御瀧軒

# 🐉【御瀧軒．南華會】靜中帶雅嘅高質粵菜晚飯體驗 尋晚同老婆去咗南華會地庫嘅 **御瀧軒** 食晚飯，一入去已經有驚喜。成個餐廳設計好恢宏，**吊燈、水晶、灰藍色皮椅**，氣派十足但又唔覺得壓力。枱距闊落、座位舒服、人又唔算多，**係一個可以慢慢嘆飯、輕鬆講吓偈嘅地方**。員工態度好有禮貌，講嘢細聲得嚟又留意客人需要，感覺好貼心。 ---## 🦐 惹味蝦球蟹籽粉絲煲 $168 呢個一上枱成個香氣撲鼻！粉絲吸晒啲汁，**每啖都帶少少蝦膏香同蟹籽嘅鮮味**。 蝦球唔係細細粒嗰啲，**幾大隻又彈牙爽口**，啖啖肉。調味做得好啱啱好，唔會死鹹；反而帶少少甜香，再加埋粉絲底，齋食都唔覺得淡！ 老實講，呢個菜一上嚟我哋就停唔到手——明知仲有幾味未上，但都食到差唔多清晒。 ---## 🥬 芥蘭炒臘味 $188 平時炒菜好多時都唔值得特別講，不過呢碟真係要讚。 芥蘭炒得啱熟啱啱爽脆，**入口好清甜**，仲帶少少鑊氣。 臘味切得厚薄適中，**唔會過鹹、啲油香又出得嚟但唔肥膩**。 成碟平衡得好好，連我平時少食菜嘅老婆都話出奇地好味。呢個價錢雖然唔算平，但**食得出功夫同用料。** ---## 🐟 新鮮黃耳鮑耳鮑魚紅燒肉 $198（今晚 MVP 🌟） 呢個真係今晚嘅焦點！ 紅燒肉色澤晶瑩，夠晒油潤。**豬腩煮得入味，肥瘦分明**，一夾入口係香滑軟綿，完全唔膩。 啲汁微甜帶鹹，配埋鮑耳（即係小鮑魚），真係完美結合。鮑魚嫩滑、吸晒肉汁精華，層次感豐富。 老實講我哋已經九成滿，都仲係不停夾，**嗰陣真係忍唔住。**---## 🍚 十二年老菜甫火腩炒飯 $198 壓軸登場嘅炒飯，果然有佢地位。飯粒乾身、粒粒分明，**炒得夠鑊氣唔油膩**。 入面啲火腩切得厚薄適中，**肉香豐富又唔肥膩，啖啖肉感十足。** 上層仲灑咗少少肉鬆點綴，食落多咗一層鹹香滋味。 不過份量真係好大，我同老婆兩個人食唔晒，**最後只能打包大半盒走**。 ---## 🍵 甜品：綠豆沙 食到尾佢哋主動送上熱綠豆沙，好暖心。 唔太甜、豆味香濃，**係一個好完美嘅結尾。**---## 💬 整體評價 | 項目 | 評語 ||------|------|| **環境** | 典雅舒服，空間感強，枱距夠闊 || **服務** | 店員有禮、反應快、不催客 || **食物水準** | 每一味都見心機，味道層次分明 || **價錢** | $788 兩個人食到飽晒，唔收加一，性價比算高 || **美中不足** | 地點比較偏，唔係會員就要入會或經朋友帶入，不過值得特登嚟試！ |---## ❤️ 總結感想 > 今次喺南華會嘅 **御瀧軒** 真係有驚喜， > 餐廳環境寬敞舒適、食物水準高過一般酒店中菜廳。 > 無論係蝦球粉絲煲定紅燒肉，都做到傳統粵菜嘅精髓 —— **香、滑、濃而不膩。** > > 唯一缺點就係位置唔算方便，但**如果你重視用餐體驗、鍾意高質粵菜**，呢度一定唔會令你失望。 > 下次可能會約多幾個朋友一齊嚟，開幾支酒、慢慢嘆，應該會更完美。😋 📍 **地址**：香港加路連山道88號B層及UB層（南華會地庫） 💰 **消費**：$788／兩位（唔收加一） ⭐ **推介菜式**：紅燒肉配黃耳鮑魚煲、惹味蝦球粉絲煲…查看更多

