念川居 (MOKO新世紀廣場)

有無人同我一樣超愛大閘蟹？聽到好朋友今年仲未食到，事不宜遲即刻約！想搵間menu啱口味、質素穩陣嘅蟹宴真係唔易，最後鎖定旺角東MOKO 5樓嘅高級中菜廳「念川居」。餐廳位置方便，黑紅裝修典雅有氣派，傳統韻味中帶個性，卡座有屏風隔開privacy高，服務方面都幾熱心。菜式全以大閘蟹入饌，用料絕不吝嗇，大廚亦有料到炒飯鑊氣十足，我同朋友食到好滋味、好滿足！ ． ◆ 大閘蟹宴◆ $𝟔𝟖𝟖/位 ．♢ 生拆蟹粉花膠羹 ♢ 超足料！除咗蟹黃仲有好多花膠，滿滿骨膠原女士最愛，仲加入大量薑粒～作為開場有暖胃墊底效果，咁就唔怕食蟹寒涼，一碗落肚成個人都暖笠笠，好養顏好舒服～ ．♢ 清蒸大閘蟹 (𝟓両) ♢ 蟹迷最愛一定係清蒸！餐廳選用正宗江蘇蟹，爆膏豐腴，橙膏黃膏齊哂，膏香鮮美，黏稠口感漿住上顎與舌頭，令人欲罷不能~超好食！！唔係太飽直頭想加$120整多隻。 ．♢ 蟹粉扒豆苗 ♢ 豆苗幼嫩，清新中帶濃濃蟹粉香，調味啱啱好。．♢ 蟹粉撈飯 ♢ 蛋炒飯金黃粒粒分明，加上蔥香與彈牙蝦仁，香噴噴充滿鑊氣，撈埋蟹粉又昇華到另一層次，一人一碗很有飽足感。．♢ 薑茶湯圓 ♢ 薑湯夠薑，加入桂花點綴清香，驅寒甜美，優美地收尾。 …查看更多

最近見佢推出 期間限定大閘蟹宴🦀，價錢抵食💰，於是就約左班friend子一齊試下❄️。 🍲 生拆蟹粉花膠羹：蟹粉好鮮好香🦀，花膠滑到不得了✨。飲落暖笠笠🔥又有膠質感，滋補又奢華，開頭就已經好有驚喜🎉。 🦀 清蒸大閘蟹 (5両)：蟹膏勁飽滿🤤，蟹肉鮮甜👍，清蒸做法最能食到原味。拆蟹雖然要花啲時間⌛，但食到嗰啲膏真係值晒💯。 🥬 蟹粉扒豆苗：豆苗爽脆清甜🌱，蟹粉香濃黏住菜葉🦀。好清又唔失層次，食落完全唔膩👌，啱晒平衡油香。 🍚 蟹粉撈飯：底係炒飯🔥，粒粒分明帶鑊氣，再加蟹粉醬🦀，香濃黏口。兩種滋味一齊爆發💥，既有炒飯嘅香脆感，又有蟹粉嘅鮮甜濃郁，真係好治癒❤️。 🍵 薑茶湯圓：薑茶夠暖身🔥，甜辣交融，湯圓煙韌香甜🍡。食到最後仲有個暖笠笠收尾😊，好滿足。 由羹到蟹到飯再到甜品，一次過食晒蟹嘅精華🦀。同朋友開心吹水，食得超開心滿足😋👏。 …查看更多

一直以為念川居只係食麻辣川菜，點知朋友話佢哋嘅粵式點心同小炒一樣出色！餐廳環境闊落舒服，枱與枱之間有足夠空間，坐足成個下晝都唔會侷促，最啱同朋友慢慢歎茶食點心🧡不過今次小編見到隔離枱叫咗個大閘蟹宴 ，見每道菜都真材實料，誠意滿滿，就轉軚試下😂正宗江蘇蟹 大閘蟹宴 $688/位🦀 清蒸大閘蟹 (5両)一上枱就聞到陣陣蟹香，蟹殼泛住光澤，揭開係超豐滿嘅蟹膏！入口甘香醇厚，蟹肉鮮甜得嚟帶點回甘，正！🍲 生拆蟹粉花膠羹呢個絕對係心機之作！金黃色嘅湯羹裡面，係滿滿嘅手拆蟹粉同厚身花膠。每一啖都係濃郁蟹香，花膠煮到軟腍滑溜，滋補又暖胃。🥬 蟹粉扒豆苗用上嫩綠豆苗，配上金黃蟹粉芡汁。豆苗清爽無渣，蟹粉嘅濃油赤醬正好帶出蔬菜嘅清甜，平衡得剛剛好。🍚 蟹粉撈飯成碗金黃色嘅蟹粉淋上白飯，真係視覺享受！將蟹粉同飯撈勻，每粒米飯都包裹住蟹油同蟹肉，香氣撲鼻，食到最後一啖都唔會膩。🍵 薑茶湯圓食完大閘蟹，飲返碗暖笠笠嘅薑茶就最圓滿。薑味辛辣醇和，驅寒一流，配上流心芝麻湯圓，完美作結。估唔到一間川菜館，粵菜手功都咁出色！已經約定媽咪下個禮拜再嚟飲茶食點心🥢，聽聞佢哋嘅蝦餃燒賣都係即叫即蒸，好期待啊！…查看更多

