拾味山西刀削麵館

营业中

休息中

🫶🏻上完堂經過呢間餐廳，見晏就2點都斷斷續續有人入去食野，咁岩肚餓就入去試試。一睇 Menu 先知呢間餐廳可謂山西刀削面專門店，湯底、熱拌、冷拌整法既刀削面都有 😮 👅 擔擔醬熱拌刀削面 + 豆漿 ( $ 79 )實在太多選擇，思前想後，最終叫左個熱拌刀削面，畢竟市面上有湯底既刀削面多，而熱拌既少見又特別啲。上枱個下都有啲驚訝，一碗都頗大份 🤩 魚腐 + 豬頸肉餸底配擔擔醬，要求多蔥多醬，結果餐廳真係出左好多比我 🤣🤣刀削面長長一片，進口軟而不爛，口感有勁道，味道食落甜甜咸咸，配上鬆軟甘香既魚腐及豬頸肉，唔經唔覺就食哂碗面 🤪 跟餐點左杯豆漿，清甜可口 🥛呢碗面十分適合鍾意濃味美食既朋友，鍾意清淡既話可能湯面更合適 😇😇▫️◾️▫️◾️▫️◾️▫️◾️▫️◾️▫️◾️▫️◾️▫️拾味山西刀削麵館 (灣仔)📍灣仔灣仔道212-214號怡康大廈地下A號舖

炎炎夏日唔知點解好想食麵🍜麵館嘅選擇同配搭非常多，刀削麵嘅話可以揀冷刀削麵、熱拌刀削麵或者湯麵，另外仲可以轉拉麵、米線、菜飯等等。麵館好受OL同學生嘅歡迎，經過不妨試下。------------------------------涼拌海帶絲 $25海帶絲口感爽脆，調味入味略帶微辣，完全冇腥味。------------------------------豬頸肉熱拌刀削麵 $63熱拌麵嘅溫度同口感啱啱好，而擔擔醬惹味得黎唔會太辣🤪熱拌麵掛上擔擔醬好易入口。豬頸肉肥瘦得宜而爽口。刀削麵係即場削，爽彈而有咬口，要咀嚼多一陣🤣刀削麵份量真係好多，可以兩個人share一碗。

今日返工超忙，唯有喺附近搵餐廳食個快飯，我自己係好鍾意食湯麵嘅人，就揀咗呢間餐廳作為Lunch!越南春卷炸得唔錯，間唔中都會想食啲香口野。重點係唔會食到成口油，配甜酸醬無得輸，更加惹味！餐牌上寫着刀削麵自由配，有多款配料可以選擇。第一次食刀削麵，口感煙韌，比普通麵線更有厚度，而且更飽肚，幾有趣嘅口感。另外再加左雲吞，以肉味為主，個皮唔會太厚，唔錯。湯底唔會過分濃郁，我飲好多啖都無好膩既感覺。豆漿正常，無特別，唔會過甜或過淡，用嚟配搭一碗湯麵啱啱好呢。

去完灣仔入境處辦理完護照，就行咗去搵嘢食。平時都喜歡食荃灣有名個間刀削麵。今日見到有另一間，就入去試試。環境簡單乾淨，以沉色系無室內設計。此店嘅拉麵幼身、刀削麵粗幼適中，咬落麵夠咬口、爽口彈牙，非常好味。同已吸晒湯嘅味道，每食一條麵都有味。另加10元，配了竹笙。 竹笙已放於刀削麵裏面。金錢肚叫了豬軟骨刀削麵，可加$10改餸為金錢肚及改為拉麵。金錢肚份量超多，最鍾意佢加左勁多生蒜係個餸嘅上面，令金錢肚嘅牛香更出。辣椒放在餸上面，食唔到辣既朋友可以夾走/走辣。 仲可以任你更改選擇什麼辣度、多/少/走蔥或蒜麻辣手撕雞食得出係即日新鮮製作。麻辣手撕雞加入該店秘製辣椒及花生，令手撕雞變得更惹味。為左減辣叫了豆漿，飲得出豆漿係即日磨出來，好清甜，黃豆味好濃郁、好好味。原價$10杯、現在跟套餐只需加$6 就可飲到。

