悄悄食堂

营业中

休息中

再訪悄悄 上次仲食到晚市今次6點後冇堂食 咁就可以試埋午市定食午市定食有三款我啱啱好三人行 於是各叫一款可以一次過試哂全部漁屋風燒鯛魚茶泡飯定食 $138紅酒味噌燉和牛面頰肉定食 $158豆乳奶油燉菜配油封北海道薯 $110三款定食都配以下小食配自家醃漬蔬菜當季本地種植小菜（豆乳定食除外）北海道夢美人米悄悄不嬲都係用全日本食材食材靚之餘 仲烹調得非常好和牛面頰肉好入味 仲超級軟腍豆乳北海道薯 撈飯超級正鯛魚燒得好香 配搭茶泡飯 淡香嘅茶泡飯 中和鯛魚嘅膩感飲品方面 淨係抹茶都已經有6種熱嘅會係薄茶 而凍嘅就係抹茶拿鐵 京都 美好園 永保 $64係比較甜嗰隻抹茶味京都 一保堂 幾世之音 $58 就有回甘味 個人鍾意幾世之音稻荷麻糬 $58呢個係悄悄為新年特別設計嘅年糕小食呢個超級有驚喜 用少少香脆嘅腐皮 包住煙韌嘅年糕本身冇咩味嘅年糕 配上味道濃郁嘅腐皮口感味道都好夾最後多謝最美廚娘 特別烹調嘅炸鰻（只於晚市供應）又酥脆味道又香濃再次到訪悄悄食堂除左鍾意佢用心製作嘅食物仲好鍾意佢居酒屋嘅設計頓時覺得自己去左日本今次仲坐到榻榻米添 好有feel

女兒約我二人行，去深水埗一邊食好嘢，一邊傾密計，未食心已甜。悄悄食堂門口裝修正如其名，有種內歛的悄悄感，十分之日系，靚！👍🏻內裏裝修同樣日式，簡單的水泥牆配木系傢俬，它有檯櫈及榻榻米2款，我們被安排坐在榻榻米，感覺更似去了日本。午飯時段只提供三款套餐，A、B及C餐，另外供應飲品及甜品。我們兩個人各叫了一個餐： IPA 啤酒脆漿炸雞（$138）及漁屋風燒鯛魚茶泡飯定食（$138），由於餐只有伴菜並冇飲品，我叫了本地薑黃印度香料熱奶茶（$55），而女兒叫了日本蜜柑本地蜂蜜梳打（$64）。我的炸雞先上，望落已很吸引，大大嚿炸雞，聞到好香。這個炸鷄外皮十分之鬆脆，皮很薄。雞肉十分之滑溜（有圖為証），好好味。米是珍珠米，香滑軟熟，同炸雞好配，絕對不想停口。😋😋😋鯛魚茶漬飯上枱時我以為自己去了日本，簡單精緻。鯛魚放在飯面，煎得啱啱好，很厚身。食落啖啖肉，好肥美。茶漬猶如上湯，為魚及飯添了一層香味，意想不到的好味。👍🏻👍🏻👍🏻本地薑黃印度香料熱奶茶，奶茶質地滑，茶味不算重。不知是因為薑黃定香料，有很重的香料味，不太合我口味。👎🏻👎🏻日本蜜柑本地蜂蜜梳打，樣子靚，味道亦唔錯，少少酸酸甜甜，亦有蜜柑香。

日系時代- 悄悄食堂-深水埗在平民區中, 食物定價進取 除了靜謐純粹的環境外對食物質素都抱滿期望定食有三款選擇其中包括素食品嘗食物原始味道作為基礎配自家醃漬蔬菜：蘿蔔當季本地種植小菜：生菜北海道萝美人米（可多飯一少飯）漁屋風燒鯛魚茶泡飯定食$138上枱時 熱熱的玄米茶泡飯燒鯛魚 泡在飯中起初仍有些香脆時間久了 都保留烤魚的味道值得推薦:紅酒味噌燉和牛面頰肉定食$158和牛比普通牛肉油花更精緻肉質更軟腍 膠質更豐富入口即化且不黏燉了6小時後 面頰肉內外伴隨紅酒味噌精華 好入味👍🏻悄悄地堂太子荔枝角143號康和閣地舖太子站D出口

