新匯聚餐廳小廚

营业中

休息中

今日晚餐特登去咗觀塘食新匯聚一黎貪假日晚上觀塘會少人啲，二黎想食豉油雞🤣🤣好耐冇嚟過，所以差啲唔記得咗點去🤣雖然我哋都幾夜去，但係仍然都好多人幫襯！我哋兩個人比安排坐卡位，地方都幾闊落！我哋就叫咗招牌豉油雞半隻同埋金銀蛋娃娃菜！店員都幾細心，因為知道我哋唔識揀，會不斷建議餸菜，我發覺佢哋招牌菜都幾多～ 其實價錢同外面小炒差不多仲有小食推介～ 等緊餸嘅時候，我都有留意餐廳周圍，其實都好多位客人諗嘅設施，例如有電視睇我自己覺得而家好少餐廳會有呢個服務，除非係街坊式啲嘅餐廳，雖然電視就聽唔到聲，但係都有誠意🤣好多一班一班人嚟食，幾適合聚餐！等左大概5分鐘，豉油雞先嚟到真係足足半隻雞連個頭同屁股位都係半邊，雞肉好好食！超級軟身，唔會煮到好「鞋」～背位好多，好好食，豉油煮到滲咗入肉度至於金銀蛋娃娃菜，賣相就唔討好，娃娃菜好「林身」，細細棵，一啖食到哂👍🏻👍🏻 皮蛋同其他配料就少咗啲 但整體不錯但飲品就價錢太高

去觀塘接男朋友收工，就一齊食埋飯先返屋企其實觀塘嘅餐廳真係好多，但係好多人，我地又好唔鍾意排隊等咁耐，所以冇選擇大商場嘅餐廳寧願揀街坊少少嘅餐廳依度係男朋友介紹，佢話成日同同事一齊嚟，所以就帶我來試吓！呢度有好多招牌菜尤其係豬手，不過我男朋友話太大份，兩個人會食唔晒，所以就冇叫 結果叫咗是豉椒炒大腸，同埋豉油雞其實一睇到啲餐牌嘅圖，同埋聽到個名就覺得好好食🤣😂😂我本身係唔食內臟嘅人，但係我男朋友就話好想食呢味，所以我就叫佢叫，我就湊合下試下 點知，真係好好食攞嚟送飯超正，大腸唔會太污糟，應該煮之前處理得好好仲要大腸份量好多，唔會三椒多過大腸！味道真係好濃好好食至於豉油雞 果然係招牌，名不虛傳，半隻雞俾到足，肉好嫩特製醬汁配埋落去回味無窮好食到我哋兩個都清哂，連骨都。。。。。食到好乾淨總言之，味道環境就一般，兩個人食通常坐嘅位置都比較偏，所以有時會叫唔到服務員。價錢就正常小炒店價，唔會特別貴

我們一行七人去這小店幫襯，訂枱時已訂了杏汁豬肺湯，我們訂了枱但去已全爆滿，要等廿分鐘，入口清甜滑溜好入味有heart做的燉湯，前菜有雲耳，咖啡魷魚，味道正常可試，叫了芝麻雞外皮香脆內裡軟滑，釀尖椒清甜魚肉足料，椒鹽鮮魷冇特別，啫啫通菜煲夠火喉少少偏咸，生炒骨外脆內裡夠juicy, 雜菜煲正常唔錯，炸豬手外皮脆肉夠軟，炸豬大腸拼蓮藕餅味道一般，甜品椰汁糕清甜細滑，還有檸蜜味道啱啱好值得一試，總括嚟講招牌燉湯必試，大班人很適合去食 ^ ^ 😋😀👍👍

7月8日襯家聯誼，準7時入座，大囝揀餸，細囝用紙紀錄，選好通知侍應落單，一男侍應有禮貌地前來落單，不到半分鐘，一穿牛仔褲女人趕走男侍應，幫我們落單，細囝繼續讀出所選菜式，這女人突然取走放枱上字條，看一下，便大聲講(細佬你有冇讀過書，幾年班。)兩兄弟即時面色一沉，互望對方。大囝不想破壞氣氛，繼續讀出所選菜式。這女人落單後，望望四週，囂張離去。 現代青年人有他們寫字方式，我也不懂，他們自己睇不是給她看。妳唔識睇可以問。 這不禮貌對待，使食物大打節扣。不評食物，因不公平。幾好的廚藝也無用。如這食店需學歷證明，訂位時請通知。

聽人講好似好好食，今晚就黎試下一黎到，好多人係出面等嗌飛如果要黎食記得打電話book位秘制蜂蜜欖角骨(10件)$90⭐️⭐️⭐️店員話新出，推介我一試無乜特別，淨係外層有d蜂蜜味入面無味山賊汁鐵板煎釀豆腐（10件）$90⭐️⭐️⭐️汁無味，不過入面釀魚肉份量多台式三杯雞$90⭐️⭐️得個咸字食完會有件小甜品送比客人食雖然食物一般，但店內職員值得一讚，全部都好nice有禮貌，會推介您食咩。不過比錢記得睇單，因為張單收多左錢。

