探魚烤魚

营业中

休息中

第一次喺香港食探魚😂 之前無意中經過APM, 見到好多人喺度排, 隔日就約埋朋友一齊嚟食. 呢度環境幾寬敞, 座位坐落舒服, 霓虹燈管令店內充滿獨特氛圍. 繞場一圈, 發現原來可以自由配搭冰粉嚟食, 材料有我鍾意嘅桂花蜜同水晶球, 再加埋黑糖, 真係解暑聖物🧊🧊🧊🧊💆🏻‍♂️ 🐟葱葱葱聰明烤魚 - 黔魚 因為我地唔食得辣, 所以揀咗新出嘅”葱葱葱聰明烤魚”, 用大蔥同蔥花做配料嘅烤魚煲. 烤魚上枱嘅時候係墨綠色嘅, 但唔會有太濃嘅蔥味, 相反仲覺得同條魚好夾. 我地揀咗黔魚, 魚肉幼嫩緊實啲. 一個魚煲已經夠兩至三個人食, 可以叫碗白飯, 將魚汁淋喺香軟嘅飯上面, 營養又好味, 送飯一流✨ 🐓絕絕子爆汁炸雞 除咗烤魚之外, 我仲叫咗兩個小食. 絕絕子爆汁炸雞真係爆汁! 我未食過咁軟滑嘅炸雞塊, 入面冇骨, 咬落去又脆又多汁, 可以講係我試過最好味嘅炸雞之一. 而且店家好貼心, 每塊炸雞都有獨立嘅紙包裝, 可以拎起嚟食但又唔會整污糟對手. 呢個真係必食推介.  🍡爆漿鴛鴦糍粑 呢個小食我朋友比較鍾意, 由黑白兩色嘅糍粑配搭而成, 一口咬落去係軟心嘅. 如果食黑色果粒部分, 會有濃郁嘅黑糖醬

APM 開了一家內地人氣烤魚店 - 探魚專程帶朋友一嚐！ 步入餐廳已經聞到 香濃花椒味裝修以橙紅色為主調 吸睛位是霓虹燈字句 「爽麻無極限」打卡一流📸另外餐廳有貼心位抽屜內準備了髮圈 圍裙等等.🐟葱葱葱聰明烤魚魚種有3款選擇凌波魚 黔魚及鮰魚辣度亦可自選 不辣至特麻特辣.選擇了凌波魚 少骨、無小刺、肉質細膩 肥美味濃適合不太會吃魚的我魚皮微帶焦脆 配上主打大蔥及蔥花 湯汁很香濃清新亦可加不同配料 肉丸是附上的配料加了金針菇及寬粉辣度是少麻的 過癮.脆爽魚皮魚皮 脆脆爽爽配三色椒和洋蔥 不錯.香烤花菜花椰菜烤過後 保留爽口感配上少少辣粉 不失營養又好吃.必加$9 吃冰粉自助區無限添加晶瑩爽滑的冰粉有3款原味冰粉 蜜桃味冰粉 及刨冰配料有很多山楂片、葡萄乾、寒天晶球、桂花蜜、紅糖汁、桃膠、爆珠等等… 很解辣!!另有也有茶飲區 但少了凍飲區

