德美壽司

营业中

休息中

媽媽生日，諗住帶佢試吓新嘢啦！咁我地一行7人去食，我就預先book咗晚上7點嘅檯，我就六點四十五分到咗，佢話未準備好，比我地坐住6個人先，話另外嗰兩位就食完，到時會將佢地張二人檯比埋我地！好啦！咁你咁講我咪信你囉，等等等......等到成7點半人地嗰檯先走，攪到有人係度企咗成半個鐘😡😡😡😡😡😡😡芒果蟹子沙律！普通嘢唔特別好食！又細碟！唔值咁貴！唔食都得天婦羅雜錦！我都係鐘情南瓜天婦羅多啲！粉有啲厚，味道一般雞脯魚干！嚟個好食wo!唔洗加沙津醬已經好夠味👍🏻燒魚頭！火喉剛剛好👍🏻肉質唔老，夠滑👍🏻唔記得咗係咩刺身🙈唔點豉油係正確嘅，嚟個佢比醋我地點，醋帶出魚本身嘅鮮甜味👍🏻嘩！佢啲海膽有成兩層，一啲都唔腥，仲要勁甜，放入口有即融嘅感覺，一試難忘嘩！本身我係鰻魚控，所以去邊都唔少得要食佢，鰻魚汁分量剛剛好，唔會太鹹！一啖放落口，正丫😂廣島吉列蠔卷$58蠔唔算大隻，不過炸得好食！炸得嚟唔太油，香脆好味👍🏻燒汁原條魷筒$82可能我對嚟個無咩興趣，但都試咗啖，有啲''銀''我對嚟個慢慢🙈鮮蔥吞拿魚腩茸山掛卷$128我係超鐘意食吞拿魚腩，但見到佢成pat咁放喺最上面，睇到都覺得好飽😓吞拿魚腩好新鮮

夜晚經過呢間食日本菜嘅餐廳，俾佢吸引左過黎，因為間舖出面掛上左好多盞紅色嘅掛燈，非常有日本feel望望餐牌都有唔少野叫，又有前菜、沙律、壽司、刺身、卷物、一品料理等等，多不勝數。咁我地今次就叫左牛油果沙律、饅魚飯 燒牛舌、刺身盛合、煎鵝肝帶子卷同埋大蝦天婦羅吞拿魚茸卷。個沙律唔單止有牛油果，仲有d日本蕃茄，好好食。見到餐牌其中一幅圖係煎鵝肝帶子卷，就叫左一客，帶子好新鮮，配上鵝肝做卷物好特別而大蝦天婦羅吞拿魚茸卷個賣相都好吸引，d吞拿魚茸有好多，岩哂相機食先嘅朋友饅魚飯就普普通通啦，如果多d汁會好d燒牛舌就比較細塊另外叫左個刺身盛合，有海膽、牡丹蝦等等，樣樣都好鮮，好好食至於牡丹蝦個蝦頭就可以選擇炸或者煲湯，我地選擇左炸總括黎講，食物質素幾好，值得再黎食多幾次

鄙人七月牛一，娘子豪請食生日飯!! 由小弟喜愛東洋料理，故選定在大埔的德美壽司。霆鋒大大有十二道鋒味!!鄙人有點貪心，當日一共用了十九款菜式。有圖有真相!!大家都是看圖片吧～（全由手機拍攝，無修圖）第一道 北海道玉米 非常清甜的頭盤，食落竟然有種飲豆漿的感覺第二道 類石班的刺身，清甜，彈牙，肉質細緻，有清淡的魚油的甘甜第三道 梅子微酸解膩增鮮，鮮海苔令生蠔更添美味第五道 蟹肉蟹膏的組合無得輸，連底下的炸小魚干一起吃，增添了酥脆的口感第六道 令人驚喜的 皮魚肝刺身，以為是內臟的濃香味，但這竟然是清甜的味道!!第八道 灸燒近江和牛!! 外酥內軟，油香滿溢!!第十道 當晚剛剛到貨的新鮮 深海池魚第十一道 季節當造的石元貝 清!!爽!!甜!!新鮮無得頂!!第十三道 中拖羅 （第十二至十四是拖羅）第十五道 海膽杯!! 配上鮮海苔增鮮!!第十七道 醋青魚!!一般外面食到的只有強烈酸味。這件咬下去肉質鮮而有點彈牙的感覺，不會太酸，只用足夠的酸味來提鮮。第十九道 輕火灸牡丹蝦 底下是蝦膏，同樣輕輕用火灸一下

母親節食飯！係大埔食日本野～試下新野先！行過門口就好幾次，食野第一次！幸好有訂位，唔係應該要等啦！一行8人，自成一角環境唔錯！叫咗個燉蛋，軟殼蟹卷炸蝦卷炸溫泉蛋醬汁魚頭炸豆腐柚子沙律雜錦壽司