Lunch必選，佢既鐵板扒餐又抵食又大件仲好好食，平時叫西冷扒塊扒都大到就跌出塊鐵板咁制，仲有佢既龍利柳都超級大塊，我諗兩個人先食得哂，叫過一次食唔哂都唔敢再叫唔係因為唔好食，係因為太大塊，食到好飽有d油膩感，今次叫左雜扒，有豬、雞，牛、腸仔仲要配埋薯角呀，雞肉無雪藏味，牛肉唔會老，豬肉也不錯，有時係薯角有時係薯條，我每次去都好希望佢係薯角，但好似只撞過幾次，平時都係薯條多整體CP值係高的。咁鋸個扒都係$5-60蚊，仲送埋特飲，真係抵食到暈啦！

觀塘有咩好食？不妨試下呢間小廚！今次已經第三次來食，食物水準依然咁好即刻要同大家分享下有咩咁好食！！首先一定要推介既係呢個芝麻雞，就算平時唔會食雞皮既人，都一定會連皮食埋！因為呢個芝麻雞精粹在於個雞皮沾滿芝麻既雞再炸香，真係好好好好食而且雞肉唔鞋 ,仲好滑！真係次次來都要食第二個推介係呢隻豬手！真係好鬼有分量，而且皮勁脆，咬落卜卜聲豬手肉加埋有d 筋位食落煙煙韌韌越咬越香，送啤酒真係一流啊其他小炒都有鑊氣呢個馬拉盞炒通菜好鬼惹味啲野食好有份量架，如果想一次過試多啲野，建議大家叫多兩三個朋友仔一齊去食

呢間位於觀塘工廈入邊嘅餐廳小廚。雖然係前幾個月食，但係依間小廚真的很值得介紹！那時正是冬天，天寒地凍最想就係幾個朋友一齊去打個邊爐或者食個羊腩煲。於是乎就無啦啦入咗嚟呢間新滙聚餐廳小廚試吓。目測地方可以坐超過100人只見到餐廳入面人頭湧湧，平日七點黎到都隨時要等位，今日我哋有四個人點了芝麻雞，加多個羊腩煲及蒸蟶子。芝麻雞見到好多人都叫哩個芝麻雞，連伙計都推介，於是便試一試，果然非同凡響！雞皮炸得非常香脆加埋啲芝麻更香，但係肉質細嫩很有鮮雞味，絕對係令人流口水之作蒜蓉粉絲蒸蟶子火候控制得非常好，蟶子完全唔覺得靱，肉質鮮甜配上粉絲以及蒜蓉蔥花豉油，簡簡單單就已經好好味枝竹羊腩煲依個羊腩煲無論份量，味道，價錢都係冇得輸我哋四個人只係叫咗個細煲，但係冇諗到呢度個細煲係咁大好彩冇叫大如果唔係都唔知點算。羊腩炆得非常入味，配合腐乳醬，簡直是無比的享受。枝竹索左啲湯汁，食既時候非常痛快。而馬蹄十分清甜爽口，絕對可以幫助解除羊腩的肥膩依度既小菜份量偏大，價錢又經濟，絕對適合一大班朋友嚟豪情奔放咁食餐飽嘅地方。

晚餐絕對不要一個人去，佢地即使好多吉位都唔會招待你，會同你講無位，爭在未講叫你過主~平日午餐安排座位一塌糊塗,叫幾個大份男人逼落去已逼到爆既圓檯搭檯。不愉快的經歷，也不會帶朋友去~

好幾年沒見的慈祥牧者，依然風采如昔。甫一見面，便雞啄唔斷滔滔不絕地談近況。兩人不斷地傾，差點便忘記起筷夾餸，要身旁的太太提醒才記得....通常在這情況底下，當天晚上吃過甚麼，東西水準如此，都好像不太重要了....平常爭著點菜的我，由於今晚要忘著吹水的關係，就將叫菜的重任交給了小友及太太....牧者已一早吩咐，說他已吃過下午茶不會食太多，所以就只隨便點兩三個小菜，再加一個例湯喝喝就可以....滿滿一大窩的西洋菜粉腸陳腎豬骨湯，頗足料的，西洋菜已煲至跡近溶掉；粉腸大大尾沒見有很濃的苦味跑出來；豬骨的數量亦不少。手閒著無聊時拿一兩件去啃也挺過癮....不過可惜的是，就算有如此多料，湯仍是喝得出有下師傅調味。令這一窩本來很家常足料的湯，頓然失色了不少....小友一坐下，就問媽媽說可否點炸豬手。我說當然可以啦.....這一味就很好了 ---- 皮厚而酥脆；肉沒見死鹹而仍能保持軟嫩的狀態。吃多幾件，也沒有生膩的感覺....小炒王，則是太太點的....好吃的小炒王，鑊氣是最重要的。這裡弄出來的，也算不俗 ---- 入口不膩；材料豐富，用筷子一挾，輕易就將魷魚、腰果、蝦仁、西芹及銀魚乾盛了起來。調味偏

