御名軒

营业中

休息中

好耐冇同媽咪出去食飯，今次去咗天后嘅御名軒酒樓，真係好開心！我地食咗幾樣嘢🤭首先大閘蟹真係唔錯，肉質鮮甜，蟹膏更係肥美，搭埋醬油食，超滿足！再嚟就係羊腩煲，湯底濃郁，羊腩軟嫩，夾住啲冬瓜，味道好夾。豉椒炒蜆，炒得啱啱好，蜆肉鮮嫩，豉椒味唔會太重，反而添咗一份香氣。最後，金銀蛋菠菜都幾特別，菠菜鮮嫩，金銀蛋嘅口感亦都好好，簡單但好味。加埋一壺普洱茶，成個晚餐真係舒服。環境都幾靜，適合朋友聚會或者家庭聚餐。

📍 御名軒宴會廳天後電氣道22-52號金殿大廈1樓🐏 古法羊腩煲 寒冷天氣最適合食羊腩煲❄️每一塊羊腩都經過精心燉煮 羊肉煮得非常軟 👅食落鮮嫩多汁 入口即溶 吃完成整個人都暖粒粒 🔥🍘 生炒臘味糯米飯份量滿滿 很足料 花生➕臘味➕蝦米鹹香 🦐吃起來層次感豐富 冬日暖胃首選 💥大閘蟹 🦀見到$68蚊一隻大閘蟹真係好扺食 🫶🏻大閘蟹拆開真的爆膏😋 蟹肉甜嫩 蘸取少許蟹醋 鮮氣十足 ✌🏻紅燒乳鴿 🥢外表酥酥脆脆 肉質超嫩 里面肉汁很豐富 味道也剛好 🔝咕嚕肉 🐷咕嚕肉色澤金黃 食落口感酥脆 配上酸酸甜甜的醬汁 開胃又下飯 🍚

做街坊生意嘅酒樓，地鐵站已經見到佢嘅晚市三寶廣告，一出天后地鐵站A2出口左轉已經見到😍。『晚市三寶』 有片皮鴨$98半隻、冬瓜盅$108同蠔皇鮑魚扣鵝掌$108。本來想要片皮鴨同冬瓜盅，但冬瓜盅已經賣晒，想食嘅人要打電話留定啦。京式片皮鴨 2-4位半隻$98片皮鴨比較平平無奇，勝在價錢平過足口癮。嬤嬤皮係鬆鬆軟軟果種，用超級大嘅蒸籠上枱好有氣勢。生炒糯米飯份量十足超大碟，可以足夠6-8人分享，糯米飯軟糯煙靭，裏面加香口臘味、蝦米、花生、雞蛋絲、香蔥，上枱時連侍應姐姐都讚口不絕話啲飯好靚。食落果然正，粒粒分明又唔油膩，呢排涼涼哋食香噴噴嘅糯米飯就最適合。豉椒炒肥蜆個名叫肥蜆，令到我對佢肥美嘅程度期望值大大上升，結果係正正常常size嘅蜆🤣🤣🤣，但個調味好好食🤤惹味香口蜆肉甜甜的，完全冇沙。每年秋天都會想食嘅大閘蟹，$68/1隻 4.5兩，有人蒸埋真係10分抵食。係公蟹，肉質鮮甜，流質滑身嘅蟹膏好好食😍。食得出好新鮮。

天后地鐵站出口有間酒樓叫御名軒 晚晚爆場，佢嘅晚膳三寶仲十分受歡迎！平時啲小菜又抵食！依加仲有埋大閘蟹食添！呢晚即同屋企人去食飯，仲預訂埋晚市三寶嘅冬瓜盅 （每日限量）！ 🦀《 清水大閘蟹 💲68/隻 》 點咗2隻～ 蟹肉飽滿，蟹黃味似蛋黃，含有豐富嘅膠原蛋白，蟹膏黏口又甘香，夠鮮味～🫒《 冬瓜盅💲108 （原價$198） 》一大個冬瓜好足料！有帶子仔雞肉，蟹柳、蝦肉、鴨肉、蓮子等。湯底同冬瓜肉好香甜，秋冬乾燥嘅天氣飲，特別覺得清潤～ 🍲《 古法羊腩煲 💲248 》跟一大碟生菜🥬羊腩嫩稔，仲有馬蹄、支竹等，湯汁濃郁，材料都入味，加上附上嘅兩碟腐乳，更加提味～ 另外見到《 片皮鴨💲98 》咁抵食又嗌嚟試吓～佢嘅片法係肉多皮少，所以肉加上蒸皮都幾飽肚下～3個人都食唔晒，性價比高～！*花生 💲15/碟（2-4人） **晚市茗茶 💲15/位**白飯/白粥💲14/碗*