環境5分：南華會地牢餐廳地方非常闊落，夠光猛，好多張大枱同細枱，仲有個超大電視，散座好坐，環境舒適可以畀五分。衛生5分：枱布，筷子，碗碟都非常乾淨，衛生一樣畀五分。服務5分： 服務員主動加水，換碗碟，送小食同甜品，態度好好，滿分。味道5分：1)    埋位每人先送咗一隻大大長長嘅醉蝦，酒香好濃，非常入味，隻蝦好爽好甜。2)    大大盅滋補養顏嘅陳年川貝椰皇燉鷓鴣湯入面有雞腳，鷓鴣肶，紅棗，瘦肉，熱辣清甜，飲落好潤喉舒服。3)    碟豆醬翡翠煎焗帶子插囇花好高級，刺身級帶子粒粒都好鮮甜，入面有Ｄ荷蘭豆同黃菌，非常之有鑊氣。4)    淮杞珍珠浸菜苗個魚湯好甜，D白菜好嫩，入面仲有粟米粒，百合，杞子同珍珠，口感好豐富。5)    大大盆十二年老菜甫火腩炒飯入面有芥蘭頭，老菜甫，同火腩，好惹味，份量非常之足。6)    免費送嘅芋頭西米露上枱熱辣辣，出囇煙，食落又唔係好甜，非常潤同健康。抵食5分：平均四百蚊一個人有湯，有菜，有飯，有海鮮，仲送埋甜品，包羅萬有，非常豐富飽肚，質量保證新鮮，抵食五分。…查看更多

第一次去南華會 就給了御瀧軒朋友帶我去吃中菜🥰 果然是老牌酒家很多菜式都很不錯 特別是湯💯.🦐 惹味蝦球蟹籽粉絲煲未入口先聞到濃郁的鮮香粉絲吸飽了蝦膏和蟹籽的鮮汁，軟糯中帶著絲絲彈性，蟹籽咬落卜卜脆蝦球肉質飽滿 彈牙爽口不柴不松.🦆 臘鴨脾炒花菜臘鴨脾跟 花菜的組合 廣東人最愛臘鴨脾咸香濃郁，還帶著淡淡的煙薰香油脂的香氣慢慢滲入花菜花菜炒剛好 鮮甜脆嫩味道層次卻很豐富.🥩 美極蔥香煎牛仔肉厚切安格斯牛柳搭配新鮮蘆筍、彩椒和洋蔥🤤 牛仔肉煎得火候絕了 咸香中帶著淡淡的甜咬落有扎實的飽足感 …查看更多

係南華會打完波，有d肚餓，朋友話見地下層開左𢵧中菜廳，離遠一望又見到貼住主廚比賽得獎嘅獎狀，睇落唔錯，決定試一試粵菜風味。入面都幾光猛，坐得好舒服，仲望到泳池訓練！先叫了二款燉湯，一菜一主食一飯～ 燉湯上來熱呼呼的，有烏雞，雞爪、豬肉、螺頭，紅棗，好足料，非常滋補花菜我真是吃不膩呢，上枱的鹽泥肉爆炒花菜大大份，脆脆的口感，再加上切碎粒的臘腸肉，肥廋相間，好香好惹味泰式鳳梨炒飯滿滿的食材也太清爽了！有肉鬆、大蝦、腰果、鳳梨混合在一起 多層口感 真的好吃啊！特別是肉鬆鹹香鹹香的讓人一口接一口 根本停不下來MVP 一定係客家酸菜湯煮牛仔肉，酸菜湯酸度充足，牛仔肉軟稔，牛肉味香濃🐮 下面既陳村粉吸滿酸菜湯汁，配上配菜如金針菇、雲耳、青瓜等，好清爽～ …查看更多

講起泰國菜，除咗冬蔭功同炒金邊粉，我嘅必食清單一定有個泰式菠蘿海鮮炒飯！今次喺銅鑼灣「御瀧軒」試到，真心有驚喜，絕對係全場最值得推介嘅主食！個炒飯金黃色，分明睇到啲蝦仁、魷魚、帶子同青口，仲有啲肉鬆、提子乾同腰果鋪喺面，勁足料！香味呢？ 一啲都唔輸蝕！未食已經聞到好香嘅菠蘿甜味同埋好濃郁嘅咖喱粉香，仲有啲鑊氣嘅焦香，搞到即刻想開動！首先，個飯炒得乾身又夠鑊氣，一啲都唔會油淋淋或者癡埋一舊舊。每粒飯都上晒色，入味得嚟，咖喱粉嘅味道同菠蘿嘅酸甜出奇地夾，完全唔會死鹹。其次，啲海鮮絕對唔係交行貨！蝦仁爽口彈牙，魷魚同帶子都夠鮮味，最緊要係份量夠多，幾乎每一啖飯都會食到海鮮，好滿足！最正嘅食法？ 就係舀一羹充滿咖喱香嘅炒飯，連同一件清甜多汁嘅菠蘿肉，再加啲脆口腰果一齊放入口！個口感同味道層次即刻爆燈，鹹、甜、酸、香、脆一次過晒出嚟，真係「邪惡」得嚟好過癮！如果你喺銅鑼灣想食個高質又滿足嘅泰式炒飯，御瀧軒呢個菠蘿海鮮炒飯，我真心推薦你試下，保證你同我一樣，食到停唔到口！…查看更多

