心語甜品 (已結業)

經常去呢間舖買外賣，因為鍾意佢哋糖水全部係自家製，加上唔太甜，我同太太都好鍾意，尤其是我太太最鍾意食佢哋個紫薯桃膠，放工照舊去買糖水俾太太食，佢食完讚不絕口，要我寫好評俾佢哋。紫薯煲到棉之外仲有粒粒紫薯，可能有D紫薯後加，真材實料，桃膠又多，唔似出邊D糖水舖咁，又稀又俾得小桃膠，又買得貴。我太太話食過出邊D桃膠甜品，俾得好小，有D舖好硬，有D舖太淋，呢間就煮得剛剛好，而且佢哋俾差不多半碗桃膠，講真40蚊唔使去邊度搵，太太話下次同朋友去食。…查看更多

天氣開始轉涼；好想食甜品呀！不過；由於怕血糖高；又要見營養師！點算呢？終於比我係筲箕灣東大街搵到呢間甜品店「心語」；初嘗老闆娘的創意養生「減醣生胴飲食」；減少身體吸收過多醣. 保持身體健康！維持BMI 指數正常；食得開心；又養生！係今日「注意身體健康嘅態度」！「無糖亞媽薏米腐竹蛋」；清香腐竹薏米加上新鮮農場雞蛋 ，雞香、腐竹清香超正！努力工作嘅年青人；不妨試試！有亞媽屋企嘅Feel !有冇試過用黑、白芝麻加珍珠米做嘅「黑色灰色芝麻糊」？全冇加半點粉！好香原品芝麻味！加上珍珠米香；最啱愛靚嘅你！要保持頭髪烏黑亮麗；又可以令腸道健康！一舉兩得嘅養生品；你點會錯過....？…查看更多

天氣凍想食d暖野，見咁多人係門口等外賣，以為好好食啦。點知叫個芝麻糊同紅豆沙，足足等左25分鐘，心諗我又唔係叫窩夫心太軟，唔洗即叫即整架。都等左咁耐。終於到我啦，2個外賣無諗過細碗到呢😤返屋企打開，首先d糖水裝得一半都冇，紅豆沙好水（唔知我以為叫左紅豆水飲），而且又冇咩味。芝麻糊仲衰，碗野唔係黑色架，係淺灰色。真係第一次見，仲有個芝麻糊裡面d一粒粒“粉”未溶，食食下有d粉漿係到..好激氣好嬲!真心後悔幫襯左。講完!…查看更多

冇諗過第一篇食評就比左呢間垃圾!好心真係執左佢，讓個鋪位比其他人試下同朋友食完飯諗住搵下場食糖水傾多陣計，當去到鋪頭門外嘅時間，就見到有兩間糖水鋪 一間要排隊 一間就冇人 而我入去嘅呢間就係空無一人，我入去前都諗住比三十幾蚊搵個位坐下 始終醉翁之意不在酒 就冇上呢度睇下食評就行左入去坐底左一坐底已經成個環境好有壓力!!!因為我未入過一間冇人嘅甜品鋪係唔播歌 靜到自修室咁 搞到我同朋友都唔敢傾計傾得咁大聲 廢事搞到我地好似好嘈咁一拎起個Menu 見到個用文字藝術師同powerpoint砌出黎已經心知不妙 但都係果句 都係想搵個位坐下 三十幾蚊一碗糖水都要嘅 更何況佢位處東大街呢條食街 競爭咁大 諗住差極都有個譜啊點知?原來沒有最差，只有更差!叫左碗「金牌楊枝甘露」，一拎起支匙羹，就黎可以漿實支匙羹，飲第一啖，唔講以為自己飲緊奶!真係鴻福堂支裝果啲都好飲過佢!成三十幾蚊碗都比啲咁嘅野我楊枝甘露可以一啲芒果味都冇!係叫做個面頭有啲碌柚肉，有返啲甜酸味!啲野唔好食都唔其次，服務態度差真係冇情講!!!我地第一次落單嘅時候明明叫4碗，點知就整左5碗出黎!明明睇住佢落果張單寫4碗，個老闆娘自己整多左碗就賴落我地度，話我地落單唔講清楚，仲悔悔氣氣咁話「今次就算啦 下次咁樣要早啲同返我地講!」果下真係無名火都起!!!!你地員工同你溝通有問題就屈落個客度，我黎食碗糖水都要比你明嘲暗諷，咩態度啊宜家?!!咁樣做生意架咩?題外話，講起員工同老闆娘，我地一入去果陣，果個咁嘅老闆娘就呼呼喝喝個唔知係咪佢個女嘅樓面招呼我地，唔記得拎碟墊住碗糖水又喝個員工拎返啲碟比我地，你點教員工我唔理，但可唔可以唔好系我地客面前用咁負面 咁唔好老脾嘅態度教女，我入黎食糖水係求開心，唔係聽你點樣西口西面教員工點做，就算係做錯小小野，都唔應該用咁嘅態度教伙計，咁樣係唔配做一間糖水鋪嘅店主，亦都係唔配做個良心僱主!…查看更多

