張公子

营业中

休息中

話說我老豆一直只喜歡中菜，對食物的味道也有一定要求。遇到不好吃的，他會直言不諱。因此，帶他去新店總是有點壓力。今次好放心帶佢會下「張公子」，因為這家餐廳素來以美味著稱。店內環境雅致，散發著古樸的韻味，地方也相當寧靜。菜單上的選擇讓人眼前一亮，許多美食都讓我想試。是晚所選菜式無一令人失望，絕對係節日家人團飯的穩膽之選。秋霧鹵醉蝦 $128冷盤醉蝦使用大頭蝦，以花雕酒醃製，再加入花椒，入口香醇，帶有一絲麻辣感。蝦肉爽口彈牙，特別的是蝦身還有蝦籽，令人驚喜。出場時還有乾冰吐霧效果，視覺上也非常吸引。豔影帶子 $168薄薄的炸粉漿包裹著大粒帶子，口感軟嫩，加上檸檬醬汁，酸甜開胃，讓人回味無窮。公子牛肋排 $398原條牛肋骨份量十足，預先切片非常貼心。肉質軟嫩多汁，牛味濃郁，脂肪分布均勻，入口即化，淋上的紅燒醬汁濃稠帶甜，讓美味度瞬間爆燈，絕對係必食首選！X.O.醬紅蔥滷肉木桶拌飯 $168拌飯用上XO醬，味道非常鮮美，滷肉肥而不膩，咸鮮細膩，入味軟爛且濃郁。再加上鮮美的蝦米、香甜的紅蔥和辣椒，提升了整體的惹味度，配白飯非常合適，每一口都是滋味的滿足。

過完母親節，好快又到端午節，中菜通常都是家人飯聚之選，今次就來到位於觀塘的張公子，餐廳面積廣闊，環境開揚寬敞，詩情畫意及書卷氣息兼具的裝潢，散發優雅的東方韻味，餐牌主打融合傳統與創意的粵式美饌，種類繁多，老少皆宜，端午節推出三款頂級端午節靚粽，包括「雙鮑魚西班牙豚肉瑤柱蛋黃粽」、「西班牙豚肉蛋黃粽」及「八寶素粽」，全為自家出品，矜貴足料，絕無防腐劑。艷影蝦球（六件）$168作為餐廳招牌名菜，每個蝦球size都有如拳頭般巨型，炸至外層粉漿金黃酥脆不過厚，包裹著大隻肉厚又鮮味爽彈的原隻蝦肉，酸中帶甜的香芒醬汁，令人胃口大開。公子牛肋排 $398同樣是餐廳招牌菜，牛肋排以醬燒方法長時間烹煮，徹底吸收醬汁精華，鬆軟入味，大件厚肉的牛肋排具有適度的脂肪，肥瘦適中，肉質有如牛腩般軟腍多汁，輕易便離骨。避風塘茄子 $168撒滿爆香了的蒜末、豆豉、紅椒粒和椒鹽粉，呈現港式避風塘正宗口味，鹹香微辣，厚切茄子經過油炸後，口感外酥內軟帶有本身的清甜味。XO醬紅蔥滷肉木桶拌飯 $168以木桶盛載的拌飯份量驚人，深不見底，足夠3-4人享用，滷肉質地軟嫩，飯粒在木桶中與醬汁和配料充分拌勻，粒粒分明且飽吸微辣惹味的

今日想喺觀塘搵間酒樓同屋企人飲茶，我哋去咗一間位於觀塘新派中菜館「張公子」試吓佢哋幾款特色小菜，酒樓裝修雅致，燈光明亮，地方闊落，坐得幾舒服，而且每一台嘅茶壺都有蠟燭座喺下面為熱茶保溫。由於去嗰日係平日，所以唔算好多人，可以靜靜地同屋企人食住飯傾計。我地點咗幾款招牌菜，一試之下真係驚喜連連，菜式亦非常有特色，而且味道不錯。豔影蝦球 (轉帶子)薄薄嘅炸漿包住厚實的帶子，外皮非常鬆脆，金黃色嘅醬汁同樣出色，以檸檬汁同沙律醬調製，賣相和味道令人食慾大增，下面還鋪左檸檬，甜甜酸酸作為頭盤好開胃。公子牛肋排呢碟賣相雖然冇咁靚，但份量嚇一跳，原條牛肋排上碟，塊塊都厚肉，肉質軟嫩多汁，經過精心調味後，以慢火烹飪，煮得好腍好入味，同埋油脂嘅香味會一直喺口入面迴盪。翠綠色的蘆筍鮮嫩爽口，再加上秘製的醬汁，令這道菜的香味更上一層樓。鮮腐竹蕃茄浸菜苗呢個菜非常清新，蕃茄湯底清甜帶微酸，仔細嚼嚼，會吃到腐竹嘅豆香味，菜苗都好新鮮清甜，真係一個非常健康菜式，好有住家菜的感覺。生煎蓮藕餅外皮煎得金黃酥脆，內裡保持軟嫩，蓮藕切得好碎，混入肉餅之中，配上喼汁鹹香可口。總結：呢間中菜坐得舒服，是和家人朋友飯聚的好地方，

