德美壽司

营业中

休息中

早已聽聞德美壽司大名，因家住大埔，有晚四出覓食之際，剛好遇上德美壽司太和店第一日開業，當然入去一試，怎知自此一試便迷上了。大家都知，日本壽司或刺身最重要的是食材新鮮，問過高大帥氣的主廚後，得知食材日日由日本空運到港，當然新鮮!! 仲不時有季節限定的食材!!除了新鮮以外，主廚的熱誠手藝亦十分重要，晚市不時會有驚喜，例如櫻花木煙燻鯖魚等不定時的特別料理。由於小弟已去訪多次，不知從何講起，故此貼相代文吧!!

之前見呢間壽司店裝修都好有興趣試下，但一路時間唔啱。終於搵到機會一試。夜晚九點後唔使等位，侍應即刻招呼比茶。叫左三碟壽司同海膽魚生丼，再加一個海鮮鍋。壽司同魚生丼都好足料，兩個人食唔曬，魚生好厚切，個舊玉子整得好別緻，飯夠熱，有去北海道食魚生飯既水準。壽司叫左芥辣八爪魚，北寄貝，帶子，十分新鮮，北寄貝超厚，需然飯有少少鬆散，但無傷大雅。相對海鮮鍋就普通d，味道都唔錯。埋單唔使400，抵食。下次再試其他野。

本身住大埔，平時都會同屋企落街食飯，見依間徳心好似開左冇耐，裝修又唔錯就入左去食。一行四人，叫左一個牛油果沙津，鱆紅魚剌身薄切，赤貝剌身，牛油果軟殼蟹卷，什錦天婦羅，一串牛舌，一串雞腎，鰻魚炒飯。牛油果沙津入面除左菜同牛油果仲有d栗米，三文魚子，海澡，魚碎，幾開胃 鱆紅魚薄切，雖然唔係真係好薄，但勝在新鮮，份量足，加埋佢個酸酸地既汁，真係好完美，我宜家先知原來食鱆紅魚點酸酸地既豉油定唔知係汁係咁好味，唔應該點一般或甜豉油。赤貝剌身，十分推介(當時太興奮，好快食左所以冇影到🙈)，超新鮮，入口好鮮味，因為佢係原隻剌身，所以佢d邊邊位會做成迷你卷壽司咁上，加埋d青瓜絲，又另一種口感👍🏻。牛油果軟殼蟹卷，唔錯不過不失，炸軟殼蟹幾脆。什錦天婦羅，我食左一件蝦，一件冬菇，唔知點解我覺得個天婦羅冬菇好食過個大蝦天婦羅，佢同一般天婦羅一樣，有碟專門點天婦羅既汁，但佢特別之處係有一碟類似咖哩盬，有少許咖哩味，又喊喊地咁，點天婦羅又岀奇地好味，第一次試，但覺得依個食法幾好食👍🏻😋。之後既牛舌同雞腎都好唔錯，用左兩款不同既調味黎燒。而鰻魚炒飯就同一般日本餐廳既差唔多。總括黎講，真心覺得依間日本料理好好食，用