—店家嘅ig會有link去訂座 幾方便坐bar枱見到寫住本地菜供應來源雖然寫入座後用餐時間係90分鐘但當日食唔夠一個鐘就走咗第一次店員想收走仲有1/3未食嘅燉菜咁當佢睇唔到有剩低或者以為我食唔晒所以都冇hard feeling第二次一放低筷子 就即嚟收走…(係咪背後mon實)第三次未叫埋單 就已經隊張單嚟… 豆乳奶油燉菜配油封北海道薯($110)配自家醃潰蔬菜豆乳芝士同腐皮係幾好食 面頭炙燒過好香底下白汁有d稀 感覺食得好健康漁屋風燒鯛魚茶泡飯定食($138)配自家醃漬蔬菜 /當季本地種植小菜有多飯/少飯/添飯選擇係唔錯——————————————————悄悄食堂太子荔枝角道143號康和閣地舖

這間cafe值得推介👍期間限定，稻荷麻糬好好吃🤤🤤大概是燒年糕福袋的感覺做餐前小食瑋流🤤鯛魚茶漬飯，魚肉是燒過的，很香口💜茶泡湯也很有心思的不是只有茶only紅酒味噌燉和牛面頰肉，牛肉很淋也非常入味米飯是夢美人米，口感不錯煙煙韌韌，比一般珍珠米更好吃飲品點了冷的抹茶latte小山園和光，泡成的latte味道回甘，而且很有層次下次試試熱飲甜品方面也很不錯有出面很少有的新鮮無花果蛋糕還有玄米茶卷蛋也不錯吃

早前跟友人去了一間日式裝潢的餐廳吃午餐，店員會為你耐心介紹餐牌上的食物，服務態度讓人完全感覺置身日本一樣。🍛紅酒味噌燉和牛面頰肉定食和牛肉質咬落去非常鬆軟而且軟塾。另外，醬汁煮得很香很稠密，用來伴米飯一起吃，真的讓人感到格外滿足。🐟漁屋風燒鯛魚茶泡飯定食適合吃得清淡一些的朋友，鯛魚經過燒製，香味撲鼻，而且魚肉份量都算多。雖然每月定食都會輪替的，但我覺得坐在裡面有置身日本的感覺就很感動了。（思鄉病發🤣）

荔枝角道上這間悄悄食堂，因為精緻日系裝修加上特色和食，一直以來很受文青歡迎，不過我懶得訂位自己去食，終於等到朋友放假先相約去試試看。三款午餐中有一個蛋奶素食，部分使用本地蔬菜，吃起來健康又清淡，店內還有很講究的抹茶可以飲，喜歡吃日本菜的朋友可以去看看。荔枝角道亦陸續開了一些文青小店，這間特別之處在於不喝咖啡，並且提供認真又精緻的日式餐點。目前晚市有提供1至4人餐外賣，我望過無素食。入面原來勁大間，門口位有黑膠碟展示架，店內仲播住黑膠咁有情調。近門處亦有一些榻榻米座位，中間有竹簾間開提高私隱度，坐得非常舒服。再行入去係正常桌椅座位，也有吧檯位置。訂位的時候已經收到餐牌可以預先睇定吃甚麼，午市定食有三款，其中一個係蛋奶素食。甜品跟不同品牌合作，我覺得最特別都係有多款不同茶園的抹茶。豆乳奶油燉菜配油封北海道薯 HK$110上餐的時候店員會作詳細講解整道菜式，感覺都幾特別。以顏色來說這一盤比較沉悶，豆乳奶油燉菜面頭有雙重起司，下面係可以撈飯的奶油汁，入面有菜、蘿蔔和豆皮，味道都幾清淡，我食完覺得有點太過健康。自家製醃菜使用本地農場當季椰菜，脆脆的清爽味道。油封薯仔外面都真係幾油，吃起來再有少少

外表無太華麗嘅裝修內裏格局就帶俾人一種寧靜 漫活嘅感覺店內有四張榻榻米枱 間隔分明空間非常闊落 坐到四個人有餘嗰日我哋book咗枱 2個人都有榻榻米坐(˶‾᷄ ⁻̫ ‾᷅˵)♡︎📌分類#couple_food💛太子 #couple_fooddiary_日本菜🇯🇵 #couple_fooddiary_cafe✍︎︎‎ت𝐿𝑢𝑛𝑐ℎ 𝑆𝑒𝑡 ꕥ豆乳奶油燉菜-冬日限定 $118配北海道夢美人米🍚｜自家醃漬蔬菜自從睇完深夜食堂之後 一直對呢個菜都有好高期望呢個素版奶油燉菜用咗豆皮代替雞肉 豆乳代替牛奶配菜就跟翻原版 有菇 西蘭花 蘿蔔 薯仔等 甜甜地嘅豆皮吸曬啲白汁 都幾正 面頭仲有少少火灸左嘅焦香不過個汁稍為比想像中稀咗少少除咗主菜之外仲有兩碟小菜分別係芥末青瓜 同埋油封北海道薯青瓜有芥末香但唔攻鼻 薯仔薄片味道正常︎︎😋：🌕🌕🌕🌕🌑ꕥ漁屋風燒鯛魚茶泡飯定食 $138配北海道夢美人米🍚｜自家醃漬蔬菜呢個其實係柚子鯛魚茶泡飯食落幾清新 好香柚子味鯛魚入口即化 (⁎⁍̴̛ᴗ⁍̴̛⁎)柚子唔會搶左味 幾有驚喜😋：🌕🌕🌕🌕🌑ꕥ京都 美好園 永保🍵 抹茶拿鐵$64呢度有唔同品種嘅京都抹茶 可以揀做拿鐵或者薄茶呢隻永保飲落頭幾淡

