲音十分清脆俐落，豬手肉質香滑濃郁，齒頰留香。豉油王龍鬚炒麵~彈牙魷魚鬚不是主角，豉油王炒出香噴噴麵條，才是主角，也盡顯大廚巧手功力。鹹豬手和炒麵份量很足夠，胃納再沒有多餘空間，其他美食留待下次再嘗吧。自家檸檬薏米水~檸檬果酸很解膩，清甜的薏米水也有質感，有熱飲/凍飲，我們楝熱飲，非常清新可口。

早幾年返觀塘區就有同事介紹呢間地道鑊氣小炒，一食已經愛上，之後自己都嚟過幾次今次再嚟，地方環境依舊，呢到類似大排檔，不過都算坐得舒服，閒日都坐滿人，一枱難求，相信都係經常嚟食嘅老顧客老闆仲滿場飛，每枱都招待又傾偈，十分親切，老闆仲介紹我哋食呢到嘅招牌菜🥢招牌蜜糖薯仔牛柳粒$138呢個就係老闆介紹嘅招牌菜，好有鑊氣 薯仔勁腍又香，外面少少脆，牛天係又腍又入味，必食🉐🥢金銀蛋浸時菜$85吾揀娃娃菜或芥菜，金銀蛋都多，同菜一齊食好夾好好食，我最愛❤️🥢椒鹽九肚魚$105好耐無食九肚魚，炸到勁脆，好多炸蒜🍋檸檬薏米水$20老闆特意推薦嘅檸檬薏米水，自家製，味道濃郁，清甜解暑🚩新匯聚餐廳小廚 (觀塘)📍觀塘成業街15-17號成運工業大廈1樓1室

如果你搵緊地道鑊氣中菜，甚至想包場嚟個一家人、朋友、 Farewell 聚會，【新匯聚餐廳小廚】都係一個好選擇，佢哋嘅中菜都好有驚喜！夜晚喺觀塘搵食，如果人氣旺啲熱鬧啲，梗係揀啲中菜啦！圍埋一班人開開心心，今晚就去咗【新匯聚餐廳小廚】，貪佢放工喺附近夠就腳加上好多小菜選擇！大大話話嚟呢度食野都食過兩次，今次第三次都一定會叫啲唔同嘅野食試一試下個廚嘅手勢，加上多選擇，真係可以做到次次唔同嘅效果添！今餐兩個人都唔知死叫左個潮式蠔仔泡飯-大版，個個都睇食我地食唔晒，點知我哋係食得晒既！哈哈！◼️潮式蠔仔泡飯飯粒本身煲到粒粒分明有咬口，而佢用嚟泡飯嘅潮式湯都好好味，唔似味精水，配上滿滿嘅肉碎同飽滿嘅蠔仔粒，一啖一啖咁一路食落去，竟然6-7碗嘅份量都食得哂！如果中意白胡椒粉嘅話，佢都會俾樽白胡椒粉你去調味，為呢兜鮮甜嘅泡飯加上少少辛香感！◼️啫啫炒芥蘭中菜鑊氣嘅代表作之一！芥蘭喺鐵鍋中翻炒，以極高溫嘅熱能一下釋放落去啲芥蘭入面，口感爽脆得嚟又鮮甜多汁，表面仲有少少微焦嘅狀態錦上添花！而配菜仲有啲肉碎同辣椒仔，如果唔係食咗咁多碗泡飯嘅話，絕對係要嗌碗白飯嚟送飯！◼️椒鹽鮮魷配欖角骨呢兩味都係中菜小炒館常