天氣開始轉涼又係食大閘蟹嘅季節啦🦀今晚同屋企去平時嘅飯堂天后「御名軒」食飯，梗係要嗌返兩隻食啦✌🏻呢度每碟餸都大大份，經濟又實惠，啱晒一家人飯聚😆大閘蟹清蒸大閘蟹每隻大概4-4.5両重，$68隻仲平過自己買返屋企蒸👍🏻兩隻都係公嘅，仲爆晒膏，甘香美味，入面嘅白膏好漿口添，蟹肉鮮甜，推介👍🏻海蜇拼燻蹄海蜇冰涼爽口，燻蹄肉皮QQ彈彈，配上白醋汁清爽又開胃御名小炒王招牌小炒王係我每次必嗌嘅菜式，呢度嘅份量等於平時嘅兩碟一樣，材料夠豐富，有韭菜、大蝦、蝦米、腰果、元貝、銀魚仔、蘿蔔乾，韭菜炒得碧綠爽脆，夠晒鑊氣，每一啖都食唔同嘅食材，口感非常豐富脆皮燒雞即叫即燒，脆卜卜嘅雞皮加上嫩滑嘅雞肉，配上濃郁嘅黑醬油，香口美味😋雞髀位夠肥美，入口啖啖肉，生炒糯米飯份量十足超大碟，可以足夠5-6人分享，糯米飯軟糯煙靭，裏面加入臘腸、潤腸、蝦米、花生、雞蛋絲、香蔥，上枱時仲熱氣騰騰，冬天食飯滿香噴噴嘅糯米飯就最適合😋📍御名軒 (天后)天后電氣道22-52號金殿大廈1樓人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

去咗一間有季節大閘蟹套餐嘅中菜館，一入到去，裝潢好有古典韻味，燈光柔和，令人感覺好舒服。大閘蟹一上枱，蟹殼金黃，肉質鮮甜，特別是蟹膏，簡直係人間美味！搭配醬油和姜蓉，味道更加升級，實在令人食指大動。臘味糯米飯香氣四溢，臘腸和臘肉切得厚實，與糯米混合得恰到好處，每一口都帶有濃厚的煙燻味，吃完真係唔夠！蛇羹湯底濃郁，蛇肉滑嫩，搭配各種配料，口感層次豐富，讓人驚喜。這道菜對於想試新口味的人來說，絕對值得一試。鮑魚彈牙，鵝掌軟滑，兩者搭配得天衣無縫。醬汁入味，令人一口接一口，完全停唔到。這道菜非常適合喜歡海味和肉味的人。薑汁糕甜而不膩，薑香味十足，口感軟滑。這道甜品既可以作為餐後小食，又能暖胃，特別適合冬天食用。海鮮粉絲雜菜煲 這個煲仔菜色香味俱全，粉絲吸收了海鮮和雜菜的鮮味，每一口都令人滿足。海鮮新鮮，雜菜脆嫩，是一道適合共享的好菜。乳鴿外皮脆口，肉質鮮嫩多汁，調味恰到好處，完全不需要額外的醬汁。這道菜非常滋味總括來講 菜式新鮮，服務態度好，價錢亦都合理，值得一試！下次我會再帶朋友嚟食

禦明軒飯菜正常好食，每一碟都超級大份量，超級飽，完全食唔晒，份量多得好誇張，嚴重懷疑碟西蘭花用咗五個西蘭花炒🤣真係好抵食，值得一讚。不過夥計態度一般，提早預訂咗壽包，不過上錯咗中式糕點。總結，份量大味道正常。

第一次嬲到要寫食評, 見到好多人話冬瓜盅好食一心黎試下, 話冇得預訂, 諗住早d到應該唔會咁快賣晒, 6點半落單話賣晒, 但見到有人遲過我地黎都有得食, 應該係留左俾熟客, 咁都算啦, 坐左幾個字都未有得食, 無啦啦拎左張單走, 原來係未入電腦單, 所以咁耐都冇野食! 以後都唔會黎!