撞啱現在有全運會項目，不期然就諗起南華會有間中菜又有大電視，可以一邊食一邊睇比賽👏🏻。因為太耐冇嚟，原來已經改頭換面，新裝修，又夠光猛，地方闊落，仲有個over100吋的大電視👍🏻。先來個經典西湖牛肉羹，嘩！器皿好似個湖的感覺，份量都幾多，普通菜式，但幾有水準👍🏻。再來有深海比目魚扒，外皮炸到金黃色，魚好嫩滑，而且非常厚肉，再用少少美極醬汁兜一兜佢，香噴噴👍🏻。古法桂花炒瑤柱這個菜色又幾得意，首先完全不油膩，炒得好乾身，除咗瑤柱蛋，中間夾雜粉絲芽菜，送飯一流。再來一碟薑汁炒芥蘭，菜一定要食🤭滿足的一餐。這間中菜係坐得幾舒服，感覺幾好🫰🏻。又撞正何詩蓓今晚攞金牌👍🏻👍🏻👍🏻。值得紀念。…查看更多

今次同班朋友喺銅鑼灣御瀧軒試咗呢道荷香金腿麒麟蒸雞，真係要同大家開心share！一上枱已經荷香四溢，揭開荷葉那刻全枱人都「哇」咗出聲～首先賣相已經夠晒吸引！師傅將金華火腿同冬菇片「麒麟」咁夾住雞件，排得靚靚仔仔。雞肉蒸得啱啱好，滑到不得了，仲索盡荷葉嘅清香。金華火腿嘅鹹香同冬菇嘅鮮味完全滲入雞肉裡面，每啖都係層次分明嘅滋味！最正係個汁！蒸完嘅雞汁混合咗火腿嘅鹹鮮、冬菇嘅醇香同荷葉嘅清新，精華到不得了！我哋忍唔住叫多碗白飯撈汁，真係一滴都唔想浪費～呢道菜雖然睇落簡單，但係好考功夫。雞肉要保持嫩滑，火腿又要蒸得恰到好處唔會過鹹，仲要平衡到各種食材嘅味道。今次真係食到師傅嘅功力！如果你同我一樣鍾意食蒸菜，呢道荷香金腿麒麟蒸雞絕對係必點之選！已經約定媽子下次再嚟encore，佢實鍾意！…查看更多

咁耐都未去過南華會，成日都聽呢個名，同埋知道歷史非常悠久，提供各類康體設施。除此之外亦有數間餐廳，今日同朋友去咗御瀧軒，想感受一下粵菜風味。是日燉湯有烏雞，螺頭，紅棗，十分滋補又清甜。金牌燒鵝皇，燒鵝系即叫即燒🔥外皮香脆，鵝肉啖啖肉，肉質結實，鎖住肉汁，不愧為招牌菜。客家酸菜湯煮牛仔肉，酸菜湯酸度充足，牛仔肉軟稔，牛肉味香濃🐮十二年老菜甫火腩炒飯，火腩好肥美，炒飯夠曬鑊氣🔥粒粒分明。餐廳仲送咗蕃薯糖水比我哋🍠蕃薯軟綿綿，糖水夠曬清甜。…查看更多

今次同班friend去銅鑼灣御瀧軒食飯，專登為咗佢哋個招牌脆皮豬手而來，果然冇令我失望！一上枱真係嚇親！隻豬手大隻到呢，足夠3-4個人share。個皮燒到金黃色，脹卜卜好似充滿氣泡咁，望見已經流口水。切開個陣聽到「喀嚓」一聲，清脆到不得了，連隔離枱都望過嚟！個皮真係無得頂！脆到好似食緊薯片咁，但又帶少少煙韌，一啲都唔油膩。入面嘅肉質保持到juicy，唔會乾爭爭，仲有淡淡鹹香。最欣賞係師傅處理得好好，完全冇豬臊味，連平時唔食豬手嘅朋友都搶住食！隨豬手會跟埋兩種醬汁，蜜糖芥末醬同酸辣醬。個人比較鍾意點蜜糖芥末，甜甜地又帶少少嗆鼻，同鹹香嘅豬手超夾！怕膩嘅話可以夾埋旁邊嘅酸菜一齊食，清爽解膩。即叫即炸絕對值得！仲要試埋佢哋其他小菜。如果你係脆皮控，呢個豬手真係必點，保證食過返尋味！…查看更多