環境好靚，連餐具都好靚，好日本餐館的感覺，好多人打卡。食物選擇唔多，岩晒我呢d有選擇困難的人，上菜之後待應好有耐性續一介紹每款食物。每款食品睇樣好似好普通，食落都真係唔算有驚喜。前菜睇得出有落心機，但味道唔特出，主食豚肉同三文魚不過不失，有主家飯嘅感覺。甜品🍮好多已sold out。白飯唔夠食係可以再添加的，飯粒粒粒飽滿，軟硬適中好d煙in口感。老實說，食物味道唔算係驚為天下，性格比唔算好過，但環境好，坐得舒服，同朋友一齊嚟食下嘢傾下計係舒服嘅，但未有衝動過嚟呢度。

餐廳採用本地新鮮食材！店員在送菜時，會逐一介紹食品及食材來源。半熟三文魚超嫩滑，味道有層次～ 十分驚喜！豬肉飯正常發揮前菜 則非常驚喜巴士克蛋糕就不過不失環境：好chill~~而且我好好彩爭取到坐tatami位～ 因為預約時寫了想坐tatami,店員就幫我安排了～而且原來我坐既位置，張長矮桌是昭和年代的古董！點解我會知？！係因為幫我地影相既後面既食客話比我地知～ 佢地超熱心幫我哋影相同介紹，影相技巧係唔錯！得我地同佢地既枱係有歷史。我地好幸運，第一次已經享用到最極致的服務😊店員又非常有禮貌！係滿足的用餐體驗～要返去再食！

Bookmark了好久的悄悄食堂，終於約到朋友一起來了～ 環境恬靜，雖然沒有塌塌米的位置坐，不過樓底高，整體環境燈光都很舒服，完全不像置身於鬧市之中。晚市餐牌食物選擇不多，兩三款主食配搭小食，佐酒一流。🔸醬油吞拿魚赤身高湯炊飯要預早30~40mins點的陶鍋炊飯，上菜時吞拿魚赤身還是生的，和米飯拌勻來吃就生熟度剛好了，清清地味道不俗🔹悄悄招牌酒粕味噌烤三文魚這裡很多食物都會以酒入饌，這道三文魚烤得很香，入口滲岀濃淡得宜的酒香，風味十足 🔸三色味噌豆腐田樂燒點了這個賣相很治癒的豆腐田樂燒，三色味噌的口味分別是柚子、莞茜和八丁，味道就不過不失啦，角色是打卡擔當🤣🔹炸海鰻梅子紫蘇茶泡飯另一主食點了這個，炸海鰻酥脆惹味，加了點梅子紫蘇可減輕膩感，蠻有心思的配搭雖然價錢偏貴，但整體氣氛不錯，有機會再來試試午餐和甜品👍🏼

✨定價進取 打卡唔錯✨.十一月底嘅星期日就去咗深水埗太子之間嘅悄悄食堂打卡同食飯lunch，我哋本身就book咗位，不過座位係冇得選擇，如果要坐比較打卡able嘅榻榻米位，就要睇運氣或早少少到🙈而我哋當日十二點就到，人比較少加好好彩咁坐到榻榻米位ヾ(*´∀｀*)ﾉ定價進取但食物卻一般，個人認為CP值略低.▫️漁屋風燒鯛魚茶泡飯定食 $138（6/10）［配自家醃漬蔬菜、當季本地種植小菜、北海道夢美人米］據店員描述，鯛魚係由蝦花蝦及柚子所醃製；茶漬飯由北海道玄米茶及三葉香料所製～本身我唔鍾意茶漬飯，成碗比咗男朋友🤣我主要想食個鯛魚，可惜有啲腥略為失望～不過佢哋嘅配菜相對出色，佢哋用咗日本青瓜以芥末漬，而青木瓜更係本地坪斜有心機農場出品♪.▫️ 紅酒味噌燉和牛面煩頰肉定食 $158（7/10）［配自家醃漬蔬菜、當季本地種植小菜、北海道夢美人米］牛面頰肉用咗澳洲和牛，再以紅酒、高湯、調味料等烹調，食落口比較淋，亦有啲膠質不油膩～呢個唔錯😋.▫️ 純素焙茶焦糖黑朱古力撻 $65（7/10）估唔到甜品反而最出色，呢個朱古力撻幾好食啊(✽´ཫ`✽) 只係$65黎講都幾細件下，如果大件少少會物有所值啲😹.

