帝樂 - 德國餐廳 (美麗華廣場) (已結業)

好久沒有約爸媽見面食飯了，趁著今個星期週日有空，帶埋小友和爺嫲見見聊天吧....平常見面，多會相約去酒樓喝茶吃點心的。今次特別一點，帶他們倆老來這兒吃個週日早午餐，大大塊肉爽快地吞下肚....一直以來都想來試試這個sunday brunch，原因在於這兒有小友最愛的德式炸豬手以及sausage platter，另外其相宜的價位亦是一個讓人吸引之處，不到三百大洋一個人，的確不算貴....我對這裡的沙律是有點期待的，原因是看見桌上不同沙律菜種類以及醬汁選擇之多，令我禁不住少有地先放棄吃肉而取較清之一味....當然地，葷類方面的陣容也不弱，冷盤有三四款的cold cut meat，熱盤方面則除有令小友著迷的豬手及香腸之外，還有即焗的pizza、燒牛肉、咖喱及串燒等，種類並不只限於德國料理的，啱些一向心多多的我們.....甜品的陣容亦挺鼎盛的，除有各款的cakes之外更有令朋友仔愛不釋口的爆谷及綿花糖....不再年幼的我，固之然對上述的東西未感興趣，還是集中吃我的沙律及主食好了....凍肉加沙律half & half的組合，個人較喜歡爽脆的豬耳凍；沙律菜的確夠翠綠新鮮，洒上些黑醋或是蜜糖芥茉醬

今日朋友生日。我哋揀咗依間喺美麗華商場既德國餐廳，因為有人live唱歌同會有特別安排比生日既朋友。而家餐廳都好抵。做緊信用卡優惠。食滿$400就減100，$800就減$200（最多減$200），所以食到$800左右就最抵！我地一行5大3小叫左幾款唔同既野食。呢個小食拼盤好好味。都係新鮮炸出黎既。呢個飯就好一般。個底既飯得好小同味道麻麻地！之後我地再叫左一個德國腸仔拼盤，意粉仲有豬手。向你地推介，呢到既豬手整得好出色，個皮係整得好脆，而豬手既肉就好淋不過有樣野要留意係，如果你地想聚會又同到朋友傾計既，呢到就比較難d，因為有live唱歌係比較嘈，我地傾計都要嗌到好大聲先聽到，但呢到氣氛係唔錯既！

宜家想喺香港搵個露天位，有得飲下野，方便食煙又可以食飯其實都真係幾難。點知Open Rice無意中搵到呢間德國餐廳，地點喺美麗華，又易搵。早兩日就同朋友book個Lunch試下。去到見到環境寬敞，坐Outdoor仲舒服，位夠大，唔會迫，點知佢地lunch set仲正，有main course 再加自助沙律吧，有湯有餐飲，沙律吧啲材料唔流灘，材料再加調好味嘅沙律都有廿款，另外仲要有炸吉烈類食品係都係自助拎黎食，沙律食材係新鮮嘅，我本身係沙律控，所以對沙律吧要求特別奄尖，沙律食材新唔新鮮真係好緊要，但佢地真係正，調左味嘅沙律都好正，最愛佢個薯仔沙律，真係好好味。跟住就到佢地main course, 幾驚喜佢地有Green menu, 前排去旅行食多左，呢排盡可能都素食，佢地午餐main course 選擇都全面，朋友叫左個雞，我就叫佢個咖哩雜菜吉烈薯蓉餅。唔講得笑，個薯餅係超超超好食，吉烈皮唔厚但炸得夠脆，配軟棉棉creamy薯蓉饀，perfect match.一試難忘，本來無咩期望嘅咖哩醬，估佢唔到又係調得好好味，配埋個薯蓉餅食係非常開胃。最後要講下佢地services, so far我

地方舒適，食物及服務很好，室內佑live band 比較熱閙，所以我還是喜歡戶外，因為仲有全日$40啤酒😍😍😍豬手配啤酒冇得輸， Pizza亦都喜出望外，焗蠔亦都好好食，今日有朋友生日，樂隊會出嚟同朋友唱生日歌，用迫左我朋友上台跳舞🤦🏻‍♂️🤦🏻‍♂️🤦🏻‍♂️

