悄悄食堂

营业中

休息中

差唔多成一年前幫襯過，嗰時已經覺得呢間餐廳好舒服，嘢食都好特別 。嗰次之後已經幫襯，今次講返第一次的體驗 。餐廳環境好舒服啲餐會不定前轉，保持新鮮感 。未試過佢啲甜品，淨係叫咗兩個主食 。琳琳的牛小排，加埋個醬漬蛋，配埋飯，食落好特別。馬薩拉第一次食，小小辣，糊狀，整體嚟講唔錯 。午餐嚟講佢係少貴，但環境好正 。

好耐冇嚟過嘅隱世日式小食堂了～仲記得之前超鍾意食佢嘅粟米同牛舌芯!!😆今次食好似已經冇之前咁好食🥹粟米食落已經冇之前嘅驚艷感 同埋個粟米唔係用超甜粟招牌釀醬油麴燒厚切牛舌芯 上菜嘅時候唔係好夠熱 同埋個咬感比較硬🥹反而期間限定嘅蒜油蝦有驚喜！個蒜油汁好夠味 隻蝦都煮得非常入味 食蝦之餘仲有塊包可以用嚟點個蒜油汁🙂‍↕️豆乳擔擔冷麵我會話對佢喜出望外 豆乳撈汁濃郁順滑 連埋佢啲配菜一齊食非常特別 值得一試！😚

最近去咗悄悄食堂，試咗幾樣菜，整體感覺幾有驚喜！二重奏廣島蠔炊飯，蠔肉新鮮，飯粒吸收咗蠔汁，味道好香濃。每一口都充滿海味，真係好正！接住試咗豆乳擔擔冷麵，豆乳醬汁滑順，帶有少少麻辣味，清新又好食。麵條也幾有嚼勁，適合夏天食，不過如果可以加多啲配料就更好，依家咁樣有啲單調自釀醬油麴燒厚切牛舌芯，牛舌燒得啱啱好，軟嫩多汁，醬油麴嘅香氣提升咗整道菜嘅風味，非常好味！最後，IPA啤酒脆炸舞茸配牛油汁，舞茸炸得金黃香脆，牛油汁搭配得好，食落去口感好豐富。總括來講，悄悄食堂嘅菜式創新又好味，環境輕鬆，服務態度都幾好，唯一真係分量太細

Tucked away between Prince Edward and Sham Shui Po, Chew Chew is a Japanese Izakaya that perfectly balances cozy charm with a hint of wabi-sabi minimalism. The space feels intimate but surprisingly spacious, offering different seating options — we opted for the tatami, which added an authentic touch to the warm, softly lit atmosphere. We started with the IPA crispy battered Tai Shan oysters, fried just right with a light, crunchy batter wrapping fresh and juicy oysters. As an Islay whisky fan, I

大推必點‼️招牌厚切牛舌芯😍自釀醬油趜燒厚切牛舌芯 HK$128一上桌看到這粉嫩顏色已經忍不住想吃🥰 口感超嫩而不韌！外層微焦脆 每一口咬下去都夾帶油脂香 沾一點山椒鹽更加分💯醬油吞拿赤身高湯炊飯 HK$248吞拿赤身經醬油醃製後，單吃難免會覺得太咸，用炊飯餘溫把吞拿赤身拌至半生熟狀態，配在一起吃味道就剛好。炊飯粒粒分明，入口還帶一點點高湯味，但略嫌旁邊的海苔粉味太重，蓋過了魚鮮味🥹忌廉芝士甜蝦吞拿魚酒盜 HK$98重口味人士都覺得太～咸～了～已經嘗不出其他味道😂自家製Golden Rum焦糖忌廉芝士布丁 HK$48賣相不知為何變成這樣🥹 不過冧酒味突出，值得一試✨P.S. 這裡環境及氣氛蠻適合朋友聚會聊天💬

同屋企人慶祝生日，所以揀咗呢間居酒屋試一試一嚟到已經催落單，book 18:15 到18:30就話要截單 前後15分鐘都唔夠 食到一半又話last order唔明點解係咁催人走 明明勁多吉位😅有低消都唔係一個問題 但佢要指定每人叫一樣食物同一個飲品 有冇諗過其實如果唔太肚餓嘅話係會食唔落咁多嘢 不過食物質素ok嘅 分量中等 但侍應嘅態度都好一般 除咗幫我哋落單就係趕我哋人均消費$400嘅餐廳可以有更好嘅選擇，可一不可再

save咗呢間好耐，聽同事話牛舌好好味，所以扚起心肝去試吓。嘢食水準超高，牛舌真係好好味。食到每個人都兩眼發光，真係會想再哎。但係呢個價錢，份量真係好少，少過平時出邊食嘅一人份。所以如果荷包緊張嘅話，就不能食得盡興。