御瀧軒位於銅鑼灣南華體育會，以傳統粵菜及點心為主打，餐廳裝潢簡潔明亮，帶有老香港的懷舊感！店內座位寬敞，亦設有包廂房，方便客人選擇。滋補養顏燉湯：羊肚菌螺頭燉竹絲雞螺頭和雞肉的鮮味完全滲透湯中，使湯汁既濃郁又鮮甜，而羊肚菌則帶來自然的菌草香，令人回味無窮。xo醬荀爆松板肉：松板肉口感脆嫩、有嚼勁，燒炒後更凸顯油香與豬肉的自然鮮甜。搭配XO醬激發出醬香濃郁、帶有微辣且鹹鮮的層次感。臘鴨脾炒花菜：臘鴨脾炒花菜呈現出鹹香濃郁、帶點煙燻味的臘味，搭配花菜的鮮甜脆嫩，在蒜香與蔥辣的提香下，味道層次豐富。泰式菠蘿海鮮炒飯：炒飯粒粒分明，鑊氣和香氣十足，帶有濃郁的泰式香料風味，酸甜開胃。材料加入了帶子、蝦仁、菠蘿粒、葡萄乾和肉鬆，味道和層次感豐富。…查看更多

喺南華會附近開完會順便喺呢頭食埋晚飯，同事帶路介紹呢間中菜廳「御瀧軒」，地方夠大枱與枱之間十分寬敞，啱晒宴客或者家人聚餐，菜式特別有心思，下次一定要帶埋屋企人黎試下先👍🏻新鮮黃耳鮑魚紅燒肉黃耳係較為特別嘅一種菇菌，膠質非常重，入口軟滑營養價值高👍🏻配上彈牙嘅鮮鮑魚去炆煮紅燒肉非常入味，薄薄嘅一層肥肉部份入口即化，肉質鬆軟，食落一啲都唔會覺得膩，香甜濃稠嘅醬汁拌飯一流😋360牛乳黑松露滑蛋蝦球必食推介👍🏻👍🏻👍🏻擺盤精美，足足有六隻大蝦球，爽口又鮮甜，配上軟滑嘅黑松露炒蛋，黑松露嘅香氣加上蛋香令人無法抗拒😋炒蛋火侯啱啱好，裡面仲充滿蛋汁，亦係一道非常下飯嘅菜式臘鴨髀炒花生芽店員推介改為花生芽去炒臘鴨髀，平時較少有嘅食材，花生芽口感爽脆味道清甜，配上油香咸鮮嘅鴨肉形成強烈嘅對比，令味道層次更加豐富十二年老菜甫火腩炒飯諗住嗌返個炒飯就啱啱好，但係原來店家每碟餸嘅份量都非常大份，等於平時我哋出去食嘅double份😆呢個炒飯足足分到7-8碗👍🏻火腩切粒加入酸爽嘅老菜甫同清脆嘅菜心粒，上面再鋪上肉鬆，炒飯乾身粒粒分明，多款食材配搭令口感更加豐富，咸咸香香嘅味道不自覺咁食晒成碟😋📍御瀧軒 (銅鑼灣)銅鑼灣加路連山道88號南華體育會體育中心(高座)UB樓人均消費：$400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

御瀧軒價位雖然小小高但食材新鮮、用料十足，烹調手法精湛每款菜式都有驚喜環境舒適，而且服務周到每位客人入座先送一杯陳皮柑桔茶，開胃又潤肺360牛乳黑松露滑蛋蝦球 蝦球大隻彈牙，咬落鮮甜多汁，完全唔會柴口滑蛋用360牛乳調製，滑溜到好似雲朵一樣，入口即化，奶香味超濃郁再加上高級黑松露嘅獨特香氣，鹹香帶住淡淡菌香鹽泥肉爆炒花菜 鹽泥肉鹹香帶油香，肥瘦均勻，咬落油潤唔膩花菜炒得爽脆唔軟淋，吸晒鹽泥肉嘅油香同醬汁鹹鮮帶少少鑊氣，簡直係送飯神器泰式菠蘿海鮮炒飯 菠蘿清甜多汁，炒飯粒粒分明，裹住淡淡椰香同泰式香料味，鹹甜開胃每啖都有海鮮嘅鮮味，加上菠蘿嘅清爽，完全唔會油膩新鮮黃耳鮑魚紅燒肉 鮑魚大隻厚身，咬落彈牙入味，吸收咗紅燒汁嘅精華鹹香帶甜。黃耳爽口滑嫩，紅燒肉肥瘦均勻，肉質軟爛，醬汁濃郁黏稠，鹹甜得宜陳年川貝椰皇燉鷓鴣 炖出來嘅湯帶住天然椰香，清甜又潤喉陳年川貝嘅甘香同鷓鴣嘅鮮味完美融合湯底清澈唔油膩，鷓鴣肉嫩滑唔柴，飲完喉嚨好舒服滋潤又養生，飯後飲一碗超解膩，簡直係靈魂菜式！最後仲有蛋茶解油膩 好貼心…查看更多