呢間酒樓超近地鐵站，天后站一出，對面就係，真係好方便，裡面嘅裝修都好靚，掛咗一盞盞大水晶燈，平日晚市都差唔多爆滿，侍應服務態度又好，野食大件夾抵食，真係值得一試👍🏻波士頓龍蝦晚市優惠$98 一隻，揀咗蒜蓉開邊蒸，龍蝦肉入口鮮嫩彈牙，非常美味可口😋脆皮德國鹹豬手好大隻鹹豬手，個皮炸到好香酥煙韌，豬手肉唔會太鹹，十分香口游水沙巴龍躉呢個係晚市3️⃣寶之一，有一斤咁多，魚肉蒸到剛剛好，食落好滑溜，鮮味十足御名小炒皇好大碟好豐富😍小炒王有韮菜花、帶子、蝦、菜脯、蝦乾及腰果等等，非常惹味楊枝金露本身🈶送紅豆沙，不過想試吓呢度嘅楊枝金露，雖然唔算太大碗，但都夠兩個人share食，味道唔會太甜，剛剛好

平時同朋友或者男朋友出街食飯都會比較少去酒樓～ 不過最近見到呢間喺天后嘅酒樓性價比超高所以就同男朋友去試吓！而且食物質素都唔錯٩(ˊᗜˋ*)و 真心好抵食！！♡京式片皮鴨 HKD$98 半隻 / $158 一隻呢個價錢甚至平過返深圳食片皮鴨！😳 呢個價錢我覺得性價比好高～ 片皮鴨肥瘦適中 餅皮都做得唔錯！♡游水沙巴龍躉 HKD$108約1斤 估唔到沙巴龍躉都咁抵食！都算幾大條 同埋好新鮮😚 蒸得啱啱好 好好食😋♡海皇燉冬瓜盅 HKD108冬瓜盅好大個同埋都幾鮮甜～我哋兩個人每人都飲咗好多碗🤣 而且仲好足料！♡勝瓜蒜蓉粉絲蒸帶子 HKD$108有好多蒜蓉同埋粉絲！ 啲粉絲sok晒啲汁好入味🥰 而且帶子都幾大粒～～♡蝦球芝士炒蛋白 HKD108有少少似賽螃蟹嘅感覺🤍 配埋大大粒嘅蝦球都幾好食～總結係真心性價比好高 而且職員服務態度都好好👍 嗰晚仲有番薯糖水送添(◍•ᴗ•◍)

屋企人生日, 今晚齊齊去酒樓食飯慶祝, 為方便大家放工, 選址天后地鐵站A2出口對住嘅呢間「御名軒」, 傳統中式酒樓格局, 場內放了多張圓檯, 地方乾淨企理。晚市推出好幾款優惠菜式, 其中龍蝦都係$98/隻供無限任叫! 仲有晚市三寶優惠, 優惠仲可以同時使用, 真係好抵! 另外仲有多款中菜選擇。龍蝦可自選上湯/蒜蓉, 我地今次揀咗上湯煮:【上湯龍蝦】HK$98 + 伊面 $50order了一隻龍蝦, 兩個人share剛剛好, 龍蝦爽彈鮮甜, 上湯茨汁足夠撈起龍蝦肉同埋伊面, 令口感更順滑。【蜜糖桂花脆鱔球】HK$188這個菜式很有驚喜, 值得推介!鱔已被去骨, 每件都好厚肉, 口感爽彈, 係新鮮鱔先可以做到呢個口感, 薄薄金黃色炸皮, 沾上蜜糖桂花汁, 甜甜地又滲透著清清地嘅桂花香, 係一道出色手工菜。【片皮鴨】HK$98片皮鴨過程不是即席表演, 而係直接係廚房拎出來, 嫌厚厚鴨肉有點柴, 配有熱辣辣餅皮、青瓜、大蔥同埋燒烤醬。【魚香茄子煲】HK$78茄子煲熱辣辣滋滋聲上檯, 茄子偏林, 盡吸鹹甜汁醬, 加入了肉碎, 撈飯一流。最後, 還有送上是日糖水---紅豆沙, 好滿足!