呢到以傳統粵菜同魯菜為主，裝修雅緻，有好多藝術品🖼️，包括有書法、水墨山水畫、仿石🪨既雕花收銀台、刻左字既木竹🪵🎋裝飾等等，幾有特色同詩意～ 野食方面幾用心同埋多花樣，賣相精緻又好食😋 之後都想再黎食👍🏻(5 😍 係滿分，🤩係半分）豔影蝦球 (6件) 🍤🥭 - $168 (好味指數：😍😍😍😍😍)一上枱真係嘩一聲，個蝦球🍤有成個拳頭👊🏻咁大🤩 表皮夠薄同香脆唔會硬，有啲似炸雲吞皮～ 蝦球🍤爽口彈牙，味道鮮甜，配埋上酸酸甜甜既香芒汁🥭，芳香馥郁，幾清新開胃🤤 令我諗起西檸雞🍋😂 有埋清香爽口既蘆筍做裝飾幾靚～碧綠川椒雞 🌶️🌱🐥 - $148 (好味指數：😍😍😍😍🤩)估唔到呢個雞🐥幾特別，雖然叫川椒雞🐥，但其實只係微辣🌶️，以麻為主～ 用左唔少炸到脆口既辣椒葉🌶️🌱，口感豐富又清新香口啲～ 啲雞肉🐥嫩滑juicy，整體惹味有穫氣，用黎送飯🍚一流😍潮式蠔仔餅 🦪🫓 - $188 (好味指數：😍😍😍😍)煎到金黃香脆又唔會燶，另外粉感唔會重同實身，唔覺得油膩咁就無咁heavy👍🏻 蠔仔🦪既份量都幾多，質感軟嫩滑溜，鮮甜juicy～ 配埋蛋🥚就更加香口有鹹香，令人keep住想食～鮮腐竹番茄浸菜苗 🍅🥣🥬

今日同屋企人去咗觀塘覓食，發現呢間「張公子」真係寶藏級中菜館！上到3樓一推門就驚艷——仿石雕花收銀台💮、水墨畫牆身、竹刻書法裝飾...成間店好似藝術館咁有詩意，仲有蠟燭座熱茶壺🍵，未食已經覺得好有儀式感～ 🌟秋霧滷醉蝦 冰鎮上枱煙霧繚繞🌫️，蝦肉爽甜帶淡淡花雕香，滷汁入味得嚟唔會搶鮮，開胃首選！ 🔥公子牛肋排（必點！） 一上枱就聞到炭燒香🤤，外層焦脆內裡鬆化，蜜汁同肉香完美融合，仲有微微孜然提味，連骨頭都啜埋！ 🐚艷影带子球 炸得金黃嘅帶子球外脆內嫩，咬開爆出滿滿帶子蓉，蘸埋檸檬酸甜醬簡直絕配💛 🌿芥末秋葵炒鮑魚角 估唔到wasabi同秋葵咁夾！鮑魚角彈牙，芥末嗆勁剛剛好，成道菜清爽又有層次👌

張公子父親節book左枱同爸爸慶祝一定要同爸爸試下呢間中菜！💛公子牛肋排 $398這道牛肋排色澤誘人，醬汁濃郁，肉質看起來非常嫩滑，配上蔥花和芝麻更添香氣，還有爽脆的蘆筍點綴，賣相一流。味道應該鹹香中帶點甜，入口即化，非常配飯。💛秋霧滷醉蝦（8隻）$168秋霧滷醉蝦一上枱就好有氣勢，乾冰煙霧瀰漫超有打卡感！蝦身色澤紅潤，肉質爽彈，滷水香氣帶微微酒香，入口鮮甜又不會過鹹。💛XO醬紅蔥滷肉木桶拌飯 $168XO醬紅蔥滷肉木桶拌飯一上枱就香氣撲鼻，滷肉粒粒分明，肥瘦適中，配上XO醬和紅蔥頭，鹹香惹味，飯粒吸晒精華，每一啖都超滿足！蔥花加持，口感層次更豐富，木桶上枱又有儀式感。💛竹笙扒翡翠 $138竹笙扒翡翠賣相清新，翠綠的菠菜配上雪白爽滑的竹笙，湯汁清甜，入口帶淡淡菌香，健康又無負擔。竹笙吸滿湯汁，每啖都滑溜鮮美，菠菜嫩口，兩者配合得剛剛好。💛中國茗茶 $18/1價錢：$908 (二人）（另加一）⭐️⭐️⭐️評分：8.5/10⭐️⭐️⭐️📍張公子 (觀塘)觀塘駿業街58號3樓