講真第一次食飯嬲到要上黎寫食評。間野本身隔局唔錯，又有live band，諗住同老婆去食個紀念日飯。點之最激氣果下係比錢果刻我地舉手舉左勁耐先有員工見到行過黎，都算。。叫左埋單，甘個四眼員工去打張單出黎，我就正常甘比左信用卡佢，過左一陣，佢走埋黎用d好串既態度問我係咪比錯左卡佢，我愕然左一下，佢繼續講話佢左單打左恆生信用卡discount落去，話我比錯卡佢，搞到佢要void單喎。果下都著著地，第一，我第一次黎食你地無同我講過咩卡有discount。第二，我比卡你果陣你無睇清楚，你怪番心轉頭。第三，void張單而家好難咩，要拎住把刀去銀行void呀？你咩態度呀你。之後佢另一信同事過黎幫我地void單再碌過，位四眼員工大大聲同個同事講叫佢睇清楚係咪恆生卡，都幾好笑，你自己無睇清楚仲甘大聲，搞到我老婆個心情勁差，好好地一餐飯比位四眼員工搞到背脊骨落。多謝你。打番個食評講番個環境，兩個人黎我諗坐出面好d，裡面音樂偏大聲，坐耐少少會好累我地叫左個海鮮菠菜周打蜆湯，唔錯，但兩隻蝦唔新鮮蝦尾黑左，肉梅左。第二個係蕃茄醬肉丸芝士麵團，個蕃茄醬好食，但肉丸偏乾，麵團就真係麵團無味，茄醬又唔多，想點d醬黎

一班好姊妹聚會唔離不開美酒Outdoor又可以呑雲吐霧，旁邊又有美酒佳餚位置就腳又唔會太早關門實在最好不過！一入門口，啲員工就同我講笑話我2個朋友飲到醉左嘔到成地都係！講左一陣我就點野食，叫左個小食，Pizza, 豬手！去到outdoor嗰邊終見見到呢2位美少女！一路食一路笑到最後，我地係萬聖節前去既，所以周圍都放滿左萬聖節裝飾！又食又坐係度咁多個鐘，又再開多支紅酒，都係千鬆啲炸！Very good Tim la！提提你地，恆生信用卡💳係有優惠架！有個額外折扣

超級差嘅1間餐廳！簡直惡夢！想貼錢買難受嘅就去！幾千蚊餐飯我以為自己去左佐敦間澳牛奶公司，服務員態度很惡劣，呢度最差係服務！搞生日更加唔好去，點左個火焰雪山慶祝生日，出黎變山泥傾瀉，溶晒！其他食物魚完全冇味！海鮮湯反而臭魚腥味！d ham淨返1大堆好唔好食唔洗講，想提早收工outdoor熄風扇唔俾你用，叫人開多支酒之後收冰桶， 總之last order後叫嘅野1出即收走，即係你淨係負責俾錢唔洗食，仲要很不禮貌，1到時間直接關燈全場黑晒，我地4個女仔幾千蚊餐飯！不單浪費晒d食材，仲要摸黑走！

同老公5點幾食完個tea,又唔係好肚餓，行完美麗華一陣，7點幾就輕食左間德國野。唔知係咪平日既關係,唔駛排隊就可以入去了。我地只係叫左2樣野食螺旋德國腸配薯肉，腸好香豬肉味，而薯蓉好香牛油味，同埋好香滑豬肋骨望落去好肉好細份，但食落都好飽，面頭鋪滿蒜頭，肉既表面望落好乾身，但食落一d都唔乾，肋骨好入味，肉好嫩。侍應既服務都好好，好有禮物。店鋪環境好舒適，空間好闊落。雖然價錢唔算太便宜，但有機會，都會再黎試下其他野

啲嘢係幾好食不過你諗住傾計就唔好食呢間因為現場有live band係好嘈嘅唔係話佢唱得唔好聽雖然都唔係好好聽但係音響太嘈 完全聽唔到朋友講野傾計係要嗌嘅啤酒種類好多都幾好飲雖然佢係德國餐但係有西班牙鑊仔飯呢下嘢幾神奇不過都幾好味唔會煮到啲飯熟曬 啲嘢又新鮮呢個好似 兩塊蓮花嘅物體都幾好食佢係兩塊脆包入邊係 菠菜芝士蓉 一齊焗加茄汁類物體 伴碟咁上呢個咖哩雞扒包 真係 食到飽 個包真係堅食唔曬都係fusion菜啦service OK