刀削麵係我好鍾意的其中一款麵食～ 之前係銅鑼灣食過呢間拾味～ 印象中佢嘅刀削麵係做得真的不錯～ 今日同朋友嚟灣仔，佢又鍾意食辣，不如就坐低食碗麵la~ 呢度雖然專注做刀削麵😛但餐牌上嘅餸菜就有超多選擇同配搭，另外仲有菜飯同多款小食～ 食一個禮拜都試唔晒😂🐔口水手撕雞刀削麵手撕雞好好味，麻醬同辣味同樣濃郁！仲有少少花生同芝麻，一啖雞一啖麵，超惹味！🐮麻辣牛筋腩刀削麵牛腩嫩牛筋滑，麻辣味腩汁撈麵真係一流！🐷麻辣東坡肉呢個係加餸，所以同牛筋腩放埋一齊～ 東坡肉都幾大件厚身，肥肉夠甘香，瘦肉部分略嫌較乾。🥚糖心蛋整得好好味😋必點！刀削麵整體來說都唔錯，入口順滑煙韌、軟而不粘，😆仲要大大碗好抵食呀～

身為一個美食愛好者，就會嚐篇天下美食，今晚便來到灣仔區內的一間山西刀削麵。麻辣牛筋腩刀削麵$60，另竹笙+$10，豬脷+$10，東坡肉+$10。由於看到食評刀削麵偏硬，在落單時便點了淋一點。棉質煙煙韌韌，又是一種新的體會。東坡肉脂肪甘香無比，醬汁滲入了整舊東坡肉內，非常美味，以這個價錢來說非常超值，是必點的一度小食。👍👍👍👍👍牛腩和牛筋炆煮得很軟淋。竹笙爽口，如果湯底味道再好一點更好。豬脷比較硬身，要咀嚼多一點時間。另外一提，這裏的麻辣醬是分開上的，客人可以隨着喜好添加入湯來。涼拌蒿筍絲$36，萵筍絲爽口香脆，味道鮮甜，加上醬汁非常惹味，是一到夏天必點的涼拌菜。郊外油菜$25，份量比外面的多了許多，如果喜愛吃蔬菜的，值得推薦。跟餐凍檸樂$10。

⭐️評分：7/10⭐️--✳️口水雞刀削麵 - 小麻辣口水雞越食越過癮好香口雞肉質地好嫩滑放上秘製辣椒醬香而不辣，但帶陣陣麻意涼涼辣油包裹雞肉放在麵裡正好調味加上辣油的刀削麵更多層次更豐富😍因為是手工刀削每條麵的粗幼不一，厚度不同更為豐富麵質滿滑身，帶點麵團的煙軔🤭🤭✳️凍檸茶對於不能吃辣的朋友飲料是必須的🙈🙈--可能大家還沒下班🤭人還不算多剛好可以休閒地慢慢享受--⭐味道 7.5/10⭐️性價比 7/10⭐️環境 7/10 ⭐️賣相 7/10⭐️評分：7/10⭐️

🎀灣仔。初嘗山西刀削麵🍜各式各樣小菜🎀🪄店名* #拾味山西刀削麵館🔮地址*灣仔灣仔道212-214號怡康大廈地下A號舖 🔮🗾分店地區🗾 灣仔,中環,銅鑼灣💰價錢$156 已加一(2人)➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖🎵餐廳環境🎵平時食開西餐日式食得多 打算試下d平民野食 見到呢間刀削面都幾多人幫襯 於是入去試下～呢間舖頭位置位於灣仔及銅鑼灣中間 唔算好近地鐵站🙈舖頭位置乾淨企理 有三款座位 包括bar枱,沙發位及普通檯凳 光線光亮舒適 而且仲有涼爽冷氣☺️🍽️食物質素🍽️食物選擇十分多款～有不同類型既套餐 可以選擇刀削麵自由配 仲可以轉拉麵/米線/年糕🤗除左湯麵之外 仲可以選擇撈面 冷熱均可！如果想飽肚d都可以試下菜飯～另外仲有各款個樣既地道小菜及小食 例如涼拌青瓜,海帶絲,金錢肚,手撕雞等 本身見到全部麻辣以為對於我呢個唔食得辣既無咩選擇 點知原來小菜系可以走麻辣😍👀評分💖💖💖💖💖🪄東玻肉刀削麵 加豬脷 全走 $70第一次食刀削麵 估唔到又幾好食啵！質感唔會過於軟或過軟硬 質感煙韌有咬口 湯底清澈帶小小鹹味～值得一講系佢既小菜 東坡肉超厚身 脂肪比例均勻 一層層十分邪