點解openrice無得比負星，我覺得一星真係侮辱咗粒星。伙記落錯單，本來叫4碗糖水變5碗，好啦，可能係我哋一開始落單落得衰，唔小心叫多咗碗，但係已經即刻叫翻個伙記翻嚟叫佢取消翻一碗糖水（個陣張單都未到廚房，最慘係我哋望住佢真係取消咗碗糖水，張單suppose係啱架！）。同個伙記講落錯，點知個伙記仲要駁嘴，話“明明同你覆咗單”，個陣條氣已經唔係好順，因為佢自己落單亂咗，仲要怪個客？點知！老闆娘事後仲要走出嚟，同我哋講：“已經幫你哋取消咗一碗，下次唔該你哋早講。" （我真係唔該你唔好唔該我，因為一定無下次）阿老闆娘，你當時唔在場，你又知係我哋無早講？連一點思考都無就推卸責任，簡直不知所謂。我即刻反駁 ：“頭先佢(個伙記)一擰轉面我就已經講咗。” 可惜，老闆娘無視我。當我以為今餐甜品已經錯到無得再錯嘅時候，老闆娘（喺我哋面前）同個伙記講，“你做咩唔比碟人吖？” 吓！？原來唔止張單錯，連最基本的上菜都錯？（原來每碗糖水下面係應該有隻碟墊住）大佬吖，你錯還錯，唔好喺個客面前講吖嘛，你唔講我真係唔知你錯，宜家你講完又比多個位我入你，何必呢？到食物，我叫咗碗“皇牌”楊枝甘露，芒果味唔夠，奶太多，所有食材被奶味完全掩蓋，一個字“差”。唔怪得之隔離個間糖水舖好生意咁多，早知等位食隔離個間。…查看更多

今日真係唔好唔開心，當然去食甜品，平時成日食芒果小丸子，今日試新嘢……肉桂蘋果金寶配海鹽雪糕。舖內播的歌唔嘈好柔和，心情好了少少冇咁唔開心。舒舒服服等待甜品來臨，坐咗一陣甜品到，廚師整得好靚，蘋果焗得好香、有肉桂味食落甜度剛好，海鹽雪糕配佢剛剛好，好夾唔會搶大家味道，細問下完來佢哋將蘋果炒過，唔似其他甜品舖整到一味得個甜字，蘋果又冇味，呢度的蘋果金寶我過咁多間得呢間整得完全係我想食嘅味道，食完心情已好了。問廚房姐姐是否去學過整甜品，佢答從未冇出去學，完全係有人話俾佢聽點整再去自己研究，咁佢真係好叻。呢度D甜品俾起出邊排長龍等位等到腳軟嘅甜品舖好食好多，其實冇人D嘢食嘅店舖唔一定難食，分分鐘有意外驚喜。從此對冇人嘅店舖改觀，D人太注重排長龍嘅店舖就覺得一定好食，相反反而呢店舖求其出品。加油、希望多D人見到食評後多D嚟食，值得繼續支持。…查看更多

真係不知所謂難食到死。個香芋多豆椰汁桃膠，啲椰汁酸左，桃膠煲到豬皮咁，真心唔開胃，過哂火。食左半碗放棄。另外，紫薯椰汁湯丸啲紫薯打爛哂做左個紫色既汁，一舊紫薯都見唔到... 食完成晚條腸係到響，兩日都腸胃唔alright... 真心唔值呢個價錢！我唔會再幫襯！ （p.s. 我有單有據，講事實，你唔好唔同我登呀！）…查看更多

🥭芒果拼小九子🍨我喜歡吃甜品，以往有吃過這間，但沒想到這次會令人如此失望，只能夠體諒廚房只有一位廚師「一腳踢」-• 芒果底：有少少沙沙地 口感唔夠滑 不過味道都可接受• 小丸子：可以話有咬口 但係唔係彈牙嘅感覺 比較實心-整體賣相不太討好 價錢是這區較划算的甜品店 服務態度很好 不過食物方面偏向雪糕類和湯丸更吸引 …查看更多

想食甜品。。。走入特色店，有許多特色甜品🍮來一空椰汁芋頭流沙湯丸。奶黄湯丸好足料，一咬爆醬😂好彩無燙傷，顏色好靚😍芋頭西米靈底不太甜，剛好的甜度！好味道！…查看更多

其實我好鍾意食甜品, 但因為胃寒好多東西都唔食得。 點知店主比我更清楚，推介了銀耳糖水。 好好味，食完胃無唔舒服。😍店主還推介了心太軟，下次來試試 。從交談中知道，店主是一個對甜品非常有熱誠的人!:)…查看更多

