2
🦀清蒸大閘蟹 (5両)
大閘蟹係正宗江蘇蟹，一上枱就聞到陣陣蟹香！我地兩隻都係公蟹，外表睇落平平無奇，但一拆開，即刻見到爆晒膏勁正呀，金黃蟹膏口感豐腴甘香，單食已好好食，令我忘記蘸醋！朋友大讚連陳醋都特別醇厚，帶微微甜香～
🍲生拆蟹粉花膠羹
橙黃色湯羹濃稠得宜，每啖都食到蟹粉同豐富材料包括花膠，有少少薑粒。一人一盅好夠份量，食完暖入心！
🥬蟹粉扒豆苗
嫩綠豆苗清脆爽口，掛上金黃蟹粉後更顯鮮美。蟹粉真係有加持，令平凡嘅豆苗做到咁出色，食唔停口，忍唔住連汁都清光！
🍚蟹粉撈飯
驚喜發現係金黃炒飯底！飯粒乾爽分明，仲有帶子粒，中間預留了小窩，倒入濃郁蟹粉，自己動手拌勻～每口都充滿鑊氣與蟹香雙重享受
🍡薑茶湯圓
收尾的薑茶暗藏巧思！辣度溫潤不嗆喉，加入桂花幽香，底層花生碎增添脆感，流心芝麻湯圓軟糯綿密，為蟹宴畫上完美句點
想食嘅朋友記得早一日訂位呀～