於維多利亞公園附近一酒家參加飲宴數次，決定試一試它們的晚飯小菜交通極之方便，坐落天后地鐵站出口正對面裝修企理光猛，光鮮有派頭，大堂無柱位一眼看透供應多款優惠，如晚市三寶、是晚推介孖寶及晚市㕑師推介等脆皮德國鹹豬手份量慷慨，不會死鹹，皮脆肉嫩又有咬口波爾多紅酒燴牛尾跟法國麵包的牛肉燉煮至入口即化母親節精選小菜是日老火湯為老黃瓜薏米煲豬𦟌，清熱解毒，健脾祛濕醬皇花枝蚌仁爽脆可口夠鑊氣，荷蘭豆顏色翠綠

去咗朋友屋企附近嘅酒樓食晚飯款式選擇多，價錢亦相當親民唔怪得咁爆場🤭叫咗兩款「晚市廚師推介」ღ 冰鎮南非鮑魚 $58/隻南非鮑魚厚肉爽身，鮮中帶甜味，加上Wasabi更爽更鮮甜ღ勝瓜蒜蓉粉絲蒸帶子 $108香味濃郁！帶子口感鮮嫩爽滑，粉絲完全吸收晒鮮味 ღ京式片皮鴨 $98兩個人食叫半隻就啱晒🥢片皮鴨外皮酥脆，肉質嫩滑油香味濃🤤食落唔油膩ღ海蜇拼燻蹄 $58小食款式多樣化，叫咗呢款友人最愛燻蹄薄薄一片好爽口，海蜇粗身，食落好脆好有彈性，微辣好開胃🤤ღ菠蘿咕嚕肉 $98份量十足！酥脆咕嚕肉肉質外脆肉嫩帶肉汁醬汁酸甜醒胃最後仲有紅豆莎食，好滿足😌

🌸《御名軒 • 粵菜 • 天后》-🔹芝士焗龍蝦伊麵 $198好耐無食龍蝦伊麵✨ 芝士好濃稠，掛滿每一條伊麵，加上一斤龍蝦，龍蝦肉好彈身，蝦肉都好易離殼✨-🔸蒜蓉勝瓜粉絲蒸帶子 $108帶子厚肉，勝瓜好軟淋，睇得出淋左一層熟油，粉絲加上蒜蓉同帶子既鮮甜，好食🙈-🔹波爾多紅酒燴牛尾 （配法包） $128牛尾好入味而且好淋身，食落有淡淡既紅酒味，用法包沾汁無得輸🙈-🔸蟶子皇 $42@1蟶子好大隻，清理得好乾淨，加埋粉絲食，呢個價錢算好抵食👍🏻-📍 御名軒 (天后)天后電氣道22-52號金殿大廈1樓-#foodbitxh_tst #香港探店 #香港達人 #香港旅遊攻略 #尖沙咀美食#留港消費 #留港 #留港消費振興經濟 #留港旅行 #香港美食 #香港小店 #香港小店💛 #香港小店🐷 #香港小食 #香港小吃 #本地菜

首先，地利位置極方便，天后A1出口一出就望到；餐廳都幾旺，入座都有6-7成😌拍青瓜拼海蜇 $58青瓜同海蜇都爽口，有少少麻辣調味。蝦球芝士炒蛋白 $108蛋白都幾滑、蝦肉爽彈，加咗少少芝士粉點綴。勝瓜蒜蓉粉絲蒸帶子 $108勝瓜幾甜，加上肉質緊緻嘅帶子、一絲絲粉絲，口感豐富。龍蝦上湯伊面 $9898蚊嚟講，份量都幾大，感覺幾抵食。欖角蜜糖骨 $98肉質唔會好肥，肉質札實，都幾入味，欖角蜜糖好掛汁，不錯吃。