每次聽到大閘蟹宴都要大夥兒，真係好難成團🥺 最近發現旺角MOKO「念川居」推出$688大閘蟹宴，兩個人都可以優雅嘆蟹，即刻同閨蜜去打卡嘗鮮！餐廳環境舒適，服務貼心，適合想靜靜地享受蟹宴嘅朋友~🦀清蒸大閘蟹 (5両)大閘蟹係正宗江蘇蟹，一上枱就聞到陣陣蟹香！我地兩隻都係公蟹，外表睇落平平無奇，但一拆開，即刻見到爆晒膏勁正呀，金黃蟹膏口感豐腴甘香，單食已好好食，令我忘記蘸醋！朋友大讚連陳醋都特別醇厚，帶微微甜香～🍲生拆蟹粉花膠羹橙黃色湯羹濃稠得宜，每啖都食到蟹粉同豐富材料包括花膠，有少少薑粒。一人一盅好夠份量，食完暖入心！🥬蟹粉扒豆苗嫩綠豆苗清脆爽口，掛上金黃蟹粉後更顯鮮美。蟹粉真係有加持，令平凡嘅豆苗做到咁出色，食唔停口，忍唔住連汁都清光！🍚蟹粉撈飯驚喜發現係金黃炒飯底！飯粒乾爽分明，仲有帶子粒，中間預留了小窩，倒入濃郁蟹粉，自己動手拌勻～每口都充滿鑊氣與蟹香雙重享受🍡薑茶湯圓收尾的薑茶暗藏巧思！辣度溫潤不嗆喉，加入桂花幽香，底層花生碎增添脆感，流心芝麻湯圓軟糯綿密，為蟹宴畫上完美句點想食嘅朋友記得早一日訂位呀～…查看更多

又到蟹季，去咗Moko嘅念川居食「🦀正宗江蘇蟹 大閘蟹宴」（$688/位）。11月頭啲蟹公開始肥，多黃膏又得白膏。香濃豐腴，食一隻五両嘅已經好滿足。其他菜式嘅蟹粉亦都比想像中濃郁。蟹粉花膠羹啖啖都係鮮味，仲有唔少花膠加添口感。細嫩豆苗淋上海量嘅蟹粉，食到底都仲有蟹粉。蟹粉撈飯竟然係炒飯底，食落去特別香。最後食埋薑茶湯圓驅寒就啱啱好。正宗江蘇蟹 大閘蟹宴:🔸清蒸大閘蟹🔸生拆蟹粉花膠羹🔸蟹粉扒豆苗🔸蟹粉撈飯🔸薑茶湯圓…查看更多

旺角念川居(所有點心)的味道真讓人失望。每次去那裡，期待的美食卻總是令人難以忍受。點心的皮薄得像紙，裡面的餡料也毫無新鮮感，口感乾柴而且缺乏調味。近幾年點心越做越難吃的,服務態度也不佳，讓人感覺不受重視。雖然環境還算不錯，但卻無法彌補食物的品質。總的來說，旺角念川居的點心完全無法滿足我的味蕾，實在不值得推薦。下次我一定會選擇其他地方飲茶還是返酒樓的,點心部應該換了很多次人的次次吃味道都不同味道的,回家還要喝兩支水先舒服點的…查看更多

朋友生日，選了這間。真沒有失望，地點好，環境好，招待好。食物好。不過有少少貴，好在食物頗大碟。而且6:3O坐到10:00燒鷄好香脆，麻婆豆腐係川式，非常好味，仲有個炒四季豆都好味。白飯也不錯…查看更多

之前都食過，咁多年後，覺得越嚟越差。螞蟻上樹味道非常普通，又多油，肉粒非常少。水煮牛，d牛唔多，唯一好處係有粗薯粉，但係又係極油。要多個炒薯仔條，埋單六百幾蚊，性價比極低。…查看更多