之前其實都食過德美壽司不過係尖沙咀嗰間 上次嘅印像好好 今日行經大埔 決定再次光臨 真係好特別好有代表性 日式甜蛋上印有(德美) 又再次歐起我對上—次去食嘢嘅回憶壽司款式種類多 每件都好新鮮鮮甜 完全唔會有腥味 壽司飯夾住唔會散 飯粒有咬口 食落粒粒分明 每嚿壽司飯大細一相約 推介海膽壽司 帆立貝壽司日式蒸蛋 水蛋嫩滑 帶有冬菇嘅清香 加上面頭有海膽 鮮味無窮 層次豐富 健康之選 日式牛肉烏冬 湯底清清地 牛肉片七成熟 非常嫩滑 加上紫菜碎好香口魚生丼飯 魚生份量多 一啖魚生一啖飯 加埋(畫沙b)同豉油又一齊食 簡直無得頂質素依然這麼好 下次還會再來

有晚和太太去，坐了位，太太點菜，我去了洗手間，出來太太話要走人，原來他們把我張二人枱合了另一張二人枱，给了我較後的四個人，但沒有安排另一張枱给我，唯有走人，他們這樣的服務態度真要不得，和老板倒米！

今日去到大埔嘅德美壽司試吓日本料理，記得之前都係紅磡食過呢一間集團嘅日本料理，好彩我哋book咗位，所以就唔駛等，已經有吧枱，我見到出面都有好多人喺度等緊位。我哋就叫咗個磨碎左嘅吞拿魚壽司，一客鵝肝多士同埋海膽壽司兩件，再加溫泉蛋小食。個吞拿魚壽司好好食，佢入面仲有洋蔥粒添，食落去更加有香味，而且仲有爽爽嘅口感，啲吞拿魚碎好新鮮，加埋啲壽司一齊食好好味呀！而且唔需要點豉油都唔腥。鵝肝多士煎得好香，而且唔會好「流」，唔多油，而且厚度啱啱好，又唔會太厚，連埋個脆卜卜嘅多士一齊食，好滋味。但係個溫泉蛋我就覺得普普通通，可能我唔係咁鍾意食生嘅蛋，同埋冇乜味道，只有外面脆既味道。海膽壽司好足料啊！入面真係有好多海膽啊，真係一啖都食唔晒，所以分開左兩三啖先食得晒，正！最後仲有牛奶布甸送啊，上面有啲芒果醬連埋一齊食好好味呀，滿足！總括來講，叫咗四樣嘢，兩個人食都係唔使＄400埋單啦，值得再去！因為刺身壽司好新鮮。

員工： 黑口黑面，笑容都無，hea. Specially the black shirt guy, if you want to work in a restaurant, you better improve it. (Since if he was the manager, those staff will follow him)等位： 等到頸都長，見到有空位，出面啲人都係咁等等等係大埔都要咁等。算吧喇。真係好多食野地方，值得等好過佢。Also 有人入左去仲快過好多人有位。野食真係好一般，一定沒有下次。再見。

求愛與手信前。當然要醫飽肚先啦。三條友行行吓最終決定去依間日本嘢食。叫咗個二人餐加多個一人餐開心share。先嚟蜆肉麵豉湯。有三隻仲要勁大粒肉無沙。正沙律。正常。source看似不太夠。枝豆。無食。唔鐘意三文魚刺身。都好大塊。感覺新鮮。不錯燒靖魚。勁大舊好似唔使錢咁。都燒得不錯。天婦羅。炸粉唔厚。熱辣辣脆卜卜。啲餡都keep到juicy。正牛肉鍋。勁多牛肉。唔太靭。甜甜哋。加埋生蛋入口好滑。啲金菇同菜吸咗啲湯汁。好味雞肉粒炒飯。較乾身。味道較淡。一般啦。以上都係二人餐。太豐富了吧一人餐叫咗生薑豬定食。餸嘅份量都好夠。但個麵豉湯無蜆肉。豬肉好juicy味道都不錯。但無乜薑味。配埋薯仔沙律。個沙律唔係hea爆你。軟硬適中有食到薯粒。加埋粟米多一份甜同口感。真係好不錯散叫咗個唔係度度都有嘅帶子鵝肝卷物。依個真係正到爆炸。帶子鮮味。鵝肝都唔孤寒。起碼見到有啲脆脆喺面。唔使點豉油都夠味。鵝肝油分四溢。香味充斥口腔總結依間餐廳真的非常不錯。有驚喜。唔係啲hea嘅日本餐廳。味道同份量都做得好好。價錢恰宜。環境可以。唯一要彈係有個怪侍應同我哋講落單要搵佢再等佢搵另一個侍應幫我哋。咁你喺度做咩

2點左右去到，趕及佢系落場前幫襯入到去見全場滿座，拎飛等左一陣有位坐系高椅，面對壽司師傅整緊玉子點左2個餐，2個都係人氣之選先黎沙律，食下啲fresh野幾好之後上茶碗蒸，食完有啲頂住然後上壽司朋友話帶子好好好肥美~~隻蝦目測超大隻！！淡淡肉餐另外有烏冬呢個餐有刺生+壽司+炸物炸物每次吾同，今次係炸雞都係好好好豐富我地食到無停過，啲食物排住隊等我地食咁lunch就食到咁多野，相當有罪惡感已經FULL晒，最尾仲送甜品雪糕糯米糍意見吾係每件壽司都岩食一個lunch餐實在太多食物壽司師傅衛生有待改善食食下有烏英飛黎飛去==

