屋子咖啡

营业中

休息中

小店Cafe間唔中真係會搵到驚喜依間位於大圍的屋子cafe佢未係馬鞍山開分店時小妹已經食過簡簡單單咁既日式Cafe唔想食好似西餐咁濃味既菜時依個都係一個唔錯選擇小妹依日叫左「焦焦醬油鮭魚丼」$72鮭魚丼=三文魚飯配合埋紫菜、木魚、蛋粒、豆、還有類似鰻魚汁既醬汁拌埋一齊食啖啖都有餸，幾好味不過食時要小心因為小妹食到三文魚有骨差點啃到，所以呢，食魚真係要小心享受個飯既同時，也要睇骨除左碗三文魚飯小妹同行朋友叫左「七味雞塊定食」$68 包括麻醬沙律，一碗飯仲有開胃前菜同埋一杯野飲（蘋果茶/杏桃茶/抹綠奶茶/大地薑茶）個開胃前菜好似海藻類的東西，幾爽口而雞塊小妹覺得有少少似麥樂雞整體黎講依間店的野食份量對小妹黎講都岩岩好如果男仔去的話就可能要叫多個小食先夠嚕講番依間店見佈置都幾用心見佢本menu係製作到好似細個用的單行簿背面有九因歌內頁都仿似手繪咁，都幾得意

琴日同男朋友踩完單車，就去左試下！上次想食但無位唔太想等，所以放棄左，哈哈！一入到去見到本餐牌好得意，係單行簿黎架，後面仲有九因歌。男朋友之前食過，介紹我食鮭魚茶漬泡丼，然後我地再嗌左野菜天婦羅冷烏冬、七味雞塊、草莓沙冰、同埋芒果檸檬汁。因為我減緊肥既關係，所以主要食烏冬，出奇地唔食菜既我竟然成碗野食哂，食左幾啖茶漬泡飯同埋芒果檸檬汁，味道唔錯！七味雞塊都好味道，我以為會好辣，因為我唔食得辣，出奇地唔辣仲撈埋沙律醬，yummy！埋單都係$254，每樣野食平均$50左右，值得一試！

在博物館欣賞完莫奈的畫作後便漫步到大圍，打算吃甜品。記得約兩年前曾想去這間在區內有名的屋子咖啡吃午餐，只是當時太早到達店舖仍未營業而無緣一試。雖然遲了兩年，但不會太遲吧？屋子咖啡用了日文的uchi作英文名，餐牌用上大家小學時熟悉的習作簿，很可愛呢！正值夏天，小店仍有供應春天的特別菜式。食店雖小，但裝潢上可見心思，簡約舒適，除了小擺設外店內還掛有很多菜式照片。座位對面的小黑板上畫了款春天的甜品，我被其櫻花雪糕吸引，決定一試！這份是花漾鮮果窩夫配櫻花雪糕。造型很精緻，冬甩形的窩夫上整齊地排放了柑和香蕉片，在水果下隱藏了邪惡的吉士。溫暖的窩夫散發很香的蛋味，質地香軟，跟上面的水果很配。旁邊是粉紅色的櫻花雪糕球，下面有一塊杏仁片，然而我對這櫻花雪糕有點失望，總覺得有點像紅豆味，對我來說過甜了。他則點了芒果沙冰解渴，細看會發現外形猶如一朵盛開的黃玫瑰。甜品味道不算深刻，但其賣相以及環境確實不俗。

舊同學聚會，就其中一個媽媽近娘家，方便帶埋仔仔黎～所以揀左大圍～大圍係一個好多野食既地方，朋友推介屋子～上星期剛剛試了烏溪沙屋子，今日就試大圍烏溪沙店比大圍大好多，說真，烏溪沙店文青feel強好強。但食物就大圍店好比烏溪沙店好便當最大分別就係七味豚肉便當。烏溪沙店個樣係同吉列無分別。但大圍店便是雞塊。好食好多甜品好可愛雪糕咖啡～要溶晒啲雪糕先好飲😂😂原來呢度最出名梳乎尼～下次要再試😋