朋友介紹話筲箕灣有間食甜品，食品質素高，所以同朋友嚟試係咪真係好食。招牌顏色很有少女Feel ，一望就望到，入到去可能午餐時間已過人比較少，侍應姐姐俾我哋坐4人枱，睇甜品餐牌，發現除咗甜品外仲有午餐食，吸引我朋友，叫了蟲草花肥牛米綫，而我自己叫了凱撒沙律配雞，同朋友傾了一陣，米綫同沙律到，嘩，肥牛米綫好正，食落有屋企煮的Feel，肥牛煮到剛剛好， 唔韌好滑，沙律仲正，賣相似高級餐廳，係仲靚過高級餐廳。食落雞扒好滑好多肉汁，菜同醬汁剛好唔太多，特別之處用粟米片。最後叫咗碗芒果撈球同朋友 share食，估唔到咁好食，除了椰汁同芒果香外仲有牛奶香味，小丸子好煙韌，超好食。朋友同我都冇諗過係東大街可以食到平民價錢，享受高級餐廳水準，下次一定再嚟食其他。…查看更多

今晚專登落筲箕灣東大街食嘢，食完飯再搵甜品店，又想食中式又想食西式甜品，最後揀咗呢間流心心太軟有驚喜紅豆沙唔太甜跟住仲外賣左兩碗楊枝甘露，屋企老人家話好食總括味道唔錯，會再幫襯…查看更多

行街行到攰，東大街有2間甜品，一間沒有價錢看，一間明碼實價，我當然選擇睇到價錢嗰間，另一間睇唔到價錢，入去實好貴埋單。入到店好靚，感覺好舒服，太多選擇都唔知點揀，店主好細心幫我點了店新產品:榴槤西米露，因為當時冇相未知好唔好食，食物到有意外驚喜，以為平平冇奇一碗西米露，碗西米露配有紅柚子、椰果及似雪葩的榴槤蓉。好香好滑，食落口濃濃榴槤味。食緊時見有D凍，想叫店主取熱水，未叫店主已攞杯熱水俾我，可見店主對顧客十分細心。一值得讚賞！見店主樓面、廚房進出進入，趁店主有空閒同店主傾計細問下，原來因疫情關係，店主自己一個主理樓面同廚房，睇佢都幾辛苦。見佢整俾其他客人的食物相當靚同吸引，可見店主很用心做食品！而家好少店舖咁用心做食品，希望大家都嚟支持下店主，為店主打打氣！…查看更多

作為輕食者，出街食飯都唔吓吓可以搵到light 啲嘅午餐... 有沙律餐嘅lunch可能都要上七八十蚊，又唔想食茶記四五十蚊碟頭飯，常餐都食到極悶... 去開筲箕灣行過見到呢間小店，有沙律跟法包多士，價錢三十幾蚊好似好扺，一於入去試試。入坐時間大概2點鐘，已剩返兩枱客，我一條友，都安排我坐4人枱 👍🏻， 不過如果真係4個人坐係會有啲迫嘅... 我叫咗份煙三文魚蟹籽溫泉蛋沙律，慣性地叫埋少醬。侍應有推薦+$10自家製檸檬薏米水，不過我驚住會甜（我係好怕甜嘅人），就冇加lu。等緊時，佢哋係咁播Twins啲歌，好耐冇聽啦，好有學生年代回憶 ，自己啲歌都擺底唔聽住🤣嘢食嚟到，呢個價錢嚟講都唔算細份，法包多士脆口，係D煙三文魚得幾條⋯⋯不過啲沙律菜係新鮮嘅，撈埋溫泉蛋嘅蛋汁，再加蟹籽少少咸咸地嘅味，都真係唔錯喎！我只覺得係D麻醬多咗少少，好彩我叫咗少醬啫，如果唔係我會覺得啲醬太多... 整體來講都👍🏻 …查看更多

今日去行東大街去甜品，入到去想叫甜品，看到佢哋有沙津同烏冬食，反正肚餓，叫咗鴨胸藜麥沙律。沙律到我以為份量好小，因價錢太廉宜，40蚊唔使，但我錯了，超大份，沙律菜又多(出邊買又貴又小、鴨胸又多，法包長過手拿，呢個價錢出邊真係食唔到，如果呢碟沙律係其他地方食起碼要成佰蚊，仲冇咁多鴨胸，因我試過其他地方食鴨胸得3、4舊，呢度食起碼有半件，再講菜好新鮮，多士烘到剛剛好外脆內軟，配蒜蓉牛油。仲諗住價錢平會hea做，冇諗過會咁用心做，配埋自家㷛的洛神花茶超好味。最後都要食埋芒果西米露，佢哋D芒果西米露好香奶味又冇出面咁甜。真抵食！…查看更多