一切都係意外，亦係緣分❤️哈哈😂同朋友喺APM行街，見到三樓竟然開咗「探魚」，我完全唔知原來香港都有得食「探魚」 😍我同朋友毫不猶豫就走咗入去😆準備爽麻無限，開心食魚🤪原來我哋可以自己挑選烤魚嘅辣度😮好正！甚至唔食得辣嘅人都可以揀走辣！我記得之前返內地食嘅時候好似冇得揀🤔唔知有冇記錯🤪另外，佢有三種魚可以選擇，分別係淩波魚-小骨、肉質細膩啲、黔魚-肉質比較實、鮰魚-就會肥啲🥰我今日揀咗「蒽蒽蒽聰明烤魚」-淩波魚，就等我嚟試吓食蔥係咪真係會變聰明？員工會即場剪咗條大葱佢🤣好有儀式感！佢條魚真係超大😍😍食極都仲有好多肉😍面頭鋪咗超多蔥，真係好香❤️佢魚皮烤到仲係好香，肉亦都好嫩！好味👍🏻我另外仲叫咗「易燃易爆小吃天團」，佢入面有香烤椰菜花、炸蓮藕、炸蟹柳、小酥肉同炸四季豆，每一樣都好好食！另外，「爆漿鴛鴦糍粑」都係必點，入面啲黑糖漿會流出嚟，好味呀！一如以往，「探魚」嘅餐廳一定會有一個冰粉自助區，可以製作屬於自己口味嘅冰粉❤️非常解辣解油膩！

探魚上次喺沙田食過一次，已經想再食好耐，今日終於有機會啦🤩成個環境都好有feel ！首先梗係要order一條大嘅烤魚啦，今次揀咗蔥蔥蔥聰明烤魚 $338 揀左鮰魚！條魚好滑，基本上只有一條大骨，非常容易食，味道亦都好濃，食到底條魚吸哂啲汁🤩🤩🤩🤩 而家諗返起都好想再食呀！ 份量亦都好足。今次揀咗兩款小食，第一款係易燃易爆小食天團$68 入邊有炸蓮藕片，炸椰菜花，炸酥肉，炸蟹柳同埋炸四季豆！ 好惹味呀，炸得好好！都食到停唔到！仲嗌多左款小食，揀咗爽脆魚皮$48 ！呢個食落酸酸辣辣，魚皮亦都好爽，好新鮮，一定要叫🤩🤩 食到後尾覺得有啲辣，加咗$9任食冰粉！呢個超級抵食！冰粉加冰涼浸浸！配埋桃膠同埋椰汁，再加少少桂花糖水！解辣一流🤣整體嚟講，如果鍾意食濃味嘅朋友一定要嚟試呀！😚

探魚烤魚 (觀塘).估唔到事隔多年，好耐以前番深圳會食嘅探魚過左黎香港仲要apm咁近我！.▪️葱葱葱聰明烤魚·大白菜/寬粉▪️.開曬嘅魚基魚上微滾就食得，大量香葱，有京葱再加椒，叫左唔辣都有少少魚種揀左中間level嘅凌波魚，肉質夠實好食另外入面仲有大量肉丸，我地兩個人每個人食左五六粒😂大白菜加寬粉都好襯呢個！.▪️脆爽魚皮▪️.魚皮切得比較幼唔夠厚身，少酸.▪️檸檬冰桔茶▪️.如果多兩個人絕對建議叫另一桶囂張冰桔桶，真係一桶超大，但食烤魚呢啲緊係要飲呢啲咁fresh嘅東西但我地兩個人就分別叫個汽水同埋正常size冰桔茶夠了🫶🏻.📌 探魚烤魚 (觀塘)觀塘觀塘道418號創紀之城5期(apm)3樓L3-13號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

阿女知道觀塘apm 開咗內地人氣烤魚店，今日同我專程過嚟試吓。探魚佔地頗大，裝修以橙紅色為主調，座位寬敞舒適。烤魚魚款有三款選擇，包括淩波魚、黔魚及鮰魚，味道各具特色。辣度亦有得揀，由不辣至特麻特辣。蒽蒽蒽聰明烤魚：是探魚推出全新口味，黔魚肉厚緊緻，肥美味濃，烤魚先放入特製烤魚機烤煮，確保烤魚受熱均勻，魚皮微帶焦脆，再倒入湯汁，加入現切的東北大蔥及大量蔥茉，湯汁吸收蒽香後味道濃郁清新。脆爽魚皮：魚皮厚實爽口，口感脆脆爽爽的，加了三色椒和洋蔥，令層次感更豐富。棒棒麻辣火鍋口水雞：口水雞辣中帶香，香中帶麻，雞肉入口細嫩幼滑。無限探索：店內設有冰粉自助區，每位食客加$9即可無限追加晶瑩爽滑的冰粉，配料包括紅糖汁、桃膠、等。可自由加添。另有茶飲區提供自家製菊花茶，解辣一流！

