屋子咖啡

营业中

休息中

難得黎到大圍，當然要搵d唔係周圍都有的連鎖式餐廳試下啦，上網搜尋左一陣，見到依間餐廳的評價好似唔錯，就諗住去試下佢既午餐~ 由於知道裡面座位唔算多，為左唔駛等，我地趁餐廳開門不久就去到，所以一入去就有位啦~ 依間餐廳以校園課室為主題作裝飾，菜單好似學生時代的習作簿，簡簡單單得黎又幾有心思~我地叫左一個餐，一個迷你丼同一個甜品：(1) 七味雞塊餐 (配沙拉，開胃前菜，迷你丼及飲品) $68沙拉的菜幾新鮮，同沙律醬一齊食味道幾好~ 另一個前菜係微辣既薯仔，挺好味及開胃~ 而迷你丼則比較淡味，不過配上前菜或者主菜都幾好~主菜七味雞塊挺香口，分量適中，炸粉挺薄而且炸得幾脆，加上雞塊外層的調味料，幾好味~ 飲品方面可以有蘋果茶、杏桃茶、抹綠奶茶及大地薑茶選擇，我地選左抹綠奶茶，抹茶味唔係太夠，有少少失望~(2) 迷你鮭魚丼 $36分量同套餐中提供的迷你丼差唔多，只不過係飯上面加多左鮭魚(三文魚)，味道還可以~(3) 清酒香梨窩夫(含荔枝) $43窩夫外型及大小跟想像中有出入，窩夫有點像donut，為圓形且中間空心，體積亦比較細。估唔到配上梨同荔枝味道又幾清甜，配合得幾好，反而個清酒味顯得有點多餘

平日來到屋子咖啡唔使排隊。喜歡哩度悠閒的感覺。芒果千層塔 $40因為係「季節限定」所以要點！薄薄的crepe 皮軟棉棉的，cream 層好厚好滑，每口都有甜甜的芒果肉。好軟棉的口感，讚！焦糖杏仁芭菲 $43其實係雪糕？幾粒藍莓、脆杏仁、蜜糖灑上面，雪糕內有焦糖粒粒。食唔到杏仁味，微甜奶味都好好食呀。燕麥榛子梳乎厘 $50 配雲尼拿雪糕。一上枱已經聞到梳乎厘好香蛋味，食落好鬆，入口即溶。上面的燕麥榛子碎為淡淡的蛋香加添層次感。雪糕好普通。熱蘋果滑茶 杏桃茶 $30唔太甜，淡淡的桃和蘋果香氣。$30 有點貴。建議加幾片水果會更好。

每逢假日，這裡總是人來人往今天是星期三，難得休假，又經過大圍就多走幾步路，來到屋子咖啡這裡的甜品選擇較多午餐選了七味雞塊餐，配熱抹綠奶茶雞塊外脆內juice，個人認為不錯飲品奶味較濃，抹茶味道偏淡，我是挺喜歡的窩夫小小一份，柚子雪糕球味道不錯芝士年糕感覺也是不錯的，值得一試，就是分量有點少，大胃王表示不夠吃下次還要再來！

聽朋友介紹左幾次呢間好耐今次終於有機會一賞!店面都幾細預左要等位! 小店適合女士們談心所以唔期期待好快有位xd餐牌設計幾特別食物種類算唔多 還好食物既器皿都好對緻~賣相更吸引 大大增加左食慾七味雞塊揚物餐炸雞唔算多 得幾舊送上黎都係熱既 但未多辣嘴~肉質都滑既 但唔算太入味冷麵醬料配料都足既 感覺唔會太dry食完炸野食個冷面岩岩中和下~~唔錯餐飲 抹綠茶最失敗之作 淡唔唔足以形容 同水冇分別==”黎到呢到點可以唔試甜品先=) 香蕉巧克力窩夫小巧軟身既窩夫 幾香蛋味pat cream 好得意 好味芒果千層蛋糕我強烈推介呢個 做得好滑 都幾多層嫁~ compare其他既千層蛋糕唔算貴!