新匯聚餐廳小廚//差不多一年沒吃打冷，適逢今天約了很久沒見的朋友，於是便約了在觀塘的新匯聚餐廳聚一聚。大約7:30到餐廳已經有很多人在等候，好彩一早訂了位，可以順利入座。蠔餅 ($88) (8/10)可以看到門口有位姐姐專門炸蠔餅🦪～每塊都是新鮮即炸的 上菜金黃色大大塊 蠔的份量很慷慨 每塊都會有大大小小的蠔仔 有些蠔仔都挺肥美～沒想到吃蠔餅都會有這個size的蠔 粉漿份量混合得剛好 不會覺得是在吃一口口粉 點上魚露很好吃👌🏼整體很不錯!!潮式蠔仔泡飯 (小) ($85) (8/10)問了店員說小的能分成3-4碗 那兩人吃就非常足夠了！這碗蠔仔泡飯無論是份量還是味道都剛剛好 沒有過淡亦沒有過鹹 調味恰到好處！蠔仔粒粒飽滿 每啖泡飯也能吃到蠔仔 很滿足🫶🏻加上胡椒粉更好吃喔～避風塘茄子(蝦膠)（8件）($115)(8.5/10)一上檯是剛剛炸好的👌🏼有八大件 每件就是正常吃釀的茄子大小 每件茄子上慷慨地塗上了一大塊蝦膠 熱辣辣 很脆口 超好吃!! 外面脆口蝦膠彈牙加上茄子的軟腍 口感很豐富 調味加上了炸蒜 有微微辣味 令味道更多元 整體很高分的一味菜另外加了兩罐可樂～(每罐$11）吃了那

男友接我收工, 就來到公司附近~新匯聚餐廳小廚食晚飯。約7點多已差不多座滿人 。店以中式裝修,地方寬闊有多張圓台及卡位座選擇。.點了佐酒餐前小食  雙拼$120【鹵水掌翼】鹵水掌翼夠入味, 鵝肉易咬開,鹵水香味四溢,可沾上醋或潮式辣椒油後味道不錯。.【南乳豬手】南乳豬手好夠入味不會過咸,特別好腍好食,食到不停口。..【剁椒蒸新鮮大魚頭】(例) $125一來到要趁熱食,早已拆散大魚頭方便食,入口肉質鮮美無腥味,口感層次鮮明,香辣適中,很好吃惹味！,,【欖菜肉崧四季豆】 $80這菜好有鑊氣, 四季豆炒得剛剛好,配咸咸地欖菜味,肉碎頗多,撈白飯吃一流,好滋味呢!.高高興興食嘢,必選飲啤酒啤一啤佢呢!.

放咗工過嚟食飯，餐廳竟然坐滿哂，好彩有早少少book位，如果唔係walk in都可能未必有得食。招牌話梅骨 $115外面薄薄一層炸粉，食落好薄好脆，裡面嘅肉好軟好嫩，肉汁都好豐富。秘製嘅話梅醬好獨特，酸酸甜甜嘅味道好出色，好開胃，食落去真係好好味啊！椒鹽九肚魚 $105呢道菜係大牌檔必叫菜式！九肚魚炸到好酥脆，而且用椒鹽調味，多咗一啲微辣嘅味道，好香口。啱啱炸好嘅九肚魚一入口，咬落去有入口即溶嘅感覺。潮式蠔仔泡飯 (小) $85入面有新鮮蠔仔，味道好鮮甜，有啲蠔仔size都唔細隻。飯煮得剛剛好，粒粒分明，食落去，啲蠔仔嘅鮮味同埋飯嘅香氣，加上有肉碎吊味，落少少胡椒粉，令到味道更加豐富。青檸薏米水 $20係夏天飲最正啦！好解渴同埋好開胃。青檸嘅酸味同薏米嘅清香一齊飲，清熱解毒。

見到網上有不少好評，抱住一試心態。一開始叫了兩個小菜，椒鹽骨，及避風塘茄子。及後餐廳職員推介黃金煎蝦，幾分鐘後通知鹹蛋賣晒，建議改為豉油煎蝦，我同店員講再諗吓先，店員話老闆誠意推介豉油王煎蝦，既然老闆推介，就試吓囉….食物質素：椒鹽骨：肥肉很多，急凍肉味避風塘茄子：香口，味道不錯豉油王煎蝦：7隻中蝦 （$240），急凍蝦味，蝦肉黏殼，百分百中伏 😑😑餐廳環境：環境擠迫，比較嘈雜埋單2人$500 ，以餐廳環境及食物質素，性價比不足，冇下次！！