好耐無去屋子咖啡喇！好似每隔一段時間都會換新menu，呢次係用兒時常用單行練習簿做設計藍本，就連封底都印咗九因歌，內頁文字同圖畫就係機械印刷出來。被黑板上嘅季節限定甜品吸引，於是叫咗花漾鮮果窩夫配櫻花雪糕，賣相同佢哋其他窩夫差唔多，都幾靚嘅。佢哋嘅窩夫唔係平日常見嘅格仔形，而係好似冬甩咁環形嘅。最頂層係忌廉同香草，然後就係鮮桔子肉同香蕉片，內層就有吉士醬，碟上仲有焦糖醬，可以蘸埋嚟食。佢哋啲忌廉唔膩，桔子肉甜多汁，吉士醬甜度唔高。窩夫就外脆內鬆軟，富彈性同帶微微蛋香。伴碟嘅櫻花雪糕入面有少少（疑似）紫蘇葉碎，融化速度頗慢，就算我影咗陣相都無咩點變。原本以為食味會好假好人工化，實際甜度討好、帶陣陣葉子香，底下墊有拿破崙薄脆餅，可以單食或撕少少蘸雪糕食。

想飛去台灣做下文青？🤓喺香港都可以架！😍走簡約風格的屋子咖啡🌴感覺好休閒relax💃🏻做香港文青？無難度啦😂食完飯，一定要食埋甜品先至完美💃🏻但係又唔想食得太飽😵食返個「燕麥榛子梳乎厘 」就岩岩好😍梳乎里即叫即焗🔥上枱的時候仲係脹卜卜🎈梳乎里表面焗到金黃色🍮表面灑上燕麥片同榛子粒✨增加左梳乎里的層次感👏🏼用小匙羹畢落去🍴就知道依個梳乎里有水準👍🏼梳乎里內面熱辣辣🔥鬆軟到好似棉花糖咁☁一入口就迅速溶化☺梳乎里隔離係雲呢嗱雪糕🍦雪糕軟滑細膩☄雲呢嗱的味道濃郁😋熱辣辣的梳乎里配凍冰冰的雪糕🔥❄簡直係最佳拍檔👭嘆一嘆期間限定的「櫻花屋子咖啡」🌸就Perfect池啦！😛「櫻花屋子咖啡」的賣點係櫻花雪糕球🌸細心用焦糖密封住雪糕🍦浮遊係濃郁咖啡當中☕️造型好別緻呀～😍驚喜黎喇❗️粉嫩的櫻花雪糕入面仲有片片花瓣架😳口感豐富細膩☺️櫻花雪糕徐徐融化於咖啡當中💃🏻咖啡香醇中隱約滲出櫻花香味🌬完美中和咖啡的微苦👏🏻飲一啖。文青最高享受呀！😚

朋友想食甜品, 帶左我黎呢間大圍人氣店, 今日人龍不算長, 等左20分鐘就入得.要左個巧克力梳乎厘, 制作需時, 要耐心等候. 梳乎厘焗到熱辣辣, 口感軟綿綿好鬆軟, 淡淡既朱古力香, 唔會太搶, 而且唔會太甜, 就算食晒成個都唔覺漏. 旁邊仲有香草雪糕, 香草夠清且滑. 兩者配搭不錯.仲有飲品, 抹茶雖不算杰, 但夠香濃, 口感夠滑.

好久沒有去過大圍，難得過來看畫展，我們決定順便發掘附近的小店 想試屋子咖啡很久了，這次終於得償所願！從地鐵站出口走10分鐘左右，就看到屋子咖啡精緻的門口，裡面的擺設都很有質感，看起來很舒服 當天由於不是假日，人不算多，但是還是覺得有點擠逼，大概寸土尺金的香港小店都是這樣吧～我們點了兩份主食 - 關西牛肉便當和吉列豬排便當。上菜的速度挺快，菜式的擺位也很有風格。比較驚艷的是關西牛肉，有點像吉野家的牛肉，但是比較香甜多汁，牛肉下面還有粉絲 吉列豬排就比較一般～隨套餐附送的飲料我點了大地薑茶，薑的味道很重，喝起來很舒服～以咖啡店來說，這裏的食物質素算是不錯，希望以後有機會過來試他們的甜品～

之前睇雜志見呢間野好似唔錯, 特登走黎試試, 黎到見到都幾多人等位, 等左差唔多15分鐘就有位, 坐低環境都幾舒服, 有種文青感覺.點左一份毛豆同一杯凍抹茶奶茶, 毛豆就普普通通, 擺到上台都仲熱既, 又唔會太咸. 杯奶茶就唔錯, 聞到已經好香奶味, 而且奶茶好滑, 又唔會有抹茶粉渣.價錢算係街坊價既, 值得一試.