今日同成班朋友嚟到呢間大名鼎鼎嘅悄悄食堂裏便嘅佈局都非常寬敞，空間感ok今次揀咗坐榻榻米嘅位置當時6:15 一坐低侍應就叫我哋有幾款菜，要響6:30前落order 其中包括呢個豆乳雞其實豆乳味好濃 成個鍋都好好食 另外可以再加配菜，不過我哋就冇加啦，寧願試多啲其他我哋叫咗好多嘢，不過我哋掛住傾偈唔記得影相😅😅😅當然包括佢嘅名物牛舌同A4牛tataki呢兩個都非常好食嘅另外仲嗌咗明太子山藥 呢個又係好正🥰仲有海鮮野炊飯 可以加多$20要多碗魚湯最後就可以用魚湯變做類似茶漬飯咁個飯都好多料 😌但味道偏淡可惜佢有限時 仲要做第二輪所以就算我哋叫到成枱都係嘢同埋酒精都根本坐唔耐 都要催我哋埋單🙂‍↕️服務嚟講唔算話太好 唔會令人坐得好舒服😀另外仲有個炸雞都可以唔使叫 因為相比佢其他嘢好出色 個炸雞就相對普通 同埋好多粉總括嚟講😇如果兩三個人食 靜靜地係可以嘅但係多人嚟講 又要傾偈又要諗吓食咩 又叫到成枱都係野 就比較唔適合了而且價錢亦都偏貴

⁂⁎◝#太子🇭🇰 牛舌芯好出色👅人氣居酒屋⁎◜⁂.又係一間bookmark好耐既餐廳一直俾佢既牛舌芯吸引 但都抽唔到時間去食(好難walk in)平時都要online book位先食到餐廳設有低消 每人要order一份食物同一杯野飲.✧自釀醬油麴燒厚切牛舌芯 $𝟏𝟐𝟖牛舌lover專程為左牛舌芯而黎的色澤粉嫩 口感彈牙 配埋手磨山椒鹽味道更出不過就咁食已經好好食🥹呢個價錢有咁多塊牛舌芯其實幾抵食.✧悄悄蒜蓉蝦 $𝟏𝟏𝟖繼牛舌芯之後第二好食既野😙 蒜蓉蝦好香特別係啲麵包蘸滿醬汁之後好惹味.✧IPA 啤酒脆漿炸舞茸 $𝟕𝟖烤舞茸幾好食 炸粉唔厚 而且炸得幾香但份量就有啲少.✧豆乳擔擔冷麵 $𝟗𝟖個人覺得豆乳同擔擔麵唔係好夾雖然幾豐富 但又甜又鹹既擔擔冷麵麻麻地.✧三重烤玉米 $𝟖𝟖粟米烤得好香🌽 牛油焦糖味好濃食落仲有少少辣辣地 又鹹又甜又辣味蕾多重享受 幾好食.✧Homemade Lemonade Tonic $𝟒𝟖✧青森蘋果汁 $𝟑𝟓餐廳設有低消 每人要order一杯飲品（有啲harsh🙊）所以揀左最穩陣既兩杯野飲就係普通既lemonade同Apple juice 無乜特別..*･゜ﾟ

深水埗 │ 性格小店嘅世一牛舌‼️🔖 整體其實幾貴，喺呢個地段兩個人都食咗七百幾蚊🤣 每個份量並唔係好多雖然牛舌係好好食整體嚟講會話90%唔會再嚟🥲主食方面睇得出係有心思做嘅，食到好多香港冇嘅味道👅特別係山藥泥醬油漬三文魚拌飯、但覺得好唔好食就因人而異啦😂😂😂另外餐廳要求每人一杯飲品，一個主食（無論係叫好多個主食都需要叫飲品）好勉強先叫到兩杯，然而飲品又唔係好飲😣😣極之失望… 熱情果好酸、cover 曬所有鐵觀音嘅味道、亦都聯想唔到係一杯mocktail🤍#醬油麴牛舌芯一坐低就即刻叫咗牛舌‼️絕對就冇失望嘅..而且$128呢個價錢都算幾合理牛舌芯外層有微微焦脆的口感、煮得恰當好處、口感非常嫩😭 不過牛舌本身嘅味道唔多，要鹽嚟提味#宇治抹茶開心果塔 比較細份🥹🥹內層抹茶&開心果味口感都唔錯嘅、但曲奇皮超級硬🥲✽醬油麴牛舌芯 🌟✽ IPA炸雞✽椰子山椒沙白✽芥末山藥泥醬油漬三文魚拌飯✽宇治抹茶開心果塔✽蜜柑梳打✽熱情果蜜糖漬鐵觀音 mocktail📌𝐼𝑁𝐹𝑂悄悄食堂 地址: 深水埗荔枝角道143號康和閣地舖💟最低消費 每人一杯飲品，一個主食