呢間舖頭嘅刀削麵，係現場即製嘅。一邊等食一邊睇師傅整麵，係一種享受。尋晚嗌咗個上海雲吞刀削麵，麵質彈牙，每條麵條都能鎖緊湯汁，非常美味。而且價錢一點都不昂貴。餐牌上的刀削麵。根據自選餸菜，而釐定不同的價格區域。喺銅鑼灣幾十蚊一碗麵算係抵食。如果唔想食刀削麵，舖頭仲有其他選擇，可以嗌小食，或者上海菜飯之類。

拾味山西刀削麵館 📍灣仔灣仔道212-214號怡康大廈地下A號舖━━━━━━━━━━━━━━━━━━━━━━━━━━━━刀削麵店越來越多 大部分都有相似的配菜和價錢 但每間的特色都不一樣~ 這次到訪位於灣仔的拾味山西刀削麵館 陰雨天來上一碗刀削麵真的很暖胃❤️餐廳使用電子下單 選項清楚明了 而且還可以自由選擇配料另上 辣度 麵的軟硬度 等等等等 很是user-friendly呢!━━━━━━━━━━━━━━━━━━━━━━━━━━━━🍜 麻辣牛筋腩刀削麵 +竹笙&豬耳 $60 +$20▶︎ 刀削麵粗細厚薄長度都不一 果然是即場削的🤣 麵質頗有嚼口👍🏻▶︎ 湯底鹹鮮 略略有肉味和菌菇味 配上刀削麵很搭!▶︎ 牛筋和牛腩分量都很多 牛筋超級軟淋入味 而牛腩不乾硬且帶油香 ▶︎ 竹笙脆身 吸滿汁水後不錯🤩好味指數:●●●●◐━━━━━━━━━━━━━━━━━━━━━━━━━━━━🍜 麻辣豬軟骨刀削麵 +肥牛&雞腎 $60 +$20▶︎ 三款料多到滿出來🤣 麵量也是很足夠!▶︎ 豬軟骨幾乎不用嚼就散開 醬香味出眾! ▶︎ 肥牛和雞腎就正常發揮! 拌上麻辣汁後甚是惹味 好味指數:●●●●◯

經過灣仔拾味山西刀削麵，看來好道地嘅刀削麵，選擇一試。金錢肚熱伴刀削麵：金錢肚非常入味淋滑，刀削麵是山西有名的美食，竟然在香港也有不錯的刀削麵，頭尾薄一點，好爽滑，而中間比較厚，有煙韌嘅口感，加上廚房玻璃櫃設計，－路食一路望住師傅手起刀落，將個麪團快速削下，想必要多年經驗才可以做到。除咗刀削麵還可選擇菜飯：金錢肚加多$10配東坡肉，有3件大大件嘅東坡肉，好抵，菜飯大大碗真係物超所值。配杯熱鴛鴦，非常滿足👍