探魚係深圳出名嘅烤魚店，喺香港沙田新城市廣場開咗第一間分店之後，第2間分店喺觀塘創紀之城APM！終於可以試下呢間❣️觀塘地鐵站出口，連住apm，上到去2樓就到，呢排成日都落雨！約朋友黎呢度食，就算落雨也不怕啊！😂去到餐廳都8pm，人依然好多！要等一陣位。入座後QR code落單。🐟葱葱葱聰明烤魚1️⃣烤魚有好多種選擇，選左食邊款之後，2️⃣再選要咩魚：凌波魚：少骨、無小刺、肉質細膩黔魚：肉實鮰魚：肥啲見佢寫凌波魚係10桌吃烤魚7桌都選它就揀佢3️⃣然後辣度亦可自選揀左中辣魚上枱喇！勁大條！感覺凌波魚係不錯！可以撩到一舊舊肉，又無乜骨👍勁勁勁多蔥，初頭仲覺得佢唔辣，但原來個辣度係會慢慢滲出嚟。中辣整體食得舒服，係辣辣地但唔需要急住飲水嗰種。旁邊仲有好多粒肉丸配料添👍🔸️雞絲伴伴麵 雞絲，仲有花生、椰菜、生菜，擺盤賣相不錯，微辣開胃，份量都唔少，可飽肚。🔸️棒棒麻辣口水雞又係微辣而已，怕辣既可以放心食，喜辣既可以加辣😂🔶️每人加$9，就可以任食冰粉同自助茶水枱！🔸️無限探索冰粉枱除左原味冰粉，仲有蜜桃味冰粉同刨冰架❣️仲有好多調味料：紅糖汁、桂花蜜、山楂片、葡萄乾、花生、寒天晶球、桃膠、爆珠等等……🔸️自助茶水枱比

聽聞呢間探魚烤魚喺APM開左唔係好耐，今日同朋友食個late lunch，一踏入餐廳已經聞到好香嘅花椒味，即刻垂涎欲滴🤤橙色招牌燈閃令令很道地大陸style🤣過咗lunch hour所以只有幾枱客，所以很spacious坐得好舒服！點了蔥蔥蔥蔥明魚， 烤魚烤有三種不同價格嘅魚可以選擇，隻隻都未聽過，所以隨便選左最低價嗰隻 。等烤魚期間我哋先去冰粉吧！只係$9就有任食冰粉，仲有任飲茶水跟面紙巾😆 好抵呀！仲有好幾種配料，滿足感爆棚～ 我哋最終食左兩碗冰粉，最緊要要係加左好多桃膠，好滋陰😙過左五分鐘左右飲品烤魚同配料陸續上枱 。大盆烤好香呀！但要忍住，要趁熱趁仲脆食左糍粑先！呢度嘅糍粑係雙色有餡㗎！比普通糍粑好味好多！烤魚肉質嫩滑！個湯底勁野味🤤！真係想叫佢哋俾隻碗我飲湯！豆腐浸左湯好入味！可惜寛粉賣晒….朋友點了脆魚皮，我第一次食，覺得唔錯！調味調得好好 。啲侍應好有禮貌好殷勤 。兩個人五百幾蚊食到捧住個肚走，好滿足！