有時放早，好累又好想搵個地方自已靜下，食下野，大圍的屋子cafe就係我既選擇。大圍有特色既cafe唔算好多，屋子cafe 係大圍都算出名。好彩我每次去都唔係peak hour，唔算好多人，唔洗點等位就可以入去。屋子cafe 唔算近大圍火車話，都要行10-15分鐘，附近環境都算寧靜，門外已經比人有日式屋子既感覺。入到cafe，店入主要係木既裝修同擺設，餐牌都充滿心思，以小學既簿仔為設計，有點懷舊既感覺。總之入到去就會有總好親切同舒適既感覺因為每次去都係放完工，好肚餓，我多數都係叫七味雞唐揚定食配抹茶奶綠(＄69)D漬物都好好食，今次係冷芝麻木耳，但我最鐘意係食佢既薯仔漬物沙律唔算好特別，可能我唔係特別好沙律佢D千島沙律醬配D七味雞好夾，D雞香得黎又唔會好油，配埋佢D珍珠米就一流。我唔係甘鐘意食飯既人，但佢既珍珠米上面撒左D脆脆芝麻紫菜粉，就令到個飯變得吸引同香口，每次都好想叫佢落多D 粉配埋杯熱抹茶奶綠就好wonderful，杯奶唔會好甜，不過其實都會飲到D沖粉味。個份量唔算好多，女仔食就可能剛剛好，但男仔就未必啦。D waiter 服務態度唔錯，有禮貌，唔會趕你走，坐得幾舒服。

我覺得lee 間野真係坐我好舒服，我地今次只係叫左甜品！綠茶紅豆waffle 好味d! 好有蛋香！綠茶雪糕味都幾濃...可惜得好細！唔夠食 另外叫左個原味soufflé! ok la, 冇咩特別！下次會叫埋佢d正餐，睇到人地食都幾吸引咁！

放假去左附近high tea, 村內既人氣咖啡店, 好彩唔算多人唔洗等位.近住復活節出左D特別甜品, 小白兔窩夫$49 見咁得意要左個黎試下, 棉花糖外層軟淋淋, 入面有椰子味雪糕+奶油, 呢個組合都唔算太甜, 而且食落仲幾滑溜. 下層既窩夫即烘夠熱, 外脆內軟熟, 加埋D雪糕食更好味.

大圍，對於我個人而言，相對是一個頗不熟悉的地區。今次，在享受完踩單車的過程後，朋友逐推介大圍中頗為出名的一間甜品店，屋子咖啡是也。店內位置雖不多，但格局像置身於具特式屋子裡。牆壁上貼上紅紙，毛筆字看上來應該是親手落筆似的。燕麥榛子梳乎里熱哄哄的梳乎里，焗得頗成功的，梳乎里表面灑上薄薄燕麥和糖霜，入口即溶感覺，輕盈軟化。另一面則盛載著雲呢嗱雪糕，雪糕軟滑細膩，味道濃郁，混和燕麥碎粒入口，口感特別。鮮奶咖啡雖說是點了鮮奶咖啡，自然明白鮮奶佔的比重會是較多。呷一口先嚐其味，奶味比平常喝的比重多很多，咖啡味道被奶味給蓋下去，味道不過不失。屋子咖啡一直在朋友口中經常聽到，今天終一嚐，或許是抱著高期望下，食物、飲品沒太大驚喜。然而店內環境、佈局也是令人喜愛的其中因素吧。

Today is the last day of the Easter holiday so I decided to find a place to relax and have a chat with my friend. We don't want to go very far away so we decided to go to Uchi. We arrived at 12:20pm and realised that they don't open until 12:30pm so we waited for 10 minutes. After a few minutes, there were people lining up behind us. Because they just opened so we get to choose our own seat. We ordered our meal quickly becuase I was very thirsty. I ordered their Easter special "Pork with curry

店內的地方尚算寬敞，不過滿座的時間，有點擠迫的感覺。環境方面，好像返回到讀書的時候，餐牌都是用小學的習作簿，給人一種上學的氣氛。抹茶窩夫($42)，給它獨特的造型吸引著，底部是一個外型像冬甩的窩夫，放上一球抹茶雪糕，周圍唧滿尖尖的忌廉，配搭著一碟紅豆蓉。味道方面，窩夫充滿濃郁的蛋香味，質感十分軟熟，而且有些'煙韌'的感覺，值得一試。略嫌抹茶味的雪糕偏淡了一些，若果喜愛抹茶的人們，必然對它抱有失望的感覺了，可是仍能夠接受的。雪糕尚算幼滑，配搭甜甜的紅豆，兩者非常合襯。店鋪評分:8/10甜品評分:6.5/10