【灣仔區】【拾味山西刀削麵館】有一日落咗灣仔 SOLO 買黑膠碟，冇計呀都唔知邊度先有平靚正嘅黑膠碟，都係邊睇邊買吓咁。睇完咯，就當然想食吓嘢，不過嗰頭冇乜嘢食，我就行吓先，行行吓就行咗上灣仔道，喺集成中心附近就見到呢間嘢。見佢寫住刀削麵，諗吓其實我都幾中意食，煙煙韌韌咁，熱辣辣咁一碗麵夠晒飽肚，咁就走咗入去。入到去發現餐廳都幾黃，起碼擺啲口號喺度，啲侍應冇好似啲扮黃餐廳咁話會令到啲人尷尬先，所以一睇就知大概係點架喇。當時嘅天氣都幾熱，行到成個身㷫熻熻咁，所以又冇之前咁想食熱嘢。點知佢又真係有「冷刀削麵」供應，正喎。咁有特色，整返份「消暑冷刀」嘆吓，可以揀一款餸，我揀咗「豬肚絲」，加 $10 要埋「手撕雞」，就 $78。佢有青瓜、粟米等等嘅食材撈埋入去，加埋個酸酸哋嘅汁，勁開胃，佢又勁大份，食到我超飽。味道上，兩款餸切碎咁撈埋落個麵度，幾好，令到口感豐富咗。加上啲刀削麵本身煙韌，凍食的話更加發揮到佢呢個特性，好正。夾埋質飽我嘅，仲有 $40 五隻嘅「酥炸雲呑」，佢炸得都幾好，熱辣辣，做小食一流。飲埋杯 $6 嘅「凍豆漿」，加加埋埋食咗 $124，唔講政治，淨係呢個質素已經值啦，唔係太大

上海水餃刀削麵凍檸樂刀削麵即叫即削即煮，落單之後大概要等5-10分鐘，一碗新鮮熱辣嘅刀削麵就會送到你面前。超大碗刀削麵，清湯很甜，刀削麵份量很多，有4粒上海水餃，粒粒都好大隻，餃子皮厚薄適中，肉汁味濃。刀削麵麵條厚薄均勻，非常掛湯。消暑刀削麵牛肉絲凍豆漿刀削麵本身就為中式菜式，除咗熱食估唔到仲有凍食，有種日本冷麵的感覺。消暑刀削麵，配料包含青瓜絲、粟米、芝麻醬，另外可以加餸，我揀咗牛肉絲，原來係牛展，切條配芝麻醬都幾惹味。刀削麵麵條爽彈，凍食口感更有咬口。

之前係電視機見過介紹，一直都想試下，因為香港又唔係好多地方有得食～～～呢到餐牌好多選擇，有湯、有熱伴、有冷伴～ 不過眼闊肚窄，都只能試到湯面。湯面湯底濃郁，重醬油味，但又唔會好鹹。面就淥到岩岩好，每淡都有啲煙韌，原來又真係幾好食！仲可以睇到師傳削，都真係唔容易！餸方面，好多選擇。叫左麻辣豬扒。麻辣醬好香口惹味，同豬扒十分夾。另一樣係蒜泥燻蹄。個蒜泥好香，而且少少酸味，食過非常開胃！最後飲埋野飲就超滿足！

🔺食物🔸 豬頸肉熱拌刀削麵 $63另加香辣豬軟骨 + $10 熱辣辣 既 麵🍜 加埋 辣醬 拌麵掛醬一流🍲豬頸肉邊邊勁脆皮 香酥入味 ✨必食✨豬軟骨🤤 軟熟、好淋 入口即溶 肥瘦適中👍麵條彈牙 首次食刀削麵 😂超飽肚.🔸 口水豬耳刀削麵 $62另加上海水餃＋＄10 、 麻辣醬＋$5豬耳爽口 酸酸辣辣 作為開胃菜唔錯✅***麻辣醬***推薦試 湯頭會更添風味✔️上海水餃🥟啖啖肉 配湯頭一齊食🥳.---另加配熱豆漿、凍蜂蜜柚子茶---味道唔錯，唔會過份甜🙌 柚子茶格外清新夏日炎炎 最啱飲解暑既飲品💛➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌕🌗自私評論：鋪面雖面積唔大，但勝在味道、服務都唔錯～人情味濃濃，落單唔夠幾分鐘就已經準備上枱🥡 估唔到渣甸街都有間性價比咁高既麵食小店✨➖➖ ➖➖ ➖➖ ➖➖ ➖➖ ➖➖ ➖➖ ➖