同朋友慶祝她的仔仔升讀大學兼入讀醫科，梗係要食餐勁同好嘅賀一賀佢啦hehehe為左食好野嘅我梗係去上一堂高温瑜珈後先去食啦🤣所以朋友好好揀了近我放學嘅尖沙咀美麗華一期嘅帝樂德國餐廳，等我唔洗行咁遠，媽媽朋友真係特別細心o家啫💖一去到剩係見到個大型餐牌我都忍唔住要影番張相先，因睇到都已經好肚餓，可能運動後嘅關係🙈櫈都未坐暖，我就叫媽媽朋友發板，四個人就嗌左以下嘅食物了....因為前日飲了啤酒關係，所以就揀了這個大家一齊飲，我地四個人每人兩至三杯，剛剛好，而且味道同顏色都成正比，因琪娜我好驚係藥水味或太甜嘅飲品，但這個🍑味飲品絶無中服🤗真心推介👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯New Caesar Salad w/ Chicken and Pesto新凱薩沙律配雞肉伴香草欖油汁一個字，果然夠新，因為同我平時食嘅Caesar Salad 好有分別，可能係個汁嘅問題，夠汁多同味道好好，而且面包脆脆細細塊好得意，似炸腸片，唔同平時見的一粒👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯Seafood Jambalaya新奧爾良焗海鮮飯內配大蝦、三文魚及魷魚，三樣海鮮都完全無over

難得平日有假放，搵嚟搵去都唔知食乜好，又要少人（怕嘈），又要舒適嘅地方，真係難搵。行呢個尖沙咀商場，日，韓，中，行到呢間，價錢餐廳裝修環境又唔會限時限刻，一流。以半自助餐型式，（星期一至五），沙律自助吧，沙律，菜都是貴價外國沙律菜，麵包，燒菠蘿，有茶，咖啡，湯，什腸，沙律，水果，雞腿仔，pizza 仔，凍肉，多到食唔晒，不繼出，絕對夠。。但貪心嘅我，加多廿零元，就可以有燒牛肉，鱸魚，加有甜品蛋糕，滿足又豐富。

"Furchtbar" means "awful" in German. Rude wait staff. Portions were decent, but the pork knuckle, a staple for German food, tastes gamey and dry - yuck! The beer was good, but this is hard to screw up. Avoid this place. Most other German restaurants in HK are much better.

晚上同舊同事聚舊，黎到尖咀吃德國餐（新嘗試） 一甫入餐廳，就覺得餐廳氣氛同格調都很浪漫， 而且更有音樂演奏，非常有氣氛！ 其後，我地就叫左呢度特色的豬手黎試！外皮香脆，仲有薯仔作配菜，味道也十分入味，正！ 另外，我地亦叫左甜品🍮，外表精緻，而且份量也很多，大大塊的蛋糕🍰配上黑森林，超正！ 我地仲叫左酒同飲品，飲品賣相特別，好靚！整體來說，餐廳氣氛濃厚，而且有音樂伴著。至於食物方面，質素也很高，且份量多，值得推介！

我經常覺得semi buffet是個幾好的idea : 以比食buffet平更多的價錢享受食buffet的滿足感，想食甚麼就甚麼，又可以享受貴精不貴多的食物，真是不錯的idea！還記得第一次來到Prost by King Ludwig午餐是幾年前了，有印象是有供應semi buffet但詳細不太記得了。有一天突然想起這印象中不錯的餐廳，決定要找個機會再來用餐，回味當時的味道。星期日晚上，我邀請父母一起共進午餐，我們突然很random地決定星期一，也就是隔天下午，要去Prost食午餐。久未有去，不清楚餐廳在午餐時段客人有多少，便立刻打電話預訂。下午十二點半準時到達。我們跟站在門口附近的店員confirm我們的booking時，她並未有查看訂檯記錄，反而直接帶我們入座。然而，餐廳只有數檯客人，看來星期一中午都不用訂檯，walk in已經可以。有些餐廳的semi buffet flexibility都很高，你可以選擇只食沙律吧裏的食物，或者點一個主菜加享用沙律吧的食物，後者的價錢當然根據主菜的選擇喇。點好主菜，大家可以到外面取食物了！沙律吧的食物分成兩邊，一邊是冷盤，一邊近廚房的是熱食。一般

星期四，下午1點3，$115.5午餐。午餐固定部份=餐飲一杯，餐湯一碗，蛋糕一件。自助餐部份=沙律多種，pizza，麵包多種，火腿，麥樂雞，豬柳，芝士肉醬千層面。個人係為左食麵包來的，種類有法式脆多士，芝麻包，麵包條，薄脆，硬皮法包，芝士包脆餅。種類算多，又熱又脆勁好味，沙律方面有新意，味道好新鮮新款，腸仔豬柳麥樂雞不過不失，千層面芝士多仲會拉絲，好正，就係仲蛋糕甜左D，湯用來點麵包極為好味，麵包控既我比90分。