慶祝朋友生日，佢女朋友預約咗呢間餐廳，不過四位大家都係第一次食。大概七點到咗呢間餐廳食晚餐，門口同入到去環境都好好，酒吧枱亦都有日本居酒屋嘅感覺。開始嗌嘢食，可以話係有40%嘢食都係賣晒，尤其特別主菜一路嗌就要一路改。特別係炊飯，因為要一早order定，我哋想食吞拿魚赤身但只剩二重奏廣島蠔炊飯（$248）但黎聞到好香嘅蠔味，但係個飯太濕令到口感好差，除咗邊邊嘅飯焦完全冇炊飯嘅感覺。前菜嗌咗炸物最貴嘅IPA 啤酒脆漿炸雞配蜂蜜芥末醬（$98）係即炸，口感係普通炸雞，但味道完全冇啤酒味/特別味道，每一啖都需要點醬。之後嗌咗悄悄關東煮（$85）食物質素同味道係超級普通，湯底亦都唔值，可能日本嘅便利店會比較出色。仲有忌廉芝士三文魚吞拿魚酒盜，人均$31 /一口，味道寫晒喺個名到，完全冇新鮮感同任何驚艷。其中一個最失望，就係佢店員推介嘅限定菜式（sorry 真係唔記得咗個名）但係我有影到相係有條狀嘅白烚雞肉，淋咗嘅韭菜、台灣滷肉同醬汁，需要自己夾埋一齊食，但係無論我哋點配搭都係十分普通，完全中伏。唯一好食嘅就係厚切燒牛舌芯、飲品（清酒）同最後嘅甜品，不過其中一樣布丁都係唔係Q彈嘅一種，係似芝士蛋

生意手法拙劣：1. 即晚7點打去留7：30乜都無講，但去到坐低介紹menu 時話最低每人1食品加1飲品，唔通我坐低再話走咁核突？2. 介紹menu時用上飢餓營銷，要預訂既豆乳雞鍋話暫時仲有，引誘你哋叫佢個$408半隻雞既無味雜菜鍋，菜既份量小得可憐。3. 可樂奶茶咖啡一律不提供，但就會整一些調飲。叫杯lemonade飲到既無150ml，盛惠$48未加一。妳限人哋一人一飲品都唔使咁樣賺盡。服務：最不滿係杯嘢飲，你英文寫Non Alcoholic Drinks但就當自己係Mocktail? 黎到杯嘢飲有粒highball冰係入面，點飲呀？學周星馳話齋真係啲冰有咁大粒得咁大粒呀？叫佢換啲態度衰到，其實客人不滿換其他好正常。結果叫左支$68啤酒請隔離枱飲。兩個人700埋單，我承認自己白痴，無一開始決心起身走人，諗住都試下。再次證明深水埗區收呢啲價錢，然後扮打卡店都係伏。餐飲生意唔好諗住支持，但你哋手法實在只會令支持你哋既人反感。

已經encore咗呢間午餐定食好多次好好彩嗰日兩點去到仲有得嗌牛小排每一次都必嗌遲多十五分鐘就無晒！牛小排肉質爽口油脂分布較少保留咗肉嘅咬口但完全唔韌唔會好似和牛咁食到成口油入口即化但肉質嫩口同時可以越咬越香牛小扒係有醃製一啲香料上去先煎香表面上面每一片都有蒜片十分用心醬油漬蘭王蛋都係令到成個飯加分嘅重點蛋黃濃郁濃稠裹滿喺珍珠飯上面係味蕾嘅享受有啲西日fusion嘅煮法上次嚟嘅小菜係九層塔味噌菇有少少似台灣三杯雞嘅感覺九層塔嘅香味好出蓮藕就正常有辣椒嘅香氣好味！呢間絕對係我嘅愛店之一環境舒服用簡單嘅食材做好料理每次嚟嘅前菜都唔同睇得出舖頭用心經營有心思有一次仲有好有印象嘅就係吞拿魚燴飯佢用咗高湯去煮每粒珍珠米都吸滿晒高湯嘅精華咬落去勁滿足淡淡都有高湯嘅香氣同米氣結合但上次嘅小菜醃蘿蔔就比較普通希望佢keep住用心！

真實評價首先地理位置離地鐵站有一些距離環境方面整體感覺還可以，日式佈置，不過有部分座位對著開放式廚房食物方面，整體不錯，最推介酱油牛舌芯是我吃過最好吃的牛舌🤤，外層微焦，內裡仍保持著嫩滑，蘸些椒鹽，肉汁滿滿，配著燒酒，不會油膩

老實講，這間餐廳食物一般，但是價錢貴出面3-4倍，而且還強迫人每人要飲一杯飲料。最可怕是他們服務太差，政府成日叫人留港消費，但是他們態度實在不能接受，我們問下這個菜式是怎樣烹調以及哪一個受歡迎，他竟然說自己睇菜單，個歌都好受歡迎。我當下真系憤怒💢，竟然有這麼差的服務。食物還要預留，以為好好食啦，竟然見到個雞煲都唔開胃，雪藏雞，雞肉非常軟塌。好失望😭好貴，不會再光顧此餐廳。