今日去咗觀塘電訊數碼大樓呢間超有氣派嘅中式食府，穿過大拱門，見到中央嗰個超霸氣嘅大石收銀台，侍應全部都好有禮貌，絕對係高級享受🔝！今次試咗幾款必食菜式，每樣都驚喜滿滿！💯 🍤 秋霧滷醉蝦（八隻）$168 一上枱已經仙氣爆燈，乾冰效果好震撼！用花雕酒浸漬嘅大頭蝦，蝦籽多到睇得見！入口酒香濃郁，仲帶少少花椒香，麻麻辣辣非常過癮！蝦肉爽口彈牙，係醉蝦界嘅天花板🥩 公子牛肋排$398 呢份量真係超豪氣！原條牛肋骨，仲幫你預先切好，食起上嚟超方便👏。肉質軟嫩，脂肪分佈均勻，每一啖都充滿濃郁牛味🤤！紅燒醬汁香甜濃厚，完美包裹住啖啖肉，真係食一次就上癮🔥🍞 豔影帶子厚多士（六件）$268 帶子炸到外脆內嫩，咬落去簡直係幸福感爆棚💖！加上檸檬醬汁，微酸微甜非常開胃！每一啖都充滿層次，好適合愛帶子嘅朋友😍🍚 X.O.醬紅蔥滷肉木桶拌飯$168 呢個拌飯真係神級美味💯！XO醬濃郁鮮香，滷肉肥美但唔膩，仲有蝦米、紅蔥、辣椒提味，每一粒飯都吸晒精華，簡直係完美配搭！食到最後都捨不得停口🙌🥢整體感覺：環境高雅，服務貼心，食物質素超高，真心推介俾大家去試試🙌！推薦指數⭐⭐⭐⭐⭐！下次一定要再嚟回味🍽️

推介張公子叉燒🍖，叉燒肥瘦均勻，肉質滑溜，咬落去充滿肉汁，配上香甜嘅蜜汁，味道層次分明，真係無得輸！😋西蘭花炒蝦球🥦🍤 係另一個驚喜！蝦球大隻，口感彈牙，炒得非常有鑊氣，配上脆口嘅西蘭花，輕鬆清晒成碟🥦豔影帶子厚多士🍞，外皮金黃酥脆，內裡軟滑，帶子新鮮大隻，咬落去有海鮮嘅鮮味，搭配多士嘅香味😛避風塘茄子🍆 茄子炸得金黃脆口，外面包裹住一層香脆嘅餅皮，裡面卻柔軟滑嫩，融合咗香辣調味，食到我停唔到口，真係極為邪惡呀！環境方面，張公子環境寬敞舒服，適合來緊父親節全家人一齊來慶祝🍾下次再嚟試其他菜式！😋 #張公子#觀塘美食#hkfoodie#hkig#中菜

張公子 (觀塘)📍觀塘駿業街58號3樓搵左間觀塘食高級中菜嘅餐廳地點都好方便 而且裝修都幾靚 又有私人房幾適合黎聚會呢度嘅菜式都幾特別 偏向手工菜芥末秋葵炒鮑魚角以涼拌的方式呈現 帶點芥末味保持了其鮮嫩的質地和原汁原味秋霧滷醉蝦（八隻）下面放咗乾冰 吞雲吐霧咁樣 幾靚 打卡一流大蝦用咗煮酒煮 又好新鮮 重有蝦籽公子牛肋排牛肋骨比較鬆軟 做得出色 食得滋味份量都唔少 足夠兩至三個人分生煎蓮藕餅手工嘅菜式 用咗切碎嘅蓮藕同豬肉碎 幾滋味鮮腐竹蕃茄浸菜苗菜苗保持了嫩脆的口感加入蕃茄增添了食物的層次感X.0.醬紅蔥滷肉木桶拌飯呢度滷肉飯比出面嘅都大桶 X.0.醬夠哂香

觀塘有間中菜超出色 咁岩放工係開觀超就去左食張公子門面超grand 環境都好舒服我地食左X.O.醬紅蔥滷肉木桶拌飯 超推介 木桶拌飯最重要既係個木香同飯香係融合到 呢到係做到100分 再加埋X.O.醬既海鮮味 紅蔥既香氣 滷肉十分入味 食完都食叫多個秋霧滷醉蝦（五隻） 秋霧係超打卡able 而滷製的醉蝦別有一番風味 蝦肉鮮嫩彈牙 配合埋香醇既酒香 正生煎蓮藕餅 蓮藕超爽脆 煎至金黃焦脆既外皮 鎖住內裡的鮮嫩 外酥內嫩鮮腐竹蕃茄浸菜苗 清新爽口 腐竹既豆香味濃 而蕃茄就十分開胃 令到菜苗更顯鮮嫩可口豔影蝦球（六件）轉帶子 帶子鮮甜柔滑 配合埋個醬好味