約咗朋友喺大埔食飯朋友想食日本野，就試吓德美我哋冇book枱喺門口等左10分鐘到就有位要坐吧枱其實唔係太舒服同隔離位食客有陣時會手踭撞手踭我哋兩個女仔淨係掛住傾計都唔得閑揀嘢食咁就簡簡單單要個二人餐～加多個燒牛舌同埋兩杯生啤首先上嘅係沙律材料有生菜，蟹子，熟吞拿魚用柚子醋，幾清新加蟹子一粒粒喺口入邊爆開，食感比用沙律醬清爽枝豆，牛舌正正常常冇乜特別三色刺身其實係幾新鮮不過呢，刀工就麻麻哋三文魚切成三角形…咬落好似太厚太大舊…魚嘅脂肪香味散唔到出嚟燒鵝肝鵝肝夠肥，香口，食落又冇渣係底嘅多士烘得夠香，加埋鵝肝油，入口即化上面嘅醬汁酸酸甜甜正好中和鵝肝既肥膩，值得推介焗生蠔生蠔焗得啱啱好，夠新鮮味道亦唔腥不過個汁…冇乜味道Creamy 囉，冇喇炸蝦天婦羅同朋友傾到咁上下先食炸蝦平時嗰啲外層應該已經唔得但呢個食落依然非常香口一邊嘅下依然非常之滑冇過老，正差唔多食到最尾就上炒飯係用石鍋上嘅我已經用匙羹不停攪不停攪…其實我覺得個飯本身炒得唔錯不過錯在用石頭鍋上結果係硬左少少…又有少少燶咬都有啲辛苦去到最尾我先飲個味噌湯好足料入邊仲有好多隻蜆同昆布蜆肉唔細，而且煮完湯都冇話老反而係剛剛好非常新鮮好味

今日，同老細兩個人去食晏 咁岩同事又係呢度同客人lunch meeting 就叫佢順手幫我們攞位（懶到一個點）基於得兩個人，坐bar台都無咩所謂，仲比左個機會我老細撩靚仔講返野食先，我們兩個人要兩個餐，大家share食湯比較鹹，但料好多沙律新鮮，不過如果沙律醬可以再多啲就好了日式蒸蛋，夠滑夠香，而且唔會話溝左好多水豬軟骨奄得好入味，送白飯好好食天婦羅比較特別，除咗平時點天婦羅個汁之外，佢仲有一個咖喱粉我平時都唔太食天婦羅，見佢有個咁特別嘅組合，都忍唔住試一試，咖喱粉配天婦羅原來都幾好食刺身睇到個樣都知非常新鮮，重點係佢厚切炸物，佢個雞超好食，炸得好嫩口，一啲都唔老左邊：三件壽司，一件係魚、另一件係他他牛，最入個件係帶子魚同他他牛都係我阿姐食，俾唔到comment不過佢係一個嘴刁嘅人，佢冇話唔好食，都應該唔錯我見佢個他他牛都俾得好多，我決定下次出bonus再黎，要自己食呢個餐中間：又見刺身右邊：卷物+吞拿魚醬，佢個吞拿魚醬應該係撈左啲沙律醬佢個味調得好好味，唔會話好腥另外個玉子，可能因為我們坐bar枱，師傅見到我哋兩個人share食兩個餐佢好細心咁將個玉子切左做兩份（我上次黎既時候無切架

今晚趁情人節前夕和老公大人到了這間朋友話好食的新開日本餐吃情人節晚餐！這間新店在角位個招牌好細！我倆在車看咗好耐要打電話去問至知！可能我們訂了六點半所以到時還未有很多食客侍應很快送上熱茶。看了餐牌有前菜、刺生、壽司、串燒、主吃、炸物、鍋物、丼飯、甜品…另外還有二人套餐。很快點了食物。一邊等食一邊睇裝飾和店面原來這裡不是很大但原來有個高大的師傅做刺生、壽司雪櫃內放滿新鮮的魚生。兩個人吃了五百多元！低吃

成日經過，比門口餐牌吸引，但都冇時間去試，家人之前晚市食過都話唔錯，今日有時間就兩個人去試下午飯便當，環境衛生都好，我就點左個鰻魚飯便當，另一位選擇野菜牛肉鍋，兩個餐都有前菜，什菜沙律，茶碗蒸蛋，味噌湯，什麼沙律我就麻麻，沙田店系用薯仔沙律好食，鰻魚飯都幾好味，野菜牛肉鍋分量都幾多下，兩個人都食飽，食完每人一粒雪糕糯米糍，有時間都會再去試其他定食 ,價錢都唔算貴 ,可以接受。

細妹生日飯被人甩底，做阿哥的我便救她一下，帶她來到太和的德美壽司。由於是星期六晚，人客很多，幸好接到細妹電話時便打去德美訂位。有圖有真相，大家看相吧!! （用手機拍的）PS : 很高興遇上一對很Nice的夫婦，大家分享了不少食經與旅遊經歷，很愉快美味的一餐