有无人同我一样超爱大闸蟹？听到好朋友今年仲未食到，事不宜迟即刻约！想揾间menu啱口味、质素稳阵嘅蟹宴真系唔易，最后锁定旺角东MOKO 5楼嘅高级中菜厅「念川居」。餐厅位置方便，黑红装修典雅有气派，传统韵味中带个性，卡座有屏风隔开privacy高，服务方面都几热心。菜式全以大闸蟹入馔，用料绝不吝啬，大厨亦有料到炒饭镬气十足，我同朋友食到好滋味、好满足！ ． ◆ 大闸蟹宴◆ $𝟔𝟖𝟖/位 ．♢ 生拆蟹粉花胶羹 ♢ 超足料！除咗蟹黄仲有好多花胶，满满骨胶原女士最爱，仲加入大量姜粒～作为开场有暖胃垫底效果，咁就唔怕食蟹寒凉，一碗落肚成个人都暖笠笠，好养颜好舒服～ ．♢ 清蒸大闸蟹 (𝟓両) ♢ 蟹迷最爱一定系清蒸！餐厅选用正宗江苏蟹，爆膏丰腴，橙膏黄膏齐哂，膏香鲜美，黏稠口感浆住上颚与舌头，令人欲罢不能~超好食！！唔系太饱直头想加$120整多只。 ．♢ 蟹粉扒豆苗 ♢ 豆苗幼嫩，清新中带浓浓蟹粉香，调味啱啱好。．♢ 蟹粉捞饭 ♢ 蛋炒饭金黄粒粒分明，加上葱香与弹牙虾仁，香喷喷充满镬气，捞埋蟹粉又升华到另一层次，一人一碗很有饱足感。．♢ 姜茶汤圆 ♢ 姜汤够姜，加入桂花点缀清香，驱寒甜美，优美地收尾。 …Read More