我品嚐了蔥蔥蔥聰明烤魚。這道菜以新鮮的魚肉為主角，搭配豐富的蔥和香料，經過炭火烤製而成。魚肉鮮嫩多汁，蔥的香氣融入其中，讓人回味無窮。炭火的烤製方式更是為這道菜增添了獨特的風味，絕對是一道不可錯過的美食。接下來，我嚐了滷味天團。這道滷味的選擇多樣，豆腐等等。滷味的湯汁醇厚，入味十足，每一口都能感受到豐富的滋味。搭配上白飯或是麵食都是絕配，讓人食指大動。我還品嚐了雞絲伴伴麵，這是一道簡單卻美味的麵食。麵條彈牙有嚼勁，搭配上嫩滑的雞絲和鮮蔬，口感豐富。伴伴醬的加入更是為這道麵食增添了獨特的風味，讓人回味無窮。最後，我品嚐了探魚鮮豆花。作為一道結束美食之旅的點心，絕對讓人心滿意足。

🔥爆紅內地烤魚來港了午餐套餐更抵食！.這家我在深圳吃過在香港，終於開設了分店！🎉.有時候，我們總會想念那個味道，沒有那麼多時間北上。現在好了，香港也有了分店，🤩.走進餐廳，讓人眼前一亮，紅紅的燈光彷彿散髮著麻辣的香味，讓人瞬間食慾大增。.而午餐時間，更有超值的單人套餐僅需一百元左右！難怪午市食客絡繹不絕🔥.作為開胃前菜，點上一份微辣的烤魷魚須，再合適不過了。有小蠟燭微微加熱🌶️.當然，重頭戲還是烤魚。點了蔥蔥蔥聰明烤魚💚 黔魚魚肉已經開邊每一口都是滑溜的口感，肉質鮮嫩多汁。.口味方面，有辣和不辣兩種選擇，辣度還可以根據個人喜好自由調整🐟.人均消費大約在$200～$250之間，物超所值！

最近APM人氣餐廳，絕對係呢一間「探魚烤魚」，晚晚排長龍，座無虛席，今晚特登早少少嚟就唔使排隊！蔥蔥蔥聰明烤魚烤魚有幾款，揀咗較少魚骨既凌波魚。魚肉既多汁又鮮嫩，鹹香味配合蔥的清香，非常開胃。絕絕子爆汁炸雞炸雞外層酥脆，裡面卻爆出滿滿的肉汁。吃起來酥香爽脆，同時味道鮮美多汁，絕對會令人驚喜連連。易燃易爆小吃天團呢款小食拼盤包羅萬有，包括酥香入味的小酥肉，清脆可口的炸椰菜花，鮮甜多汁的炸蟹柳，十分酥脆的藕片，味道甜甜的炸四季豆。無限探索最後，餐廳還設有一個冰粉自助區，可以自由地調製冰粉，非常清涼解膩。

探魚烤魚終於開到觀塘APM，唔洗北上去了聰聰聰蔥明魚有三款魚可以選擇，淩波魚，黔魚及鮰魚，最後點了鮰魚$338，說是烤魚界大明星，口感入口順滑多肉，沒有細刺，屬於肉嫩鮮美的淡水魚上檯時一大鍋，非常霸氣，面層鋪滿香蔥及青椒，仲有大蔥，滾熟後非常入味，而旁邊更有十多粒肉丸，size適中，剛好一口一粒雖說點了大辣，其實一點也不辣，越滾越滋味場內有自助區，除了冰粉區外，仲有飲品區有薄荷茶及菊花茶自行選擇蒜泥青瓜，調味沒有辣，蒜味重，青瓜清脆爽甜，作蔬菜類的前菜一流囂張冰桔桶，上檯時非常有霸氣，基本上每檯都會點一份，由西柚，檸檬水果作為水果茶，味道不算太甜，2人享用可能會多了一點甜冰粉專區，$9/人就可以無限任食，有原味及桃味冰粉，配料有十款可以隨意任食，當中燕麥爆珠，桃膠，黑糖麻糬是必食