由book到位果日開始期待😌終於悄悄地試到佢等位：0/5 （建議大家每週一正午12點網上預約當周嘅時間，不過短短十幾分鐘就會約滿🤔系手速嘅考驗）環境：🍴🍴🍴🍴/5（位置極闊落，坐得好舒服👍🏻環境設計落足心思（可以參考翻佢地個ig，有超詳細解釋🙆🏻）希望下次去有機會坐到佢嘅tatami位🙈）Lam脷：😋😋😋😋/5飽肚：🤰🏼🤰🏼🤰🏼/5（一個人食完一份定食大概七八分飽🙆🏻）價錢：💸💸💸💸/5烤三文魚幽庵燒定食（$148）店員解釋用左刺身級嘅三文魚所以中間部分會呈現仲係生生地嘅狀態加上淡淡嘅柚子香味整體食落唔會覺得漏再食多舊都仲得🤤麥味增豚汁&豚角煮定食（$128）偏鹹嘅麥味增湯汁撈飯真係一流🙊配菜渍山藥嘅口感好特別會有d滑嘟嘟但又爽脆🤔非常特別森之白（$51）少少苦味＋回甘🙈個人好中意🙋🏻‍♀️店員態度好好每次上菜時都會認真講解每道嘅用料同做法從裝修到料理每個細節都好有❤️

想去嘅話，去之前記得預約🤪 我朋友去過，同我分享，對呢間餐廳讚不絕口！一直想試，終於有機會。環境好好，店員會一一講解餐牌，如果鍾意飲威士忌清酒梅酒嘅人一定要去呢度，如果唔係好識都唔緊要，店員會話你知可以如何配搭🤤威士忌名古屋脆雞翼✅散發出淡淡的威士忌香味😍醬油吞拿赤身高湯炊飯✅ 本身不太鍾意吞拿魚，但我也愛上了這個飯，係比較油，但淡淡的魚香喺飯裡潵發出🐟充滿驚喜的一個炊飯😆另外，我都好欣賞佢嘅甜品，佢係搵網店一齊合作研發出來的，係玄米茶朱古力撻，茶味夠濃，冇比朱古力蓋過🤤打算搵日去試吓午餐😆

之前食過三文魚，對悄悄嘅烤魚料理好有信心，見到開店時好受歡迎嘅A餐烤銀鱈魚重出江湖，即刻帶屋企人一試，即使黑雨都無阻我二訪嘅決心，淋濕晒都唔好意思坐榻榻米哈哈。上菜時店員耐心介紹，連醃菜材料出自邊個農場都講埋，當日無供應The Vege Lab嘅撻有啲可惜。 (w/ 10% service charge)🍽烤銀鱈魚西京燒定食 ($158)銀鱈魚肉質細嫩，火候控制得好好，幾鍾意甜甜嘅白味噌醬，配菜係醃青瓜同蘿蔔。🍽山葵涼拌豚五花配茶泡飯 ($130)本來想試黑糖生薑燒，但遲黎一步，已換上另一款豚肉定食，薄切嘅豚腩片輕輕焯過口感唔韌，墊底嘅係醃蘿蔔絲青瓜絲，最頂有醋漬蘿蔔蓉，酸味味幾清新，但不及另外兩款有驚喜。🍽檸檬梅子冷素麵配大阪風炸茄子 ($138)粉紫色嘅梅子素麵配青檸同檸檬片賞心悅目，麵條幼細好掛汁，沾汁有淡淡柚子香，清爽消暑，炸茄子外脆內軟唔油膩，淋上田樂醬、蛋黃醬同海苔粉，好有日本風味，非常好食，估唔到素食C餐最有驚喜。
🍵京都 一保堂 幾世之昔 ($58)
第一次飲一保堂嘅抹茶，一飲嘅時候覺得味道比又玄溫和，但甘甜餘韻久久不散，幾有魅力，要細嚐。
🍵丸久 小山園 又玄 ($5