冰冷既聖誕前夕，係呢個充滿特色既小店享受一個暖暖的afternoon tea!牛肉烏冬味道唔錯，牛肉唔會太肥，烏冬都爽口彈牙，而且仲好夠熱🔥 不過份量略少，八十幾蚊唔係太飽（好彩我只係當佢係下午茶姐😂）木糠布甸不過不失，唔會太甜。反而個熱可可令人有驚喜👍🏻 朱古力醬拉花整得好靚，表面果層厚厚既奶泡令成杯既層次更豐富，加上可可好香又夠熱，飲落超溫暖☺️☺️地點其實距離大圍火車站都有d遠，而且舖面唔大，想試的話就要早d去喇！

燕麥榛子梳乎里梳乎里焗得金黃色脹卜卜，頂上燕麥+榛子碎(脆卜卜好香口)梳乎里甜甜的，入口即溶，旁邊有呍呢拿雪糕(一冷雪糕一熱梳乎里一口脆卜卜燕麥榛子，多層次口感，好惹味)抹茶窩夫外表好可愛(小型塔子)抹茶(少左茶澀味)，cream 好滑，窩夫焗得外脆內軟(欠蛋味)旁邊红豆蓉增加窩夫的口感和甜味外型可愛抹茶雪糕香滑(欠了抹茶的澀味)埋單$102甜品味道不錯！

餐單用學生時代的橫間簿，好得意不過甜品，飲品，菜式(零相片)好神秘woo甜品店無相片，感覺不習慣……焦糖杏仁芭菲外表似蛋糕仔，面的杏仁(好香口)，焦糖佈滿碟子和芭菲上(好sweet),芭菲口感似雪糕.，有好濃郁的杏仁味，內裡有焦糖粒(增加了口感)，好sweet 的甜品 芒果千層塔似切件蛋糕每片薄皮有cream(好幼滑)+芒果(芒果肉好甜)頂上士多啤梨好甜加上芒果糖漿，(增添甜甜酸酸的味道)杏桃蘋果沙冰沙冰充滿桃和蘋果的味道(好清新和解渴)餐簿背部印有(九因歌)差點忘記自己曾經有背過😅😅😅

想黎屋子好耐今次就見有時間就黎拜訪下我就快快甘叫左個吉列朱扒定食佢上左前菜同飯俾我先無諗過白飯有飯素 細個好中意飯素攞沙律醬食所以個炸朱扒未黎我就甘食白飯已經覺得好好食沙律就加d胡麻醬 無咩特別前菜係薯仔 應該用味噌煮過 甜甜地辣辣地 幾好食吉列朱扒味道上中平時既差唔多不過最扺讚既係佢炸得一d都唔油所以食晒都唔覺油膩呢杯奶綠睇食評話好好飲可能我唔係綠茶控所以我就覺得一般不過跟餐送野飲 就無甘多要求cafe細細 但係真係好有係台灣cafe既感覺成個感覺好舒服同埋今次係一個人去 未有機會試佢既甜品我見其他人多數order甜品多過咸食希望下次有機會去試下甜品

抹茶窩夫($43+10%)抹茶雪糕真係好好味，同一般食到既抹茶雪糕好唔同，我覺得依個味先似係日本抹茶雪糕既味🍦🍵窩夫圓lukluk好似冬甩🍩，好脆好好味😋除左甜品，cafe仲有正餐食，但我覺得食物價錢偏貴。

上次因天雨關係未能踏單車，今次再戰大圍，順道來這間咖啡屋，之前在網上看圖片，已覺得非常吸引，感覺很適合現今的文青來，雖然文青我就稱不上，但都想來一試。連餐牌都帶著書卷味，是小時候用作背九因歌的單行簿，充滿著童年回憶鹽味鮭魚五目飯團配杏桃茶 - 配有凍豆腐及沙律菜伴碟，感覺清新，但飯團卻令人有點強差人意。前面那飯團只是將粟米、黑芝麻及飯粒搓勻，並沒有其他餡料，味道稱得上淡而無味，第二件算是有點鮭魚餡，但餡料亦不多。相比便利店那些十多元便有的飯團，怎麼好像比這還好吃而且杏桃茶名字優雅，喝下卻淡如水，確實有點失望。抹茶窩夫 - 以往吃的窩夫通常只有兩種，一是硬脆二是酥軟，而這款外形則像冬甩，但口感卻鬆軟綿密，同樣是配上抹茶雪糕及紅豆，吃落又不像平常的膩而且，旁邊的紅豆有點像紅豆沙，不會太甜，單吃也很不錯！蘋果金寶撻 - 難得出色的蘋果金寶外層焦脆可口，內裡充滿著微溫的果肉，所有都做得恰到好處，令人有追加的衝動！這間屋子在甜品方面確實做得不錯，如果下次再來相信都是因為這個金寶吧