星期六有D野搞過觀塘，中午肚餓就搵野食啦，見呢間野好評都幾多又平平地所以上去試下啦，叫左個鐵板美式什扒，唔使3分鐘黎到，賣相一般，以後好食就算賣相一般都唔怕啦，點知超中伏，有鐵板居然所有野都係凍，唔知以為食冷盤，無叫侍應換（本人唔習慣換食物，因以前見得多廚房佬玩野架例子）食左D著條同配菜就走。所以提醒大家唔好食扒餐（其他食物無試過，唔會亂評）超級⋯⋯⋯⋯中伏難食。呢間野都算係人生之最，唔明之前果D點解有甘多好評

忍左好耐口，加上果排天氣凍，日日都好想食肉，咁啱見到哩間餐廳有扒食，仲要好大份，即去！去到十一點到啦，已經見到有一台食緊扒，睇落份量真係好多！賣相都好吸引，好興奮！做過research，選擇困難症既我一坐低就叫左個牛扒，個餐仲配野飲或餐湯，我就揀左豆漿。後來見到隔離台啲餐湯好正，係西洋菜湯，仲要好足料，即刻後悔左不過豆漿都好大杯呀！個牛扒眨下眼就到左。份量真係好好好大！佢因為唔係用鐵板整，煎好左再放上鐵板，所以鐵板唔油。扒下面有好多菜，最驚食到油既菜，但菜係乾身既，本身預左全餐都係油嫁啦，所以好開心仲鋪左啲薯條係底，薯條都炸到乾身，唔係咬落去一口油既果種，仲要食到粉粉地既口感，平時一見到炸野就彈開既我都清左肥都唔差在啦＞＜好啦到主角，牛扒！牛扒唔單止大塊，佢厚度都有返咁上下牛扒肥既位置唔多，連筋位就有少少脂肪，可以接受到。見到張相好似紅紅地、會生咁，但其實食落熟度啱啱好，反而略有少少overcooked，有啲位韌左，但唔係鞋或者咬唔郁既程度食落有口感，有肉味，肉都鬆軟得黎又結實，做到哩個質感，應該都加左鬆肉粉嫁啦，但都照單全收因為佢滿足左我食肉既欲望之餘，成個餐唔會好油，xx樂個扒餐真

Since everywhere in Kwun Tong was crowded during lunch hour, thus i went to cha chan teng for lunch as their turnover was considered fast. I decided to go to 新匯聚餐廳小廚 for lunch as they are able to sit alot of diners. It was located at  Shing Yip street, around 4 minutes walk from Kwun Tong MTR.Like any typical cha chan teng, they served several lunch set such as noodles or rice, or dishes with rice. The price was considered reasonable, and it comes with drinks as well. Iced honey lemon - It was s

只是偶然和朋友到觀塘，見到有間工廠大廈內有間似大排檔風格的餐廳，於是我地去餐廳一試，晚上9點後仍然不斷有客人到來吃飯，反映出餐廳的食物水準一定很好！我2人點了2個經濟小菜及例湯，一款話梅排骨，另一款芥蘭炒臘味👍🏻，味道超出預期好，加上火計每個人對客人態度很好，有禮！我們都大讚味道很好，例湯是西洋菜陳腎，沒有味精的老火靚湯👍🏻！我們即時已經推介給各大好友一定來試！餐廳環境一般大排檔風格，沒有拘謹感覺，值得大家一試，多款經濟小菜，還有多款燉湯，但記得請預早訂位，留湯😊！

喺觀塘工廠區真係有好多餐廳，緊有一間喺左近，同事話想食呢度，有多啲選擇，我當然 ok 啦! 原來餐廳喺工廈1樓，上一層後發現原來佢都幾大間，lunch time 都坐滿晒。睇完餐牌，我決定要鐵板餐，同事就要話梅骨。西洋菜豬骨湯 - 未上主菜前，阿姐先嚟碗西洋菜老火湯，送嘅，估唔到幾好飲! 西冷牛扒鐵板餐 - 鐵板嚟到仲係熱辣辣，汁係分開上，幾細心; 牛扒足足有1cm厚，份量十足，底下仲墊咗粗身薯條同椰菜，配埋黑椒汁，好滿足! 如果唔夠飽 仲可以免費跟個飯或意粉，但我食量唔大，所以就咁食個扒餐已經夠到傻。話梅骨客飯 - 同事見到啲介紹係招牌菜，於是就叫咗佢，我都試咗嚿，果然好好味，酸酸甜甜嘅梅子醬，好開胃，排骨好鬆軟，無膻味，同樣呢個客飯嘅份量都唔細，抵食夾大件! 凍檸茶 - 檸味同茶味剛好，飲唔到澀味，我無叫少甜都啱啱好，仲要幾大杯，唔錯! 熱奶茶 - 同事話奶茶夠滑夠香，有水準。整體食物雖然大碟，但質素好好，性價比超高，下次會再回頭呀!