今日放假、忽然之間、想食烤魚、lunch就立即去吃了🤣、今日就吃探魚了、裝修非常好、成個太空館。環境都像先進的太空艙、位置之間都比較寬闊脆爽魚皮 $48▶️外脆內嫩，是一道美味可口的小吃，內部保持著魚肉的嫩滑口感。每啖都十分有口感魚皮的香氣四溢。黃金萬兩咖哩烤魚 $298▶️魚肉鮮嫩，蝦子彈牙，兩者搭配咖哩香氣，口感豐富。咖哩調味讓魚肉和蝦子更加美味，咖哩的香氣滲入魚肉和蝦子，讓整體更加風味獨特，配白飯一流。海陸空把把燒天團 $68 ▶️海陸空串燒有魷魚鬚，牛肉，掌中寶各五串，魷魚鬚Q彈爽口，牛肉肉質鮮嫩多汁，掌中寶外酥內軟。囂張冰桔桶 $68 ▶️造型已經100分，冰涼的桔子清爽，帶有微酸甜味，解渴又開胃，比較似有桔味的檸檬茶。兩個人飲都飲不到、仲有一半。加上只需要$68,香港都搵不到價廉物美！環境舒適、而且食物質素不錯、加上價錢都較為便宜👍🏻👍🏻

食完會變聰明的烤魚🌟探魚喺APM開新嘅分店 以前返大陸一定會食探魚，而家喺香港就食到呢度嘅裝修同內地一樣，而且地方都好闊落💚蔥蔥蔥聰明烤魚 加入咗新嘅口味，我就梗係即刻要試吓今次揀咗凌波魚，唔多骨，肉質都嫩滑🐟辣度方面揀小辣，幾啱我呢啲唔係好食到辣但係又想食見到魚上面好多青椒同埋蔥好香魚肉份量都多 湯底都好鮮甜好入味 啱晒兩個人食🐣小食方面，叫咗麻辣口水雞唔會好辣，而且凍凍地細細件非常方便「囂張冰桔桶」🍊實在抵佢囂張，份量成3L，夠6個人飲，價錢只係$68 !真心霸氣逼人！打咭天花板 上枱嘅時候我都嚇親外面仲有「冰粉」自助區，無限追加冰粉係免費㗎，仲有好多唔同嘅配料 好玩又好食😎烤魚有辣有唔辣任君選擇

近排有好多內地嘅餐廳都係香港開分店，有唔少都係大家上開深圳玩嘅朋友仔都食過嘅餐廳，今次我地黎到觀塘APM試下新開既探魚🐟蔥蔥蔥聰明烤魚（$298）由於我係非常鍾意食蔥一見到Menu有呢一款烤魚唔使諗即刻order，魚有三款揀，而我就揀咗凌波魚，貪佢冇咩骨食落滑身，成條魚鋪滿晒蔥，每一啖都有好多蔥，真係好正，而個醬汁就揀咗小辣，食落麻麻辣辣咁好惹味🐟🌶️海陸空把把燒天團（$68）呢個海陸空串燒包括咗魷魚鬚，牛肉，掌中寶各五串，佢既調味就同內地嘅燒烤一樣，加左辣粉又唔算好大串，好快比我地ko晒🍡絕絕子爆汁炸雞（$58）炸雞係新鮮炸出嚟，真係有爆汁嘅感覺，差啲焫親添呀，外表炸到卜卜脆，點埋佢個泰式辣醬一流🐥囂張冰桔桶（$68）因為怕辣，所以叫咗個囂張冰桶，離遠見到個侍應捧住過嚟，份量大到嚇親，佢個檸檬金橘唔會好甜，冰冰涼涼解辣一流，我地兩個食完成餐飯都飲唔晒，果然夠囂張🍹無限探索區（冰粉、自助茶飲，紙巾）（$9）食完魚唔夠喉，見到加$9就可以任食冰粉點可以錯過，首先拎完冰粉做底，然後就可以再加配料，有超過10款配料可以任你配搭想點配就點配，我一個人都食左2碗😆作為其中一間內地開過嚟嘅過江龍，食