這家屋子咖啡，門面簡約得差點走過了也看不見，原來是過了寵物店(店內不少看似悽慘的貓狗)不久後便到達。 飯糰沒有甚麽特別，味道又清淡，內裏餡料又極少，所謂鮭魚飯糰，鮭魚只有少許幾絲，也沒有甚麽汁醬，其實又乾又沒味道，難言美味。 甜品比起熱食好得多了，蘋果金寶，脆皮的面頭，內裏有熱哄哄的蘋果茸，加上少許蘋果醬，微酸輕甜，味道討好。小小一個像雞批般的大小，上面脆內裏軟，又多醬，再混入一點抹茶雪糕亦可，紅豆我不太喜好。 另一個是窩夫，看來像飛碟一樣，外圍則有奶油圍繞著，面頭加層綠茶雪糕。窩夫是冬甩型，還是挺鬆軟的，卻又不是時興麵包店那種空心麵包；冷熱交融的雪糕窩夫，味道還是挺不錯。 座位挺舒適，環境簡約，但座位不多，遲了來可能要在門外排隊，大熱天時也不太好受。

今日好大雨, 唔想周街行, 一於揀間舒服cafe hea下, 喺大圍行左5分鐘左右就黎到li間低調到差d miss左門口嘅屋子咖啡, 剛過左lunch hour唔洗等位實在perfect本menu係以前細個練penmanship嘅copybook, 內容竟是print上去的, 好新奇, 前半part係甜品, 後半part係飯, 烏冬, 睇睇下waitress介紹我地食日式牛肉飯, 都好！飲品我嗌薑茶, 朋友就食炸雞, 開心share薑茶嘅薑味好重, 水夠熱, 非常啱飲一陣就黎左野食, 一個set include 日式蕃茄生菜沙律, 醃青瓜, 中間個格係飯. 飯面上面灑滿日式個隻紫菜同芝麻碎, 唔食餸都唔會食到無味飯, 青瓜醃得算入味, 有麻油香~ 點解有個匙喺碗牛肉？原來個碗底係透明嘅麵, 都幾爽口的, 湯底牛肉味好濃! 至於新鮮炸起嘅炸雞粒好外脆內軟, 個粉漿好似有點厚, 但都令我地停唔到口, 多兩件就perfect喇, 想讚下佢個點mayonnaise, 上面有小小辣粉帶起個味, 一定要點醬+隔離嘅椰菜絲一齊食！實在好鐘意d咁低調, 清靜嘅cafe呢, 下次一定會食甜品&飲咖啡~~

前兩天朋友生日，想着去哪慶祝好呢？湊巧之前一直想試屋子cafe，所以前去了。約5:00到達，剛好有一張四人枱。店內裝飾挺文藝，氣氛亦挺悠閒和安靜。我們先點了兩個甜品，待朋友到來再點了兩個窩夫，不知為何四人有三人都點了窩夫🍩🍩🍩吃完甜品後，我們便請服務員取出🎂，我以為她會替我們取去紙盒，誰知她原封不動把蛋糕擺上😶，我又以為會拿碟子過來，結果我們猶豫良久叫她才拿碟子過來😶（但態度是好的）。我知非必須有這樣的服務，但常叫服務員令我們很不好意思。限時90分鐘用餐，當天共$270.6（已加一）。

以前住大圍一有新食店就會立即去試！還記得當時屋子新開業，屬大圍小有的咖啡店，不惜等兩小時試食。事隔幾年，突然想去多次，即興約家人午餐。幸運地只需等一張枱，大概8分鐘便能入座。我們三人各點一份定食，有前菜，沙律，主菜配飯及餐飲。吉烈豚扒定食配蘋果茶。食物中規中矩，普通吉烈豬扒實在沒有失手的可能。 沙律菜也算新鮮，但沙律醬很少。餐茶蘋果茶卻是敗筆，完全沒有蘋果味甚至茶香，喝下去完全是一杯冰塊溶解出來的ice tea.爸爸點了關西牛肉定食配抹綠奶茶。他的飲品仍然係有色無味，令人失望！主菜的牛肉使用肥牛，味道非常似某快餐店的牛肉飯。牛肉下放了很多紅薯粉，薯粉吸了牛肉汁味道不錯！妹妹則點了中華冷麵和熱咖啡，屬穩陣之選。粟米薯餅真係一定要講講，$39只有一塊，忍不住同店員確認份量。真係太貴了抹茶千層即是crepe cake. 淡淡抹茶味，cream不太甜，配上紅豆粒味道不錯，值得一試。總括有點失望，水準不及從前。

呢間甜品店響大圍非常出名, 最近連馬鞍山都開左分店, 不過我都係鍾意去舊店多D.要左份綠茶窩夫, 綠茶雪糕味道濃郁, 配搭旁邊既cream, 甜甜地兩者配合一流. 底層暖暖既窩夫, 夠鬆軟好香蛋味, 質感唔會太鬆散, 但如果大份D會更好.另有一碗紅豆, 紅豆好綿, 好軟腍, 唔太甜, 味道不錯.