御瀧軒係銅鑼灣南華會內嘅中菜餐廳❗️今晚因為約咗住喺附近既富貴朋友，她選擇咗呢度，因為餐廳私隱度高，非常適合想安靜撐吓枱腳嘅朋友💃🍤 龍蝦伊麵：龍蝦鮮味十足，肉質新鮮彈牙，醬汁不油膩，完美融合海鮮鮮甜與粵菜精華 👍🍗 脆皮燒雞：雞皮烤得香脆，肉質嫩滑多汁，每一口都有豐富口感，令人難忘，下次都要encore 😋🥬 薑汁炒芥蘭：芥蘭爽脆，薑汁清新醒胃，健康又滋味，完美平衡重口味菜肴，幾好既 🌟🥣 酸辣海鮮羹：湯底酸辣適中，海鮮料超豐富，入口滑順，刺激味蕾啱啱好🤩 店員幫手分埋，好貼心 🥰御瀧軒不單食物質素高，環境雅緻舒適，加上座落於南華會這個隱密地段，令整體用餐體驗更添尊貴及私隱感。鍾意私隱同高質粵菜嘅朋友，真係好啱呢度聚餐 ✅…查看更多

傳統+創新，銅鑼灣新開中式菜館銅鑼灣新開了一家中式菜館，以傳統粵菜融合創新元素為主打，裝潢典雅，環境舒適適合家庭聚餐或商務宴請。精緻菜餚。滋補燉湯，用烏雞、雞腳、瘦肉、紅棗和杞子慢火燉成。湯頭清澈不油膩，入口鮮甜，藥材香氣撲鼻，烏雞肉嫩滑多汁，雞腳膠質豐富，瘦肉入口即化，紅棗杞子增添甘甜，喝完感覺全身暖和，適合秋冬進補。價格親民，絕對是開胃首選。鑊仔薑米即燒叉燒炒飯上桌時熱氣騰騰，薑米香氣四溢。叉燒選用上乘，外脆內嫩，切成丁與米飯炒勻，微微焦香，薑米提鮮解膩，不油不膩，吃起來回味無窮。比起傳統炒飯，火候掌握精準，絕對是飯類中的亮點。惹味蝦球蟹籽粉絲煲蝦球彈牙鮮美，裹上蟹籽增添奢華感，粉絲吸滿汁醬，醬料辣中帶甜，微微麻辣，配上蒜蓉和青蔥，層次豐富。份量大，適合分享。娘惹咖哩汁配脆皮豬手融合南洋風味的菜餚，豬手皮脆肉嫩，炸至金黃，咖哩香辣適中，椰奶香氣濃郁，不會過火，豬手膠質豐盈，創新中不失中式本味。菜式新穎，用料新鮮，服務周到，性價比高，直得一試。…查看更多

去完南華會打保齡之後唔知食咩好，見到新開咗間咗中菜廳，就一於try try佢雙冬羊腩煲🐑天氣入秋涼涼地，侍應推介時令羊腩煲，羊腩選用「蝴蝶腩」，係羊腩煲中最矜貴的部位，稀少而且肉質極佳。羊腩炆得夠腍，但不失咬口，羊腩煲夠足料，配料有馬蹄、枝竹、冬菇、冬筍等，非常豐富古法桂花炒瑤柱🍳呢道菜睇落好家常，但其實係心機菜，精髓在於將瑤柱蒸熟後人手撕成絲，與打散的雞蛋液混合，在鍋中炒至類似「桂花」狀的蛋碎，再加入其他配料翻炒而成。蛋碎炒得岩岩好，配上炸得香脆嘅瑤柱絲同芽菜，口感非常豐富鹽泥肉爆炒花菜🥦鹽泥肉即係鹹豬肉，呢道餸主要利用鹹豬肉嘅鹹鮮味嚟提味，搭配爆炒椰菜花，咬落爽脆鹹鮮，好岩送飯…查看更多