今日去觀塘一間媲美私房菜的中式食府，穿過大拱門，中央一個大石裝飾收銀台極具氣派，侍應都相當有禮地先安排沖茶再慢慢點菜，點了豔影大蝦厚多士、雙耳菌皇浸勝瓜、金牌蒜香骨及XO醬紅蔥滷肉木桶拌飯。豔影大蝦厚多士一碟有六件，海蝦爽彈多士酥脆，加上蜜糖芥末醬超好食。金牌蒜香骨外層酥脆排骨鬆軟，加上生熟蒜蓉非常香口，蒜香味十足。雙耳菌皇浸勝瓜用最簡單食材配搭出最美味，上湯係靈魂所在。XO醬紅蔥滷肉木桶拌飯多種調味料拌勻，卻好特別食得出有層次嘅味道，米飯都係精心挑選上等靚米。今日晚餐無論環境、服務、食物都相當滿意。

專食中菜嘅茶樓，食嘅嘢好精緻，真係色香味俱全😋 每一款菜式都唔會同出面啲酒樓撞，好明顯係佢哋自己精心設計出嚟嘅，仲要份量都好大，好啱同人share秋霧鹵醉蝦真係一個好出色嘅前菜，賣相靚、食材新鮮，蝦頭啲膏仲多過龍蝦啲膏，橙黃色勁鮮甜，落咗酒調味，好開胃！帶子厚多士都令我好 impress，帶子勁大粒，炸到咁酥脆都唔會縮水。另外必點公子牛肋排 ，稱得上係佢嘅招牌菜，師傅都供好，切到每一件厚度啱啱好，炆得好腍，而且係靚牛，因為佢脂肪分布好均勻，好惹味，好適合送飯食以下是圖中菜式及參考價錢💵・　茶水 ($18@位)・　秋霧鹵醉蝦 ($128)・　豔影帶子厚多士 ($268)・　公子牛肋排 ($398)・　雙耳菌皇浸勝瓜 ($138)

呢間中菜館一直book mark咗好耐🎉終於同屋企人黎試下！秋霧滷醉蝦 (八隻) $168一上菜好大煙好有仙氣嘅蝦🦐蝦係好多膏嘅大頭蝦！滷得非常之入味，但唔會蓋過蝦既鮮甜味🍻除咗酒香之外仲有少少花椒香味，果然係招牌菜！公子牛肋排 $398係真係一條骨咁上🔥起碼夠四個人食！冇諗過可以喺中菜館食到咁好食嘅牛助排🐂口感嫩滑得嚟仲煮得好入味💯必點！啫啫唐生菜煲 $158爆香過嘅蝦乾蒜頭🧄加埋蝦醬嘅啫啫煲做法🥬好惹味！艷影蝦球 $168賣相好靚✨上面嘅係西檸汁🍋令炸蝦球變得更fresh唔油膩🫶🏻每粒蝦球起碼都有兩隻蝦，好足料！回頭指數：🧡🧡🧡🧡🧡/5📍張公子觀塘駿業街58號3樓

今日我去咗觀塘一間高級粵菜餐廳——張公子，真係好開心！😍 我哋叫咗幾道超正嘅菜式，食到我心滿意足！首先試咗原隻膏蟹蒸肉餅，蟹肉鮮甜，肉餅滑溜，真係一絕！🦀🍖 然後係脆皮燒乳鴿，皮脆肉嫩，口感一流，每一口都令人陶醉！🐦🔥接住就係鮑汁花膠絲撈粗麵，花膠絲彈牙，搭配濃郁嘅鮑汁，味道真係好極！🍜🍲 而秋霧鹵醉蝦更係驚喜，蝦肉鮮甜，鹵味恰到好處，令人一試成主顧！🦐🍶最後，乾煸四季豆炒得香脆，清新又開胃，真係好正！🌱🌶️整體而言，張公子嘅用餐體驗非常滿意，食物質素高，服務周到，環境優雅，真係值得推薦！期待下次再來！🎉❤️地址：張公子 (觀塘)觀塘駿業街58號3樓

📍3/F, 58 Chun Yip Street, Kwun Tong 觀塘駿業街58號3樓For those who appreciate Cantonese cuisine elevated with refined technique and playful creativity, “Cheung Kung Chi 張公子” delivers a captivating dining experience. Nestled in the heart of Kwun Tong, this stylish eatery seamlessly blends traditional flavors with modern execution. A Taste of EleganceStarting with the “Chinese Tea 🫖 (中國茗茶)” ($36), the selection here is more than just a drink—it's a ritual. Whether you choose a delicate floral infusion o