念川居嫂子們聚餐, 選了旺角新世紀的念川居, 因爲環境清優, 本想靜靜地傾心. 誰知星期一, 是這麼多客人, 半圓式的客座也沒有了, 退而求其次選了另一邊的半卡座, 人多故場地是鬧哄哄的. 今晚點了魚香茄子煲, 柱候牛筋煲, 魚湯鮮腐竹浸菜心, 粟米魚塊, 咕嚕肉, 四川擔擔麵.魚香茄子配白飯一絶, 牛筋煲, 牛筋入口即溶,好吃但就是太油膩了. 粟米魚塊,魚塊炸得剛剛好, 不油香脆, 另上粟米濃汁, 自調質感.咕嚕肉也不錯, 香,甜,脆. 收尾來一客擔擔麵, 辣是分開的一小碟, 不愛吃和愛吃辣的, 兩者皆宜. 整體75%. …查看更多

唔想諗，揀咗個2人餐。蒜泥白肉入口第一啖覺得蒜泥「嗱」口，不過食多幾啖又會覺得想再食。杏汁豬肺湯有滿滿的湯料，其中還包括被麼到細細粒的杏仁沫，整盅湯真係好杏。主角酸菜桂花魚，可惜桂花魚有養魚通病，帶有輕微泥味，失色！整個餐最特別的花生芽炒西瓜皮，口感豐富清爽，非常特別🤤無得揀河蝦，唯有揀牛筋配擔擔麵，麵滑身，牛筋爽口，好味👍🏻最後甜品揀咗生磨芝麻卷，芝麻味濃郁，水準之作😌套餐以呢個價位，算係普普通通啦。…查看更多

川菜+粵菜食辣又ok 唔食辣食粵菜又ok，對比較少食辣嘅香港人黎講應該算係唔錯嘅聚餐選擇MOKO裡面，環境唔錯，但都會比較嘈啲（正常情況）餐具擺設、食物都算比較精緻，服務態度又ok粵菜菜式都唔算少，不過整體就偏鹹，重口味小小。蛋白杏仁茶嘅蛋白唔夠多…查看更多

LUBUDS 旗下嘅餐廳，我一向都好喜愛。今次就去咗旺角MOKO嘅念川居念川居雖然主打正宗傳統四川菜🌶，但其實佢地嘅粵式點心，小炒同樣非常出色😋。餐廳環境乾淨企理，充滿特色嘅設計，枱與枱之間非常闊落，坐得十分舒服😍。蜜汁叉燒包 $46叉燒肥瘦肉粒混合香甜醬汁，連同熱辣辣又軟熟嘅包皮一齊食，十分滋味😋。椒會麻辣醬金錢肚 $56金錢肚煮得入味，口感軟腍，味道香甜，帶微微嘅麻辣味🤤。蟹子蒸燒賣 $60燒賣蝦肉🦐與豬肉🐖比例啱啱好，肉味香又鮮味，點埋自家製特香一辣油，更加好食😋。蒜蓉鮮蝦長春捲 $60春捲脆卜卜，一口咬下，香濃嘅蒜味爆出，再滲出陣陣鮮味蝦味，勁好食🤤。椒鹽鮮魷 $98外層鬆脆乾身，魷魚爽滑鮮味，相當香口惹味😋。懷舊咕嚕肉 $188咕嚕肉外脆肉軟，配料十分豐，有鮮菠蘿、三色椒、酸薑、橋頭及提子乾，酸酸甜甜十分醒衛😍。乾炒牛河 $178牛肉片🐂非常嫩滑，肉味香濃。牛河炒得香口乾身唔油膩，醬油平均分佈每條河粉，河粉口感軟滑，加埋銀牙、蔥段一齊食，更加香口😋。…查看更多

呢間位於moko既高級川菜，地方寬敞舒適。我哋第一次嚟食當然試吓佢既青椒桂花魚😙魚肉質地嫩滑，青椒湯底清香而惹味，非常開胃。另外今次從試咗羊腩煲，非常出色，羊腩完全冇臊味，而且炆好入味。…查看更多

LUBUDS的品牌儘管食物質素優良，但服務員的服務質素惡劣，例如：服務員不是和熟客傾談，就是服務員與服務員傾計，對其他客人置之不理，也未能適時提供服務。結帳時，服務員亦沒有主動向客人確認是否屬貴公司會員以辦理登記會員積分，這些都是基本的服務水平罷，可是念川居辦不到。翻查過去的食評不難發現，服務員態度欠佳並非個別事件，這樣的情況令人失望。若會員支付了$6800卻仍需在用餐時感到不滿和氣憤，還有客人再次光顧嗎？希望貴公司能夠正視並改善這一問題，以免失去長期支持的顧客。…查看更多

這家川菜館的酸菜魚鮮香滑嫩，湯底酸辣適中，非常開胃；避風塘炒蟹則是香氣四溢，蟹肉鮮美，令人垂涎。椒絲刀剁魚頭十分出色，魚肉新鮮。肉絲炒麵炒得恰到好處，麵條彈牙，口感佳。此外，上湯水餃包餡豐滿，湯頭清甜滑口，懷舊芝麻卷更是完美的結尾，味道令人回味無窮。整體用餐體驗相當滿意！…查看更多